麵屋武蔵 武骨相傳 (朗豪坊)

营业中

休息中

最近麵屋武藏係朗豪坊開咗分店，位置方便易搵，收工即刻過嚟試吓😋🌟黑相傳叉燒沾汁麵$85黑蒜豬骨湯底勁濃郁，叉燒有手掌咁大，份量十足，食落冧滑唔嚡，麵質煙韌Q彈，麵身有坑紋更索汁😋🌟赤相傳二刀沾汁麵 $88朋友嘅赤湯睇落都好吸引，佢形容辛辣得來好開胃，仲有一塊好靚嘅五肉腩好鬆化，入曬味，好滿足😋🌟黑鳥$45炸雞賣相唔吸引🤣 但勝在有內涵😎 外脆內軟，肉質鮮嫩多汁，點埋黑芝麻醬好特別👍🌟五輪燒餅$58一分為四，每一件都大大件，餡料有廣島蠔同椰菜，蠔味突出，椰菜脆卜卜，加埋木魚絲點綴，完美配搭🫶🏻🌟梅子青檸梳打$28唔好甜嘅朋友飲呢杯就啱晒，清新得來有梅子香，味道一流👍🌟巨峰梳打$28山梨縣出產嘅巨峰提，質素當然有保證👍

今日喺朗豪坊想食得快少少嚟咗食麵發現佢都有好多款沾麵於是就覺得值得一試啦餐牌上面都有好多選擇環境方面咁啱有卡位坐得闊落舒服叉燒黑蒜沾麵上菜嘅時候個擺盤都幾靚又有溫泉蛋香蔥同埋荀撈麵食一流舊叉燒相當大嚿兼且好厚😂個湯方面個黑蒜油都真係好濃郁非常之濃味🉐👍🏼另外朋友就叫左叉燒拼豬腩肉 試咗豬骨湯豬骨湯顯然係比較清淡啲冇左黑蒜油嗰種油膩感如果鍾意清淡啲嘅朋友可以揀返豬骨湯啦豬腩肉真係好正，肥瘦適中另外我哋嗌咗個餃子食好開心嘅餃子超多重兼且新鮮滾熱辣相當滿足至於個燒餅個人就覺得一般般感覺就有啲似食緊小丸子食完咁濃味嘅沾麵梗係要飲黑果汁同烏龍茶嚟補充水份🤪整體價錢適中味道都唔錯位置非常方便推介大家去食🫶🏼

朋友係拉麵控黎🍜同佢行完朗豪坊，眼見唔洗排隊，就入左黎食☺️依間拉麵店湯底主要分為白、赤、黑，除左拉麵之外，仲有沾麵🥰.🍜牛肝菌雞白湯拉麵 $98依個雞白湯係用左8個鐘慢煮而形成☺️所以個湯超清同好濃😍成碗湯都係骨膠原，教我點樣唔愛佢🤣依間拉麵店既特色係用左自家製既坑紋麵😍好掛汁，同埋個麵好有彈性👍🏽.🍜二刀流拉麵 $85今次湯底簡左白汁（香濃豚骨湯），日式叉燒半肥瘦適中，值得一讚既係豚角，脂肪同瘦肉既比例好好，如果可以大舊啲更好🤣.🔆五輪燒餅 $58依個好有大板燒既感覺☺️入面放左大量既蠔同埋椰菜，整體黎講好唔錯，粉漿又唔厚👍🏽.🔆黑鳥 $45炸雞配上他他醬，個醬好特別🤨帶上沙沙既口感😍感覺好特別

看到這間餐廳的人流就知道受歡迎，作為拉麵愛好者的我就一個人隻身進去了坐落室內的朗豪坊廣場4樓，這家餐廳全場爆滿，排隊人數眾多，幸好我只有一個人， 不然都不知道要等多久呢侍應的服務態度很好，有求必應前菜黑南蠻炸雞$45加入黑色的沙律醬的炸雞，入口剛剛好， 皮脆肉嫩不會太過硬， 加上沙律醬汁非常creamy，真的好吃二刀流沾麵$88 黑蒜油所謂的二刀流其實就是用上叉燒跟豚角煮的沾麵，這裏的叉燒非常厚切，雖然比較瘦削但入口軟稔不會韌豚角煮基本上就是五花腩的慢煮版本，入口即溶非常好吃沾麵麵質相當彈牙，麵條中間的一條坑令她十分掛湯，加上味道相當濃郁的黑蒜油，配搭認真不錯呢蘋果焙茶帶淡淡的蘋果香，不會太甜很易入口，焙茶跟蘋果的味道平衡，不會過於滯膩

旺角呢一間麵屋武藏我一早想嚟😆 舊年年尾啱啱開，主打三種色沾麵🍜 食過佢其他分店D出品都唔錯，以前旺角Moko就最鍾意食黑武骨餐廳係中庭，好易搵到，安排咗坐卡位，舒服好多👍🏻見到有本店限定嘅牛肝菌雞白湯，梗係唔會放過喇😋叫沾麵就可以試吓佢啲湯最濃係點。另外又係叫咗碗日本牡蠣拉麵，睇圖有三隻大蠔，好吸引🦪牛肝菌雞白湯沾麵果然冇令我失望。雞湯又濃又杰，啖啖都係雞嘅精華😋配埋D坑紋麵特別好味。日本牡蠣拉麵隻隻蠔又大又飽滿，湯底蠔味十足。之後仲叫咗兩杯飲品同小食，真係食到好滿足👏🏼👏🏼👏🏼➡️ menyamusashi_hk ⬅

經過朗豪坊，想搵間坐得舒服啲嘅食個下午茶。就揀咗呢間，以前食過好多次，都覺得幾好食，今日見佢出咗個新嘢諗住試吓，話係新鮮蠔湯底，百幾蚊有個小食加嘢飲都幾抵。睇個賣相都唔錯，點知一飲個湯勁大浸腥味…完全唔好食，雞塊又硬左d..喺得杯嘢飲吾錯🫠

上星期約了好友到朗豪坊晚飯，選擇了位於4A樓層的麵屋拉麵店，晚餐時段很旺場，要排隊等位。餐廳主打沾麵及拉麵，我們兩人分別點了黑相傳叉燒沾汁麵及白相傳二刀沾汁麵，再加小食胡麻菠菜，田之最強沙律，再來兩杯特飲梅子青檸梳打及蕃茄梳打。沾麵有3款湯底可選，香濃豚骨、辛味豚骨及黑蒜豚骨，香濃豚骨及黑蒜香濃好味各有特色，特色粗身坑紋麵有咬口，掛湯特別多。自家製燒豚原來是用上歐洲梅花豚肉，以秘製燒汁醃72小時，現場燒製3小時，肉質鮮嫩多汁好味。胡麻菠菜份量多，非常香胡椒麻醬味，涼拌美味，另一款沙律用料豐富，有溫泉蛋、牛油果、粟米、番茄仔、生菜等，有營健康。兩杯特飲透心涼，蕃茄梳打更加有驚喜，感覺清新好味。餐廳座位舒適，服務員態度也很好。期待下次食湯麵。

老友想食拉麵，於是搵左間位於旺角朗豪坊4樓的#武藏麵屋， 看完餐牌大家都不約而同說要叫沾麵，我本身喜歡食拌麵，而佢則被相片吸引左🤣😘。呢度嘅沾麵正宗又超正，沾麵與拉麵🍜唔同嘅地方，是沾麵湯汁是超濃縮，跟拉麵分開上。我點了二刀流沾麵（黑蒜豚骨湯），有豚肉加叉燒，豚肉厚厚的一件，肥瘦夾雜醃製得入味，唔錯啊，而叉燒很大的一片，食落好滑又有韌性，咬落有油脂香，麵條比較粗身，配上超濃厚醬汁，麵條很索汁，咬落彈牙又有嚼勁。老友叫個碗是相傳叉燒沾汁麵（香濃豚骨湯），佢個醬汁都好香濃，叉燒更加厚同大片一點，糖心蛋很流心，見佢都食到津津有味😘。小食點了夢幻之唐揚魚，炸得非常香脆，成條魚可以原條食，點埋秘制醬汁，更加鮮味😘。田之最強有半個牛油果🥑、溫泉蛋、新鮮沙律🥗菜，加埋有點芝士，好味又健康。點了巨蜂梳打跟梅子青檸梳打，非常之正，微甜得來又很清爽👍。

事關我自己都好鍾意食拉麵🍜今次同朋友放左工之後一齊去MK行下然後就遇到呢間專食沾麵🥹位置都幾方便而且咁啱有位就試下啦❤️入面位置唔算好多而且繁忙時間都多人座位有分有Bar檯同埋卡位～不過嗰日好多野就想坐卡位值得一讚係佢地服務都好好～肯遷就我要求٩(´ε｀ ٩و～～～～～～～～～～～～～～～～～～～～♪ 黑鳥 $45 (9/10) *推薦！先上前菜～原來黑鳥就係炸雞配黑他他醬黑他他醬真係比較特別少見～吸睛！炸雞幾多塊之餘食落都唔會過份油膩而且黑他他醬同炸雞都幾Match♪ 相傳煎餃 $38 (8/10) 煎餃有五大舊而且煎得都OK既～食落係普通拉麵店食到的豬肉餃子🥟♪ 牛雜菌雞白湯拉麵 $98 (8.5/10)重點拉麵登場喇ε-(´∀｀; )一上黎已經feel到非常濃郁美味～因為湯底係經過八小時的煲製鮮熬而成食落麵條都彈牙爽口配埋牛肝菌好正！♪ 黑相傳叉燒沾拉麵 $88 (9/10) *推薦！黎到呢度點可以唔試下最具特色嘅沾麵？呢個完全冇令到我失望😚黑蒜豚骨湯非常強烈的Garlic味道再加上大塊叉燒同埋彈牙麵條完全係冇得彈！♪ 梅子青檸蘇打 $28 (8.5/10)梅子酸酸甜甜配合青檸檬成

麵屋武藏其下有多個不同品牌，武骨、虎洞、神山、二天⋯ 每個品牌各有唔同特色。麵屋武藏，係傳承的三色沾麵，白、赤、黑。但湯頭就有所不同分別係濃豚骨、辛味豚骨、黑蒜豚骨。今次嚟到上年年尾開嘅朗豪坊新店，係食佢地嘅分店限定牛肝菌雞白湯，同埋期間限定嘅日本牡蠣拉麵。牛肝菌雞白湯有沾麵、湯麵同泡飯，我就當然試返佢地主打嘅沾麵。麵底用上佢哋特有嘅坑紋麵(之前係神山已經試過)，特別掛汁，熬煮8小時的湯底雞味濃而且質地好重膠質。配料有荀、慢煮雞肉配牛肝菌醬、雞樅菌。之後試埋日本牡蠣拉麵，三大隻日本蠔配料，比訪間主打蠔拉麵專門店更豪爽。蠔湯偏清，適合入門級嘅朋友。麵底只係普通麵條，我都係鍾意粗麵多啲。另外仲叫咗兩款小食，夢幻唐揚魚及五輪燒餅。日本直送嘅小鯖魚炸到咸咸香香，餸下青檸梅子梳打都幾爽。五輪燒餅就係日本蠔仔大阪燒，可以解一下食完拉麵嘅重油脂感。

˜”*°•.˜”*°• 麵屋武藏武骨相傳 Menya Musashi Bukotsu •°*”˜.•°*”˜話說我本身係對拉麵同沾面都麻麻因為覺得好飽又好膩🥹但最近發現到一間我覺得令我有衝擊同我都覺得好好食嘅沾麵🤤麵屋武藏武骨相傳 Menya Musashi Bukotsu 佢係位於朗豪坊既, 好方便💁🏻‍♀️ 而且🧑🏻‍🍳店員都非常有禮同親切💕感覺食得好舒適同開心❤️ 我仲靜靜咁觀察到佢哋有教一D新員工點樣斟酒會令到飲品更加好飲☺️ 好專業💕👧🏻赤相傳二刀沾汁面🍜💵 HK$88呢個赤相傳二刀係有叉燒同豚肉佢哋所有嘅沾麵都有三款湯底可以選擇🤎 香濃豚骨 (白湯)🤎 辛味豚骨 (紅湯)🤎 黑蒜豚骨 (黑湯)呢款我地擇左紅湯🤤 佢嘅辛味吾算好辣, 微微辣辣地, 食到有好香濃既花生🥜味, 而且湯底好濃郁但又唔會太油👍🏻沾面方面我覺得好特別⭐️仔細啲望佢係有坑紋,係佢地自家特製坑紋麵, 可以好好咁樣索晒啲汁而我最欣賞就係佢個叉燒❗️真係好厚肉💕食落去嘅口感係啖啖肉得黎又吾會好重油脂佢地既叉燒係用自家製嘅醬汁醃製咗72小時會每日現場即時用260度烤三個鐘我係Bar枱望住師傅切叉燒真係賞心悅目😍舊叉燒勁靚💕

去唔到日本，就試下呢間東京沾麵過江龍，連個名都氣勢過人！今次試左2款沾麵、小食同飲品。‖ 牛肝菌雞白湯沾汁麵 ‖ $98「雞白湯」以雞肋燉煮而成，大火慢煮8小時， 所以湯底超濃郁，再配合牛肝菌，成個湯充滿骨膠原，非常養顏！最重要係配上自家製坑紋麵，有咬口之餘，仲超級掛湯，每一啖都食到濃濃嘅雞白湯精華！！‖ 二刀流沾汁麵 ‖ $88有3款湯揀：白（香濃豚骨湯）、赤（辛味豚骨湯）、黑（黑蒜豚骨湯）。我就揀左黑，黑蒜味幾出，鍾意食肉嘅朋友不妨叫呢個二刀流沾汁麵，入有豚角x叉燒，仲要厚切同好大嚿。豚角油脂同肉分布幾平均一層層，而叉燒就無乜油脂比較瘦，不過唔會韌，炆得好軟淋。‖ 夢幻之唐揚魚 ‖ $45外型有啲似多春魚，不過呢隻魚就無春，炸得鹹香酥脆，再配上酸酸甜甜嘅柚子+ wasabi醬汁，食完一條接一條。‖ 五輪燒餅 ‖ $58味道同醬汁都似大阪燒，入面有廣島蠔同蔬菜，不過就唔係好食到有蠔，但整體都幾好味、唔會好粉。‖ 梅子青檸梳打 ‖ $28有原粒梅係入面，酸酸地，味道幾fresh，幾解渴，好啱夏天飲🍹‖ 巨峰梳打 ‖ $28係支裝日本山梨縣嘅巨峰梳打呀～🍇 幾夠氣，飲完即刻gur晒😆@m

平時都好少見用雞白湯嚟做沾面🐔而且仲加埋牛肝菌 真係好正✨湯底非常之濃郁 仲好香嘅菇菌味🍄雞肉都相當之嫩滑💕最特別係佢哋嘅自家製拉麵🍜口感好煙韌 仲有坑紋 超掛湯 仲可以沾到更多湯底🥰

近近地去旺角朗豪坊都有間高質嘅沾麵店！舖位幾易搵 係pizza maru隔離就係麵屋武藏🎎全黑風格 唔少卡位同bar枱位 今次試佢嘅沾汁麵真係一改我對沾汁麵嘅觀感👍。。。🦔👉白相傳叉燒沾汁麵 $85 (香濃豚骨湯)好鍾意佢嘅首創嘅坑紋麵 試得出咩叫醇厚 麵條粗身且煙韌 掛汁力唔差 豚骨湯底質感濃稠 但又濃而不膩 個人偏好佢嘅叉燒 佢嘅自家製燒汁會回味到香港叉燒嗰種蜜汁味😆同埋非常厚肉又少油脂層 啖啖肉 選用咗梅花豚肉又幾嫩👍 。。。🦔👉黑相傳二刀流沾汁麵 $88原來呢個「二刀流」就係由宮本武蔵san創立嘅！緊扣於店名🤭同前者最唔同就係呢款多咗件好似東坡肉嘅豚角 想試另外嘅肉質可try try🤪湯底當然要試黑蒜油呢啲重口味野kekee 終於比我試番個濃郁嘅黑蒜沾汁 而唔係黑蒜味精湯底了。。。🦔👉五輪燒餅 $58唔好睇佢嗰名咁簡單🤩絕對係underestimated嘅一道小食！煎得口感剛好 外表微脆 內裡餡料好豐富 唔會成口粉 除咗蔬菜仲有口感不賴嘅海鮮 內餡絕對襯得上佢靚靚嘅唧醬面👍。。。🦔👉夢幻之唐揚魚 $45脆炸外表底下其實同多春魚差唔多🥴吱埋檸檬汁感覺都fresh啲。。。🦔👉蘋果焙

無論食沾麵定係湯麵我都鍾意啲比較濃郁嘅湯底 呢間位於朗豪坊嘅麵屋武藏 武骨相傳就啱曬我口味餐廳環境闊落 兩個人都可以坐四人卡位 非常舒服店員有禮貌service好好白相傳二刀沾汁麵 $88有三款湯底選擇 揀咗香濃豚骨湯 湯底非常濃稠 麵底係呢度嘅特色坑紋面 粗麵咬落好彈牙 而且有坑紋好掛湯 配料方面有豚角煮 叉燒 半熟玉子 同埋筍片豚角煮煮得好軟腍肥瘦適中 叉燒食落有少少港式叉燒嘅感覺 外圍燒到有焦香味 而且大大塊好厚肉牛肝菌雞白湯沾汁麵 $98雞白湯都好有驚喜 奶白色嘅湯底好吸引 慢煮雞胸肉都非常嫩滑一啲都唔鞋 湯底香濃得嚟唔會膩 狼牙手羽 $48雞翼非常之大份 上枱嗰陣熱辣辣 仲有沙律伴碟好精緻 外層嘅薯片同炸醬唔會太厚 可想而知個雞翼有幾厚肉啦 佢仲要係單骨雞翼方便進食 咬落去外皮好香脆 熱辣辣嘅肉汁爆出嚟好juicy夢幻之唐揚魚 $45唐揚魚炸得唔油膩 幾大條佢個醬汁有少少胡椒味幾match巨峰梳打 $28巨峰提子味好香濃梅子青檸梳打 $28青檸梳打好清新