麵道 (已結業)

今個星期要係荃灣做野，所以試左這間新商場內的拉麵，一個人唔使等位。這家拉麵在荃灣好像小有名氣，我見都好多好評，應該唔錯。見到佢地有個毛蟹湯拉麵好似好勁，但始終怕伏😅於是都係點左最穩陣嘅醬油豬骨拉麵。叫左特盛，有流心蛋同四塊叉燒。先試個湯，湯底非常濃厚，杰杰地身仲有d豬膏浮面，重口味者應該大愛，幸好湯底飲落又無乜油膩感，又不會太鹹，但有很香豬骨味，可惜不太嚐到醬油味⋯叉燒size較細，味道不錯但明顯唔夠淋⋯流心蛋就很出色，一咬蛋漿流出，亦嚐到淡淡醬油味其餘配料就只有蔥同木耳，略嫌不足⋯麵身就無乜特別，普普通通咁囉，總括黎講，碗麵質素都算合格，不過價錢稍貴。另外叫左個芝士天婦羅無骨雞翼，算係有特色的小食，有拉芝效果，但味道只算不過不失，勝在唔使啃骨。

究極毛蟹皇拉麵＠麵道- 落單紙上，此品納入「毛蟹濃湯」分類，故以為是毛蟹濃湯，豈料是濃稠豬骨湯，毫無蟹味- 紫洋蔥及青蔥清新爽脆，但無助平衡黏膩感，加了大量醋方能喝下去- 混合成半球狀的蟹肉蟹膏鮮味甘香- 麵彈牙掛湯- 厚切豚肉叉燒帶炭香，但很嚡- 溏心蛋的中心是液體，更像溫泉蛋

麵道經常排長龍，今天冬至唔食中餐！一於改食日本麵道。試一試新出的究極毛蟹皇拉麵！不錯👍不太肥膩 😋可以選擇小油👍小食也有水準！即做！新鮮😀職員也十分有禮😍我也會再來試試其他款式。

當日衝住伊勢海老豚骨湯而來，點知晏就四點鐘醬油豚骨同伊勢海老豚骨湯已經沽清，只剩雞白湯可供選擇。早前係旺角某拉麵鋪試過雞湯，湯底淡而無味，從此令我對雞湯蒙上陰影。一場黎到，我又唔甘心空肚而回，就儘管俾次機會啦🙋🏼濃厚雞白湯 $72店舖環境舒適，拉麵賣相不俗，湯底較杰身，味道濃郁，好香濃既雞味。麵條幼身，掛湯力高。雞叉燒經炙燒過，大大件但味道普通。建議揀返少油會更好食🤗整體唔錯～為左試海老豚骨湯，隔日又黎左呢度食野！-伊勢海老豚骨湯 $82上枱既時侯一陣香氣撲面而來，聽講湯底係用上波士頓龍蝦蝦頭，蝦膏同蝦殻熬制而成，難怪蝦味濃郁，香氣逼人。湯底比雞湯更杰身但冇咁多油，我一向唔係蝦湯既愛好者，覺得味道普通，有少許失望，我諗下次都係食返雞白湯好啲🙈🙈

一個人可以食啲乜?都係想食好西!响荃灣區其實好多好嘢食，唔一定去啲好出名嘅地方先得嘅!好似呢間拉麵店咁，成日排長龍，今次就做隻真早鳥，晨早六點就去食晚餐，果然早起的鳥兒有嘢食，我終於食到每日限量嘅毛蟹王拉麵呀～一直都好想試呢碗毛蟹皇拉麵，每日限量，晏咗嚟就無㗎啦～真身睇落一啲都唔失望，因為佢堆毛蟹黃多份量係成個兵乓波咁大呀～湯底超濃郁，蟹味鮮甜，平時做慣主角嘅叉燒，今次都要退位讓賢加多隻超流心蛋，已經飽到唔識講嘢因為加少少錢就換到唐揚雞翼，well~我承認係有啲貪心，但佢真係皮脆肉嫩、惹人憐愛嘛仲有特色汽水跟埋，無理由唔叫啫~

上次在麵道石門分店吃過海老豚骨湯拉麵及無骨雞翼，師傅專注服務亦好，湯底 做得好但是正正得負，海老味及豚骨味混埋變得味感複雜，雞翼脆口但似豪大大雞排，有點可惜。今次路經荃灣，捨棄台風及豚道樂，以及新開的麵屋丸京，專程走去麵道一嚐朋友推介的雞白湯。荃灣千色的麵道及隔鄰涮涮鍋店牛摩屬同一集團，名叫環球飲食集團公司，北海道牧場餐廳是另一個品牌，講得白一點就是以前的Misocool，以前是屬於英皇集團，但是財政問題自英皇接手亦無改善，急急賣盤，Misocool全線結業，以另一種經營手法再生。荃灣的總店比石門分店起瑪大一倍，而且有六至八人排隊等候入座，座位寬敞，由於我只是獨個兒來，很快就可以入座坐吧枱座位。廚房內有三名年青廚工用心製作食品，之後一名較資深的大叔走入廚房，大聲督促三名廚工如何處理食材，大叔是本地人，對於大叔這種嚴控拉麵製作的做法我是加了很多的印象分，不過之後大叔和廚工喋喋不休在閒聊，我又扣了點兒分數。加上一有客人進入麵店，廚工分心向客人講太日語的招呼語:易一三一四，我也感到你們在做什麽。我點選了雞叉燒味玉雞白湯拉麵及芝士餃子，一百元左右消費還可以。芝士餃子製作比拉麵稍耐，四隻餃子每

Absolutely delicious Ramen place, strongly recommend this place for Ramen lovers.Ordered a chicken ramen. The chicken was grilled perfectly and it’s juicy.Served with seaweed, green onions, and a whole marinated egg.You select the ramen yourself on their checkbox sheet, so you get to choose how you want your ramen.I selected medium hard & it was just right. I would definitely come again!! Overall rating: 5/5

呢間拉麵，一早聽朋友力推，我已經好想試！上次3點幾黎到諗住食，點知佢地新增左落場時間，所以無緣，今晚係荃灣做完野，就點都要去食！枱上有落單紙，自己劃好，交俾店員落單就可以啦！枱上有前菜，平時拉麵店見係芽菜之類，呢度係青瓜，我唔食青瓜的，所以我就無試過啦！聽朋友講，佢地有新野，所以我就叫呢個新野試下。呢個”究極毛蟹皇拉麵”係數量限定，落單前，我都怕已經賣完😣，好彩佢地話我知，我係最後一碗😍，真係lucky🤗！先試下個湯，好濃，係超濃蟹肉味，我揀左少油，所以無乜油！碗中橙黃色個球，似係蟹膏，旁邊白色個啲係蟹肉。拉麵中，呢度好特別有洋蔥粒，味道完全無違和感！仲有最愛係拉麵內有溏心蛋，呢樣係我自己食拉麵都必加既野，而呢碗已經包左一粒，好正！食左大半碗，我竟然食唔哂🙈，可能係個湯底有啲滯，下次我想試其他拉麵同啲小食！

難得一日嘅假期想食啲精啲嘅野同時又想食拉麵 就落去荃灣千色店嘅麵道一試睇下佢究竟值唔值咁多人排隊入去食去到都成3:00冇人排又冇乜人食好易搵到位睇下menu見到佢個menu係跟湯底黎分咁我就叫左個雞叉燒雞白湯拉麵仲有得揀湯底濃度同麵質咁我兩樣都揀左正常碗麵黎到之後即刻試左一淡湯 算幾濃雞味而且麵都幾幼叉燒有燒過雞都幾嫩其實淨係一碗麵要成70幾蚊 值唔值就見仁見智喇我認為食一次都可以 食多幾次就會悶架喇總括黎講都算值得一試嘅

餐牌上有自選口味，我選了走蔥，硬麵和濃味湯底。賣相相當不錯，一開始先吃溏心蛋，味道質感不錯。美足不足之處，是湯底太稠，令咀一路吃一路漿着，感覺不太好。湯底影響了整碗麵。

星期五晚上去已經排緊隊，見到openrice好評都唔少，所以係有d期望，不過食完係有d失望，無想像中咁好食😗不過服務幾好，二個人又唔會催您計時（儘管多人排）又比兩人坐四人枱，舒服d！-特盛叉燒醬油豬骨湯拉麵先講麵質，係幼身既拉麵，都彈牙！湯底濃郁，係濃到有d杰個隻，依個就真係睇個人口味喇，因為咁食食下都幾滯，特盛叉燒有4塊，味道一般，不過足料！不過溏心蛋做得幾好食，雖然入面小小凍，但夠流心。相比之下覺得一風堂既湯同麵都好食過依到🙈-毛蟹湯叉燒拉麵湯底都係杰杰地既，朋友話食到好重蟹味，GM由一開始食到食食下已經覺得無乜haha 但個味道係ok既。入面得二啖蟹肉，叉燒又得一塊，個價錢真係食個湯架咋🙈麵係粗d GM覺得好似百佳買個d拉麵咁😂🤣比較鐘意幼身既。-炸蒜天婦羅無骨雞翼依到反而小食幾好味，依個係雞全翼黎架！無骨既雞翼好似已經加分，滿滿既炸蒜，好有大排檔椒鹽鮮尤風味，好食！-芝士餃子上枱淨見到d芝士，原來佢係面頭溶左d芝士，唔係個餡有芝士，不過多到拉絲既芝士岩晒GM，餃子都好食，但芝士配日式餃子夾唔夾係睇人🤣我覺得唔錯，但朋友話唔夾啵！

在荃灣區用膳通常已變得比較沒有目的去覓食，因為不是太遠不方便，便是覺得吃過覺得沒那麼值得再去。今次辦完正事後都過了午飯時間，本打算打道回府，可是月巴說起千色匯裝修了一段時間，也新增了不少食店，結果便走到那邊去了。本打算吃火鍋，可是月巴對旁邊的拉麵店更甚興趣，所以便到那邊排隊去；雖然是有小人龍，但客人流動率還算快，所以也不是等了很久便可入座。這家拉麵店的款式還算多，至少湯底已有三種，加上每種湯底有三款拉麵，所以需要一點時間選擇，最後我點了最普通的叉燒醬油豚骨湯拉麵($72)，要適中麵質中味湯底。雖然今次坐在廚房前的吧台位置，可是廚房做得較高身，要有長頸鹿般高才可看到廚師煮食……不過餐牌也很豐富可以看著邊等，餐廳除了拉麵也有不少小食和飲品，要是晚上來一杯的話也有點居酒屋feel呢！拉麵最重要的就是湯底，中味的湯底有豬骨味但不會太咸，可飲數口；非特盛的話叉燒份量是兩塊，叉燒肉肥瘦均半頗入味，而且有少許火燒過的痕跡，中規中距；而幼細的麵質配適中硬道是最好不過，太淋的話會容易發脹，太硬的話又不能吸引湯的精華；至於配菜的份量也蠻多的，再自己加上芝麻和蒜蓉更能提升整碗味道！

荃灣多野食就係人都知，一方面超多選擇，但另一方面就周圍都要排餐死😫 而呢間拉麵店係真心晚晚都排哂長龍，所以經過好多次都提唔起勁去試。麵道全店只有3種湯底，每種每日限三百碗。當中「伊勢海老豚骨湯底」係一早就會賣哂，我尋日去都試唔到😢 所以我就試左「醬油豚骨湯底」：淨睇賣相都夠哂吸引，而碗麵食落都真係好高質！湯底超級濃味，而塊叉燒都整得好好。一碗$88，性價比都幾高，抵佢咁多人排😂仲有個有趣既地方係，無論幾多人排都好，麵道都堅持唔比人搭枱，真係超級有原則😀

we were out for a dinner at night, we just didn t know what to eat, so picked one and got in.. if comparing to Yi Lan noodles, that one would be better. you can pick how soft u want feom the menu...

今日星期六晚飯諗住試下麵道個拉面,9:10去到門口,侍應竟然話所有野賣唒,我望一望營業時間去到10:30,早個半鐘已經話賣唒所有食物,生意係咪真係好到咁?我真係想問下佢老細