麵麵店 (已結業)

今次啲牛膀勁厚囉咩事😱佢一塊應該有平時既三塊今日個師傅應該冇戴眼鏡 驚切親手指😂酸齋好淋好油 下次都係唔食啦 冇quota🙄湯底就都係勁辣汁最好味🤗價錢:$38

聽了很久麵麵店麻辣蓮藕超好味，今日終於來會一會了。點了4送加麵。份量大亦很足料。麻辣蓮藕很爽，少許油膩，但很夠味，已夠辣。九菜餃沒有肥肉，皮也薄，很不錯。唯蘿蔔有渣。可以再來

以前成日都會幫襯，可算是熟客仔咁喇~一向都覺得幾好食，朋友未試過，特登約朋友去試吓小儀的店~點知......中伏!嚟到麵店當然要食麵~以下就係可以選擇既item同價錢，以車仔麵嚟講價錢算中上吧!出名既菜甫同辣汁都係任加!我額外買咗樽菜甫拎走，$50一般調味醬的size吧!有點貴，但佢炒飯，湯麵都啱落，可算是百搭的!先嚟咗杯凍豆漿，一飲就知係溝出嚟~無豆味~其實比較想飲紫貝天葵，但賣哂~無法喇~自己唔好彩吧!朋友叫了這幾個餸，據他描述:魚皮:唔夠脆同香口腐皮:正常魚皮餃:正常魚片頭:有咬口，但不太厚，亦不是一般的三角形狀呢碗係我既~雞翼:夠入味，但肉質鬆散酸齋:味道不錯，但中心少少硬木耳:正常沙葛餃:餃內既餡一patpat，完全唔知自己食緊咩我地都點了沙嗲湯底，咸到呢......食咗幾啖，忍唔住叫侍應比碗清湯我地溝淡佢，真係又咸又多味精，食完之後勁想灌水!呢間我諗真係無下次!

今日晏食飯 食到下午茶餐✌🏻車仔麵任選三餸 配豆漿or山渣冰 $38我想食沙葛餃但冇哂😢結果餸揀左:墨魚卷 牛腩 咖哩魷魚🍲湯底:勁辣汁 🍸飲品:山渣冰------------------------------🐙墨魚卷有墨魚丸既口感 但食落係洋蔥味 麻麻🐮牛腩好韌😅🦑咖哩魷魚入味又爽脆 平時食要$12得四條仔好貴有下午茶餐就可以叫😛🌶勁辣汁湯底佢係有啲啲啲啲辣味既沙嗲囉 唔錯既👍🏻🍹山渣冰又幾好飲喎😮山渣味好濃 唔會覺得溝淡哂冇咁甜會更好 好飲😋------------------------------下次會試韮菜餃 見人地食勁大粒有正常餃既兩倍😶

餸我揀左牛膀同貢丸牛膀有三大片 反貢丸得兩粒有啲奇怪🙄牛膀入味 夠粉 唔會漿住個口 幾好食貢丸普通 冇特別湯我揀左薑酒湯 有啲失望得啲好微弱既薑酒味 溝左勁多水😐要落辣菜甫同辣醬先吊到啲味岀黎😷------------------------------辣菜甫同辣醬雖然用油浸 好肥但真係幾好食 好香好惹味😋下次試下勁辣汁先😋

之前見到雜誌有推介過，本人極愛食車仔麵，今日就過去試試。下午茶 3餸麵加豆漿/紫貝天葵 （$38）我記叫左個魚肉春卷 （係幾香）咖哩魷魚 （無味）麻辣蓮藕 (蓮藕係幾爽口，麻辣係好食）酒薑湯 （食吾出係咩味）米線 （好淋）紫貝天葵 （好飲，甜度適中）同碗麵既份糧都唔算多，女仔食可能仲會夠既之後吾夠飽，就叫多個店員推薦既蒜蓉蝦多士（$36）個性賣相無幾特別既，用左黑色法包面層係蝦膠鋪面，包底可能搽左蒜油/牛油，再拎去焗即口即焗係幾香口，但成36蚊先得2件，個人覺得真係貴左少少。所以，食一次，試過就算了。

其實經常都會幫襯麵麵店, 因為以車仔麵黎講, 麵麵店真係有質素, 而且有我好鐘意飲嘅山渣冰同紫貝天葵我最鐘意食佢嘅餃子, 皮薄料多, 仲有比較少見嘅沙葛餃同辣菜脯提供。另外佢有薑酒湯底揀, 夠特別。所以我都經常介紹身邊嘅朋友去試, 今日又帶咗朋友黎試, 朋友都好滿意。 今次叫咗一份車仔麵, 豬雜撈麵, 蝦多士同煎釀三寶。依間店唯一唔好嘅就係有啲餸好快會賣晒, 本身想食河粉不過賣晒, 所以就叫咗米線, 餸方面就揀咗墨魚卷同埋我每次都會叫嘅麻辣蓮藕, 魚肉春卷,沙葛餃。湯就當然有揀薑酒湯底, 再加勁辣汁。(不過提醒大家勁辣汁真係勁辣, 如果唔食得辣真係唔好加或者落單個時叫佢加少少算)四餸車仔麵 墨魚卷中規中矩, 麻辣蓮藕必食辣辣地又爽口, 睇得出餐廳有嚴選過。魚肉春卷都係車仔麵比較少見, 都好好味。沙葛餃真係誠意之作  皮薄, 入面有好多沙葛而且加咗少少菇吊味。湯底就真係非常少見，而且食完都無乜口渴嘅感覺，應該真係無乜味精，極度推介。豬雜撈麵 - 豬雜好新鮮, 無腥味, 而且味道啱啱好, 唔會太咸, 本人就會加少少辣菜脯撈埋食, 好好味蝦多士 - 又係我每次都會叫嘅, 首先包就加咗啲牛油烤

湯選(勁辣汁)真係好辣，但湯不夠熱.白蘿蔔《清甜》，魚肉春卷(算大條，魚肉唔腥，彈牙)，大腸(好軟身，入味)，牛膀(原汁原味)選粗麵(口感剛好，不會過淋身)另一碗湯選(薑酒湯)好重薑味沙葛餃(第一次見，車仔麵有沙葛餃，餡料滿滿沙葛粒，好爽口，味道清新)墨魚卷(墨魚肉好滑，但欠墨魚的鲜味)麻辣蓮藕(好正!好麻辣，愛辣人士一定試)酸齋(比預期失望，不似食評話炸到脆身的酸齋，而且無另外上枱(已浸在車仔麵湯上)選粉絲(粉絲吸收了薑酒湯，初食(好重薑味越食越暖笠笠(因為薑酒)，個人覺得有d辣辣菜甫做配菜一流(好爽口，而且夠辣)一匙菜甫配上薑洒湯底(已經好辣)小食方面蒜蓉炸蝦多士黑色的多士好香脆蝦膠金黃色(好靚)好香脆蝦膠足料(滿滿的)，蝦好鲜味車仔麵(麵底，餸，湯底多選擇)愛辣的朋友，湯，餸辣的選擇較多菜心好清甜全單共$166不算太貴(size 大大碗)

想念的麵麵店 ❤以前在附近上班, 經常到訪麵麵店, 轉間已經一年多。星期日到尖沙咀逛街突然想吃車仔麵, 特意在柯士甸站下車。太久沒吃, 忘記了它的沙嗲湯底都已很辣😳 但實在太太太想念辣菜甫, 還是要加一點！鹵水雞翼👍🏻👍🏻鹵水蛋👍🏻 咖哩魚蛋👍🏻 蘿蔔👍🏻 只有牛肺不太滿意, 有點腥米粉比米線好味, 米線太淋, 而且沾不到湯的味道辣菜甫是令人回來的原因, 一定要試一點夾開辣椒避免太辣！總括來說還是非常滿意❤

今日終於有時間將屋企果一大袋舊衫攞去救世軍回收，袋衫重到呢……放低咗袋衫就去永安睇咗陣床上用品，跟住見反正出開嚟，就去佐敦食lunch，因為旺角我已經食到爛，都唔知食乜好，最後去咗麵麵店食車仔麵。食咗碗4餸1麵車仔麵，店內爆場，只能坐bar枱。4餸分別有椰菜，韮菜餃，牛腩，酸齋，牛腩入味，不過有啲韌，酸齋一定要另上，好好食同幾脆（每次食必嗌），韮菜餃第一次食，有驚喜，幾好味，其實韮菜餃係叫錯咗，我以為我隔離果個係食緊韮菜餃，點知原來係墨魚卷！😂配埋杯開胃山渣冰，Perfect！

當日天氣未轉涼，行到身水身汗行入去，但冷氣壞左，不過一場嚟到，照食！員工態度一般，有人見冇冷氣入嚟之後走左，個男職員即大聲講話人麻煩，都嚟到食就食啦，冇冷氣駛唔駛走呀！另外有女職員同其他職員傾傾下計興奮得滯爆粗，店主應該留意下！當日叫左沙嗲汁蘿蔔，豬腸，紫菜，腐皮魚肉卷⋯湯底冇味，得沙嗲個辣味，但又冇沙嗲味，個湯面成陣油，蘿蔔同紫菜正常野，冇調味都唔會差嘅，個腐皮魚肉卷啲人講到好好味，但佢只係一般街都買倒嘅貨色，重點係豬腸，唔夠味，好林，入面又冇洗得好乾淨，偏肥，好難食！見咁多人推介特意走過去食，點知食倒個成$50嘅冇heart拿渣麵，我同老公都話可一不可再！

因為小儀開嘅所以來試下～叫左兩個麵+醉豬耳小食～雞腎大大件好入味，第一次食豬心原來本身冇乜味嘅，諗左好耐試唔試粉葛餃見未見過所以試下，好特別我自己就好鐘意食～醉豬耳好勁酒味👍又夠爽～會再來光顧支持💪

今日得閒過來佐敦接家姐收工(但我太早到了 (ㄒoㄒ) )，見到之前大家話好好食既麵麵店就入來試試順便等家姐。叫左一個辣既車仔撈河粉，可以任選4個餸，我既係紅腸，酸齋，豬紅，魚肉春卷。辣既味道適中，好開胃，個魚肉春卷好好食，紅腸也不會太老，下次仲會繼續來~

話說陪朋友黎佐敦睇醫生，順便係附近晚餐。朋友話之前食過呢到既湯底好特別，所以就黎試下。初初入到黎覺得佢裝潢都幾Lifestyle, 好似一間文青CAFE咁，環境都幾舒服。餐牌有兩張，一張係自選車仔麵，一張一啲飯，撈麵，小食飲品。我地兩個女仔最後叫左一碗車仔麵，一碗豬扒撈麵，一碗魚肉碗仔翅，都真係幾多野。岩岩叫完，姐姐就拎左呢個水壳黎話係醋，個下個覺得呢到既碗碟都幾特別。先黎野飲，呢杯叫紫貝天葵，酸酸地似山渣水幾好飲。魚肉碗仔翅，佢一拎到過黎，我LIU左一下，即刻同FD講佢好足料。因為碗仔翅有好多魚肉，同埋啲「翅」都幾粗下，同埋佢既結真因為料多唔你因為溝左好多粉，加埋菜「蒲」，醋同胡椒，味道係正既。呢碗小麻辣既豬扒撈粗就差D喇，除左麻辣味，本身既醬汁味較淡，令到佢有啲失色。好彩豬扒都幾嫩同埋本身醃得入味，所以加番分。至於車仔麵呢，真係要讚下佢個湯底幾特別，佢個湯底叫薑酒湯，個味有啲似加平時啊媽煲個啲雞湯，同埋冇平時個啲車仔麵湯底咁油。我地叫左墨魚春卷，魚肉春卷，蓮藕，九菜餃子同埋蘿蔔，墨魚春卷，魚肉春卷好彈牙，蓮藕爽口，蘿蔔幾甜，係九菜餃子有點餡少，但整體黎講都唔錯。Overall黎講，

903 DJ 小儀開嘅車仔麵店。必點煎釀三寶炸雲吞頂瓜瓜。雲呑裡面有魚肉。炸得剛剛好。唔油膩。配埋個sauce好match 。炸紅腸。囗感一流。厚薄度好似兩塊疊埋一齊咁。好滿足。