麵麵 (已結業)

魚之戀 HK$72呢款係招牌之一，一碗有齊魚皮餃、魚蛋、魚片頭、魚腐、魚肉春卷同墨魚春卷🤩咩都可以試吓😆食材幾新鮮，特別想講魚蛋好彈牙呀😋至於主角魚麵，真係超級爽口彈牙🤤口感比想像中更好！而雪白嘅湯底都係用魚熬出嚟，有濃濃嘅魚香又唔會有腥味👍🏻飲完都唔會覺得口渴㗎！至於配菜就有柚子蘿蔔、迷你紫薯同麻醬海帶，味道都唔錯！秘制脆烤雞扒 HK$72雞扒比想像中大塊，但唔會太油膩。外表烤得夠曬脆口😋可能烤得有啲過火，雞肉乾咗少少。特選和味五香牛肚 HK$72牛肚同蘿蔔都炆得超腍超入味🤤滲曬香濃嘅腩汁同五香味道。魚麵食得出真材實料，低碳水高蛋白質，啱曬注重健康一族。

呢間 麵麵 係全港首創魚烏冬，即係將魚肉打成膠狀，整成烏冬和麵嘅條狀，所以每啖食到魚味和比普通嘅麵條，彈口好多！❤️流心蛋越南豆腐❤️欣賞佢嘅流心蛋，有少少煙熏味，中間嘅流心會滴出嚟，食嗰陣都要小心啲😆，越南風味就係凍豆腐配上甜辣醬，凍冰冰，作為前菜十分清涼❤️卡邦尼烤雞拌魚烏冬❤️以前食卡邦尼，通常係喺西餐餐廳食，估唔到好似魚蛋咁彈牙嘅麵條，會同呢個汁咁夾，好創新！❤️蝦兵蟹將❤️聽個名咁得意，初初都估唔到係乜嘢嚟😆，原來係拌入左蟹肉嘅蝦餅，用吉列嘅方法去炸，令普通嘅蝦餅更為香脆和鮮味😋❤️魚皮餃子配柚子汁❤️同平時魚皮餃唔同，就係裏面有肉同埋蔬菜，包到平時水餃嘅形狀，皮身比較滑口，沾上酸酸甜甜嘅柚子汁🥰好開胃

🍜今日旺角覓食，食呢間好朋友推介嘅魚烏冬，魚烏冬就係用魚肉整成嘅烏冬，蛋白質比例會較高，低卡路里，啱哂我呢啲注重健康嘅人士🥰今日試哂佢哋兩款招牌～魚烏冬 和 魚麵，兩者嘅分別 就係粗D同幼D，非常非常彈牙，好似食緊條狀嘅魚蛋咁！✨咖喱吉列豬扒拌魚烏冬～欣賞店家嘅細心，下面舖左牛油紙，令吉列豬扒唔會有多餘嘅油，食落乾爽，夠脆。另外喺咖喱汁上面，鋪咗一層充滿空氣感滿滿嘅cream，令魚烏冬食落更加滑溜，過足口癮👍✨炸雞翼花膠濃魚湯魚麵～上面舖滿芝麻嘅炸雞翼，夠熱夠香脆，明顯係啱啱炸❤️花膠濃魚湯魚味夠濃，推介一定要加$10轉魚麵，咁樣先至成為一碗完美嘅湯麵，好味到想食埋個碗🤪今次嚟到係下午茶時間，仲送埋嘢飲添，好抵食！😏原本想嚟呢度幫襯佢個招牌～麵麵圍城，見過相片有九小碟嘅餸，非常吸引！但係要晚餐時段先有，下次一定要再嚟！

🔹Twins 魚之脆卷 濃魚湯魚烏冬💰$72👅🌕🌕🌕🌕🌑8/10麵底有得揀魚烏冬同魚麵，我兩款都試過，個人比較鍾意魚烏冬，因為佢魚肉含量低啲(得50%)，食落冇魚麵咁彈牙，會比較似麵既質地，同埋食得冇咁辛苦😂 (食魚麵嗰陣真係咬到我懷疑人生🤣🤦🏻‍♀️)我最鍾意佢個魚湯底，好香魚味，唔會過鹹/味精味，飲落好舒服，我次次食都會飲哂佢啲湯🥰 至於個魚肉春卷同墨魚春卷就係炸野既正常水平，香口唔油膩，好食😛-#麵麵📍旺角彌敦道726號1樓-🔙回頭指數: 9/10⚖️人均消費: 70-100-🔅而家app有訂座優惠同指定菜式買一送一，有興趣可以望下👀

疫情稍稍好轉我已急不及待出去搵節目🤭去玩之前都係要醫咗個肚先🥢今次再食麵麵係對佢既魚湯念念不忘😝又清又健康當然仲會飲哂啲湯啦😋😋土匪雞鎚濃魚湯魚烏冬 - 雞鎚勁香口, 魚湯好清絕無味精同埋個魚烏冬好彈牙👍🏻野菜本菇安格斯牛肉定食 - 呢個要極力推介, 個湯好有日本feel, 原來本菇根有益, 葡聚醣含量好高對增強免疫力好有效💪🏾蝦兵蟹將 - 蝦餅加上沙律醬同蟹子, 好熱氣但又好吸引🤤做到外脆內軟！配埋水果茶紅茶完美❤️

好得意嘅魚麵專門店仲有魚烏冬揀 ‧*̥(∗︎*⁰͈꒨⁰͈)‧˚不過個麻辣湯底冇乜特別 揀花膠濃魚湯可能會好啲反而係溫泉蛋明太子魚撈烏冬有驚喜 清爽得嚟夠味玫瑰奶茶都唔錯 唔會好假𓏲𓏱𓏭𓏭魚之戀 $72辛辣瀛太子拌魚烏冬 $78斑蘭咖啡 $10泡沫玫瑰奶茶 $13

七十幾蚊叫左個雞槌烏冬話花膠魚湯 不過唔係好有花膠湯膠膠地嘅口感肥妹侍應態度都麻麻 肢體語言告訴你唔好煩佢叫魚烏魚 但黎到其實唔覺同出面魚面有咩分別係杯咖啡正常冇問題七十幾蚊食左空氣落肚就冇下次了

🌶四川麻辣燒牛肉拌魚烏冬 煙韌彈牙麵麵係全港首創魚烏冬餐廳 係旺角店面空間感大 坐得幾舒服😌魚烏冬同魚麵有少少分別魚烏冬魚肉含量有50% 比較粗身口感煙韌魚麵魚肉含量就有70%個人覺得魚烏冬比較彈牙 幾過癮㗎除咗我揀嘅撈烏冬仲有湯烏冬選擇添🌶四川麻辣燒牛肉拌魚烏冬$92食落麻香但辣味bb辣到 唔食辣嘅都食到😂牛肉份量多 肉味都幾濃 撈埋青瓜絲同椰菜絲中和咗麻辣醬嘅重口味 帶點清爽口感🥒🍳辛辣•瀛太子拌魚烏冬$78呢個味道比較清新 似日式冷麵嘅味因為加咗木魚汁同木魚絲嘅關係🌱加埋微微咸辣嘅明太子醬 撈埋隻溫泉蛋食🍳配咗魚皮餃感覺都幾得意🥑Fish Nachos on the boat$58呢個超好味😂係用炸魚皮代替墨西哥脆片加咗勁多芝士🧀蕃茄🍅牛油果醬🥑點嚟食非常惹味 又焗到好熱好脆 推介👍🏻🐟Twins魚之脆卷$38叫得twins就知有2款魚卷😍食落好脆 深色個款係有少少似南記春卷淺色但款就食到墨魚🦑粒粒 幾冇口感📍 麵麵 (旺角)旺角彌敦道726號1樓@noodlenoodle.nn

上網好多人推介旺角的麵麵， 話魚麵好出色，為食的我緊係唔會錯過啦！✡ 照燒鯛魚柳濃魚湯魚烏冬 ～ 燒過的魚柳幾好味。✡魚麵決戰魚烏冬：Twins 鮮竹魚卷 ～ 魚肉春卷 和 墨魚春卷 兩款都夠彈， 但最突出係呢個碗分兩邊， 一邊魚麵另一邊魚烏冬，岩哂有選擇困難症的我😄魚麵比魚烏冬彈牙。✡漁人樂脆 ～ 薯條，番薯條， 魚肉春卷和墨魚春卷配黑松露沙律醬， 熱愛番薯條的我必叫點一點黑松露沙律醬一流😋✡芝士炸雞 ～ 濃濃的芝士醬，用炸雞點下好夾。✡明太子雞翼 ～ 大愛的雞翼釀入明太子夠哂惹味。🍹凍水果紅茶 ～ 好多水果的一杯，紅茶底又唔會過甜，岩我。🍹凍蜂蜜柚子茶 ～ 仔仔喜歡的口味。

小孩最鍾意食烏冬，又鍾意飲魚湯，咁岩響OpenRice見到呢間餐廳竟然將烏冬同魚湯Cross Over，專程帶小孩嚟試一試！果然冇令我失望！炸雞翼花膠濃魚湯魚烏冬：＄48雞翼大大隻總共有三隻，而且非常Juice。魚湯的確味道濃郁，淡淡與香味卻沒有腥味，小孩極之鍾意，連最後一滴都飲埋(見相🤭)主角中的主角係魚烏冬，小孩話好彈口，有烏冬感覺。真係只此一家。麻辣牛肉泡菜伴魚烏冬：＄58下午茶套餐的關係，價錢非常相宜。牛肉同泡菜分量十足，烏冬配有麻醬點綴，更提升魚麵香味。好鍾意！好想飲魚湯嘅我就追加濃魚湯＄20。值得的！流心蛋越南豆腐：＄30豆腐非常新鮮，豆香味濃郁，配上泰式辣醬恰到好處！流心蛋不用多講，小孩二話不說幫我吃光。流心芝士墨魚波：＄48切開墨魚波真的件芝士流出，芝士控不可錯過啦！

吉列咖喱豬扒魚烏冬🥘豬扒炸得好薄脆，唔會太厚，咬落去有肉汁配上咖喱忌廉令魚烏冬好滑，好易入口瀛太子伴魚烏冬有魚皮餃，香蔥同埋紫菜做配料，令到魚烏冬嘅口感好豐富。配上醬汁亦都好夾，將滑蛋撈勻佢，值得一試👻小食拼盤 好適合眼闊肚窄的我哋，每樣小食都有幾件可以試曬咁多款！尤其係鮮炸番薯條！好甜🍟好香口薄荷朱古力咖啡☕️泡沫奶茶☕️飲品方面佢有好多選擇，我哋今次帶咗薄荷朱古力咖啡令我哋好有驚喜😚環境的確好岩傾計 寧靜😚

聽朋友講知道麵麵係一間手工魚麵店，每日新鮮製造， 咁特別一定要試下。 佢有魚麵同魚烏冬，天然不添加防腐劑， 魚湯湯底又濃又鮮甜，有豐富嘅維他命A & D + DHA 同蛋白質，真係非常美味又健康。😍Order咗:安格斯牛肉濃魚湯魚烏冬、明太子雞翼、魚之脆卷配薯條 、熱水果紅茶、凍朱古力、同埋加多一隻溫泉蛋。個魚烏冬魚湯底真係好出色，超級有魚嘅鮮味 ，完全可以提升成碗烏冬嘅層次。另外安格斯牛肉唔使多講都知道係好淋好有牛味，牛肉配烏冬亦都係我喜歡嘅配搭。明太子雞翼就啖啖肉而且雞翼外邊皮脆，完全可以包到入邊雞肉同餡料嘅鮮味。魚之脆卷就好香口好脆，啱曬小朋友嘅味道，襯埋薯條真係冇得輸。溫泉蛋就一貫水準。最想推介嘅係熱水果紅茶，估唔到個茶味都好出，生果嘅fresh亦有，悠悠夏日嘆返杯熱嘅水果茶都會好relax。

這間主打魚麵魚湯的麵麵，價錢合理，環境闊落舒適，所以今次已經是第二次回頭再食了。星期日都有午餐供應，份量大，賣相精緻，更免加一服務費。點了土匪雞鎚濃魚湯魚麵，除了魚麵可選魚烏冬/稻庭烏冬，湯亦可選花膠濃魚湯/魚香麻辣湯的。三隻炸得香脆的土匪雞鎚，粉漿不太厚身，肉質軟淋，但孜然味可以重一點就更好。魚麵用了50%魚肉製造，味道質感就好像魚蛋般，配上濃魚湯，食完沒有口渴的感覺，好味又健康，再沾上他們的自家製辣椒油會增添惹味。他們的自家製辣椒油是可以買走的。另外船長之選的野菜本菇安格斯牛肉定食，可配魚麵/飯，不過就不包括魚湯，而是用了自家製的日式醬汁作湯底，味道甜甜的，配上日本本菇，豆腐，椰菜及安格斯牛肉，感覺很日式及健康。每份套餐都有提供三式小食。(海帶，日式蕃薯, 醃蘿白)跟餐還可以追加小食，我追加了$8 的魚肉春卷，炸得脆脆的。而餐飲我點了泡沫玫瑰奶茶，奶茶中帶點玫瑰香，滑身亦不太甜，好味。

.🔺麵麵早排放假出開旺角 嚟到好受歡迎嘅麵麵🍜呢度出名食魚麵/魚烏冬 比普通食開嘅麵健康小編兩點嚟到都好多人排隊 幾有人氣😯.咖喱吉列豬扒拌魚烏冬🍜魚烏冬係用咗50%魚肉製成🐟口感非常特別 咬落幾彈牙不過魚味唔算突出 俾咖哩汁蓋過左🙊豬扒值得一讚 香脆得黎又唔乾😆野菜本菇安格斯牛肉定食🐮有啲似日式鍋物🥬湯底同魚烏冬都幾夾 食得出魚味~~但係牛肉有啲乾😶.魚皮餃子配柚子汁🐡魚皮餃子個皮好爽口 仲有蟹籽伴碟略嫌柚子汁個味唔夠出😌.人均消費: 100HKD 地址: 旺角彌敦道726號1樓Lam 脷指數：⭐⭐⭐️⭐️⭐️⭐️⭐️(7/10)

見到咁多like，諗住冇死，但坦白講食完都真係幾失望。我叫左個土匪雞鎚濃魚湯烏冬配凍檸茶 $71主菜嚟到，個湯係好唔夠熱，已經扣左分。個烏冬質地其實就彈牙既，但個湯真係好一般，稱唔上為濃湯。份量都好細。土匪雞翼完全冇土匪味，係真係一啲都冇我真心覺得譚仔雞翼好食過佢。凍檸茶，errrr茶餐廳啲茶底都好飲過佢。總括來講我又唔可以話難食，但完全唔值得我再下次過嚟食，希望啲人唔好過嚟中伏嘥時間，有更多好選擇。