麵麵 (已結業)

麵麵炸雞翼濃魚湯轉魚麵咖哩吉列豬排拌魚烏冬價錢💲: $38+10/ $82好味程度😋: 4.2/5服務🍴: 3.8/5環境🗾: 4.2/5性價比🥢: 3.8回頭率😚: 3.6/5 (特別想食魚麵的時候)-講起魚麵，大家一定都係諗起呢間，我終於都去左試啦🥳 用eatigo訂枱仲有折添🤪 我地去的時間都成2:30，仲有下午茶添。不過下午茶份量小啲，選擇都唔多。-我地就叫左個下午茶的炸雞翼濃魚湯轉魚麵。炸雞翼有3隻，正正常常，新鮮的。個魚湯都呈奶白色，食得出魚味，鮮味幾重😋 魚麵比較幼，小小爽口又小小彈牙幾特別，咬落唔覺咩魚味，所以怕腥的朋友都會接受到。下午茶主要係試下魚麵，但餸款就唔特別。-另一個我地用discount叫左個咖哩吉列豬排拌魚烏冬，呢個就好食啲！😚 吉列豬排雖然炸得唔太鬆化，比較實，皮同肉都好分離😂 但有沙律醬，所以味道正常係質地麻麻🧐 但烏冬幾驚喜，魚烏冬比較粗，口感軟小小冇咁爽，但就彈牙多啲，有咬口啲我中意呢個多d👻 烏冬上面鋪左一層好light的cream，但因為佢空氣感好重，所以唔會好膩，撈埋咖哩醬幾滑溜😀 咖哩係正常小小辣的咖哩，我覺得係港式味多啲。佢仲包3個前菜，

呢度既麵同烏冬都幾健康，因為混左好多魚肉落去做，咁就會無咁多碳水化合物，市面上係比較少見呢種麵，而且佢味道一啲都唔會腥，只係個口感我比較馬馬地。晚市套餐，有埋前菜飲品，意式茄蓉海蝦蟹肉拌烏冬，蕃茄既味道幾好，酸酸地，蟹肉份量唔算多，食唔出，海蝦都算新鮮，爽口幾好，有三款既前菜，味道正常。泡沫奶茶味道就比較普通。漁人樂脆係令我最滿意最鍾意的，一來個黑松露醬好正，又可以添，二來好特別地有蕃薯條同魚肉條，蕃薯條好粉糯，好香甜，重薯味，一開始左食，個人就食唔停口啦！整體來說，其實唔錯，非常特別，有機會下次再來既話，會試魚麵，可能口感會比烏冬岩我口味多啲？環境都非常好，好靚，坐得又舒服。

旺角彌敦道726號近乎成座樓都係餐廳食肆，今日就去咗1樓嘅麵麵食魚麵魚烏冬。下晝去食就最抵食，因為除咗午市唔使加一之外，餐牌小食仲有8折優惠，真係平靚正嘅選擇。講返今日食咗嘅嘢先：西班牙煙燻黑毛豬魚香麻辣湯魚麵望落成個湯紅卜卜，好驚好辣？唔食得好辣嘅朋友唔使擔心，而鐘意食辣嘅朋友就可以會覺得唔夠辣喇。辣度唔算太高，但好香辣味。魚麵非常彈牙，好香魚味好好食。西班牙煙燻黑毛豬煙燻味強烈，肉質結實有口感。野菜本菇安格斯牛肉定食安格斯牛肉片好香牛肉味，野菜本菇同埋豆腐，再加埋個甜豉油湯，成個感覺好似壽喜燒。魚烏冬魚肉同麵粉嘅比例係50/50，所以相比起魚麵、魚烏冬比較腍身、不過口感亦接近返烏冬。加多$20可以追加一個花膠濃魚湯，配合返個烏冬，真係好正。小食八折優惠，當然唔可以錯過啦。今日就點咗兩客小食魚皮餃子配柚子汁魚皮令餃子口感非常彈牙，配上柚子汁同蟹籽，三者非常夾，口味清新開胃。不過依個一定要趁熱食，因為放得太耐，餃子就會收乾水份，餃子魚皮就會變硬。大家記住要趁熱食呀。明太子雞翼一客三隻嘅明太子釀雞翼，炸得香脆可口，配合埋明太子，夠哂惹味。午餐全部都有跟前菜。前菜有胡麻醬海帶、甜紫薯同埋柚

Why魚烏冬?  How魚湯？一間主打用魚做材料的餐廳，魚麵，魚烏冬，魚湯。魚麵大家就食得多啦，魚烏冬都係第一次食，口感比魚麵更煙韌。入座後，店員會先給我們一小杯魚湯，很有魚的鮮味👍🏻再給我們餐牌。睇吓有咩好食，我哋叫咗兩個晚餐，一個推介，再加一個小食。*極上蟹醬配魚烏冬*賣相吸引，材料十足，魚烏冬口感十分煙韌，可以再encore，每一個餐都會附上小食三款。*西班牙煙熏黑毛豬配魚麵*黑毛豬煮得剛剛好，不會太韌，如果就咁食有少少鹹，但加上魚麵，很好的配搭。*黑松露魚皮餃*賣相不錯，味道濃郁，魚皮餃好好味。*避風塘雞翼*香辣十足，野味之選。餐飲我們轉了*水果茶*水果味很濃，甜度適中，分量充足，我們兩個人也足夠。整體不錯，很特別的魚烏冬，好鐘意，食物質數不錯，環境舒服，店員親切友善，不錯的選擇。

今日去行街🙆🏻‍♀️點知行行吓落雨 就轉彎去咗彌敦道見到呢座大廈有好多間食肆 就即刻被呢個用魚做嘅烏冬吸引住🥰😍😍😍😍事關我本身係好鍾意食魚同埋烏冬，但係其實麵好多澱粉質我都唔夠膽食咁多😫所以呢個魚烏冬啱晒我🙈🙈我哋本身諗住叫魚肉類既野再配魚烏冬 但男朋友話不如試吓呢個西班牙煙燻黑毛豬濃魚湯魚烏冬 煙燻黑毛豬我覺得好食 男朋友就覺得有點乾身 但冇肥肉不知幾好😍🙆🏻‍♀️三款小食都唔錯，有我最鍾意既番薯🥰🥰🥰🥰另外叫咗一個小食拼盤（炸雞翼，蕃薯條，薯條，Twins魚之脆卷）炸番薯條絕對係我既 All Time favourite! 避風塘雞翼皮都好脆😌不過避風塘味就唔係好夠🙈不過佢蒜頭夠多所以都幾好食泡沫桂花奶茶平時叫飲品我通常都會走甜 但職員細心地提醒如果走甜桂花味會比較淡 所以今次叫咗少甜果然冇介紹錯 呢杯奶茶好好飲啊 桂花好香👍🏻👍🏻👍🏻Cappuccino好飲，一般嘅Cappuccino 味👍🏻👍🏻

今日終於試到好多人推介嘅麵麵啦，呢到主打手工魚麵魚湯，魚湯仲係由鮮魚同花膠煲足9個鐘，鐘意食魚嘅朋友唔好錯過啦！四川麻辣燒牛肉拌魚烏冬($92)，魚烏冬好彈牙，麻辣醬汁都幾惹味，食得辣嘅人可能會覺得唔夠喉，如果辣度有得自選就更加好啦朋友叫咗個下午茶餐，炸雞翼花膠濃魚湯稻庭烏冬($38)升級魚麵(+$10)，魚麵嘅魚肉含量比魚烏冬仲多20%有成70%咁多，花膠濃魚湯非常清甜滋補芝士脆炸雞($38)外脆內軟，芝士醬好濃郁，Twins魚之脆卷($38)有墨魚同鯪魚兩個款式，外皮好酥脆，魚肉又夠彈牙，唔洗點芝麻醬都好好食飲品試咗熱水果紅茶(+$22)同蜜桃椰果綠茶(+$22)，兩杯都好清甜好fresh呀，有台式飲品店嘅質素

唧唧魚麵未試過就消失左好彩依家有餐廳做有得食——————————————————魚肉烏冬撈埋係咩？魚烏冬囉😂質感好得意淋淋地又唔係好結實但就比真烏冬吸收湯汁所以湯底好就唔會難食魚湯唔腥中島今次叫左撈魚烏冬卡邦尼好香勁多芝❤️好味另外再叫左個魚脆卷本身以為係類似春卷咁點知有啲偏差佢係好重五香粉果隻個人唔太喜歡但佢地杯奶茶好有驚喜香、濃、滑超正👍🏻——————————————————［］脆雞扒濃魚湯魚烏冬 $72［］卡邦尼烤雞拌魚烏冬 $72［］魚之脆卷配薯條 $36

放工想食麵，係open rice見到呢間好似幾受歡迎，望落啲相都唔錯，於是就上去試下。間舖頭裝修幾靚，啲位都間得闊，都坐得舒服既。.晚市都有set，可以揀湯或者拌魚烏冬。再唔係揀定食都得，跟一碗魚湯，總有魚味既野比你試下。我地嗌左一個湯一個拌，一個魚烏冬，一個魚麵。極上蟹匠拌魚烏冬，上面份蟹膏好新甜。初初以為係冷盤，但撈完食落暖暖地，配埋蟹籽蟹肉同芝麻醬好好味。魚烏冬個口感有surprise, 好彈牙！！😻極當魚宴料理，配埋佢地自己製既XO醬超好味。魚麵又係好彈牙，魚皮餃子好特別，用魚皮包都係第一次食。春卷都有好重既魚味。另外想讚埋佢前菜一啲都唔hea，舊蕃薯仔都好好味。如果唔夠飽仲可以追加添～

喺旺角行完街，想食麵唔想食飯，就搵到呢間食魚麵既專門店- 麵麵，就即刻去試吓！ 極上魚宴料理套餐 （HK$95)套餐包括了前菜及飲品，前菜有三款，有白蘿蔔，蕃薯仔同胡麻海帶。湯底很濃魚鮮味，加上配菜全是魚的製品如魚旦，魚肉春卷，墨魚春卷，魚皮餃等，如同其名 - 極上魚宴料理。而麵質可選魚烏冬或魚麵都可，魚烏冬是用了50%魚肉製成的麵條，爽口彈牙。順便一提，店家會提供自家製的魚辣醬，香而不辣，大家不能錯過！小食拼盤 （HK$98)小食拼盤包括炸薯條，蕃薯條，雞翼，twins 魚之脆卷。所有野即叫即炸，熱辣辣，香脆可口，配上特調的黑松露凍水果紅茶 (跟餐+HK$25)冰水果紅茶不會太甜，生果料充足，酸酸甜甜，很開胃。

🌶四川麻辣牛肉拌魚烏冬$9️⃣4️⃣鮮竹魚卷🐟魚麵vs魚烏冬$7️⃣2️⃣🍟漁人樂脆(薯條，蕃薯條，魚條，墨魚條配黑松露醬)$5️⃣8️⃣跟餐8折魚麵🐟特出，口感爽口，未食過呢種質感既麵，幾好食👍🏻炸物都好食😀但總括呢個價錢食碗麵，我覺得唔值😗

最近好喜歡食烏東，今日嚟旺角食Lunch, 見到呢間餐廳有魚烏東，唔洗諗...一定要食。揀咗安格斯牛肉魚烏東，wow...非一般烏東，入口已經同平日食開嘅好唔一樣。爽口彈牙，好有口感。加埋魚湯揀直係絕配。好好味👍🏻安格斯牛肉口感唔鞋，香濃牛味。餐廳半開放式廚房，感覺好乾淨衛生😍食都食得放心。揀咗杯蜜桃椰果綠茶，落足料，啖啖都有粒粒椰果。夏季熱辣辣，好消暑🥰疫情嚴重都唔擔心，原來外賣都有八折，好抵食。下次可以買返公司慢慢嘆🤗

🇭🇰 < <麵麵 Noodle Noodle> > 名過其實🙁💰 [ <$51-$150 ］👯 [ <10mins ]📍 [ 旺角彌敦道726號1樓 ] ⏰ Mon-Sun (11:30-19:00)☎️ 23239229______________________________ 1️⃣[ 麵麵圍城🍜 ］ʜᴋᴅ108✍🏻外型係九宮格幾特別 ✨但係入邊嘅食物就冇咩特別 不過不失冇太大嘅驚喜位～反而魚麵同魚湯有驚喜😉魚麵比我嘅感覺就好似切條狀既潮州手打魚蛋好有彈性 幾特別嘅口感😍魚湯一啲都唔腥，而且都幾鮮甜～不過要趁熱飲，凍咗嘅味道冇咁好🌟推薦指數：6/102️⃣[ 四川麻辣燒牛肉伴魚烏冬🍲 ] ʜᴋᴅ92小編係一個唔太食得辣嘅人～但係今次呢個四川麻辣 又唔係真係咁重麻辣味反而我覺得偏鹹～加分位係牛肉份量都幾多 而且調味都恰到好處就係一個普通嘅撈烏冬～～ 🌟推薦指數：5.5/103️⃣ [ 桂花薏米茶🍵 ］ʜᴋᴅ22跟餐只係需要加$22～小窩心位係佢擺咗一個蠟燭喺下邊😍保持住茶嘅溫度～～ 飲落有淡淡的桂花味😚女生會喜愛的養生茶～🌟推薦指數：7.5/

係第一次食魚烏冬魚麵🐟😚Menu好多款式好吸引，下次會再嚟試其他嘢🤪-🌶辛辣·瀛太子伴魚烏冬🍜-每個主食都包蕃薯仔、芝麻醬海帶、柚子蘿蔔作為配菜，好開胃❣️🤩魚烏冬佔50%魚肉，較粗身同煙韌🙈原本以為係冷烏冬，點知食落有少少暖🤣有魚皮餃、溫泉蛋、紫菜絲、木魚絲同埋香蔥，味道都幾豐富🤪但明太子味道唔係好濃，如果味道突出少少就好🥺同埋我覺得唔太辣，怕辣嘅都應該食到🤪🤪🌶-評分：8.2/10價錢：$78-🍯蒜香蜜糖雞鎚濃魚湯魚麵🍜-呢個lunchset可以轉湯底同麵種，我揀咗魚香麻辣湯底🌶同埋魚麵🐟上面食咗魚烏冬，所以我就揀咗魚麵‼️魚麵佔70%魚肉，比較幼身，爽口彈牙，有啲似食緊幼身薄切長條嘅魚蛋😂😂我覺得咬落好過癮🤩🥳我覺得湯底有少少辣，食落好有麻香🥰佢仲有三件大大嘅雞鎚，雖然蒜味唔濃，但蜜糖味好香，而且炸得好香脆🍗🍯-評分：8.1/10 價錢：$72-🧊芒果沙冰🥭-真係透心涼，好凍🧊😂飲到我個腦神經都覺得凍😂😂但麻辣湯底配呢個係一流‼️可以中和返辣味🥵而且芒果味都幾清新😋-評分：8/10 價錢：+$22（跟餐）-📍麵麵 旺角📍

今日晏晝餓底兩人去旺角食魚麵🤭🤭🐟🐟🐟🐟🐟🍲🍲🍲🍲🍲環境舒適，空間感大，食物款式多，好吸引😚👭餓底叫咗有肉既兩個套餐+ 兩款小食🤪西班牙煙燻黑毛豬魚湯魚麵🐷🐷上枱就聞到好香嘅煙燻味， 份量唔少，微微鹹香有咬口😋 魚湯奶白色，味道ok,冇魚腥味👌，🍲質爽口、彈牙， 好似食緊魚蛋咁👍四川麻辣燒牛肉拌魚烏冬牛肉唔柴👌 魚烏冬魚味唔算突出( 原來魚肉份量比例唔同)但醬汁做得幾好，微辣惹味，食落開胃😚小食魚皮餃子配柚子汁魚皮薄，好彈牙，用料新鮮， 如果柚子汁多啲會更好🤭Fish nachos on the boat(無中文名🤨)☝️ 牛油果醬伴芝士焗炸魚皮， 重口味 ，夠熱氣😈😈😈水果紅茶🍊🍓新鮮~值得推介😍荔枝椰果綠茶🌿🌿

入座時，店員先以日式清酒杯盛裝魚湯供客人試飲，不添加味精的魚湯非常香濃，確係正！麵麵圍城 $108 以非常豐富的配料作賣點，九款配料包括柚子金菇，梅漬車厘茄，日式芝麻醬秋葵，明太子醬蛋卷，醉蝦，巴拿馬火腿伴哈密瓜，紅酒牛肋條，天婦羅炸大蝦，明太子雞翼。每一款都好食，而魚麵無論浸湯，沾胡麻醬或辣油都一樣好味，魚麵Q彈有咬口，同平時食開既麵質唔同，口感獨特。而香濃魚湯我當然成碗飲晒啦！西班牙煙燻黑毛豬濃魚湯魚烏冬 $85 鹹香的煙燻黑毛豬我覺得一般。反而三款小食（小蕃薯，柚子蘿蔔以及胡麻醬菠菜）都唔錯，有驚喜。魚皮餃子配柚子汁 $48 相對麵食，呢個我覺得頗為貴，食落亦唔算好特別。感覺麵麵是走高檔次的麵館路線，店面裝修有點似西式Cafe，食店主打魚麵雖是中式，但配搭則是外國Fusion。餐牌上看到的麵食價錢大概僅次於日式拉麵，不過我覺得性價比還好。整體魚湯魚麵的確高質，配料則不算突出，以這個價錢，偶爾食下都無妨。