麺処一家 (已結業)

星期六13:50去到，冇位要等，之後有位員工出嚟問我地會叫幾多碗麵？原來D湯底堅係限量，只係剩低4碗左右，好彩夠我哋一家人😁😁Menu只賣三款拉麵，所有配料都可以追加，不過佢哋冇煎餃，的確有少許失望，個人覺得煎餃與拉麵係絕配。三款拉麵分別在於肉，火炙豬腩肉or慢煮豬肩肉，貪心想試晒就叫碗料理長の選，有齊兩樣。我哋每款叫咗一碗。豚骨魚介醬油湯底不是我喜好，不過試得出係真材實料，溏心蛋好食，麵亦煮得好適中，豬腩肉比豬肩更出色。整體來講廚師製作用心，環境乾淨，味道一流，值得推介！

如果有睇拉麵關注組相信都應該認識佢😻嗰日五點幾就去到唔使排隊我真係好鍾意食拉麵😂😂😂揀咗弟弟同埋店長推介店長推介加咗辣湯個人鍾意原味(⁎⁍̴̛ᴗ⁍̴̛⁎)個湯好濃厚但唔係死鹹係我鍾意嘅味道第一次食加洋蔥碎粒嘅拉麵感覺同其他拉麵店加生蒜係差唔多但我覺得幾夾不過口感豐富啲好似有啲嘢咬下小小爽脆(⁎⁍̴̛ᴗ⁍̴̛⁎)佢嘅糖心蛋真係好食淡淡的醬油同埋時間控制得啱啱好總括而言：值得一試(⁎⁍̴̛ᴗ⁍̴̛⁎)

以豚骨魚介醬油湯為主題鋪頭只係專注做3款口味既拉麵 (湯底只有一款 只係肉類有不同選擇)妹の選擇 $98 ($10 味玉包含在內)弟の選擇 $98 ($10 味玉包含在內)兩者分別在於火炙豬腩肉同慢煮豬肩肉🤤火炙豬腩肉有少少入口即溶 口感嫩滑慢煮豬肩肉就比較有口感 不過小偏鐘意肥膩一啲 鐘意前者多啲🥰湯底係較為濃厚杰身一啲豚骨魚介醬油湯 未必個個都鐘意 我自己就幾滿意 好似好重骨膠原 麵條掛湯一流😋🍜幼身直麵條 口感爽彈 評分: 8.5/10———————————————————————

依間係近期喺網上關注組好熱門嘅一間拉麵店😍😍所以我就帶埋朋友嚟一齊朝聖啦😍-餐廳只係專注做一款湯底，而叉燒方面這兩款可以揀😍如果想食辣嘅朋友就可以加$5就轉一個辣嘅湯底😋我係無辣不嘅人所以我今次就加咗錢轉辣湯底😍😍-湯底10分出色，飲到好香嘅堅魚味，而且佢嘅辣係超級惹味，重點係真係夠辣😍好滿意，佢嘅麵條係偏幼身，值得一提係加底嘅麵好好食，舖頭好用心咁樣將加底嘅麵調咗味，可以就咁食都得😍

麺処一家成間鋪頭淨係得三款拉麵賣，三款都係同一個湯底，唔同既就只係啲叉燒，妹妹推介係跟慢煮豬肩肉，弟弟推介就係跟火炙豬腩肉，而店長推介就係兩樣都有。淨係得一款拉麵既湯底感覺更加專業，令我更加期待🤩 1️⃣店長推介（$98）（溏心蛋+$10）湯底一律係濃厚豚骨魚介醬油湯，飲落味道好濃，唔係死鹹，加埋啲蔥、洋蔥粒、紫菜，食落好香，更加有啲洋蔥既新鮮感。而且好少見拉麵店會用呢啲紫菜碎，撈埋落個湯底到味道更加香濃！用既麵係幼麵，好掛湯🤤店長推介可以試齊豬腩肉同埋豬肩肉，個人鍾意豬腩肉多啲。豬腩肉肥瘦部位各半，加上燒過，帶油香😋而豬肩肉質感會比較彈牙啲，而且因為係慢煮既關係，肉質幾軟滑，唔乾唔鞋👍  另外加左隻糖心蛋，溏心蛋夠入味，而且蛋好流心，正！  2⃣️妹妹推介（$88）湯底係同配料都係一樣既，不過呢款就淨係得豬肩肉。  

拉麵都係冬天食過癮當然一碗好嘅拉麵又好食又有良心就更加要大大支持💛大食仔約咗八半食飯六點就收工又肚仔餓就去啪個拉麵先可能時間尚早又得一丁友即時可以入座湯底得豚骨魚介醬油拉麵三個唔同嘅選擇只係肉類唔同貪心寶寶揀咗 店長之選豬肩肉偏瘦因為慢煮過唔會柴口, 怕肥食就啱晒火灸豬腩肉比較肥膩淋身有火燒過嘅香味配料嘅生洋蔥粒同湯底麵match湯底濃同杰身可以掛湯但感覺偏重口味同油膩價錢 $100 左右蛋要加錢如果唔駛排隊係可以一試同支持嘅餐廳

前幾日去到尖沙咀好想食拉麵，見呢間無乜人排就去試下入到去先知原來係之前d報紙有介紹過嘅出名拉麵😮佢成個menu得一款湯，3個唔同肉嘅選擇識食梗係食店長推介，有齊所有肉嗰款😈🍜: 料理長の選択 $98+10 連溏心蛋一黎到就睇得出個湯好熱辣辣，飲第一啖就覺得好濃郁而家d湯好杰可以掛落d麵度，每一啖麵都好有湯味不過可能都係偏油，食到最後會有d漏同覺得有d咸間唔中一次都ok啦😌 食拉麵就係要食佢咁濃嘅湯嘛整體黎講都係幾好食嘅拉麵，但$98+10都唔算平，暫時就當試一次先

尖沙咀新開拉麵店環境細小舒適，餐牌款式較少，只有三款不同配料的魚介湯拉麵🍜也沒有什麼小食，只有拉麵配菜～免收加一服務費#店長推介 $98拉麵爽口幼身，魚介湯沒什麼特別😂少少咸，個人嘛嘛地。溏心蛋另加$10，流心入味不錯#火炙豬腩肉 幾香，邪惡#慢煮豬肩肉瘦肉健康不會粗糙服務質素：7/10環境舒適度：7/10ᶘ ᵒᴥᵒᶅ個人口味評分：6/10 #food #hkfood #hkfoodstagram #hkfoodpic #hkfoods #hkigfood #foodiehk #yummy #delicious #foodie #hkfoodie #hkfoodieblogger #hkfoodies #黑貓食好西 #拉麵 #🍜 #ramen

料理長の選擇 $98呢款有哂火炙豬腩肉同慢煮豬肩肉 咁心大心細既朋友就唔洗揀🤣 火炙豬腩肉食落有少少入口即溶 油脂感較重 而慢煮豬肩肉就比較軟諗 個人鐘意慢煮豬肩肉多啲🥰 加上入口順滑 濃郁既豚骨魚介醬油湯同掛汁既拉麵🍜 成個配搭都好夠味得黎又唔會好重味精 整體感覺唔錯😋評分: 8.5/10🌟———————————————————————麺処一家 (尖沙咀)尖沙咀厚福街11號地舖

有三款拉麵，用濃厚豚骨魚介醬油湯底料理長の選択（火炙豬腩肉+慢煮豬肩肉）💰約105🔸可加💰13唐心蛋及加💰5加辣，亦可加💰追加慢煮豬肩肉、火灸豬腩肉等🔸日本荀爽口，有紫菜，碎洋蔥等🔸湯底濃厚，富有粘稠感，真材實料，食完不會口渴🔸拉麵軟硬度適中🔸火灸豬腩肉肥瘦適中，經過火炙有微微焦香，慢煮豬肩肉肉質非常軟腍，如入口即溶的感覺🔸唐心蛋很流心🙂員工服務質素佳，員工體貼，會自動給予橡筋女生紮頭髮方便進食🙂每張檯放置酒精搓手液🤔店鋪不算大，只有幾張檯及吧檯‼️需在門口排隊輪候‼️❌加一服務費‼️只收現金

夜晚突然之間想食拉麵，行過尖沙咀厚福街就見到兩間拉麵店。行過一間嘅時候突然醒起之前 報紙報導過呢間，所以就下入去試下，見到佢入面有三款麵，湯底同麵底都一樣，只係上面啲肉唔一樣，咁所以我就嗌咗個妹妹推介再加多隻溫泉蛋，上面係慢煮豬肉。等咗大概十分鐘就上菜，湯底好濃郁，啲拉麵可以掛到湯汁，而且好特別佢嘅湯上面有洋蔥喺度，所以食拉麵嘅時候會食到少少洋蔥味。總括而言係幾好，不過略嫌豬肉太少同太細塊，如果多一兩塊會好好多。

本身想食其他野，但四圍都排長龍，見佢算少人排啲，就試下，勁有驚喜！！貴精不貴多，個menu得3款拉麵簡，其實只係啲肉唔同，咁我當然試曬啦！再加$10 溫泉蛋！本身無咩期待，點知幾有料到！！！湯底濃郁又唔咸，仲好香！又唔油，勁好味！先講豬肩肉，個人覺得還好，但如果怕肥膩嘅朋友可以試下，佢比較乾身同無咩油，但又完全唔韌～叉燒就好好食啲肥位入口即溶，瘦位唔難咬又香，厚薄適中溫泉蛋都好好食，不過要加$10，如果包埋就好，另外加左辣醬試下，幾好味，有少少似豆瓣醬，但同個拉麵超夾另外份量都好夠飽，麵底係幼拉麵，好食另外，本身見佢好似有洋蔥咁奇怪，但同個湯底超級夾，好清爽，又切得細細粒，唔會食到太勁洋蔥味如果見唔多人排隊的話絕對值得一試

次次去尖沙咀諗唔到有咩食就去厚福街，今次就試試麺処一家! 呢間拉麵店又係save咗好耐想去食，湯底係魚介醬油 好特別😙🍜料理長の選択($98 + $10 連糖心蛋）佢得3款選擇，分別係弟の選択、妹の選択同料理長の選択 咁我就揀店長推介嘅料理長の選択啦😋有齊弟同妹嘅配菜 咁就可以試哂火炙豬腩肉同慢煮豬肩肉😛湯底睇落去好濃郁但味道比較鹹同埋唔夠豚骨味！火灸豬腩肉太多肥肉 本身唔太中意食咁多肥肉😵慢煮豬肩肉就中規中矩 2款肉質都係偏淋身 味道比較一般 整體比較油膩😶配菜方面有生洋蔥粒、荀、紫菜同蔥嚟中和佢嘅油膩感 感覺只係一碗普普通通嘅拉麵🤔

呢間有去過厚福街嘅朋友應該都會有印象，見過咁多次最近有鋪拉麵癮先的起心肝試試！點知一試有驚喜！麺処一家餐牌上只有濃厚豚骨魚介醬油拉麵，揀咗價錢最高即係最多料嘅料理長の選択，另外加咗隻溏心蛋。湯底非常濃郁但唔會太鹹，而且湯底溫度好夠熱！幼身麵好滑柔軟度適中。肉類有兩款，分別係慢煮豬肩肉同埋燒腩肉。慢煮豬肩肉於拉麵出現都幾特別，口感好嫩豬肉味夠出。而豬腩肉就燒到有焦香，偏油膩充滿油香。有驚喜係隻溏心蛋非常香甜，醬油味充足蛋黃熟得剛剛好，絕對值得加！仲有個替玉份量超大，我相信至少有3／4個拉麵size，價錢只係$18，令人驚訝！因為太好食想快啲食埋個替玉無影到相，但要再講多次，真係好大份！

收一蘭，一風堂價錢，味千質素。選擇少得三款，量少。飲支汽水都20幾蚊。係尖咀啲K11,海港城啲名店場有裝修，有海景，坐得舒服，食物選擇多， 擺碟又靚， 收費仲平個佢。所以收費頗貴，如果唔係朋友搵左位，絕對冇下次。碗麵要樣冇樣，要味道獨到又冇，所以影相都冇！