麺処一家 (已結業)

係尖沙咀做野，好處就係好多野食，但係個壞處就係太多野食揀，唔知揀咩好。係呢個炎炎夏日，係條街到行去搵野食絕對唔係一個脂智既選擇，所以我就好求其咁揀左一間拉麵店。點解要係揀拉麵店呢?因為第一，拉麵店係會用冰水招待客人，至於點解就自己google，而呢間，佢有。第二，係因為太熱我唔想食飯。一入到門，個裝修好平實，沉色裝修，有一種都市感，亦有一種神秘感。我就叫左一個火灸豬腩肉拉麵加糖心蛋。因為呢個係最基本既拉麵，而要試一間拉麵店好唔好食就只要試最基本就夠。碗麵一上黎都得唔錯，雖然個湯底係午餐食黎講有小小油，但係個麵底師傅整到岩岩好，彈牙又掛湯。個肉就肥瘦適中，唔錯。

只賣一款湯底拉麵店粒溏心蛋十分出色 加得過～🥚﹣﹣﹣﹣﹣﹣﹣﹣﹣﹣﹣﹣﹣﹣﹣﹣留意到厚福街呢間得一款湯底嘅拉麵店，因為唔識讀店名，成日叫佢做麵X一家🤣● 濃厚豚骨魚介醬油拉麵 $88將豚骨、魚介、醬油三種常見嘅口味，融為一湯，湯底表面浮住一層油脂，入口濃厚，帶魚湯嘅鮮甜味，又有豬骨湯嘅濃稠質感，湯底夠gel可以掛湯～另外都加入生洋蔥粒去中和油膩感，所以食麵個陣夾雜咗陣洋蔥辣味。拉麵亦係我鍾意嘅幼麵，軟硬度方面，我個碗偏軟身，可能因為影相浸耐咗😆，本身冇得揀軟硬度，信師傅煮麵嘅功力，同趁熱食～拉麵亦係我鍾意嘅幼麵，軟硬度方面，我覺得係偏軟身，因為湯底夠gel都可以掛到少少湯～＜妹妹推介 - 慢煮豬肩肉＞妹妹係pinkpink個塊肉，肉比較瘦但有咬口，而且質感係嫩滑嘅～＜弟弟推介 - 火灸豬腩肉＞弟弟就係好明顯微焦啡色個塊，火灸過更加香口，油脂分佈係肥多過瘦，真係入口即融，油膩感較重較heavy，鍾意邊款就真係睇個人口味，小孩子才做選擇，我全都要！（嗌晒兩款同朋友交換一塊🤪）○ 連日本溏心蛋 +$10呢粒溏心蛋要另外加錢，不過食完都覺得抵加嘅😙 中間流心好靚，食到微微酒香唔係凈係得醬油味，

又係因為疫情影響, 已經成年多無得睇演唱會, 難得有機會睇RubberBand演唱會, 重要係紅館, 真係好期待呀!! 演唱會之前就梗係去尖沙咀食野先啦!! 已經預早啲6點半未夠去到厚福街, 但差不多間間都排晒隊... 😅 同朋友逛咗一圈之後就揀咗呢間條隊短啲既拉麵店 😛 等咗10分鐘到就有位啦! 坐底望望menu, 好簡單, 原來得3款拉麵, 個名好搞笑, 分別係妹の選択, 弟の選択 & 料理長の選択 🤣 分別係慢煮豬肩肉, 火炙豬腩肉, 同埋慢煮豬肩肉+火炙豬腩肉, 難得第一次試就梗係揀最齊料既料理長の選択啦!! (重要加埋糖心蛋 😆)點好餐之後店員好細心攞住盒橡筋問我要唔要札起啲頭髮, 太貼心了吧!! 好啦拉麵嚟啦!! 佢既湯頭好濃郁! 配上幼身拉麵好夾! 慢煮豬肩肉好軟身, 真係第一次食拉麵會配慢煮肉呢! 火炙豬腩肉都好好味, 火灸過之後豬腩肉更香口!! 另外要特別講既係拉麵係面層除咗蔥花之外, 重有生洋蔥粒, 對於我鍾意食洋蔥嚟講我就覺得好正!! 👍🏻 簡直令到碗拉麵既味道有更多層次! 但如果唔鍾意食洋蔥的話就可能要夾走佢呢! 😆

前日想同朋友去打邊爐但因為去到太晏就好多餐廳都截左飛於是朋友帶左我去厚福街揾食🤤✅麺処一家呢間拉麵店既老闆專程去日本食盡唔同既拉麵係當地拜師學藝 最後係香港開左呢間專買魚介醬油拉麵既拉麵店呢到既menu非常簡單全部都係以豚骨魚介醬油做湯底 只係得3款麵選擇 包括妹の選択 ，弟の選択 ，同料理長の選択每款都係有唔同既配菜第一次黎到梗係要食料理長の選択🔆料理長の選択 $98料理長就係一碗有哂妹妹同弟弟之選姐係有火炙豬腩肉加慢煮豬肩肉每款肉都有兩片 而且有洋蔥，荀，紫菜同蔥做配料麵係比較幼身既拉麵 呢到冇得自己選擇軟硬度 但交俾師傅決定就冇錯啦！🤣食拉麵梗係要有糖心蛋啦 所以加左隻(+$10)仲要不得不提既係佢地既秘製辣醬 (+$5)我咁鐘意食辣 食麵點都係要有啲辣先滿足但第一次當然要食原味湯試下佢呢到有得加佢地個秘製辣醬 滿足哂我想食辣既心願真係有料到㗎！都幾麻辣 但同時又幾香鐘意食辣既唔好錯過！味道: 3.4/5賣相: 3.3/5地址:尖沙咀厚福街11號地舖

厚福街餐廳很多, 一條街已經有2間拉麵店, 不過我還是喜愛這家之前有看過YOUTUBE 介紹過餐廳老闆, 佢對拉麵的熱誠同執著所以寫呢篇食評並不是第一次光顧的有時想食拉麵都會諗起這家, 因為湯底係魚介, 我個人好鍾意濃厚感濃得厚又未去到 "章"口好膩果種, 所以每次我都幾乎可以飲晒佢既湯佢地餐牌得3款, 主要都係肉既款式, 今次我叫左弟 - 灸燒豚肉?! 唔太記得個名, 不過肉好淋好軟好香另加一粒溏心蛋 ($10) , 免加一 盛惠$98 香港地食拉麵點都貴過日本, 但可接受女士們食之前仲有店員好貼心問你要唔要橡筋紮起d 頭髮, 仲要係紮頭髮既黑色橡筋，不是平時的，加分位！留意一點，座位不算好多，所以午市時間最好早dd 到，我見到1點開始有時要排隊了

🍽弟の選択（4.2/5）💰88幼直麵，麵質冇軟硬麵選擇，但我覺得幾適中彈牙，係所有人都能夠接受既麵質重點係麵係都係本地麵廠整架湯底夠熱，魚介既鮮味好突出，非常濃郁火炙豬腩肉好香個陣烤味，應該係有用火槍燒過，逼出油脂香，整體幾惹味，肥膏位都有微微即溶感但洋蔥比較生，辣味有啲啲over咗，好似我咁唔中意生洋蔥既朋友要小心啲啦溏心蛋要加錢先有，偏甜小小，但生熟程度我覺得唔錯，蛋黃好香🍽妹の選択（4/5）💰88同弟の選択既分別就係呢款既叉燒係慢煮豬肩肉慢煮豬肩肉普通一啲，但都唔薄身，食落豬味出，有啲啲乾，加埋熱湯底如果放耐咗會變韌，建議早啲啲食慢煮肉比炙燒肉少咗份油膩感，如果想食拉麵又覺得好有罪惡感可以試呢款肉佢地比較特別既係有自家辣醬，好香好辣，但辣味唔會好long last，好岩同拉麵一齊食仲有一款係料理長の選択，就係兩款肉都齊曬啦！

已經好一段日子冇喺香港食拉麵，是日唔太肚餓，就去尖沙咀「麵処一家」試吓。厚福街幾乎所有食店都人龍不絕，呢度都唔例外，晚飯時間要等一等先可以入座。店家有點日式風格，講嘅唔係裝潢，而係好專門只有3款拉麵選擇，唔會好似港化咗嘅拉麵店咁多花款，甚至連餃子都唔會有。首先係弟の選択（$88），拉麵上有火炙豬腩肉、筍、紫菜碎、蔥、洋蔥，另加$10要溏心蛋。湯頭混合豬骨、魚介同醬油熬成，入口冇我唔喜歡豬骨湯的濃郁質感，醬油味唔重，反而好有魚介香氣，有幾分似金色不如歸，頗接近日本的味道，幾有驚喜。麵條係幼身版本，爽身，掛湯力幾好。豬腩肉燒過後帶焦香，肥瘦比例適中。平時拉麵上的紫菜都係一片片，呢度係整碎咗，我覺得咁樣仲好，撈勻的話幾乎每啖都可以食到紫菜，洋蔥粒亦增添咗口感。溏心蛋熟度剛好，蛋白滑，蛋黃有流心效果。妹の選択（$88）除咗叉燒外其他嘢相同，叉燒換成慢煮豬肩肉，雖然嫩滑，但冇火炙咁香。頭先講過有3個選擇，第3個係料理長の選択（$98），有齊豬腩肉同豬肩肉，想試勻兩款可以一試。

今日介紹哩一間拉麵🍜💛小店,位於有尖沙咀良心小店街之稱既厚福街#麵処一家 💛小店已經開左一段唔短既時間,所以今次已經係我地回頭既唔知幾多次老闆係一個拉麵🍜控..係日本食拉麵食到要親身拜師學藝.學成再番黎香港開舖——————————————————-料理長之選/妹之選兩款既分別係,一款有晒火🔥炙腩肉/慢煮肩肉,而另一款就只係得腩肉🐽湯底豚骨魚介濃湯係用小魚乾同豬骨煮成！ 溏心蛋🥚蛋味唔算超級濃,但就醃得剛剛好！超流心得黎唔會太咸😋麵既軟硬度固定😋用左本地麵廠製造既麵,雖然比較幼身不過仍然有咬口充滿日本🇯🇵風味既拉麵🍜大家真係要支持下！而且因為疫情關係,💛小店仲做埋八折優惠添！超抵食😋仲可以俾大家一解對🇯🇵既鄉愁👍

疫情底下，同法例規定，餐飲食肆堂食營業時間只能到晚上十時。有部份餐廳更會縮短營業時間。見麵店老闆用心做麵，好想試下支持下，但怕撲個空，特登打電話去餐廳詢問營業時間。竟然得到極無禮回答。以下為真實對話內容：我：你好，想問下餐廳今日係咪收十點？店員：我想問下有邊間唔係收十點？之後我已經感到極度失望，憤怒。店員回答態度極差，我亦一定唔會去幫襯。之後再打去想同負責人反映，同一店員話自己係當日負責人，且亳冇悔意。我想麵店真正負責人除咗管理食物質素之餘，服務態度亦應多加留意。

去尖沙咀諗唔到食乜就去咗厚福街呢條街真係超多餐廳，食極都有今次試咗呢間拉麵店，佢哋選擇吳多有三款拉麵，用咗豚骨魚介醬油嘅湯底廚師推介就有齊兩種肉(火炙豬腩肉+慢煮豬肩肉)而弟弟推介淨係有豬腩肉次次食拉麵都好怕腩肉太肥所以就試咗用慢煮豬肩肉嘅妹妹推介拉麵另外加咗$10要埋糖心蛋拉麵有紫菜、蔥、日本荀同洋蔥啲荀唔會太硬但同時又爽口配埋啲麵好正湯底方面唔算好鹹，但係又有豚骨味幾濃郁拉麵係用幼身，軟硬度適中塊肉都幾大，肥瘦啱啱好糖心蛋都幾糖心，浸埋啲湯一齊食好味最鍾意係每枱有凍水壺比客人自助倒水，啱晒我整體唔錯拉麵飽肚得來又唔會太邪惡不過餐廳位置有限，坐吧枱有少少迫

冇得去日本唯有係香港發掘一下拉麵呢排一去去左兩次因為頭一次個湯底加左香辣... 又再加辣椒醬(店員都有再三確認.... 係咪再加... 我既回答係)所以第一次去就咩濃厚豚骨魚介味就真係唔係好食到所以就再去第二次... 哈哈哈到第二次食到啦!..... 佢個濃厚豚骨魚介醬油拉麵.......都幾濃下最緊要係個碗拉麵上菜時係好熱!!!!!(呢一點香港既拉麵店唔係到到都做得到) 分量黎講對女仔應該足夠 (因為個湯夠濃同好飲) 

【支持黃店】早排好想食拉麵，見又開了堂食，就來到這家厚凍街的麺処一家～餐牌只有3款麵揀，都好適合小安這些選擇困難症的人～雖然話是3款，但肉其實只有2款：慢煮豬肩肉同火炙豬腩肉，而第3款麵就是店長推薦的兩款肉配拉麵。難得來到，當然是試試店長推薦的款式啦，小安還另加了一粒溏心蛋。一上菜，當然是要先飲一口濃湯啦！果然湯底好濃郁，飲得出是足料熬製，而且口感是好竭身，單是飲湯都相信會飽～拉麵不會煮到太軟身或又乾太硬，是剛剛好的口感，再加上濃濃的湯底，有點兒做到掛麵效果～之後不得不提兩款肉啦～兩款肉中，小安最喜歡是慢煮豬肩肉，有入口即融感覺，好好食！雖然本身沒什麼味道，但是加了湯底一起吃就好夠味了！火炙豬腩肉就多了一份油膩感，肉質相對乾身，而這款肉亦在上菜時加了辣醬，比較重口味一點～最後是溏心蛋，有流心效果喔，不錯～

冇得返鄉下, 好想食拉麵呀🍜! 前排去咗呢間bookmark好耐, 係尖沙咀厚福街嘅拉麺良心小店, 超級推介! 店內只專注供應一款拉麵- 濃厚豚骨魚介醬油拉麵，令我地更加期待🤩分別有妹，弟同料理長の選択，其實只係兩款叉燒 (慢煮豬肩肉同火灸豬腩肉)，單拼定雙拼嘅分別🤣我地叫咗➡️"料理長の選択"，即係店長推介，拉麵面頭加咗少量碎洋葱+紫菜，雙拼2款叉燒好入味，豬腩肉好香油脂味又唔會太肥膩感，經過火炙仲有微微焦香，肉質仲幾彈牙👍🏻👍🏻而豬肩肉以慢煮方式鎖住左肉汁，質地軟淋嫩滑，豚骨魚介醬油湯底好濃郁又夠鮮味，唔會話太稀或太稠，配上幼身麵底好夾，夠晒咬口👍🏻我地仲另加左隻糖心蛋，有圖有真相，一咬落去好流心，食完唔會好口渴👍🏻完全有回到日本食地道拉麵既感覺呀!我地仲叫左➡️"妹の選択"，佢係慢煮豬肩肉為主，味道差唔多，就唔多講啦~

This is one of the most disappointing ramen joints that I've tried. I love ramen and I love to give new things a try, but my first impression will be the last because I won't be coming back.I ordered the Chef's Choice ($98 + $10 for added egg) which I thought would be a good representation of the standard here as it contained all the key components that this restaurant serves. It came quite quickly, and one plus was that it was fresh and hot.The noodles are al dente, with a slight chewiness that

TST作為一級重戰區。日本拉麵更是好多選擇。無論係元祖級人馬豚x，新進x霸拉麵。都不缺人龍。不過今次推介呢間門面低調，確很有特色。魚介醬油拉麵湯底濃稠且鮮甜醬油香氣足而不會過鹹完全不會對魚的味道喧賓奪主是有層次感的那種湯底不會有死鹹飲到停唔到口個人覺得最加分位係拉麵是熱辣辣上的在這天氣，一碗熱辣辣拉麵，會為人帶來很多慰藉呢。拉麵的話，是個人很喜歡的那種會掛湯的拉麵。每一個都會很好地沾上湯汁。好不得了。ps 開始多人排隊，要食趁早。