麺処一家 (已結業)

今日試呢間位於尖沙咀厚福街嘅麺処一家，當然係食拉麵，呢度得三款拉麵，一款係慢煮豬肩肉、一款係燒豬腩肉、最後係兩款肉都有嘅拉麵。我揀左妹之選擇$88 加隻蛋+$10好夠熱，湯頭睇落好濃郁，有油脂感，但湯飲落豚骨味唔夠勁，可能有魚介同醬油嘅關係，順喉嘅，飲完唔會口渴，少少油膩感麵份量都多，唔駛加麵底實夠飽，幼麵爽滑，煮得剛剛好三塊薄薄嘅豬肩肉，我嫌佢太細太薄，唔夠澎湃$98碗麵，合格有餘，個湯豚骨味唔夠，我鍾意再濃啲

位於厚福街嘅拉麵黃店🍜座位比一般拉麵店多 人流都幾快店員好細心 會主動提供髮夾橡筋比長頭髮嘅客人Menu好簡單得三款 只係塊肉煮法嘅分別（第三款係兩種肉都有）同朋友兩款都叫左 基本上試曬個menu啦🤣.圖中👇🏻👇🏻👇🏻慢煮豬肩肉 / 火炙豬腩肉拉麵（$88）湯底統一係魚介豚骨湯 口感好濃厚魚介香得尼唔腥 豬骨味就係慢慢滲出尼而且越食越香濃食亦完唔會有好口乾好鹹嘅感覺慢煮豬肩肉肉質非常軟稔 肉味勁香🤤火炙豬腩肉比較似一般嘅日式叉燒有少少燶邊 不過唔夠惹味 而且脂肪偏多兩款比我會中意前者多啲麵質冇得揀 但係我中意嘅韌口口感掛湯力幾高 食落好入味 麵量適中溏心蛋要+$10 但我覺得值得一試好重醬油嘅香甜 蛋白軟嫩 蛋黃流心

上次食丼飯果時有諗過食呢間拉麵，今次咁岩黎尖沙咀就打算試下。入去舖位唔算太大，枱上有酒精搓手液，店員見我長頭髮，亦有問我需唔需要橡筋去紮起頭髮食麵，非常貼心。呢度簡直選擇困難救星，麵只有一款，濃厚豚骨魚介醬油拉麵，三款選擇差別主要係肉，妹妹推介係慢煮豬肩肉，弟弟推介係火灸豬腩肉，而店長推介就係兩款肉都有，我最後揀左妹妹推介再加溏心蛋（原價$88+$10，8折後$78）。 湯底濃郁，有洋蔥碎幾得意。慢煮豬肩肉雖然幾瘦，但食落好軟腍，幾有肉味，肉上面有一小點辣醬，如果同我一樣會怕辣嘅話可以叫走辣。個幼麵幾彈牙，溏心蛋超正，熟得剛剛好，只加十蚊勁抵，而且食果陣咁岩有折，加埋都係$78，推薦！

天氣轉涼，就想食碗熱辣辣嘅拉麵今日就試左「弟弟推介」，因為我比較鍾意食肥啲嘅叉燒，再加隻糖心多，加埋98蚊，價錢都ok啦。先講湯底，一飲就飲到好香嘅煎魚味道，但一啲都唔腥，唔鍾意食魚嘅朋友都可以試下。魚香味過後就飲到香濃嘅豬骨湯味，湯底嘅質感亦都好濃厚，可以話係魚同豬完美嘅結合叉燒味道就反而偏淡，因為係用豬腩肉做，肥嘅部份會入口即溶。叉燒上面有一pat仔醬，好彩點左少少試左先，原來係辣醬嚟嘅，加少少同叉燒一齊食會野味啲。隻糖心蛋都建議大家加10蚊試下，醬油味濃，裡面流心拉啲麵呢就不過不失啦。總括嚟講都推介俾大家嘅！

店的内外部装修很有日本风味，里面的环境十分精致，乾净清洁。餐单很简单，只有三款拉面，包涵了肩和肚两种猪肉。拉面价钱是88元和98元两个价，如要糖心蛋就另加10元。算是市面上拉面的价钱，但个人认为有点贵。落单是填纸，除了拉面，还可以追加其他配料和饮品。选择不用，所以点餐的难度不大。想一次过试完试完两种猪肉，料理长之选择是唯一之选。上桌时感觉份量有一点少，共四块猪肉，肉食很腍，两者选其一，还是喜欢猪肩肉。汤面上还放了一点洋葱，令汤味更鲜甜。埋单98元，但以份量衡量，是有点贵，食量较大的人肯定吃不饱

上YouTube睇到有關店長嘅介紹，為咗努力做好一碗麵不惜工本，今日決定帶未來老婆試一試看看是否屬實。我們點了一碗店長推介丶及妹妹推介，兩碗都各追加一隻糖心蛋。其實兩碗嘅份量基本上係一模一樣，只係店長推介會食到兩種不同嘅叉燒，分別係慢煮豬肩肉及炙燒。先講個湯頭。豬骨魚介豉油湯底基本上每一種味道都嚐到，都中規中矩。唔會話太稀亦都太潔，可以掛到麵。麵種就同豚王一樣，用幼身，都冇乜特別。筍都正宗，似日本的味道。至於叉燒，我哋覺得最好係慢煮豬肩肉，不肥不瘦。炙燒反而不太突出，可能偏肥了一些。反而溏心蛋不是溏心，是流心。不過係入味夠，蛋白食出醬油甜味。整體來說可以，有進步空間。

麵処一家 🍜 之前睇左飲食男女YouTube 段片一直都好想試吓依間店 可惜上次去 老闆因為食材未如理想停業一日 冇辦法去食 結果拖左成年之後先食料理長の選択HKD98 +HKD10 蛋店入面三款湯底都係濃厚豚骨魚介醬油拉麵 而料理長の選択係包括左火炙豬腩肉加慢煮豬腩肉 其中一個有黑椒 小編就麻麻 我覺得應該係火炙 如果錯請下面留言更正我 我自己黑椒搶左叉燒嗰味湯底呢 小編覺得湯頭頭偏清 不過食到落尾就咸左少少 魚介味好出 不過豬骨就唔係好飲得出 不過 小編覺得店主好認真 因為為咗做好一碗麵去街市買新鮮嘅肉骨店主係面中間放左生洋蔥粒 我自己覺得幾特別同令成碗拉麵更加好食Rating5👍🏻為滿）味道：👍🏻👍🏻👍🏻👍🏻環境：👍🏻👍🏻👍🏻抵食：👍🏻👍🏻👍🏻📍：麺処一家 (尖沙咀)尖沙咀厚福街11號地舖

同老婆去尖咀行街，突然想食拉麵🍜又咁啱經過厚福街，麺処一家係不✌🏻之選，就睇下有冇📺介紹到咁好味先。😋好耐之前電視介紹過呢間拉麵店，所以一早想黎試下，但你知香港拉麵店好似7️⃣仔咁，去到尖咀又未必會揀拉麵，所以緣份今日先到。🤣店舖雖少但簡潔企理，感覺幾舒服😌。但我唔知原來佢地只有一款🍜，濃厚豚骨魚介醬油拉麵，分別有👧🏻，👦🏻同👨🏻‍🍳の選択，其實只係兩隻叉燒，單拼定雙拼🤣。其實專注做一樣野食既食店，更令人期待！😜我地都叫雙拼，醬油湯底夠鮮夠濃，麵底夠咬口，兩隻叉燒都好入味，糖心🥚又好味，確實係唔錯。最👍🏻既係食完唔會好口渴。🥰呢間確實係一間好有心機既拉麵店，雖然未算驚艷，但已經好出色，絕對值得一試 👍🏻

又到晚餐時間去尖沙咀厚福街搵食既時間其實條街有唔小拉麵店見呢間門面乾乾淨淨，餐牌啲相又幾好一於決定呢間啦～好彩等位既人唔多，大約十五分鐘都可以入座入座後(是次坐bar枱位)，叫左個弟弟推介同料理長推介拉麵等左約十分鐘後就有得食啦～個湯底飲得出係真材實料，食完你會發覺個口好有骨膠原既感覺拉麵煮得岩岩好，軟硬適中豬肩肉真係好有水準成間店得三個麵既選擇，對於我呢d有選擇困難症既人，未嘗不可，唔洗左揀右揀

麵処一家 呢間拉麵舖只賣三款拉麵湯底都係濃厚豚骨魚介醬油味道其中妹妹推介就配慢煮豬肩肉、弟弟推介就配火灸豬腩肉店長推介就兩款肉都有-豬肩肉睇落生生地未煮熟甘但其實肉質幾鮮嫩，味道有小小似煙肉半肥瘦既豬腩肉用火灸燒得好靚口感入口即溶，滑落喉嚨甘多10蚊可以試兩款肉，店長推介係最抵食-湯底味道超級濃郁，真材實料但魚介加上豚肉既油脂，食落有小小油膩同偏咸左D溏心蛋都幾流心，幾加分！拉麵係用幼身既麵條，食落彈牙吸湯

尖沙咀好多人，本身想食漢堡但好多人，所以就入咗呢間拉麵店，果然入咗間好既餐廳，叫咗一個妹妹推介，慢煮豬肩肉，豬肩肉好好食好淋，湯底唔會好濃好油 我平時都唔鐘意好油既湯底，呢個啱啱好，我仲可以自己食完，好推介大家食

經常都推薦話呢間超級正，講咗幾個星期大家終於收工一齊去食！由於我好肚餓等咗10分鐘先見到我嘅拉麵都嚟唔切影相就已經擺晒落個我肚仔度😂呢度嘅拉麵唔似出面嘅拉麵店有好多唔同湯底同埋面嘅口感軟硬選擇，老闆只做一款拉麵而且湯底都係親自調教，不假手於人，所以湯底嘅水準我認為係我目前食過既香港拉麵來講最高！個拉麵湯底濃得來唔會覺得好鹹同味精，一啖拉麵一啖湯咁樣嘅食法係最正，雖然份量細細，面嘅粗幼係我比較喜歡嘅，雖然叉燒真係唔多，但口感好正肥瘦適中😋，仲有可以額外加筍同埋蛋，最後我地4個直頭湯都飲晒😆😆（第一次食拉麵飲晒啲湯）鍾意食拉麵嘅人真係值得一試！只做一款拉麵可以維持高品質高水準，不過如果有埋餃子食就真係200分 ！

放工約咗朋友食晚飯嚟到厚福街呢條咁多黃店嘅街到朋友揀咗呢間食拉麵嘅麵處一家對於有選擇困難嘅朋友仔嚟講，呢間舖只得三款麵揀(嚴格嚟講係得兩個)，分別在於係揀火炙豬腩南定慢煮豬肩肉，又或者嗌曬兩種肉嘅料理長。朋友就嗌咗兩款肉嘅拉麵，而我就嗌咗個火炙豬腩南的再加一隻溏心蛋。先講湯底，佢喺用豚骨魚介醬油整嘅，比較咸但好有魚同豬嘅鮮味，到最後成個湯飲曬而入面有嘅料都係兩塊肉，有荀，有紫菜碎同蔥，另外加咗隻溏心蛋，好好食，流心嘅蛋黃凍凍哋 配埋拉麵嘅湯簡直一流。佢啲火炙豬腩肉完全唔油膩，超好咬口 又唔會有陣特別豬嘅騷味。可惜個麵有啲少，大食嘅朋友可以考慮加麵底。個人建議嗌曬兩款肉嘅拉麵再加隻溏心蛋就最好不過。

早放工六點幾就試吓呢間成日要排長龍嘅拉麵店去到嘅時候唔使排隊就安排入座餐牌好簡單一目了然最主要就係有三個選項：妹妹推介弟弟推介店長推介最大分別只係塊肉係唔同嘅部位一行兩個人，就一人叫咗一碗唔同嘅選擇等大家可以試吓唔同部位嘅肉————————————先講吓上菜時間，等咗大概10分鐘到就上到， 10分有效率，唔使等咁耐！湯底係豚骨魚芥湯，魚芥味都幾重，但係豚骨味就唔係好食到，但都幾好飲。個人覺得如果湯底可以再多少少就好，對於食得慢嘅人講就可能好快會吸晒啲湯————————————腩肉片就口感好啲，脂肪同肉嘅比例均勻：肩肉就梗係口感實淨啲，但係一啲都唔韌，好易咬！————————————食完已經門口大排長龍。總括嚟講呢一間拉麵舖可以一戰，都值得支持💛

呢間店既老闆曾經去過日本學煮拉麵店舖嘅拉麵只有3款揀🍜🍜🍜分別係妹妹推介 弟弟推介 店主推介3款都係幼麵同一樣嘅湯底 只係肉既類型唔同 為左試哂2種肉 就揀左店主推介😎✨ 店長推介拉麵(💰$98 + 10温泉蛋)即係火炙豬腩肉加慢煮豬肩肉拉麵豬肩肉好嫩 而豬腩肉就好香口 油脂分布啱啱好加上秘製辣醬同啲蔥一齊食 更惹味😋温泉蛋既流心效果都唔錯 醃得啱啱好🥚至於湯底就係豬骨魚介湯 都幾濃郁嘅唔會好鹹亦都唔油膩 飲完唔會覺得好口渴👍🏼另外 服務態度都幾好👍🏼👍🏼入座會問需唔需要橡筋紮頭髮而且時不時都會主動加水