麺匠八

营业中

休息中

非常之肚餓😔太忙成日都無咩時間食野咁，發誓唔可以對自己係咁，真係是是但但搵間食左佢算，去左間拉麵舖😝亂打亂撞入去食，入面原來好鬼死靚，完全係日式既舖頭，雖然係一間細細地既舖，但入面都好靚唔錯，仲有一個大畫面可以欣賞☺️味增豬扒拉麵🙂味增豬扒拉麵，咁嘅組合真係太正喇😋！啱啱煮好嘅拉麵就咁浸喺味增湯底🍜，湯頭鮮味十足又唔會太鹹，啖啖都係滿足感👌。豬扒炸到皮脆肉嫩，再配上湯底嘅鮮香，咬落去簡直完美！😍仲有，啲配料都好講究，有青菜、玉米、蔥花，增添晒個拉麵嘅層次感🌿。每一啖拉麵同豬扒嘅組合都令人回味無窮🤤。食落唔單止暖笠笠嘅，仲會令人覺得精神百倍，真係食過就知🔥。味增豬扒拉麵呢個選擇，特別適合身處涼快天氣或者係需要食啲暖笠笠食物嗰陣🍲。每次食完之後，都總會覺得心滿意足，下次經過一定仲會幫襯，真係食貨們嘅福音呀💯！炸雞翼🙂點都要叫多份小食，炸雞翼好香，雞翼味濃郁，特別雞翼皮就更加香口，食到好乾淨，今餐非常滿意😎😎

✅忽然記返起同男友拍拖，跟住大家都想搵嘢食，就係想食一間係好食既，次次食刺身都會厭，愛日本嘢既心都仲仍在，同男朋友就去到麵匠八食拉麵，我地都叫左好多野食，大部份都係炸嘢😂每人一碗拉麵，再有飲品…..🔆炸雞翼🔆🔆🛜好食阿，炸雞翼比一般既仲要好食，炸到金黃色比例，然後雞翼既肉都好鬆軟，好有味道😍🔆🔆唐揚雞塊🔆🛜通常出面整既雞塊真係好乾水，但係呢度既雞塊好有雞香，仲有油香去滋潤，所以食到好香好惹味，整成一粒粒咁既形狀，方便一口食😄🔆番茄肥牛拉麵🔆🔆🛜肥牛好有料，番茄味亦都有，如果講味道，都可以列入為叫做好食，而佢既拉麵都好有口感，再有番茄既味道，真係好食到停唔到口😆🔆🔆味增豬扒拉麵🔆🛜呢個拉麵主要係味增既味道，味道上都比較濃郁，仲有豬扒，真係唔怕唔夠食，呢度既拉麵一樣好食，佢既湯底裝到滿一滿，而且仲有其他配料，真係好食又有水準😀🔆芒果啫喱冰冰🔆🔆🛜雖然而家既天氣涼涼地，但都無阻我想飲凍嘢既心情，芒果味道真係好正，仲有啫喱冰冰，令我回想返兒時回憶😗🔆🔆抹茶紅豆鮮奶🔆🛜鮮奶成日飲，咁好飲就未試過，佢既味道好有層次，清新既茶味仲有一點甜，味道上好適合我，而且營養都好豐富🎶

今日lunch hours 終於冇咁忙，可以出去搵間好餐廳慢慢食🥹，前排做嘢真係太辛苦，次次都淨係叫外賣！今次同事就同我一齊去咗呢一間日本餐廳到食拉麵🍜，好彩我哋放飯嘅時間比較晏，所以都唔會話好多人，好快就搵到位😆🫶🏻🫶🏻番茄肥牛拉麵🫶🏻🫶🏻平時都好鍾意食蕃茄嘅，我就揀咗呢個蕃茄肥牛拉麵，蕃茄湯底好濃郁，而且酸酸甜甜咁好開胃，肥牛嘅份量超級多，而且佢嘅肥牛好好食，肥瘦適中，牛肉嘅味道好濃郁，又吸收到蕃茄湯底嘅味道！拉麵口感有咬口，食完真係好飽好滿足。🫶🏻🫶🏻味增炸餃拉麵🫶🏻🫶🏻同事叫咗呢一個味噌炸餃拉麵，同樣好好食，佢分咗一隻炸餃子俾我，餃子食落好香口，而且又好滿嘅餡料，煎到外皮有少少香脆，同事話個湯底都幾濃郁，不過又唔會太多味精太鹹，啱啱好。

見屋企附近開左間新餐廳，價錢唔算貴，就入去試一試啦。我叫左個味憎雞扒拉麵。同行朋友叫左日式叉燒拉麵。送到黎，有少少驚喜，見到塊雞扒好大塊！不過碗入面塊紫菜就... 縮到變左一pet野。同行朋友叫既拉麵都有相同既情況...雞扒煎得剛剛好，有肉汁，但味道就略淡，醃得唔夠入味。而拉麵就係以前細個食屋邨日式餐廳嗰種拉麵。自從日本好多拉麵過江龍黎香港開店後，都真係好多年冇食過lu。你唔可以話佢唔好食，但好食又真係講唔上。兩個人埋單食左$13x。總結，一試就夠喇！可能真係諗唔到食乜先會再去喇。

間舖頭新開張，日日經過都見到好多人排隧，今日就入去試下，叫咗個味噌雞扒拉麵同酸湯肥牛拉麵，雞扒味道唔錯兼大件，抵食酸湯開胃，出餐亦算快，整個用餐過程感覺良好，值得推薦

彩明呢邊無論開咩新餐廳附近街坊一定第一時間排隊試🤣當日一行6人而餐廳入面應該得2人/4人/吧枱等咗好耐都唔覺店員有幫我地hold枱繼續放其他人入去最後忍唔住問下佢先話幫我地hold緊結果由8點未夠等到差唔多9點先入座🕘入座安排超級亂😵💫野食方面都係正常日式拉面鋪嘅嘢有拉面🍜丼飯🍛炸物之類特別少少係有個酸湯底，但我無試😂最後揀咗味噌豬扒拉面🐷雖然唔係好食到味噌味湯底都偏咸👅但份量都幾多嘅👍🏻可能多人食嘅關係食得出吉列豬扒係新鮮炸起嘅都夠熱夠脆👍🏻見餐牌仲有供應台式飲品同芋圓糖水🧋但都唔平同出面鋪頭價錢差唔多💰所以就無試lu😗總結:睇返另一間分店同其他街坊嘅食評都劣評如潮👎🏻雖然今次食呢間新分店覺得尚可接受但俾六十幾蚊食一碗呢個質素嘅拉面我就唔會再食第2次lu