麺屋こころ (新城市廣場一期)

营业中

休息中

嗰日晚上朋友突然放飛機，本來以為我哋要喺新城市廣場食晚餐，結果剩低我一個人。冇辦法之下只好叫我嘅細佬一齊食晚餐。細佬推薦我哋一齊去食7樓嘅麵屋こころ。佢話佢食咗一次之後，已經愛上咗呢度嘅麵。就等我嚟試吓有幾勁。呢間店嘅裝潢確實唔錯，日式風格嘅時尚感，店員好有禮貌，環境亦都好舒服。以下係我哋嗰晚食嘅拉麵。⚪️雞白湯拉麵乳白色嘅湯汁，賣相非常好睇，湯味亦都非常香濃，係碗色香味俱全嘅麵。叉燒片同雞肉片嘅混搭，配上其他配料例如紫菜、蔥花、竹筍，麵條彈牙有嚼勁。確實好好食。🟢正宗全料東京撈麵滿滿配料覆蓋咗成碗麵，唔單止有溏心蛋，仲有生蛋黃、紫菜、蔥花、韭菜、竹筍、紫菜碎、生蒜、魚粉、鮮嫩嘅豬腩肉同彈牙嚼勁嘅麵條，食得好幸福，真係好值得推薦。

放工返屋企路上無意間發現咗間日式餐廳，睇咗個餐牌決定入去試吓。鋪頭裝修風格獨特，座位寬敞舒適，燈光亦都好有情調，畀人感覺好輕鬆咁樣食飯🍚【雞白湯拉麵】溏心蛋睇落已經好好食，一啖咬落去有蛋香味，再配埋叉燒片同雞肉片嘅鮮甜多汁，加埋蔥花嘅蔥香味，全部夾埋一齊真係好滿足😋【原味東京撈麵】枱上面會放咗食東京撈麵嘅方法，跟住嚟真係會畀佢驚艷到😍肉類變得鮮美多汁，仲有蛋香味，每一啖都特別香甜，食咗停唔到口🤤總體體驗特別鍾意，撈麵睇落好簡單，但係味道非常好食，再配埋鋪頭嘅裝潢，畀人感覺特別放鬆👍

下午喺沙田新城市廣場行街，見到有間特別日式嘅餐廳，原來係日本拉麵館🤔 不過呢間又好特別，大部分嘅餐牌都係撈麵，湯麵淨係得一款揀。鹽味撈麵～撈麵有少少湯汁，呢款嘅湯汁比較清淡，唔似豉油或者味噌咁濃郁。配埋叉燒、蔥花、紫菜一齊撈嚟食，別有一番風味😋 叉燒片都好嫩滑，切得薄厚適中，咬落去冇嗰種肉腥味，好好味！雞皮餃子～我仲叫咗小食，炸得外皮酥脆，內餡雞肉柔軟多汁。雞皮炸得油光十足，非常誘人！仲有好多特色撈麵我仲想試，下次再帶朋友仔嚟食！

早幾日突然心血來潮想食拉麵見到新城市7樓有間拉麵未食過就諗住試吓其實入去之前都知道佢係食撈麵出名但係一打開個餐牌見到啲蔥真係搞唔掂😂最後好冇大志地嗌返個雞白湯拉麵🤣🤣🥢雞白湯拉麵其實老實講就係正常發揮啦咁佢食完又唔會好口渴嗰啲，但你話佢好好食又唔係另外我仲叫咗杯matcha latte佢係有淡淡嘅抹茶味，唔算話好濃但係如果以smooth嘅程度嚟講，我覺得The Matcha Tokyo比較smooth而且唔知係咪啲抹茶粉唔同佢呢杯會有啲粉末狀嘅嘢唔知係啲粉未融得晒？定還是係唔同抹茶嘅特質？我對抹茶又冇咩研究，所以呢方面就評論太多🤪

平時日式拉麵同沾麵就食得多，日式撈麵真係未食過，「麺屋こころ」第二店開左去沙田都一段時間，今日過開去一於試下東京撈麵是一種無湯的麵食，採用自家研發既肉燥、獨門醬汁同自家手製太麵，並配上各種新鮮的食材而成，再加入黑椒同秘製香醋享用正宗全料東京撈麵有豬腩、生蛋黃、辣肉碎、溏心蛋、紫菜、竹筍、紫菜碎、魚粉及小麥麵，豐富又惹味柚子鹽味撈麵（冷）有雞肉片、蔥花、紫菜碎、水菜、竹筍及小麥麵，柚子醬汁加上凍食既關係，味道份外清新我自己本身好鍾意食撈麵，整體既味道都幾岩我，如果唔夠飽，可向店員要求一份免費迷你白飯，加入碗內並與汁醬攪拌享用，一撈兩食，但我食完個麵就已經超飽了🫢

🔝🔝🔝伊勢抹茶🔝🔝🔝🔝🔝🔝🔝伊勢抹茶係一種綠茶粉，係日本既伊勢好出名，佢有一種香濃既茶香係入面，通常麵會配襯住抹茶，係最佳既味道，就係鍾意呢杯咁香濃既味，而且係出面都好少見，難得見到當然要飲一杯啦之後先試試♾️雞軟骨餃子同埋雞皮餃子♾️呢兩個小食主要都係雞肉為主，顏色差唔多，大家既外層都係好香脆，內部嚼勁十足，同樣地都有醬料咁一齊食，惹味好食 😃🔝🔝🔝叉燒撈麵🔝🔝🔝🔝😆最後食到叉燒撈麵，今餐真係超級豐富，食到好飽，當中包括豬腩、生蛋黃、辣肉碎、蔥花、韭菜、紫菜碎、生蒜、魚粉及小麥麵 ，好鍾意食叉燒，好大塊味道好好，叉燒唔會唔夠味，因為仲有好多豐富既料，有菜有肉，好健康，今餐真食得好開心，要帶埋朋友過黎先得地址：沙田沙田正街18號新城市廣場一期7樓704號舖🔙

今日一於過嚟新城市廣場食好西，見到呢間麵屋都開咗一段時間，一直都好心思思想試吓！一於今日嘅晚餐就揀佢啦！話明晚餐，梗係要食豐富啲，叫咗碗麵一個小食和一杯飲品！伊勢抹茶🧊🍵先飲一口冰涼嘅伊勢抹茶，佢用日本伊勢抹茶粉沖泡而成，茶味濃郁又有抹茶嘅甘香味，味道清雅飲多多都唔會厭！好味分數🍵🍵🍵🍵🍵鹽味撈麵平時食開啲盬味拉麵味道都係比較清淡好簡單。但呢度完全唔係，除咗鹽味拉麵都有嘅豬腩之外，佢仲有蔥花、紫菜碎、水菓、竹筍、唐辛子絲、生蒜、魚粉做配料，呢個鹽味拉麵真係超出我想像。餐廳用嘅小麥麵都係日本空運過嚟，充滿麥香味，口感彈牙！好味分數🍝🍝🍝🍝🍝雞軟骨餃子本身已經好鍾意食雞軟骨，雞軟骨嘅清爽口感，和雞肉的鮮味，令人越嚼越滋味。餃子外皮炸到卜卜脆，兩樣截然不同嘅脆實在令人完美！😋好味分數🥟🥟🥟🥟🥟

好耐無嚟過沙田新城市廣場，見到7樓有間好明亮新派嘅日式麵店，原來係食撈麵👀餐廳嘅食客都幾多，見大家食得津津有味，搞到我哋都想試一試👭🏻雞軟骨餃子〰️炸得好乾身，無油淋淋嘅感覺，沾醋食更開胃，每人兩件份量剛剛好✌🏻柚子鹽味撈麵〰️柚子鹽俾到人一種清新唔膩嘅感覺，由於依碗麵係冷麵，所以啲麵得別彈牙🦷夏天食依個配搭嘅冷撈麵，相信會好舒服同透心涼🧊正宗全料東京撈麵〰️視覺效果滿分，唔同配料分別擺放得好整齊，生蛋黃液增加咗配料嘅融合度，入口有齊各個配料嘅味道，非常之豐富✨

肉の地獄鐘意食肉一定要揀呢個，唔洗再加錢要再加肉，一碗已經有5塊仲要每一塊都要大大塊(*¯︶¯*)肉味唔會好濃加上好好咬的🤤本人覺得男人食會比較適合否則可能會太飽。山椒胡麻冷撈麵叫咗中辣的程度但我鐘意食辣所以就覺得唔會太辣🌶️反而因為係涷嘅撈係麵所以會一口接住一口食，本人鐘意加炸蒜片食會更夾。正宗全料東京撈麵撈麵嘅料比起其他都仲多的，所以口感真係好好豐富，會每一啖都有超多料，還有兩款的蛋包括生蛋黃和溏心蛋，愛蛋人士滿足🥚🥚🍳雞軟骨餃子 雞皮餃子兩款的餃子也不會整得好乾中間是有肉汁的🥟本人更加鐘意食雞軟骨餃子多啲

見到網上有人推介呢間，今日同朋友仔三個一齊黎試下，叫左3️⃣個set，網友話雞皮餃子必試，我地就一致叫哂雞皮餃子🤣Set1️⃣：原味東京撈麵+雞皮餃子生蛋黃、辣肉碎、蔥花、韭菜、紫菜碎、生蒜、魚粉及小麥麵最原始版本嘅撈麵，配料一樣豐富，賣相吸引，想食原味嘅朋友可以試下🤟。Set2️⃣：肉の地獄+雞皮餃子山椒胡麻冷撈麵（中辛）叉燒片、生蛋黃、辣肉碎、竹筍、紫菜碎、紅洋蔥、炸蒜片、芫荽、腰果、青檸及小麥呢款麵啱曬食肉獸嘅朋友，肉量非常多🤤。Set3️⃣：明太子忌廉撈麵+雞皮餃子豬腩、明太子、生蛋黃、蔥花、紫菜碎、水菜、唐辛子絲、生蒜、魚粉及小麥麵明太子充滿咸香，忌廉亦配搭得好，整體微辣惹味😍。三碗麵嘅麵條粗幼介於沾麵和拉麵之間，口感煙韌彈牙，將所有配料生蛋黃、蔥花、紫菜碎、唐辛子絲、生蒜和魚粉一起攪拌，充滿層次感。雞皮餃子有特色之餘亦好高質，香口而不油膩。服務員亦殷勤有禮，值得比高分💯。

呢間係東京開過嚟嘅，主打都係東京嘅撈麵，加上有啲香港特有嘅風味，好特別！呢個山椒麻辣撈麵係勁辣，豬腩夠晒肥美，炸豆腐粒同麻辣肉醬都充滿香辣咪道，加上溏心蛋、紫菜、紅洋蔥、水菜、竹筍、紅椒絲，味道更加豐富有層次，小麥麵亦好煙靭，口感好好👍🏻呢個叫做肉の地獄其實就係山椒胡麻冷撈麵，係中辣，有激量既叉燒片，又有生蛋黃，辣肉碎，再加埋竹筍、紫菜碎、紅洋蔥、炸蒜片、芫荽、腰果、青檸，撈勻晒同小麥麵一齊食，味道相當好👏🏻最後呢個係明太子忌廉撈麵，豬腩片肥肥地，同咸咸地既明太子好夾，篤穿生蛋黃去撈埋蔥花、紫菜碎、水菜、唐辛子絲、生蒜、魚粉仲有小麥麵，全部材料撈埋一齊，味道香濃，口感豐富有層次🫶🏻而小食就係呢個雞皮餃子，餃子原來真係用雞皮做餃子皮，包住肉餡拎去炸，炸到好脆，雞皮索索聲，餡料就係香濃既肉餡，再點啲酸酸地既沙律醬，更加好食✌🏻

今日收工想過沙田新城市買啲野，順便緊係去搵嘢食啦👀呢間日式餐廳係上中間電梯直望就會見到，餐廳以黃色底主打以嘢食多數以撈麵為主，湯拉麵就得一款🍜當你坐底叫完嘢食仲會附上撈麵食法添📃✦✦✦✦✦✦✦✦✦✦✦✦✦✦🎈1. 明太子忌廉撈麵 $99每款撈麵都會有個牌寫住次序食法一共有3 STEP食法，食咗1/3加上黑胡椒，2/3後加上醋🥢用上配料非常多，有明太子、生蛋黃、蔥花、紫菜碎、水菜、生蒜、魚粉等等個人覺得紫菜量都比較多，好似變咗紫菜撈麵咁一開頭乜都唔加既話味道上其實唔錯，明太子加上煙韌麵非常好食👍然後加上黑胡椒後香味再有提升，食落更有滋味，麵既黏越度啱啱好不過最後加上醋後變得非常咸了😂✦✦✦✦✦✦✦✦✦✦✦✦✦✦🎈2. 鹽味撈麵 $89反而鹽味撈麵無咁咸，但配料上既菜味就較為濃好多🤨麵底同樣帶煙韌，算不錯的另外，一定要大讚就係入面2塊豬腩🍗整得非常好食，無論味道，入口質感，都勝過好多拉麵店👍✦✦✦✦✦✦✦✦✦✦✦✦✦✦🎈3. 白桃沙冰 $46味道同出面食既桃沙冰分別唔大入面有5-6件桃肉🍑如果要解下口中既咸味，可以叫杯嘢飲🥤

係沙田有間人氣高嘅日式麵屋（KOKORO TOKYO MAZESOBA麺屋）+ 抹茶手作茶飲（KOKORO NOMIMONO）集合於一店。今次我們去這裡本想食個輕便下午茶，點知食完飽到連晚餐都不用食。知道他們家麵好出色，但我都想食試試丼。首先叫了兩個迷你丼和小食1️⃣炸雞迷你丼雞肉很嫩口，炸得好爽身，無厚炸粉的情況。和紫菜絲+沙醬+流心蛋混在一齊好開胃，食了一口又一口！2️⃣叉燒迷你丼燒得香香的叉燒，滲有點炭燒味，不太想太快食完叉燒，所以就一小口一小口同紫菜絲+流心蛋混在一齊食。3️⃣雞皮餃子 （4隻）熱辣辣，即叫即炸🔥整塊炸得香脆脆的雞皮包住雞肉，啖啖脆脆口，好惹味😋最後當然要叫他們家的甜品套餐 🍨抹茶甜品套餐（包2杯抹茶拿鐵）有件份量十足足料芝士蛋糕、香濃抹茶雪糕、抹茶／抹茶紅豆果子。佢任何抹茶甜品和茶飲都好讚！店員話係全有機材料，天然無添加，日本直送。

最近去了一家環境舒適的餐廳，餐廳位於新城市廣場一期7樓，試了他們的山椒麻辣撈麵、山椒胡麻冷撈麵（肉の地獄）、雞軟骨餃子和焙茶拿鐵。這四道菜給我留下了深刻的印象。我非常喜歡山椒麻辣撈麵（大辛）和山椒胡麻冷撈麵（中辛）這兩道菜。它們都是辣味十足，給人一種激烈的口味體驗。山椒麻辣撈麵（大辛）🍝有著濃烈的山椒香味，麻辣🧂足以讓我舌頭發麻。撈麵的麵條煮得剛剛好，有著彈牙的口感。配料亦非常豐富豬腩、炸豆腐粒、麻辣肉醬、溏心蛋、紫菜、紅洋蔥、水菜、竹筍、紅椒絲都令整碗麵更加美味。山椒胡麻冷撈麵（中辛）🍝是一碗較為容易入口的選擇，唔係太辣。入面仲要舖滿义燒肉，麵條經過冷水沖洗，充滿彈性食落去不黏不軟。山椒的辣味和胡麻的香氣完美結合。除了义燒外，仲有生蛋黃、辣肉碎、竹筍、紫菜碎、芫荽、腰果等作配料食得超滿足。雞軟骨餃子。它們外皮金黃酥脆，一口咬下去，裡面的餡料鮮嫩多汁。餃子的味道非常鮮美，而且加入了雞軟骨，使得它囗感更加獨特，餃子🥟軟嫩又有嚼勁，讓我吃得津津有味。焙茶拿鐵☕️🧊，濃郁的焙茶香與牛奶的甜香融合在一起，第一口喝下去，可以感受到焙茶的濃郁風味，但同時也不會覺得過於苦澀。牛奶的加入使得整個飲品口感

呢度有好多唔同既麵，撈麵拉麵完有，又有唔同既小食飲品，風味十足！撈麵1️⃣山椒麻辣撈麵（大辛）一個睇樣都覺得勁辣既撈麵，橙紅色既醬汁，麻辣肉醬撈埋豬腩，炸豆腐粒，溏心蛋，紅洋蔥，水菜，竹筍，紅椒絲，又有脆紫菜配搭，小麥麵亦幾煙韌，又麻又辣，爽呀👹👹👹撈麵2️⃣鹽味撈麵呢個係簡單啲既撈麵，傳統有豬腩、蔥花、紫菜碎、水菓、竹筍、唐辛子絲、生蒜、魚粉，整體味道都係咸香簡單，亦有彈牙既小麥麵，簡單得黎但好味🤡🤡🤡小食1️⃣雞軟骨餃子餃子好脆，皮脆肉嫩，餡料係爽脆既雞軟骨，餃子皮就酥脆味美，再點少少醋黎食，味道更鮮👽👽👽