麺屋こころ

营业中

休息中

今日行過海之戀，見到有間拉麵過江龍，喺日本好出名，所以今次專登嚟試試。舖位位置優越，喺荃灣西站一出就到，店舖唔係好大，坐到十幾廿個位。我哋好好彩坐咗喺窗邊，可以欣賞海景。餐廳主打湯拉麵同撈拉麵，仲有啲小食甜品等。見到有套餐，包拉麵、小食及飲品，性價比高，我哋就試試。1）柚子鹽味拉麵-清新嘅柚子味，湯底輕型，配上大塊叉燒同雞蛋，食落好舒服。2）鹽味撈麵-叫左xl size，麵質好煙韌爽彈，會上紫菜，味道濃郁3）小食餃子同枝豆-份量少少，剛剛好4）甜品雙色蕨餅-抹茶同焙茶份量好多，配上紅豆同糖漿，好夾！總括而言，環境舒適，食物質素都唔錯！😆

正宗全料東京拉麵 $109一場嚟到就梗係要試吓佢哋招牌嘅東京撈麵拉麵～話明正宗全料，真係大大碗勁足料～配料方面有豬腩、辣肉碎、韭菜、竹筍同埋生蒜，仲有魚粉再提升成碗撈麵嘅味道～我跟足個指示食，一開始先原汁原味試咗撈麵嘅味道，然後再加黑椒碎，黑椒嘅味道令到成碗拉麵嘅香濃再提升～食咗一半有少少膩，就加秘製香醋，中和返個油膩感～最後再問店員拎一碗白飯撈埋啲肉碎，大滿足～雞白湯拉麵 $99奶白色嘅雞白湯，建議食麵之前先試吓個湯，好濃郁嘅雞湯～除咗拉麵叉燒之外，雞白湯仲有幾塊雞腿肉，口感似慢煮出嚟嘅雞肉，超級彈牙Juicy～拉麵幼身彈身，非常掛汁～雙色蕨餅 $32原味同抹茶味嘅蕨餅，面層灑上蕨餅粉同埋糖漿，口感煙韌數～.餐牌

🍜麺屋こころ 🦆荃灣柚子鹽味拉麵 🍜清新的柚子香氣為主要特色，鹽味湯底輕盈，讓人感受到柚子的酸甜。麵條彈牙，搭配的配料如海苔和蔥花，增添了多層次的風味，整體口感清爽，適合喜歡清淡口味的人。🦆黑松露鴨胸醬油拉麵 🍜這道拉麵的重點在於黑松露的香氣，鴨胸肉鮮嫩多汁，和濃醇的醬油湯底相得益彰。抹茶&玄米茶 ☕️融合了抹茶與玄米茶的香氣，既有抹茶的甘醇，又有玄米的香烘味道，兩者搭配得宜，讓人感受到平衡與和諧。非常適合飯後享用，能清新口氣，放鬆心情。烏龍茶 🍵這杯烏龍茶香氣撲鼻，茶湯醇厚，略帶甘甜，適合搭配各種食物

今日食既呢間係位於荃灣海之戀既拉麵店, 裝潢新淨人客唔多, 呢度出名既就係撈麵麵既選擇都算多, 而價錢唔算貴, 最平既一百蚊樓下都有我點既係明太子忌廉撈麵, 友人點既係黑松露鴨胸醬油拉麵撈麵如果跟佢既食法都幾特別, 首先係撈埋哂所有野, 然後再唔同階段加唔同既配料, 食落口感同味道都會有分別首先係要讚既一定係佢既肉!! 超用心, 嫩滑已經形容唔到佢, 係入口即溶既感覺!!見到佢肥既位都唔少, 但係完全唔覺得太肥膩, 係岩岩好的!! 加左黑胡椒後係好左, 而加左醋係會酸酸的開胃左友人點既湯麵, 最特別一定係佢個鴨胸, 又係勁嫩勁彈牙既口感, 而麵質都同撈麵有所不同!! 清淡得黎又有香香的黑松露味!! 正最後仲可以叫店員上個迷你白飯, 撈埋哂d汁食超邪惡加左個明太子雞翼, 去埋骨, 啖啖肉, 少少辣既味道加上蛋黃醬, 成件事就係極邪惡!! 超好味!! 大推

上次去完沙田分店，已經念念不忘今日同朋友經過開荃灣，決定再encore！裝修風格與其他分店截然不同最鐘意佢仲可以睇到窗外嘅景色好似日本京都啲庭園咁，有feel~~明太子忌廉撈麵呢款係偏濃郁，食落超濃嘅忌廉奶香明太子醬撈埋忌廉又幾夾食落都好creamy柚子鹽味撈麵柚子真係超清新呀，超啱夏天食！食落好fresh，又唔會太膩～仲有好多我最愛嘅紫菜同葱撈埋蛋黃真係一流！叉燒撈麵叉燒份量都適中，偏薄身～建議可以加埋黑椒&昆布醋一齊食明太子雞翼雞翼漲卜卜超大隻～鹽味枝豆份量都好多，仲好好新鮮📍 麺屋こころ地址: 荃灣大河道100號海之戀商場1樓1005號舖電話: 23388802#荃灣美食 #新界美食 #香港美食推介 #香港美食 #日本菜 #日本餐廳

麺屋こころ荃灣大河道100號海之戀商場1樓1005號舖明太子雞翼鮮嫩雞翼搭配香濃明太子醬，好岩做下酒菜或者派對小食～由鱈魚卵製成既明太子味道鮮美而略帶鹹香！雞翼烤至金黃色，外皮香脆，內裡肉質鮮嫩，搭配明太子醬，味道香濃可口，獨特風味令人好開胃！明太子忌廉撈麵濃郁明太子醬配滑順忌廉，帶來一種全新嘅味覺享受，令整個醬汁更加香濃滑口！每根麵條都掛滿濃郁醬汁，白色忌廉醬夾雜明太子顆粒，味道香濃而不膩，每啖帶來無比嘅滿足感！柚子鹽味撈麵一上枱就散發獨特柚子香氣，撈麵帶清爽口感，絕對係夏天嘅最好選擇！金黃麵條Q彈有咬口，加入柚子、鹽，帶來一絲清涼感，味道清新好FRESH～牛油醬油枝豆簡單又美味嘅小食～將新鮮枝豆配搭香濃牛油醬油，金黃鹹香既醬汁惹味至極！

來到荃灣日本撈麵店「麺屋こころ」，交通非常方便，就在荃灣西地鐵站的海之戀商場，在日本已經有多間分店，很有日本的風味👍👍❇️明太子雞翼外皮酥脆，內裡肉質鮮嫩，咬下去時釋放出濃郁的鮮香。明太子的醇厚風味與雞翼的肉香完美結合，帶來一種獨特的鹹鮮感！😋😋❇️明太子忌廉撈麵順滑的麵條與濃郁的明太子忌廉融合在一起，口感變得極其順滑❇️柚子鹽味撈麵鹽的鹹香恰到好處，柚子的清香與微酸，只整道菜特別清新❇️叉燒撈麵叉燒外皮微焦，很嫩滑❇️鹽味枝豆枝豆很鮮甜

今日放假，去荃灣同朋友行街，行吓行吓朋友話想去食拉麵，於是喺OpenRice度見到呢一間餐廳有人推介，即刻去咗試新嘢。餐廳裝修簡潔有品味😜環境超級乾淨，光線亦適中😎揀左明太子忌廉撈麵！😇鮮美嘅明太子配上豬腩嘅香味， 呢兩個組合完全係冇得輸，同埋呢度嘅撈麵仲有好多唔同嘅配料一齊食，成個味道口感都非常之豐富，極鍾意呢個撈麵另外要介紹一款正宗全料東京撈麵😉 雖然我未食過東京嘅撈麵，不過呢一度嘅撈麵真係好足料，豬腩同埋生蛋黃夾配合係令我意想不到嘅，真係好正，蛋黃撈完之後成個面底好滑，同埋小麥麵本身嘅清新味道一齊食真係好爽麺屋こころ嘅撈麵真係好出色係基本上係香港都冇另一間餐廳係主打食日式嘅撈麵，所以如果大家都想試吓新嘢嘅話，幾推介呢一間餐廳!

食完麵take out咗支全新未開嘅飲品返屋企，返到去先發現有異物，email去店鋪反映冇回覆食過幾次沙田店有水吧即整野飲，而荃灣店係整定一支支係雪櫃，唔知放咗幾耐

小編和友人在星期六的4點左右到達, 店員放下了下午茶餐牌, 小編興奮地和友人說原來星期六日也有下午茶, 卻被店員聽到然後主動告知下午茶只在星期一至五供應。本來友人想吃餃子, 被告知賣完了, 只好點明太子雞翼。柚子鹽味撈麵 (冷) $89照片上的柚子鹽味撈麵有生蛋做topping, 下單時店員告知沒有生蛋, 會換成溫泉蛋, 上檯後卻發現變成溏心蛋, 而且只有半隻, 略有被騙的成份。雞胸鹹香味重, 略為乾身。撈麵的麵體粗身, 介乎於拉麵與烏冬間的粗度, 很有口感、彈牙。沒有坑紋所以不會說特別掛汁。柚子的微酸讓人食欲大增, 很快就把整碗麵吃完, 也突顯了份量偏少的問題。$89一碗連正常食量的女生都吃不飽的拉麵…值不值真的見仁見智。雞白湯拉麵 $99只有一片雞胸和一片叉燒, $99實在不值, 麵底和撈麵的麵底不同, 是幼身的日式拉麵。味道正常, 湯底有濃厚的雞肉味, 奶白色, 過關。明太子雞翼 $36明太子雞翼有點微辣, 雞皮燒得很香, 裡面是滿滿的明太子, 這個推薦。煙燻鴨胸 $15想不到最抵食的是$15的煙燻鴨胸, 有4片而且即叫即燒, 配上拉麵簡直是一流的享受。結果, 兩個人吃了$263

今日去咗荃灣食一間日式撈麵店，叫麵屋こころ。海之戀商場分店真係好方便，一出咗荃灣西站就係喇！呢間連鎖餐廳除咗荃灣仲有沙田同元朗都食到㗎！內部則透過自然採光及窗外景色融入室內，並以日本京都庭園作設計意念，最適合就係同朋友一齊過嚟chill!!☀️今日就試咗佢嘅雞白湯拉麵同埋鹽味撈麵。雞白湯拉麵佢嘅湯呈現奶白色，好香嘅鹹香味，味道好濃郁🤤上面仲有半熟嘅糖心蛋，質感軟滑。上面嘅豚肉都蔬菜嘅份量都恰到好處，口感好均勻。另一個就係鹽味撈麵，鹽味為日本總店原始口味之一，整碗帶有濃厚鰹魚鹹香及芝麻油香，鹹香十足！我首先拌勻整碗麵後先品嚐原味，吃了三份一再加入黑糊椒，另外三份一再加入自家昆布醋，咁就可以享受3重口感！呢款撈麵十分推薦俾大家！最後叫咗一支靜岡烏龍茶🍵佢以瓶裝形式發售，好文青好有特色。茶底係有機茶，無防腐劑，口感清新又清香。

今日去大會堂睇演出，睇完後係附近搵日本嘢食，俾我發現咗一間有日本撈麵食嘅餐廳，入去食完之後，味道從來未食過，感覺很新鮮，味道也不錯。1. 明太子雞翼明太子雞翼是一道將雞翼與明太子結合的創意菜品。明太子是日本的一種魚子醬，味道鮮美且略帶辣味。然後再進行炸製，外皮香脆，內部鮮嫩多汁。明太子的鮮香與雞翼的肉質結合，使每一口都充滿了豐富的風味，並且帶有一絲微辣，十分開胃。2. 明太子忌廉撈麵明太子忌廉撈麵是一道以明太子和忌廉（奶油）為基底的創意撈麵。這道菜品結合了意大利的奶油醬和日本的明太子，帶來獨特的風味。濃郁的忌廉醬與明太子混合，形成滑嫩的醬汁，搭配上煮好的麵條，口感絲滑。3.叉燒撈麵-叉燒撈麵，配料中有隻溫泉蛋黃，撈埋落日本麵中，口感嫩滑，加上紫菜脆口，食落有很多層次，叉燒也燒得好香，厚度適中，不會太薄。4.Cold Brew-以冷水浸泡咖啡粉製作而成，風味獨特，適合炎熱的日子。Cold Brew 通常比熱萃咖啡口感更柔和，苦味較低，酸度平衡，帶有清新的香氣。

麺屋こころ係一間專注於日式撈麵嘅名店 唔係拉麵 唔係沾麵 係日式撈麵呀～ 全球有超過50間分店 主打無湯撈麵 配上自家手製嘅麵條 味道層次豐富荃灣分店門面以黑金色主題設計 睇落都幾靚喎 裡面就用呢個嘅自然採光 窗外景色都唔錯 令成個體驗加分並且用左 日本京都庭園作為佢地店面嘅設計意念 寂靜簡潔 但非常舒適.🐷 牛油醬油枝豆呢個開胃小食真係唔錯 枝豆煮得剛剛好 牛油醬油味道濃郁 食落去好香 係開始一餐的完美選擇.🐷 鹽味撈麵呢碗鹽味撈麵真係好簡單但又好好味 手工麵條滑溜 鹽味恰到好處 冇諗過簡簡單單都可以咁好食～.🐷 原味撈麵原味撈麵有好自然嘅味道 唔多好特別嘅 調味但好多配料 麵條彈牙 配上新鮮嘅配料 簡單卻唔失風味.🐷 日本麥茶呢杯日本麥茶好清新 適合配搭撈麵 解膩又消暑

#miminben_香港📍麵屋 荃灣自從去完日本返嚟，就成日都好想食返拉麵。今日離開荃灣，知道呢邊有好多正嘅拉麵店，於是就嚟咗諗住重溫返日本嘅味道。呢間Kokoro嘅裝修好清簡，但係又不失格調。枝豆叫得日本嘢又點少得食吓佢哋嘅小食，今次就叫咗一份之豆，份量都好多，而且感覺用料都好新鮮。正宗全料拉麵佢呢個面非常之特別，因為係日本撈麵，並唔係平時嘅沾麵。佢嘅材料非常豐富，有好多種唔同嘅食材，例如豬腩、紫菜碎、香蔥、溫泉蛋等等，可見佢哋嘅心思。麵條好有咬口，係比較粗身既麵，而佢安排咗有幾款食法，中段可以加入醋，又或者黑椒等等嘅香料，令到成個飲食體驗都好得意。鹽味拉麵另外就叫咗一份鹽味拉麵，基本上佢嘅面質都差唔多，而味道就比較貼近完味嘅感覺，食食吓真係有種去咗日本餐廳嘅感覺。Cold blew除咗麵食之外，佢都有好多特色嘅飲品可以選擇，今次就叫咗佢嘅cold blew，中文名係水出咖啡，味道相當之正宗，而且包裝好靚，飲唔晒仲可以拎出去繼續飲。

今日下午同老公去荃灣的「麺屋こころ」食下午茶☺️ 見到個menu 有咁多撈麵嘅選擇，都有啲出奇嘅感覺，本身諗住食拉麵，不過諗住都係試吓冇乜所謂，點知有驚喜，幾開心!! 真心唔錯hehe~~💜整體環境💜「麺屋こころ」嘅環境 係簡約清新嘅風格，座位都算好舒適，而且我都幾滿意呢一度嘅店員服務，唔錯唔錯，值得讚賞👏👏💜菜式一：全料東京撈麵💜首先，我地試左個全料東京撈麵， 一望到之後心裏面彈咗一個字出嚟，就係掂!! 豬腩份量啱啱好，而且肥肉同埋瘦肉嘅份量亦都剛好，口感好好，而且肥肉嘅油脂香味完全係震撼咗我，估唔到食撈麵嘅豬腩可以做得咁好食，至於麵條亦都係唔錯的，彈牙有勁，配上豐富的配料值得一嘗！💜菜式二：鹽味撈麵💜然後就到鹽味撈麵。“鹽味”看似簡單，但味道卻非常豐富， 當然都有我鍾意嘅豬腩，另外再加埋其他唔同嘅配料，蔥花，紫菜碎，竹筍等等，簡直是一種享受！ 如果你鍾意食濃厚味道嘅撈麵嘅話，呢一款撈麵絕對係啱晒你嘅 心水整體嚟講，我同老公都好開心可以揀到呢一間餐廳食下午茶，下次都要再過嚟試吓其他唔同款式先得!!