麻布茶房 (已結業)

上星期涼涼地，又想吃火鍋，見到呢間啲雪糕都頗吸引,就入去試一試。 我要了一個豚肉火鍋，壽喜湯底，即是甜豉油湯，個味都十分濃，火鍋配料還算可以，但唔知點解日式火鍋會 有一粒類似龍蝦丸嘅丸每個鍋都配一個白飯，同鍋底有少量粉絲，不錯完左火鍋後，就黎一個雪糕甜品，有幾個類別選舉，價錢會因類別有所調整。有haagen daz 揀，但想要嘅味冇晒，我最後揀左類別最貴個個，芒果聖代。今餐每人七十九再加一以個人火鍋黎講，其實都算貴。

Lunch time 黎到麻布茶房，最正係午餐送 Haagen dazs雪糕就算番工日子都不難搵位，選擇都幾多。。。。。。。。。。。。叫左個海鮮丼定食，貌相ok，可惜。。食落去飯不是壽司飯，沒有醋，而且是熱的加上上面凍的刺身。。。有待改善跟的湯。。。像水一樣？！什麼料也沒有咖哩雞蛋包飯，蛋包住飯的感覺幾好，咖喱也不過不失，這個合格。最滿意係送的雪糕，仲有最新的tiramisu mochi抵番哂，依杯都值三十蚊啦

今日我和太太往九龍灣麻布茶房食晚餐, 我們點了霜淇淋冰茶, 熱抹茶牛奶、札幌味噌拉面、芝士蘭花烤土豆和吉列朱扒滑蛋煮。霜淇淋冰茶雲呢拿軟雪糕好香滑, 甜度適中, 冰茶茶味香濃, 飲落口感十足；熱抹茶牛奶忌廉味香滑, 抹茶茶味香濃, 牛奶飲落香口, 口感美味；札幌味噌拉面面條爽口, 叉燒食落軟腍, 湯底有香濃味噌, 帶有少少辣好惹味, 粟米食落鮮甜, 整碗札幌味噌拉面食落惹味,附上的枝豆炒蛋蛋味香滑, 枝豆食落美味；芝士蘭花烤土豆上桌時熱辣辣有濃香芝士味, 西蘭花食落新鮮爽口, 芝士薯仔烤得剛剛好,食落爽脆, 芝士味道香濃, 而煙肉鹹度適中, 食落肥而不膩；最後吉列朱扒滑蛋煮吉列朱扒炸得金黃, 食落香脆有油花, 滑蛋有濃濃蛋香, 送飯一流, 飯好軟綿, 配菜有味噌湯, 汁煮紅蘿蔔蓮藕、什豆和玉子燒,, 味噌湯鹹度適中, 汁煮紅蘿蔔蓮藕食落爽口鮮甜、什荳酸酸甜甜好開胃, 最後玉子燒蛋味香甜。餐廳座位寬敞, 食物美味, 賣相吸引, 高質日本菜。

有朋友介紹又邊爐又甜品又平既好地方,講真邊爐同日式甜品好難夾到，原來呢到有！放工即刻去，都幾多人。邊爐鍋+甜品套餐牛加$12升級豪華海鮮火鍋湯底有泡菜、豚骨、壽喜，跟飯壽喜湯底係甜，海鮮火鍋有一隻蝦，兩隻青口，兩條蟹棒，少少菜，認真$69有埋甜品都冇期待個邊爐會好FULL, 但係都幾誠意！牛肉壽喜鍋牛肉唔算多，有金菇，獅子狗，丸，菜，大啡菇。最期待既係甜品！抹茶聖代！一Ｄ都唔頹,又有宇治金時味道，加埋ICE CREAM，配埋個雪糕真係好夾！芒果聖代，有芒果雪糕再加軟雪糕！芒果都有２片,幾正!講真食個甜品回本。但野飲要＋$12先有，本身唔包，加左杯巨峰，　都還可以，再自己俾$45叫左杯熱朱古力。埋單兩個加埋$300左右,真係好抵!但想食到好飽就可能要再叫D小食。

好多人去麻布茶房係主要去食甜品，我今次黎食午餐，中午同同事過黎食飯，好在早左一步唔駛等位。呢度好多選擇，我叫左蒜香黑椒牛柳粒定食。有飯有前菜有湯，仲要d野唔差喎，牛柳粒微辣，黑椒同蒜香味好充足，個餐一黎到我地就話，嘩! 好香呀，仲要熱辣辣，無得輸。呢個餐$98，仲送「沖繩燒紫薯蕃薯雪糕」或者加$3要Haagen-Dazs雪條一支，我覺得係抵食嘅。不過我最後無試個紫薯雪糕，因為朋友想食我讓左俾佢。佢個餐送Dreyer's甜筒，我食得一樣滋味

（麻布茶房）新推的套餐火鍋+甜品，半價後只需數十元，相比在快餐店大家樂等的傳統一人鍋價格更廉宜，七點前已大排長龍，性價比可謂相當高，質素也蠻高質。親子丼: 配菜有紅蘿蔔、蓮藕片，開胃，佐飯一流！薑汁燒豚肉定食，豚肉口感不柴，肉質軟腍。醬油拉麵，湯底鮮甜但較為清淡，反而讓拉麵的小麥香更突出。豚肉叉燒稍薄身，但更索湯，帶醬油淡香。芒果雪糕牛奶刨冰，芒果切粒，配合芒果果醬，味道濃郁，酸甜爽口。刨冰內有甜奶醬，三者混一起伴食，冰涼也清新。香蕉雲呢拿雪糕班戟，碟子刻有懷舊日式pattern。

好耐都冇黎麻布茶房食飯了, 今晚約左中同食飯, 見唔係好洗排隊, 所以就一於去食啦...一開始先叫個青瓜蝦沙律，好清新、又新鮮~~ 入面有幾多蝦、西蘭花，以沙律黎講，份量都好多！另外中同點左個蛋花蟹烏冬，D 烏冬好滑溜，而且入面Ｄ湯夠熱又清，中同表示好滿意～而我就點左個好抵食既火鍋，火鍋入面有牛肉、菇、粉絲、蛋等等，好豐富！壽喜湯底，甜甜的，好正，又飽肚～最後仲有個香蕉朱古力聖代送埋，賣相勁吸引，真心正！OVERALL 真係好抵食=]

今日係淘大行下街，搵野食食！見到呢間門口好多人等位，好多人食咁！原來餐廳做緊40週年大優惠！火鍋做緊半價，而且個set dinner仲包埋個甜品食。好似又唔錯咁！等左一段時間，終於到我喇！環境都幾大。我就點了：茶布風牛肉火鍋🥘可自選湯底，我揀了 壽喜湯。除了白飯，亦可加$10選屏屏麵/烏龍麵！個火鍋都幾多料喎！有肥牛，雜菜，豆腐，青口，冬菇，獅子狗，粉絲，龍蝦丸，紅蔔白等等！一個人食都幾飽，可以開心share!肥牛唔好滾太耐，熟熟地就要夾起，咁食落可以嫩肉啲！熊本霜降西冷，好大塊！有成300g. 咁又幾抵食喎。日本牛排，比較重牛味！點埋d燒汁醬更加香口。仲配埋白飯，湯，沙律，薯菜同炒洋葱。食哂成塊牛，真係好飽！但要留肚食我期待左好耐既甜品！🍧🍦草莓聖代🍦🍓雪糕好滑好香奶味。加上士多啤梨醬，甜甜的。仲有啲生果食，好清甜！！宇治金時 燒蕃薯雪糕！呢個幾特別，有舊燒蕃薯係底，暖暖地，再食啖雪糕。口感好豐富。綠茶味好香。食落唔會話好甜。

好耐冇去行牛頭角淘大商場，今天下午約左表妹去逛下，都有些收穫，行到咁上吓，見到（麻布茶房）俾門口的美食餐牌吸引咗入去，我同表妹都非常喜歡食甜品， 餐廳的晚餐仲有好多特價優惠，十分超值。牛肉豚骨湯火鍋$128另加$10配烏冬，牛肉非常嫩滑，肥瘦均勻配上嫩滑的豆腐、龍蝦丸、獅子狗 、冬菇等配菜，十分正，記得飲埋D湯。大蝦意大利麵， 蝦肉夠爽口，意粉好彈牙，兩者的配合十分夾。草莓藍莓霜淇淋牛奶刨冰，份量十足，我們食後都十分滿足。看這立體的食品，已經夠曬吸引， 未食先興奮。豪華火鍋大割引，仲包埋甜品，非常抵。

午餐嚟到呢度食飯，鍾意佢唔係太多人，唔使等位。食物種類有好多元化，午餐餐牌嘅選擇亦好多又好平。有可以加錢要錢菜同嘢飲。我揀咗鰻魚飯，個前菜好開胃，有啲豆同蘿蔔酸酸地咁幾好食。鰻魚飯個汁同啲飯一齊好夾，一個人食就夠晒啦。甜品可以加錢轉做紫薯雪糕，仲有芝麻汁係隔離Tim ！

不時經過麻布茶房都會被其櫥窗的display吸引。最近更經常看見超多人等位，才發現原來推出了超值晚市套餐，豪華火鍋拼特色甜品一律半價，只需六七十元！極度抵食！另外還有自選定食晚餐，同樣可配甜品，價錢都非常實惠。餐廳環境挺不錯，人客眾多，非常熱鬧。茶房風豚肉火鍋加錢升級至豪華海鮮火鍋，材料豐富，兩大隻海蝦厚肉彈牙，豚肉脂肪均勻好爽口，還有青口、竹輪、鳴門卷、冬菇、豆腐、龍蝦丸、菜和薯粉等，吸滿濃郁的豚骨湯底好入味。鐵板燒牛舌定食附有熱湯、前菜和白飯，牛舌熱騰騰的，好大塊厚身，口感非常爽嫩，肉味重，十分美味。還配有脆脆的薯角、蕃茄仔和西蘭花等，中和油膩感。黑蜜黃豆粉燒蕃薯霜淇淋好有特色，底下有好厚的一層燒蕃薯，軟腍綿密的，每一口都是極香甜濃郁的蕃薯味，暖暖的蕃薯肉配搭冰凍幼滑的霜淇淋口感一流，雪糕上灑上黑蜜黃豆粉也帶出另一層次的甜味。芒果聖代伴有白桃、士多啤梨、杏甫等雜果，芒果雪糕味道香濃，還有沾上芒果醬的軟身霜淇淋，多重滋味。套餐加錢還可升級加配特飲，巨峰可必思味道非常濃郁，啖啖巨峰提子味，十分香甜，不是怪藥水味，清新解渴。唐揚雞塊炸得香脆，肉質嫩滑多汁，還有啖啖檸檬味，不錯。

我好少可會去九龍灣嗰邊，成日都聽人哋講麻布茶房，但係我就真係未食過啦！喺門口見到佢餐牌啲甜品好吸引！就比佢吸引左我入去試吓啦！見佢其他啲食品嘅相都唔錯，我就叫咗個茶房風牛肉火鍋+抹茶聖代（$138）————————-火鍋———————-個火鍋🍲牛肉只有4片，仲要啲菜好少，味道正常！但呢個價錢就有點覺得唔值！———————-抹茶聖代——————-個樣好靚！但係個軟雪榚食落去冇咩味，個抹茶雪榚正常！啲水果都係淡淡冇味的！鐵板牛肋骨定食（$128）賣相好好！但係一食落去，啲牛好un,個燒汁同個牛都唔係好夾！所以係唔好食既！霜祺淋抹茶（$48，跟餐+$28）極失敗之作！抹茶🍵飲品係冇抹茶味😦係咩味都冇！只係飲到抹茶粉咁，好淡！總結：唔會再係呢間餐廳浪費金錢，浪費我個胃嘅位置！極為失望！

有時想打邊爐但約唔到咁多人嘅時候，就會睇下邊度有一人一鍋食，呢日喺九龍灣發現原來麻布茶房都有得打邊爐，仲要因爲慶祝40週年，有半價優惠！勁抵食！+$12就有得食豪華海鮮火鍋，有蝦有青口有蟹柳，絕對係物超所值！我朋友反而想据扒，就叫左份熊本霜降西冷，所以話一人一鍋好處多，就係可以揀自己想食嘅嘢，唔使夾硬同人地食一樣嘅嘢😆份西冷勁大份！夠Juicy，又唔會好膩👍🏻食完主菜當然要試埋甜品！套餐價錢已經包埋，唔同款有唔同價錢，我地都揀左呢度出名嘅燒蕃薯雪糕，原來雪糕底下係一舊燒熱左嘅蕃薯🍠好香甜！同凍冰冰嘅雪糕好夾杏子金時嘅汁酸酸甜甜，幾香樂特別！黑蜜黃豆粉嘅味道就經典啲，一樣都係好味！

一直都有聽麻布茶房既火鍋優惠，今晚終於特登黎淘大試下！我地6點幾已經到左所以無咩人。但七點後就要等位啦。呢到環境算闊落，唔會同隔離枱太逼。餐牌有寫優惠-50%大割引！我叫左一個火鍋再加10蚊烏冬，朋友叫左個熊本西冷間餐廳可能唔太著重火鍋賣相？不過味道先最緊要。煲滾左好似賣相仲好。我欣賞既係佢一個鍋有好多菜，感覺會健康啲，而且成個鍋都算豐富。跟住朋友既西冷終於上場成個set配左白飯、面豉湯、沙律同飲品。最特別係右下角既綠茶鹽配西冷？朋友話唔錯幾特別Close up西冷 睇落唔錯可惜既係我地叫medium...但俾左well done我如果生啲應該會更好食最後招牌甜品：芒果窩夫surprisingly好味！冷熱交融的芒果！蕃薯雪糕 係呢到既特色甜品 朋友話幾好食 兩樣加埋幾特別

中學期成日同朋友黎麻布開餐, 咁耐無食難得見到梗係緬懷下喇!原來晚市都幾抵食!!!薑汁燒豚肉定食,燒豚肉十分香口,配白飯一流!加上伴碟有沙律醬,撈菜絲一齊食岩晒!愛食甜食既話必飲朱古力香蕉奶昔!成杯由頭到尾都有雪糕!加上淡淡香蕉香氣十分夾!呢碗味噌拉麵有塊牛油係湯底,十分邪惡!燒肉吾太多片,但夠冧身!而且拉麵份量都很多,夠晒飽肚!辣味炸雞翼表面有很多7味粉,辣辣地好爽!雞翼即炸夠脆,雞皮都食埋浪費!甜品有抹茶芭菲,有齊抹茶雪糕,白玉,紅豆!底部有隻類近暏喱粉條,豐富口感!紅豆加抹茶組合永出錯!兩者配搭吾算過甜!呢餐童年回憶每人$100出頭埋單,合理價位!