麻布茶房 (已結業)

食完燒牛，唔知點解好想食甜品，仲要係日式甜品，弟婦話佢屋企附近有間麻布茶房，曾經何時，銅鑼灣麻布是我每個月都會去幫襯幾次的地方，因為單是揭開menu睇到甜品嘅相片已經開心到不得了，今晚讓我再次重温一下呢種快樂在門口已看到這個大大的promotion menu, 原來適逢麻布40週年所以火煱系列作半價優惠，簡直不能置信$54-$69元就可以食到一人一鍋的牛肉/豚肉/雞肉火鍋，再配搭B，C，D，E系列的甜品，真係抵到呢！可惜，我和弟婦剛剛食完燒牛，再沒有空餘的位置放得落個火煱，唯有寄望下一次la!今次我無揀到麻布的Signature燒番薯湘淇淋，而是揀左巧克力草莓芭菲，賣相令人好開心，食落更是透心涼，雪糕順滑，加上朱古力漿，更是相得益彰，還有新鮮的士多啤梨和一塊脆脆，下層仲有晶瑩通透 的啫喱，好豐富啊！抹茶蕨軟兹芭菲~on top鋪滿煙韌的白玉和蕨軟糍，仲有一球濃味的綠茶雪糕，下面就係啫喱粒和滑滑的忌廉，幾重口感，好味哈哈！見到隔離枱叫左個大蝦天婦羅，又忍唔住想食，蝦肉鮮甜爽口，炸漿好薄，一點油腻也沒有，真是不錯

今次同朋友行街未諗到食咩嘅時候，被麻布茶房外面店舖嘅甜品display 吸引左~ 見入面都幾多人氣所以一試。除左甜品，原來主食有好多選擇! 呢排有點秋意，見好多人食火鍋~ 除左火鍋，仲有多款定食選擇，可選配多達十幾款甜品其中一款, 真係花多眼亂呀!我叫左個熊本霜降西冷配抹茶聖伐~ 配燒肉汁，沙律，雙色海鹽，麵豉沙同飯。非常豐富! 朋友叫左個美國安格斯西冷牛肉火鍋。西冷扒好大份，有成300g! 厚厚嘅西冷扒賣相好吸引! 先飲左個麵線湯暖一暖胃。個湯出奇地好味，唔同平時嘅麵豉，佢唔會過咸，有陣陣鮮味，幾清新~ 西冷扒煎得啱啱好，喺我想要嘅熟度。3成熟但冇血水~ 牛扒冇乜根，好容易切開。厚度非常夠，咬落好有肉感，好滿足呀! 點少少抹茶海鹽好好送飯。燒汁味道好特別，配搭牛扒激讚~到甜品啦～賣相滿分。抹茶雪糕球加上雲呢拿味軟雪糕，一軟一硬好正。雪糕上配搭左少少水果，加點小清新嘅感覺。另外朋友叫嘅火鍋評價亦唔錯， 大家可以考慮一試。總括嚟講呢個餐係非常抵食。有足料份量嘅牛扒同埋精緻甜品。CP值高!

今日約咗個客喺九龍灣開會放工都成八點幾，唯有嚟個一人晚餐啦～經過見到呢間餐廳門外餐牌dinner set有得打邊爐又有甜品唔理得咁多啦，太肚餓，就呢度啦！餐廳裝修係日式咖啡廳嘅感覺座位頗多，但唔算逼陜「霜降牛肉火鍋 $98 + 烏冬 $10」鹹鹹甜甜嘅壽喜燒湯底真係流晒口水佢嘅湯底唔係溝咗好多水搞到好淡個種相反剛剛好嘅濃度為個火鍋加入靈魂材料亦唔少，有火鍋常見嘅丸類，蔬菜，豆腐，芋絲等等主角肥牛就不過不失～值得一讚嘅係追加嘅烏冬熱辣辣鰹魚湯浸泡住嘅扁身烏冬，好煙靭鰹魚湯亦非常清甜，有驚喜！ 「三文魚牛油果沙拉 $69」剛好兩樣都係我喜愛嘅食物，點可以唔叫無令我失望，三文魚夠肥美，牛油果亦唔會過生個熟「宇治金時燒蕃薯霜淇淋 (跟餐)」好少見甜品會成舊蕃薯放喺雪糕底哈哈蕃薯同旁邊嘅紅豆都好甜，雲尼拿味雪糕好滑總括而言，一直對呢間餐廳略有所聞但從未食過估唔到價錢相宜，食物質素又唔錯必定會再次光顧！

放假同老婆去嘆個午餐，麻布茶房竟然星期日都有抵食嘅午市套餐！而且款式選擇好多，唔使諗即刻行入去食🤤 「開心午餐」可以揀主菜同甜品，有唔同價錢，選擇非常多，一定有一款啱你～蒜片牛柳粒意大利麵$72煮得好香蒜味同牛油味，意粉口感爽滑彈牙，牛柳粒肉汁腍，味道好，整體覺得非常好味👍🏻吉列豬扒飯吉列豬扒味道好好，雖然配上滑蛋令到外皮腍左啲，冇咁脆，但都唔影響佢嘅味道，而且豬扒好厚身，配埋滑蛋同飯食好味～雞肉漢堡扒配溫泉蛋有兩塊雞肉漢堡扒，味道非常好，肉汁又腍又入味，配埋溫泉蛋一齊食簡直一流👍🏻抹茶蕨軟糍芭菲賣相已經好吸引，雖然雪糕有一啲開始融化，但味道都好好，抹茶雪糕同牛奶雪糕都好味，加上蕨軟糍口感好好，味道亦好好，整體值得一讚👍🏻黑蜜黃豆粉燒蕃薯霜淇淋麻布茶房嘅特色甜品之一，就係燒番薯霜淇淋，今次揀咗黑蜜黃豆粉味，味道唔算突出，但雪糕同燒蕃薯本身味道已經好好，令人食唔停口😋

今日難得有位國內朋友到香港探我，她知道麻布茶房所以要我帶她去食個午餐，我們走到九龍灣的分店，朋友點一個炸雞扒辛味炸醬肉拉麵，拉麵採用幼麵，麵質偏軟，多左份細緻感。豬骨湯底濃郁甘醇，炸雞肉質嫩滑，口感豐富但又唔會太韌。配料豐富有竹筍、青蔥同芝麻。加45蚊食個海鮮丼，個人喜好偏愛刺身三文魚、三文魚腩都好新鮮，基本上甜到不用醬油調味都鮮味十足，加上醬油反而會將鮮味蓋過一點點。刺身平均好厚肉，肉質唔散唔會夾起有困難。朋友的霜淇淋可樂沒有我個杯咁靚。哈哈熱朱古力牛奶好靚，個杯好靚，面上有cream 加杏片增加囗感，朱古力味好濃幼滑，這個推介磯邊燒年糕有驚喜，好大舊，厚度超過1cm，煎到外層香脆內裡柔軟，唔會油膩。質感軟綿綿，而煙韌彈牙，好啱個人口味。

係九龍灣睇完戲就搵下有咩好食既野，行過好多間都拎左飛但太多人🙊🙊🙊行到黎麻布茶坊就比佢個火鍋set 吸引左，又有火鍋又有甜品好正👍🏻👍🏻不過我同行朋友唔想食火鍋，跟住又見到原來火鍋有限食60分鐘，朋友話食埋個邊爐都食唔切個雪糕，唔想咁趕想食佢d 聖代🍨同冰🍧，所以就揀左平時既set dinner 啦😋😋我叫左個薑汁豚肉🐷🐷飯，d 薑汁好入味，份量超多，差d 食唔哂d 肉，佢配左d 蛋黃醬比我，勁夾勁好味😋😋我個朋友叫左個拉面，佢話都幾好食🙆🏻‍♀️跟住就到個重頭戲～～甜品啦因為我地太鐘意綠茶，就叫左兩款都係綠茶既，個軟雪糕好好食，為左個甜品我會再黎食既，佢d 主食都好好味，下次想試佢個牛舌👍🏻👍🏻👍🏻

都有好耐時間無食過麻布茶房吾食吾知晚市有咁多定食套餐選擇加埋甜品都係$100出頭幾抵喎朋友仔揀咗薑汁燒豚肉定食薄切豚肉加埋伴碟沙律醬點嚟食幾惹味白飯係日本珍珠米 加分黑洞揀和風番茄海鮮意大利麵蕃茄汁酸酸地好開胃海鮮有大蝦 尤魚都吾錯值得一讚 意粉份量都唔少 黑洞覺得都夠飽甜品方面 梗係食經典嘅番薯冰淇淋我哋叫咗一個宇治金時一個黑蜜黃豆粉宇治金時有紅豆蓉伴碟 略嫌抹茶醬少咗d如果多點醬抹茶味再出d至於黑蜜黃豆粉味只有醬汁淋面 無伴碟不過重點係底部嘅燒番薯 又冧又甜飲品推介巧克力香蕉奶昔 口感同軟雪糕類近仲有香蕉肉食 正至於熱抹茶薑奶 薑味好濃中意薑既朋友仔大愛不過注意薑味太濃會有小許辣

「一期一會」，今日同朋友去完九龍灣睇戲，又到了每天都好期待既話題「就係食咩好」，知道唔會回家吃，所以就諗下食咩好，今日既心情想食點和風輕食既感覺同少量甜品，我講到咁朋友就即係提議，就【麻布茶房】吧！那好吧，我記得入面有精選火鍋同一些輕食便當，【麻布茶房】相信你地都有啲了解同一定唔會太過陌生既餐廳，那就再次嚐嚐吧！太耐冇食過了...但入面環境沒有太大變化，只是多了人棒場，牆壁上都畫了有心機的圖案！餐牌還是我喜歡的甜品作封面，餐牌有好多好多選擇！又是選擇困難症，但朋友說幫我包底！那我就沒有猶疑咁點了牛肉火鍋$158再加+$10轉鳥冬，另外追加白菜豬肉餃$10，豚肉$10，$12巨鋒可必思！火鍋揀左壽喜湯底，因為呢隻最穩陣湯底，是非常基本的日式火鍋湯底！但唔算太似正宗壽喜湯底。壽喜燒的醬汁是帶甜的牛肉都特別架，味道香濃都好正！壽喜燒是日本的常見火鍋，在家做也是不難，只要把湯底調好和有上乘的牛肉片， 絕對可以做出日本風味！白菜豬肉餃，一直都覺得很好味，1白菜水餃入口就食到好清嘅白菜味但亦都有好多豬肉既肉汁，好味。豚肉，作為「食肉獸」一族！萬不能錯過巨鋒可能必思就甜了一點！壽喜燒好吃的三大要素是

今日天氣好熱好焗...搵個地方食下野順便消下暑😀一於去麻布茶房食返個lunch...其實因為可以食埋甜品😋😋叫咗鰻魚定食😍😍好大塊鰻魚😍塊鰻魚燒得好香..加上全個飯都有鰻魚汁👍🏻岩曬我..我地全個K.O曬🤤另外叫左個蒜片牛柳粒意大利麵上檯已經好香..牛柳夠曬淋加埋啲雜菇炒埋一齊好香😍另外點咗份辛辣炸雞翼，個人覺得如果再辣d會更吸引😆食完鹹點當然要到甜點啦😆😆霜淇淋金時豆寒天😍😍正呀！佢一杯甜甜地類似焦糖寒天嘅一路食一路到埋落去..即時消暑晒👍🏻

很久沒有吃麻布茶房 跟朋友經過淘大見到有一間 午餐價錢優惠還附送甜筒 款式選擇多 總有一款適合朋友點的蒲燒鰻魚飯定食 $92 鰻魚厚肉 朋友說不錯我就點了香煎雞扒蛋包飯配咖哩汁$62 香煎雞扒大塊 咖哩汁味道香 配上滑身炒蛋餸飯一流午餐不要甜筒 可以用優惠加$8換沖繩燒紫蕃薯霜淇淋-宇治金時 熱辣辣紫蕃薯微甜 牛奶雪糕加上抹茶醬 加$8真心超值跟餐附送飲品 不想要普通的咖啡茶可+28轉特飲(但不包括沙冰) 朋友想試抹茶沙冰的 可惜不能轉就改飲了抹茶牛奶 幸好她也說味道不錯 有啖啖茶香

薑汁燒豚肉定食 （$69未計加一)套餐一上枱，薑汁香味撲鼻而來，豚肉份量比想像中多，幾乎覆蓋大半隻碟，旁邊仲有西蘭花同椰菜絲做配菜，餐廳細心提供少量蛋黃醬，可以混入雜菜做沙律🥗豚肉醬汁香濃惹味，未到好似加咗好多薑汁嘅日式燒肉汁，味道偏甜，係日式風味，用嚟撈珍珠米飯食真係好開胃。不過豚肉嘅肉質比較粗糙，可以再進一步。三文魚牛油果沙拉 （$69）賣相吸引，紅紅綠綠嘅顏色好有田園感覺，牛油果軟熟香甜，質素不錯。只係三文魚略欠鮮味，我諗如果解凍時間長啲會比較突出?另外沙律上面也有大大粒魚籽，外面脆卜卜，裏面好juicy，係新鮮嘅味道，為整個沙律增色不少。黑芝麻蕨軟糍芭菲 （$69）整體都OK，有一個雲呢拿雪糕球，仲有白玉同軟糍，本來以為黑芝麻醬會多啲，但只能見到中層有少少，整體來講，芝麻味不太突出。不過整個杯既配料多元化，有不同口感，上面係煙韌，下層比較爽脆，有啲好似椰果嘅爽脆啫喱，所以尚算滿意啦。

約左朋友係九龍灣食飯突然想食火鍋 發現原來麻布茶房都有一人火鍋 仲要好抵食 一個鍋之外仲有甜品揀！50%大割引好抵！！佢啲甜品仲要唔馬虎！最後我同朋友揀左火鍋既A+C同埋dinner set既C+E！牛肉火鍋 肉既份量本身都多 我地再追加左豚肉🤣食肉獸表示滿足！霜降牛定食🍱 牛肉超正！軟淋唔韌 五成熟剛剛好！我地仲叫左個串燒小食🍡🍢十分好味 肉又係好淋 仲有埋至愛牛舌同麻糬 一次過滿足晒幾個願望！登登登登！到最期待既甜品 宇治金時燒蕃薯雪糕 原個蕃薯係雪糕下面配埋一齊食🤩雪糕係雲呢拿味配抹茶醬 無諗過雪糕配蕃薯呢個配搭 幾特別！另外係白玉芒果雪糕 因為好想食白玉所以就叫左🤣白玉果然無令我地失望🤩而家又多個選擇打一人火鍋 好方便👍🏻真心可以一戰

呢度既套餐的確幾抵，一個套餐有齊火鍋甜品。湯底可選豬骨湯，麻辣湯同蕃茄湯，我加左錢要海鮮同烏龍麵。火鍋有龍蝦丸，娃娃菜，嗚門卷等等，肉類可自選雞肉，牛肉或豬肉。海鮮都叫新鮮，正常味道。我好鍾意烏龍麵！彈牙有口感，而且附上香蔥豉油，撈埋一齊幾好食～牛油焗雜菌牛油味不算突出，反而菇味較濃。霜降西冷都可以跟餐，有齊沙律，白飯，湯，主菜同自選甜品。牛肉入面仲係粉紅色，不過鞋左少少。冰羽衣甘藍蘋果，味道似青蘋果口味，酸酸甜甜。士多啤梨刨冰，附上草莓醬。熱辣辣既蕃薯🍠配上冰凍抹茶雪糕，味道幾特別，不過蕃薯味好濃偏甜，令到抹茶雪糕味道被蓋過左。個人覺得，食厭左吉野家，都可以黎呢度試下，可以用好平既價錢試曬甜品同打邊爐。

正在九龍灣閒逛唔知食咩好次際 見到呢間麻布茶房推出左豪華火鍋優惠套餐😋😋 有火鍋有甜品 一次過滿足哂兩個願望 二話不就我就拉左我男朋友排隊拿票我叫左茶房風鳥肉火鍋加抹茶聖代，男朋友叫左茶房風牛肉火鍋加芒果聖代😋一上鍋時 見到有菜有丸有肉 好不豐富 鳥肉即係雞肉 健康又吸引😋 湯底我們都選左壽喜 即甜鼓油 雞醃得好入味 又滑🤤清得來又好入味😋 男朋友都因為太好味 偷食左幾舊雞😋  佢個肥牛窩都唔錯 配上壽喜湯底 清而不膩😋 仲配有一碗白飯 剛剛好😁😂佢湯都差唔多飲埋 到時甜品時間 兩個聖代賣相已經好吸引🤤🤤 多款時令生果 配上兩隻味的雪糕 好解暑又岩曬我呢d貪心的人 兩個都好好味 雙重享受~

甜品控又出動，今次專程嚟食呢度出名嘅沖繩燒紫薯霜淇淋！估唔到午市有咁多選擇，好耐冇食牛，一於試吓呢度嘅鐵板牛肋骨及牛舌。熱辣辣上枱喇，香噴噴嘅牛味傳入鼻中，套餐價錢唔平，但牛肉分量十足。薄切牛舌爽口彈牙，煮得剛剛熟，點一些甜甜的日式燒汁非常好食，不過邊位有啲韌，有啲咬唔開，厚薄均勻啲可能軟硬度會平均啲...牛肋骨口感也不錯，牛味保存得甚佳，雖然唔係最靚嘅牛肉，但也食得出無論係調味定烹調時間都落足心機。每個定食都陪一碗梅子飯或珍珠米飯，加$45可以轉迷你三文魚丼或魚生丼，雖然話係迷你，但份量真係唔少！返上面鋪滿魚生，大多是三文魚粒😍都有少量大皮粒和吞拿魚粒。睇真啲飯量一點也不少，我諗呢個牛肋骨同牛舌定食轉配魚生丼的話，可以兩個人share！套餐加$8就可以將甜品升級做沖繩燒紫薯冰淇淋，今次揀咗宇治金時味道，可以見到抹茶🍵醬佈滿成舊雪糕，雖然茶味唔係好出，但算係幾清新，最欣賞雪糕下面嘅紫薯用，打得好滑，而且沒有額外加糖，係健康嘅味道！可惜雪糕嘅奶味不足，溶化得好快，如果杰身啲就好了。