麻辣小聚 (93WYS) (裝修中)

一入到大廈上19樓，跟住又叫我地上20樓。上到去一個招呼都冇，我地就揀左食雞煲餐再轉邊爐，佢個任食3小時餐冇例明過落豉油要加錢既，個服務員一行到過泥就講要加錢架，你個餐吾包…都算啦到到食埋個雞煲，轉邊爐，竟然就甘倒啲湯落番個煲度，吾只重幫你刮埋啲痴底既野出埋泥，我要為佢為左洗鍋姐…點知…見議大家真系諗清楚食吾食呢間野啲員工好似連自己鋪頭做啲咩都未知，問我轉邊爐系比個煲我定加湯，我第一次泥食，冇人介紹就算啦，重要問番我

今晚朋友帶我食好耐冇食嘅酸菜魚，應該係新開嘅餐廳，朋友話係酸菜魚任食，我聽到都雙眼發光了，想到餐廳即刻點了一些小食，魚皮，口水雞，皮蛋，鴨腎等等，除了魚皮的麻辣比較勁咗啲，其他都啱啱好，當酸菜魚上枱的時候佢嘅大盤程度令我驚訝，當然都因為我太掛住食酸菜魚同朋友整盤K.O.了，本來諗住落單點其他加餸打邊爐，但係朋友建議我哋可以轉雞煲試吓一個鍾意雞煲嘅我，當然唔會放過呢個機會，一盤仲有四隻鮑魚啊，認真超正，7:30埋單仲有Discount添！整體都真係唔錯，除咗地理位置比較難搵唔方便之外

餐廳位置較偏僻，離地鐵站有啲距離。 餐廳空間不足，出去拎嘢飲好難行。不過一入去就聞到好香既川菜味，胃口大開。叫左呢個餐，3小時，夠哂時間。4款煲可以隨時成煲換！ 我地只試左兩款！ 酸菜魚同雞煲！兩款都好正料都好足！仲有好多小食同火鍋料！小龍蝦味道唔錯，不過唔夠彈口。涼拌魚皮好少地方有得食，唔錯～上面拌青瓜就一般，好咸。食雞煲有叫到和牛，但叫左兩轉就無了。無糖茶飲品好快被清空，只可以揀啤酒汽水。 是日滿座，坐近窗邊，要出去近門口拎飲品有困難。呢間野味道唔錯，可以一試。不過食物應該好多味精，食完係勁口渴！ 隔離枱食👆🏻都好吸引

同朋友見到任食小龍蝦 即刻book枱黎試下3小時無限添加任食川菜多款川渝小食無限量任食例如: 麻辣小龍蝦、雞腎、貓耳朵(豬耳)等鮑魚雞鍋、酸菜魚、水煮魚、烤魚 任君選擇🤤佢地仲要係鍋換鍋咁上 而唔係食完加比你嗰隻除此之外仲有M5和牛、滑牛等火鍋配料任食而家仲要4人以上同行仲送一隻辣香蟹添🙈👍🏻咩都回哂本

有朋友推薦第一次試吓這間餐廳。餐廳位置距離牛頭角站10分鐘，距離海濱公園很近，吃完可以去散散步。🌊🌴🌿餐廳所在的大廈新淨，餐廳因為開業不久，到訪當天人流也少，大概只有四台客左右，總共也只有10零張四人枱。老闆安排了入門口右邊的區域給我們，比較安靜。🦞🌶️最好吃的是麻辣小龍蝦，重點是可以任食🤣🤣吃多幾碟已經回本！✨味道香辣可口，鍾意食辣嘅人應該會好鍾意，同出邊餐廳買二百零蚊的小龍蝦味道差不多。另外有四種主菜都可以任食：🌶️重慶烤魚色香味俱全，吃起上嚟沒有想像的辣，屬於香口菜式；🌶️酸菜魚剛上碟時，魚肉沒有很入味，但煮多10分鐘後就已經非常出色，個人認為是全場最好吃的主菜，而且魚肉滑嫩有很多其他配料；🌶️鮑魚雞煲，我們四個人總共有五隻鮑魚🤣🤣味道不過不失，有好多雞肉食到我哋好飽🌶️最後都叫了水煮魚，可惜等了20多分鐘才上菜，菜式上來的時候，老闆已經兩次催我們時間差不多了，搞到最後食得有啲趕急😅😅仲有其他小食例如口水雞、涼拌青瓜、魚皮，味道正正常常。🤓仲有飲品季有啲基本可樂以及康師傅檸檬茶。除咗川菜之外，仲有火鍋配料可以任揀包括牛肉豬肉同埋丸類（實在太多食唔晒）。😙😙整體來講，菜式選擇多，even只叫

有個食得辣🌶🥵嘅朋友真係好，今日同朋友兩個人去咗觀塘嘅麻辣小聚，就係地鐵站B6出口步行大概10分鐘就到達，完全吾難搵。其實今次嚟最主要係我勁想食小龍蝦，知道呢度有得叫，所以我一坐低就向店員落咗個$198麻辣小龍蝦🦞，朋友就想試佢呢度嘅$248地道樟茶鴨🦆🐣🐥🐤，因為得兩個人又驚食唔晒，所以就剩係叫咗呢兩道菜式。麻辣小龍蝦吾單只賣相佳，色澤亦都好鮮美，而蝦肉係滑嫩嘅，麻辣味夠勁，果然冇令我失望！估唔到地道樟茶鴨都咁有驚喜，首先係鴨肉味好香，鴨皮都夠熱，食落入味香脆，就連鴨骨都入晒味！鍾意食辣嘅朋友仔有機會都可以嚟試一試！🌶❤️

今日同媽媽經開觀塘，正當諗緊食咩好呢，點知媽媽話想食酸菜魚，我就即時搵邊度有得食，點知就比我搵到呢間比較近偉業街嘅麻辣小聚。我地由地鐵站B6出口行過去都係10分鐘左右。入店之後，我就幫媽媽點左$228難忘酸菜魚，另外仲叫咗$98 高山筍炒臘肉。難忘酸菜魚一上枱，睇到媽媽個樣已經流晒口水，而我哋都急不及待夾起魚肉試試，真係啖啖肉而且好滑又無骨，入面仲有豆腐皮，粉條，萵苣等等嘅配菜，魚肉同配菜份量多，係抵食嘅！高山筍炒臘肉夠晒鮮香味又唔油膩，配白飯食簡直一流！

放假最好鐘意約朋友行街食飯，多幾個人可以試多樣菜式，今日就約咗2個朋友仔👯‍♀️一齊嚟到觀塘偉業街呢間麻辣小聚一齊食吓川菜，順便可以聚下舊。😍😍😍由地鐵站行幾分鐘💨，就到咗餐廳之後，店員好有禮貌上前來推介下d菜式比我地，經推介下我哋分別叫咗$88 🧄拍蒜炒萵荀絲、$248🦆地道樟茶鴨同埋$188🌶🦐辣子大海中蝦！個人覺得萵荀絲青青地幾好，好鐘意個口感！樟茶鴨真係意想不到咁好食，鴨肉有好重樟茶嘅香味，整到好入味，大推！辣子蝦更加吾洗講，非常惹味，蝦肉鮮甜，朋友們好食到要叫兩碗飯！🍚🍚

之前因為like咗麻辣小聚嘅社交平台,又share咗俾朋友，就可以享用$888嘅4人餐，仲會按照套餐價$888再減$200，超抵食喔！咁我仲唔拉拉聲約埋d朋友一齊過嚟食，個4人餐包括有香辣招牌炒蟹、回味水煮魚、地道樟茶鴨、干煸四季豆、拍蒜萵荀絲同是日甜蜜蜜！炒蟹炒得夠入味，蟹肉鮮甜！水煮魚份量多，麻香味重！樟茶鴨好好食好出色，好香樟木茶味，就連鴨骨都好入味！四季豆炒得軟硬度啱啱好，越食越惹味，配埋碗白飯一流！萵荀絲蒜蓉味好足，又新鮮，食幾啖中和下d麻辣味真係岩岩好，超推薦呢間啊！

鐘意周圍試川菜嘅我，俾我搵到間係牛頭角嘅麻辣小聚，即刻約埋食得辣嘅同事去食，心情既期待又興奮！今日入到去餐廳，拎起餐牌睇嘅時候，餐牌菜式選擇很多，我個同事叫咗香辣招牌炒蟹，而我就想食麻辣小龍蝦！同事一食大讚個招牌炒蟹，佢話好耐冇食過咁好食嘅炒蟹，仲指炒得入味得嚟蟹肉都夠鮮甜，吾會淨係得個辣味，佢話超推介喎！我都估唔到個麻辣小龍蝦咁好食，一上枱未食都已經流晒口水，聞落勁香，食落又好惹味，蝦肉都好滑嫩，大家真係唔好錯過，記得去到要試呢兩款菜式！

好朋友好中意吃蟹，可以講佢係一個蟹控，但大家有個共通點就係食辣。前一排就約定佢今日來到呢間位於觀塘偉業街既麻辣小聚餐廳食蟹同辣野！環境好企理！我地一坐低，朋友就即刻話要叫蟹食，就嗌咗香辣招牌炒蟹（推介指數🦀🦀🦀🦀🦀），仲有回味水煮魚（推介指數🐟🐟🐟🐟）！我同朋友都覺得香辣招牌炒蟹都炒得好入味而且又夠惹味，重點係蟹肉，食落好鮮美，好甜好有彈性，真係集色、香、味俱全！而餐廳個回味水煮魚，最正是食落無骨，魚嘅肉質好嫩滑，夠辣香而帶麻！朋友同我都好中意呢間餐廳，我哋會再返嚟捧場試其他嘢食！

呢個星期都想食酸菜魚好耐，星期六終於可以帶埋媽咪同我去位於偉業街餐廳嘅✅麻辣小聚✅食我想食好耐嘅酸菜魚啦，順便可以同媽咪撐下枱腳！入到餐廳我就落咗❇️$228難忘酸菜魚，咁媽咪就話想食蝦，就叫咗❇️$188辣子大海中蝦。最先上枱嘅❇️酸菜魚，湯底酸辣味道比例好好，魚肉份量十分之多，魚肉仲非常之香滑，啲配菜都好足料好新鮮，食到有豆腐皮、萵苣同粉條等等。而❇️辣子大海中蝦令我同媽咪都覺得好驚喜，好香口同惹味，蝦嘅肉質都鮮嫩！今餐我和媽咪都食得好滋味同好滿意，好開心啊！

今日同我既好姊妹慶祝我地相識10周年，特意揀咗間係牛頭角麻辣小聚食下川菜，因為我地兩個都好鬼鍾意食辣，又聽人講呢間餐廳嘅水煮魚好食，咁當然我哋去到都第一時間點左份$228回味水煮魚先啦，接住我哋想中和反少少，就叫咗碟$88拍蒜炒萵筍絲。想講個回味水煮魚一上枱，已經聞到好濃嘅麻香味，真係好吸引，魚肉多入口嫩滑，食落又鮮又辣，正呀！另外，碟炒萵筍絲d蒜蓉味都好入味，吾會話食落好淡無味咁！今餐我同好姊妹都食到好飽，我哋仲好期待下次再嚟試其他特色菜式！

今日同朋友討論緊附近有咩好食，搵吓搵吓就搵到呢間食川菜嘅麻辣小聚。環境非常舒適，又企理。由於我同朋友都好鍾意食蝦，當我哋喺餐牌上見到$188辣子大海中蝦，就馬上叫咗一份，另外我哋仲叫咗$228回味水煮魚。呢間餐廳嘅辣子大海中蝦好有驚喜，蝦肉好嫩，麻辣味重，好香口！而個回味水煮魚都非常出色，見到真係胃口大開，魚肉無骨份量多，香料又充足，水煮魚湯底又夠麻辣，朋友話好耐都冇食過咁好食嘅水煮魚，仲話今次真係好有口福，會再嚟encore咁話喎！

難得同d朋友聚會，大家又咁食得辣，點可以唔搵返間川菜食😼😼😼，哈哈！朋友就帶咗我哋去牛頭角一間餐廳食辣，間餐廳叫麻辣小聚！去到餐廳，見到環境好企理，員工都好親切介紹，比餐牌我地。😻😻😻我哋每人揀咗一個菜式，叫咗一份👍🏻拍蒜炒萵筍絲，一份👍🏻高山筍炒臘肉，我就揀咗👍🏻麻辣小龍蝦。頭先講下炒萵筍絲，清清地又夠蒜蓉味，好爽脆！之後就係炒臘肉，我好驚食到d炒臘肉係又咸又硬，但係呢間唔會，呢間d臘肉炒得又香又嫩，必食！最後就係麻辣小龍蝦，個辣度適中，龍蝦肉都好嫩，仲好惹味潻，今餐好滿足！❤️