麻辣小聚 (93WYS) (裝修中)

身為一個吃貨，食過既好餐廳當然要推介比朋友，食過旺角果間麻辣小聚好正，就即刻約咗好朋友過嚟呢度聚下舊食吓飯啦！呢間餐廳嘅環境幾有特色，裝修都係佈置住好有懷舊嘅風味！而且呢度嘅款式好多，主打都係正宗四川菜！一定要食嘅就梗係呢一份回味水煮魚！呢一個水煮魚係用咗海鱸魚嘅魚肉去做，所以非常之滑！而且魚肉嘅鮮甜味道亦都十足！至於呢個水煮魚嘅湯底就真係好吸引，好正宗四川嘅麻辣風味！辣得來好過癮！仲叫咗一份山城辣子雞，辣子雞嘅份量好多，兩個人食絕對足夠！雞肉亦都炸得啱啱好，做到外脆內軟！而且呢一度嘅辣味我覺得算係中辣，非常刺激好食！

真係好懷念以前可以成日去旅行嘅日子，我自己去旅行嘅時候都會好鍾意食中菜，其中一個最鍾意嘅中菜就係食四川菜食！四川嘅麻辣香味真係好有特色！今次就嚟到呢一間喺牛頭角附近嘅麻辣小聚，呢間餐廳主打都係正宗四川菜，所以亦都吸引咗好多人過嚟食飯👍🏻👍🏻叫咗一份螞蟻上樹，呢一個螞蟻上樹真係好好食，炒粉絲炒得好乾身！而且好入味！好食到停唔到口！仲叫咗一條重慶烤魚，呢一個烤魚可以話係三四人份量都可以，大條嘅烤魚，已經炸到外皮香脆，然後再加入呢個辣味，令到呢個魚肉好香！仲叫咗樟茶鴨，呢一個鴨肉好林，而且仲有淡淡嘅茶香味！真係好有特色！

初頭睇到$248任食，都不會抱住太大期望上嚟，點知真係有驚喜，食物質素擺盆味道出乎意料之外，服務員殷勤有禮，絕無留單上菜好快，講起嗰四個煱，酸菜魚/水煮魚/紅蟹雞煲/烤魚四款我都食晒，四款都各有特色，但係我就比較鍾意烤魚😋，唯一美中不足就係地方太狹窄😅

喺忙碌嘅工作入面，可以食到美味嘅食物可以話係一個小確幸❤️於是，今日放工之後就約咗同事去呢一間喺公司附近嘅麻辣小聚食晚餐！之前都有見過好多唔同嘅人喺社交平台度介紹過呢一間餐廳，一直都非常之期待，所以今日難得可以去食飯都好開心！叫咗一份難忘酸菜魚！食川菜我自己最鍾意嘅菜式之一就係酸菜魚，呢一個酸菜魚真係食得出廚師好用心嘅炮製，入面嘅湯底好足料！而且呢個酸菜魚嘅酸味同埋辣味都十足，所以令到呢個魚肉好豐富層次嘅味道！再加埋咁滑嘅魚肉，真係食得好滋味！另外仲叫咗一道山城辣子雞！辣子雞炸得啱啱好！咬入口嘅嘅時候脆卜卜，好香，而且麻辣嘅香味超級強烈！如果鍾意食辣嘅人可以試吓！

今日去咗呢一間有好多人喺社交平台介紹嘅麻辣小聚，知道呢度嘅環境好好同埋食物質素都唔差，所以今日就過咗嚟呢度朝聖一下！果然真係好靚，夜晚時候過嚟嘅時候望到呢度好開陽！而且因為預先book咗位，所以唔需要等就可以入座啦😊叫咗一份正宗招牌香辣蟹，呢一個香辣蟹真係可以話係呢度嘅招牌菜之一，我自己都非常推介人哋過嚟試吓呢一個香辣蟹！香辣蟹嘅蟹肉好鮮甜，而且呢度嘅蟹肉都好飽滿，咬入口嘅時候首先會係食得到麻辣嘅香味，接住落嚟嘅就係蟹肉嘅鮮甜味道！食得好過癮！另外仲叫咗一份山城辣子雞，呢一度嘅辣子雞份量好多，辣子雞炸得非常香口！辣到十足！👍🏻整體來講，呢間餐廳嘅四川風味好強烈，食物質素唔差，而且價錢係絕對合理！

今日係公司做嘢做到好攰，所以食lunch嘅時候都好想搵一間好食嘅餐廳，比自己放鬆一下休息吓！於是見到呢一間新開嘅麻辣小聚，所以就走咗入去試吓😌😌原來呢間餐廳都好出名，入到去之後先發現之前喺社交平台度都見到有人介紹過呢度嘅晚餐，不過今次就試吓呢度lunch先四川菜就梗係唔少得要食酸菜魚啦，所以就叫咗呢一份難忘酸菜魚！呢一個酸菜魚嘅lunch真係非常豐富，應該同晚餐嘅味道一樣，只不過係lunch嘅時候細分少少，但係都已經非常足夠！酸菜魚嘅味道好好，酸味同埋辣味啱啱好！而且呢度嘅魚肉好嫩，加埋一個白飯，就係一個非常完美嘅lunch啦！

牛頭角呢度附近都開咗好多新餐廳，今次我自己就去咗呢間係公司樓下附近嘅麻辣小聚食飯！呢間餐廳都係標榜住正宗嘅四川菜食，而且lunch time嘅時間都係可以食到佢哋嘅四川菜，所以今日就同左同事一齊過嚟試吓！Lunch time嘅Menu款式都好多，我哋今次就叫咗一份高山筍炒四川臘肉同埋四川回鍋肉試吓！整體來講，我自己好鍾意呢一個高山筍，香脆而且加埋少少香辣嘅味道，令到口感豐富得來味道亦都好好！回鍋肉都係有水準嘅菜式，肥瘦適中嘅回鍋肉，加埋香辣嘅味道！好食到流晒口水！而且呢度嘅lunch time份量都算好多，差唔多係一般出面晚市嘅小菜份量，所以都算係好抵食嘅！

尋日公司啲同事都出咗去做嘢，所以lunch time嘅時間都係我自己去食飯，不過自己食飯就梗係可以揀自己最想食嘅嘢啦！見到公司附近開咗呢一間新嘅麻辣小聚🤤一直都好想試吓，所以今日lunch time嘅時候就自己走咗過嚟食嘢！叫咗一個香辣大盆菜，呢一個大盆菜真係好正，入面嘅蔬菜選擇都係我自己鍾意嘅蔬菜！而且最鍾意嘅就係呢一度嘅香辣味道，非常惹味嘅菜式！呢一個香辣嘅味道真係好啱配呢度嘅蔬菜🥬整體來講，呢間餐廳嘅環境質素幾好，而且食物質素都唔差！性價比好高，一個lunch都係幾十蚊，而且可以食得到好似晚市嘅小菜感覺！所以都係唔錯嘅選擇！

呢一間麻辣小聚之前一直都好想食，今次終於都可以約到朋友過嚟食飯啦！一入到呢間餐廳就覺得好舒服好乾淨，好適合同朋友傾偈聚會！而且呢度嘅店員都非常細心，會認真介紹食物菜式，值得一讚！👍🏻至於講到食四川嘢，就梗係唔少得要食難忘酸菜魚啦！呢份酸菜魚果然非常難忘，酸味十足，而且入面嘅配料亦都好多！我自己好鍾意食酸菜魚就係因為酸酸辣辣咁，非常開胃！而且呢度嘅魚肉亦都好好食！另外就叫咗一份樟茶鴨，呢一隻鴨好香！鴨嘅油脂咪好好！而且加埋少少樟茶嘅味道，感覺都非常清新！

第一次去呢一間喺牛頭角嘅麻辣小出去食飯，之前有朋友介紹過佢一次，一直都好想過嚟試吓，今日終於都有機會過嚟食lunch啦！✌🏻✌🏻一上到黎嘅時候好有懷舊風味嘅感覺！幾有特色！而且餐廳環境都幾靚，好開陽！所以感覺上都好舒服難忘酸菜魚呢一個酸菜魚真係好好食酸辣嘅味道啱啱好，而且呢個魚肉嘅份量都好多！重點嘅係呢度魚肉仲好滑，一啲骨都冇！啲湯用嚟撈飯真係一流！高山筍炒四川臘肉至於呢一個臘肉都好好食，好有口感！而且我自己好鍾意食呢一個高山筍，有少少川菜嘅辣味，因為爽脆嘅口感！食得好滋味

今日約咗一個中學時期嘅好朋友食飯，得知佢有好消息宣佈，所以就想搵一間好嘅餐廳坐低慢慢傾吓計🤣於是就揀咗呢一間喺牛頭角附近嘅麻辣小聚！餐廳非常開陽，而且座位好闊落！整體感覺都非常良好❤️👍🏻叫咗一份山城辣子雞，呢一個辣子雞就咁睇個賣相就已經好邪惡好吸引，雖然有好多滿滿嘅辣椒，但係食落去啲雞肉一啲都唔會太辣，而且仲要炸得好香口！依然可以保持到入面雞肉本身嘅香味同埋麻辣嘅味道！另外仲叫咗一份樟茶鴨，呢一個嘅味道好特別，鴨肉嘅香味加埋茶嘅香味，原來係咁有特色嘅味道！而且呢個鴨肉亦都好好食，肌理性十足！咬入去嘅時候啖啖肉，而且外皮亦都冇乜脂肪，連埋皮一齊食就更加正！

今日返工冇乜嘢做，所以就上網睇吓有啲乜嘢餐廳好食，諗住lunch time嘅時候去試吓！然後，比我喺OpenRice度見到有呢一間麻辣小聚，呢間餐廳lunch time嘅時候都可以食到好食嘅川菜，而且價錢一啲都唔貴，所以就約咗同事去試吓！四川回鍋肉😋呢一份四川嘅回鍋肉真係好香，除咗回鍋肉本身好美味，充滿着麻辣風味之外，其餘嘅配菜亦都好好食！用嚟送飯簡直一流！孜然和牛粒😋呢一個牛肉粒首先一上枱嘅時候就已經聞到好香嘅孜然味道，加埋呢一個和牛粒本身就已經好香嘅牛肉味，所以兩個加埋一齊好夾！同埋牛肉好林，一啲筋都冇！所以食落去係又香又好食的！

偶爾來觀塘，本著隨遇而安的心態來尋找晚餐。偶遇此家餐廳，就來嘗試一下。這是一間新開的餐廳，我們吃的酸菜魚，中盤，已經夠兩人享用。魚肉非常鮮，湯鮮酸香美好喝，裡面的豆腐皮、粉條、萵苣等配菜都是非常新鮮，湯的酸度適中，也可以喝出一點點花椒和辣椒炸出的香味。最後我們差點把湯喝完🤣這是我們吃過的酸菜魚中數一數二的了。唯一遺憾，只顧吃，忘記拍照。非常讚👍！新開張，有七五折，值得來喔！！特地上openrice推薦給大家；）

突然之間心血來潮好想食麻辣嘢，所以就上網搵咗有啲乜嘢麻辣嘅餐廳好食，講到食麻辣嘢，我自己就最鍾意四川嘅風味！最後揀咗呢一間麻辣小聚😋🔥呢間餐廳嘅款式好多，而且主打都係四川風味嘅菜式！我哋叫咗一份回味水煮魚，呢個水煮魚入面係用緊海鱸魚，成個味道都好香濃，而且呢個麻辣風味絕對足夠！好正宗嘅感覺！而且呢個魚肉嘅份量好多，重點係非常嫩滑😍好好食！另外仲有一個正宗招牌香辣蟹，呢個香辣蟹好吸引，蟹肉非常飽滿，而且蟹肉嘅味道好鮮甜，加埋少少麻辣嘅香味，真係一個非常正宗嘅菜式！

同事介紹咗我去呢一間麻辣小聚😍本身我自己都已經好鍾意食麻辣味道嘅嘢，而且仲要係四川嘅麻辣風味就更加啱我心水！呢間餐廳一上到去嘅時候好有懷舊嘅風味，成個裝修都係好多唔同嘅壁畫！份外有氣氛👍🏻👍🏻香辣大盆菜。呢一個香辣大盆菜真係唔好睇小係一啲好簡單嘅蔬菜配料，但係絕對係非常吸引同埋好值得推介！呢度香辣嘅味道真係會令人食上癮！而且加埋呢道菜都非常多唔同嘅蔬菜！好適合食素嘅人士！四川回鍋肉。呢一個回鍋肉亦都係比我好大嘅驚喜，因為回鍋肉係咪好多，重點係好林！當然唔少得呢度香辣嘅風味，令到成個回鍋肉都更加惹味！