麻酸樂米線專門店 (已結業)

要等大枱不容易，所以我和朋友忍不住逛書局好一會兒。結果不小心Miss左我哋個輪候編號（其實等大枱的只有我們😂）經理很好人立即安排返俾我們。另外我想讚經理的是：另一枱入座的有老人家坐輪椅，我見到經理很細心地提議家人安排他坐轉角的主席位、勸不要坐背向多人出入的走廊位。作為讀醫療科的我，我真的忍不住心裏稱讚他的同理心。😳👍🏻 現在香港很少有這些人間溫暖了。😊不過佢啲手下阿姐就有啲燥底啦🤦🏻‍♀️。不過算啦，個場係幾爆嘅。（純粹因為個名好得意😂）我點左個飛禽走獸拉麵，小食點左一口鹽酥雞。本來想試朋友推介的紅茶，但因為下午茶套餐轉嘢飲要加$6，果斷放棄。選擇不用加錢的綠茶，其實也不錯飲。試咗朋友點的皮蛋豆腐小食（圖右上角）。豆腐很滑而且麻辣醬都好夾，比起我點的鹽酥雞出色。不過佢都夠熱夠脆嘅。拉麵的料很足。未食午餐的我也吃剩🙈🙈。＄38一個套餐算抵食啦。👍🏻環境方面，我淨係想講佢塊牆鏡「立立令」到我們似14個人食飯、而不是7個😂😂完美映照😂😂😂

今日同男朋友去馬鞍山睇戲，突然想食米線，就決定食麻酸樂，嗰時兩點幾，麻酸樂就有下午茶食！下午茶時間都幾多人，可能好平咁我地就叫左兩個下午茶米線，就可以配一個餸，一個小食同一杯飲品，都係$32，係真係幾抵嘅小食：川醬皮蛋豆腐（麻辣汁）味道唔錯，醬汁調得幾好蒙古大漢雞翼（2隻）+$2雞翼都幾入味，又大隻又香口米線：我地就叫左墨丸同手撕雞麻辣肉碎米線，湯底都濃又香，叫左中辣，都幾辣下跟餐送一杯凍綠茶真心覺得係幾抵食，三十幾蚊，又有米線小食飲品，好多鋪頭都做唔到

一直都係佢fans, 細個成日去食下午茶，好抵食。可惜而家要放工 通常收工去食晚餐。晚餐佢有得自選/set menu, 我中意叫set左，一黎多餸，二黎送野飲！熱綠茶同凍綠茶同樣好飲同男友叫左二人餐，一人一碗米線。我十分喜歡蕃茄炸菜湯底的薯粉，健康得黎開胃；有時亦會叫麻辣薯粉，勁香口惹味。男友愛酸辣湯底米線，因為麻酸樂用粗薯粉，他的胃比較難消化～套餐包兩個小食，我們叫了皮蛋豆腐和手撕雞。皮蛋豆腐with特製麻辣醬，好好食！另加了$10要了一份酸辣鳳爪，好食，都幾多隻之前都試過叫飯食，平平無奇，始終喜愛佢嘅面。小食蒙古雞翼亦十分推介，辣辣地好香口，食完番尋味！！

今日放假瞓左。。。。系馬鞍山求其搵緊餐廳食下個lunchhhh不過今日系中秋節紅日唔知仲有冇下午茶食呢經過見到呢間冇乜人又有下午茶餐牌就入去試吓入到去坐低左就叫咗個滷肉飯試吓味道都正正常常既～～～有2條豬扒仔、3塊鹽酥雞、半隻雞蛋佢啲鹽酥雞炸得唔錯 但味道就比較寡咗啲豬扒味道就正正常常冇特別滷肉份量都okay 都好入味～飯嘅份量都可以 飽飽既36蚊連一杯熱綠茶不過如果轉其他熱飲凍飲都要加6蚊所以我覺得加錢飲埋嘢就唔係咁抵食

夜晚無飯食，唯有自己一個人去食米線，平時成日食譚仔食到厭，就去咗食麻酸樂，揀左個最簡單嘅自選套餐！湯底要左芫荽皮蛋，餸就揀手撕雞同埋豬潤，附送一杯中國茶。茶就唔使講，都係頹茶。米線都頹頽地架嘞，不過勝在夠平，＄40有找＄39姐，係商場食算係咁！起碼份量都夠，湯底都ok ，唔難食，有得坐，仲想點！

味道唔錯。小辣唔辣！豆腐OK都可以呀，刁難的辣都要從喉嚨黏膜到胃，苦和甜是一對的，而鮮味<會>引導舌頭分泌唾液。平常小食唔錯落碗後初試味蕾，希望下次入口後可即時回饋。

呢間麻酸樂係食米線的，不過我覺得呢到的湯底配米粉更夾。今日點左自選米粉，雞柳魚腐酸辣（中）跟米粉。很難得平價中的一餐雞柳竟可有雞味👍，讚! 魚腐非常有口感很juicy! 湯底也很滿意，有酸菜架，仲有少少蕃茄，算用料足。送餐飲熱綠茶，總算係飽滿一餐。

馬鞍山冇咩嘢食就係人都知，平時基本上日日都係食米線。今日BB話好想食飯，就同佢四圍行睇吓邊度有飯食，終於最後係麻酸樂落腳。可能太耐冇去台灣，見到喺門口話有肉燥飯覺得好似都值得一試。三點半入去坐低都幾舒服人唔算太多。 我哋叫咗個咖喱炸魚柳飯同埋雞扒肉燥飯。飯餐基本上就係一舊肉一舊蕃茄一個汁分開擺係一個碟上面。嘢飲好快就送到，之後好快就上埋嘢食。肉燥汁都OK，雞扒正常。去到個咖喱炸魚嘅時候，咬開個炸魚，嘩！好juicy，好滑呀！雖然一個飯＄40我覺得都係雪藏魚，但係炸到咁多汁同仲有魚味，呢個價真係第一次食到。為咗呢個魚，我諗我會再返嚟。

又係午飯的時候，經過麻酸樂決定同朋友入去食一食，回味一下青春期的時光😂我一向唔中意食米粉，只係係呢間我先會食。點左自選(魚腐，手打肉丸，米粉，酸辣湯底小辣）米粉同湯底依舊好夾，魚腐同肉丸新鮮，味道不錯，不過湯底能好似從前多d蕃茄粒會更好。另外亦點了招牌十式蕃茄湯底，材料份量麻麻。送一杯熱綠茶，味道不太好!美中不足有3點：1. 酸菜無以前咁好味😩2. 加左價，性價比無咁大滿足😩3. 以前有d 至愛的選擇無左 （冰豆腐，雞軟骨丸等）希望出番💔

今日年初三譚仔無開門, 放假一心想黎食米線, 呢間麻酸樂開左咁耐, 我一次都未試過今日就同男友試下...男友選左“自選乜乜乜 $36” 自由配搭, 手撕雞酸辣米線, 雞肉偏鞋, 可能放左落湯, 味道仲好淡無乜味!我就叫左豬源肉潤米線 (麻辣) $46 已經Set好晒特定既餸 (餸有: 手打肉丸, 香矛骨, 豬潤, 咸肉, 扎肉, 韭菜, 芽菜, 腐竹)個款餸有2舊, 香矛骨唔錯, 腐竹份量比譚仔多, 麻辣味唔夠香, 味道偏淡, 感覺一般2款米線都包一杯冷熱綠茶我還是覺得譚仔好🙈

除了特飲紫貝天葵雪梨蘆薈蜜得個甜字，很失望外，招牌十式米線很大碗很飽，酸辣湯底有分辣程度，小辣適合唔食得辣既人食，唔錯。另一個鮮茄榨菜湯底兩隻味適中，冇互蓋其中一隻味，不錯。

滂沱大雨去食午餐，選吃酸辣粉特別滋味。最貼心的是辣味有分最少辣，小辣和小小辣！我就選擇了麻酸辣的小小辣，辣度有少少像「小辣」不過也可以接受。配料選擇了雞絲和水餃，每一件雞件都很滑，水餃係豬肉椰菜餃，味道比較淡而且裏面的肉比較鬆散。米線方面比較稔身，有欠彈性。

曾經聽說馬鞍山有着美食沙漠之名經過今天眼見為實我深深明白了小妹與友人到馬鞍山的石灘拍攝日落後便回到馬鐵站附近覓食但眼見甚少選擇其中一間米線連鎖店門外站滿等待人士最後便到麻酸樂用餐不用5分鐘已經有位～最後我點了麻醬雞絲撈米線餐點一上來看見濃縮像花生醬的麻醬便心感不妙落了醬後 果然中伏了因為與我預期中的不同加了醬的米線非常乾吃的時候會有啃喉的感覺我心中預計的麻醬會是日式類似的醬汁結果吃了一半便放棄了下次還是乖乖點湯類的米線吧

這晚在附近踩完單車找地方食飯，就順路試一試這間，點了招牌十式米線($49)。上到來一看，都幾多料，樣樣都有!餸幾多，韓風泡菜餅，幾好食，真係有泡菜，出面也很少見。丸不會太多粉，幾彈牙，可惜每樣得一粒。湯底濃淡適中，米線都算滑。不錯。

熱愛米線總要定期食用，喜愛麻辣又係時候出動。自從譚仔係馬中出現後，麻酸樂已人龍不再。今晚個晚餐快食，揀了自選兩餸，金菇墨丸麻辣走九~大辣。唔知係我越食越辣定師父越來越手輕。烚咗啖湯覺得只屬小辣，逐叫侍應加個麻辣~唔這才是辣！湯底雖不如往昔味濃，但麻辣加底總算彌補。呢度嘅墨丸一向爽口彈牙有咬口，必食今次個米線較淋，似乎浸耐咗……唔食九菜嘅我，十次有九次就算叫咗走九走青走芫茜，但總會有漏網之"青"出現跟餐有凍/熱綠茶~快吃米線又一餐