麻酸樂米線專門店 (已結業)

馬鞍山冇咩嘢食就係人都知，平時基本上日日都係食米線。今日BB話好想食飯，就同佢四圍行睇吓邊度有飯食，終於最後係麻酸樂落腳。可能太耐冇去台灣，見到喺門口話有肉燥飯覺得好似都值得一試。三點半入去坐低都幾舒服人唔算太多。 我哋叫咗個咖喱炸魚柳飯同埋雞扒肉燥飯。飯餐基本上就係一舊肉一舊蕃茄一個汁分開擺係一個碟上面。嘢飲好快就送到，之後好快就上埋嘢食。肉燥汁都OK，雞扒正常。去到個咖喱炸魚嘅時候，咬開個炸魚，嘩！好juicy，好滑呀！雖然一個飯＄40我覺得都係雪藏魚，但係炸到咁多汁同仲有魚味，呢個價真係第一次食到。為咗呢個魚，我諗我會再返嚟。