黃喵餐廳 (已結業)

🐻葵芳糧食🐻香葉肉碎煎蛋飯🍳長期午餐之選，好好食又方便快捷，份量又夠大！少少辣夠曬香口，送飯一流😋正呀！建議肉碎可以炒得乾身啲，少啲油更正😍🐻小評語：佢個海南雞飯都好好食，肉質夠曬滑，另一推介之選👍🏼外賣自取仲有9折，打定電話轉頭拎得！😆📍 黃喵餐廳 (葵芳)葵芳榮芳路97-111號葵祥大廈地下C號舖味道😋:🌕🌕🌕🌕🌗性價比💰:💵💵💵💵回訪度🤤:😍😍😍😍

餐廳主打泰國菜，間中見到幾隻黑貓主子跑黎跑去，好活潑😆勝在裝潢有設計，坐得舒服又可以挽貓～ 雞肉串燒必encore👍🏻〰🌟黃咖哩牛腩飯 $68評分：4/5呢度牛腩真係好好食，份量唔少亦好腍😋咖哩完全唔辣，岩哂唔食得辣嘅貓奴🤣〰️串燒雞 2串 +$22評分：4.5/5串燒雞件軟滑幼嫩，每一串有成4大件，加埋重花生醬汁🤩必試〰️海南雞配油飯 $58評分：3/5海南雞飯份量慷慨，去骨雞件好貼心🥰唯三色配醬唔夠正宗，油飯亦冇乜薑黃味，整體較淡味〰️環境: 3/5服務: 3.5/5地點: 3/5〰️#fat_factor_葵芳#fat_factor_泰國菜

係葵芳搵特色菜 👉 呢間比我預期嘅好 👈仲要有上，下兩層有好幾隻黑貓🐈‍⬛ 佢地都幾活躍我地選擇座上層，感覺好舒服 🎶 有背景音樂🎵🎶落 order 要按鐘仔，有侍應上黎幫你😃食物好快送到 🍽 賣相吸引🤩🤩 新鮮 😋超飽生菜包微辣海南雞好滑咖哩牛腩有少少甜味烤薄餅 👍脆整個鹹檸7🤪凍咖啡😚

夏天熱辣辣無胃口就係最鍾意食越南嘢，呢度嘅海南雞飯超級好味，啲雞好鬆軟，肉又好滑，飯又有好香嘅雞油味，最重要係價錢超級大眾化，絕對係性價比超級高嘅選擇！ 而且我見到佢呢度仲有好多唔同嘅面類同埋越南菜，今次先試咗個海南雞先，下次要試埋其他佢嘅推介菜式，一定會再返嚟食

幫襯咗幾年，一直都覺得呢間餐廳食物唔錯，有水準，員工亦好有善，但上個月有一次去食，同今日去食，門口嗰個金髮女人員工態度勁勁勁差，勁寸，完全係趕客，我早到嚟拎位，雖然同事未到，但我一坐低就order哂所有餐，呢個金髮女人員工叫我坐低就好寸，冇禮貌咁追問其他人幾點到，我話行緊嚟，佢就話十分鐘內唔到就唔比枱我（意思係趕我走），但我坐低係叫哂咁多個餐，老實講，我食你半小時至45分鐘左右啫，而且我都叫哂咁多個餐，佢唔駛同每個同事講一次，話我其他人十分鐘內未到就收番張枱呀，我叫完餐，同事到咗，佢啲餐都過十分鐘先送到上嚟我哋張枱上面啦，做生意唔係咁囉，平時我都會夜晚同朋友嚟幫襯，佢咪又係人形都冇隻，全靠囗碑一個傳一個啫，佢咁嘅態度，都係想我幫佢宣傳啫

唔係第一次幫襯。已經食咗幾次，由散叫到食一人餐、二人餐，都係飽到不得了嘅份量。第一次食，朋友食過話可以叫一人餐再另加，但我怕唔夠，係都要叫2個一人餐🤪有小食有主菜有蔬菜有飯/薄餅👍🏼飽到呢⋯⋯記得佢啲咖哩好好食，用薄餅食超夾。小食無論春卷、炸蝦餅、串燒都不錯。今日食左二人餐，前菜個無骨鳳爪份量好多，啲泰汁好入味，酸度夠開胃，真心唔使咁大份😂然後有菜有炒粉有小食。。。。食唔哂😅位置好似遠咗啲，不過沿住運動場行好易搵。

葵芳泰國菜小店🇹🇭平時食泰國菜，都要一大班人食先嗌到唔同菜式。好欣賞呢間餐廳有一人餐 ($98)，包哂「主食+蔬菜+飯/薄餅+小食」4樣嘢，份量啱啱好👍🏻 一個人都可以試到唔同嘢食🥳今次嗌咗「黃咖哩雞🥘+蒜茸炒通菜+薄餅🫓+春卷」，一上枱已經聞到咖喱香😆 黃咖哩雞味道溫和，啲雞size啱啱好，仲有表皮煎到焦香嘅薯仔😝；另外個蒜茸炒通菜好好食😌！唔會炒得太老，清清地反而好快就食哂成碟；薄餅同春卷都屬於中上水準，成個配搭食得好滋味，一個人都好滿足❗️有機會可以再同朋友返嚟食✌🏻題外話~呢間黃喵餐廳真係有貓🐱不過唔係黃貓，而係清一色黑貓🤣 幾隻貓都好乖唔會攪攪震，好得意㗎😍 另外餐廳牆上都有啲貓貓嘅掛畫，比一般餐廳有心思，都坐得幾舒服🫣

之前經過呢間餐廳，以為佢冇乜人又唔係太敢試。點知有一日食晏嘅時候，見到好多人排隊，於是就走入去試一試佢哋嘅嘢。原來佢哋有兩層㗎，怪唔得以為佢好似冇咩人咁啦。原來上晒上層食飯。我同老公一齊去試咗佢哋嘅午餐～ 我就點咗泰式無骨豬手飯。呢個無骨豬手飯好多肉，絕不欺場，肉質柔軟，入口即溶。冇牙嘅婆婆都食得，而且仲好好味。佢啲飯淋上豬肉嘅肉汁，真係送飯一流我老公就點咗香草黑椒焗雞扒（去皮）配牛油果沙律＆白飯。適逢佢減緊肥，去皮雞扒真係好好嘅選擇佢嗰碟嘢送上枱面嘅時候，我就已經忍唔住夾咗幾嚿嚟食，雞肉好好味，再配埋佢嘅牛油果沙律真係冇得彈，仲有記得要點佢哋嘅醬汁至於飲品方面，佢嘅能泰式奶茶係幾好飲嘅，茶味都幾濃郁。我就點咗熱嘅洛神花茶，正常味道整體來講，係一個好滿足嘅午餐。佢嘅份量同味道對得起佢嘅價錢

葵廣以外，想坐低正經食野的話，過一條天橋就到葵芳圍，選擇很多。附近仲有球場和公園，食飽散步環境都不錯。打工仔午飯時間，呢間泰菜都好受歡迎，店員有禮，百忙之中都耐心安排等位的客人。午餐大部份$68，海南雞飯$58！學生可以享優惠十蚊，真有愛呀。之前幾次都坐樓下，原來樓上裝修靚好多😆更似在樓上Cafe的視角。食量不多的人記得叫「少飯」，雞扒嫩滑，另加$30要了兩份小食，平時少食菜的人有福了，另外春卷都好味😋一直無打針，所以好耐無試過堂食。午飯時間可以遇上附近打工仔和學生，聽下今期城中熱話，幾有趣。可惜又珍貴的是，呢三年只有在餐廳或行山，先見到香港人的容貌😕

喺葵芳有間隱世用貓貓做主題嘅泰菜餐廳.呢間餐廳位置處於比較偏.門口並不起眼.好易行過就被忽視.其實內裡有乾坤.我都係初次到訪.餐廳有兩層.入到去已經被牆上面啲一幅一幅貓咪掛畫吸引著.呢處環境好寧靜好舒服.我哋兩個人剛剛坐到個打卡位.侍應服務態度熱誠！今日點餐如下： 1. 海南雞飯 揀咗油飯 X1 $58元 餐飲：泰式咖啡（凍飲）加$2元 2. 青咖喱牛腩飯🌶 X1 $68元 餐飲：泰式奶茶(凍飲）加$2元 3. 泰式炸春卷 （特價）$10元🚶🏻‍♂️👉📌黃喵餐廳 (葵芳)葵芳榮芳路97-111號葵祥大廈地下C號舖

🚚🚚🚚從小認識到大的同學會！🥳好幾十年的情誼，現在依然很好～這種友情真的是讓人很羨慕餒！🥺黃喵餐廳 最大的滿足來自客人們開心的笑容！🥰美味再登場 😋！踴躍捧場👏🏻呢度地方算大，不過都有幾個靚靚打卡位㗎，我當日雖然full house，但咁好彩坐到個靚打卡位，好開心😚食飽飽打個卡，已經好滿足。黃喵餐廳 外燴燒烤服務▪️純燒烤▪️燒烤+buffet#其他主餐類也可以用30元加點迷你火山排骨#再送火山排骨迷你碗🌋#泰式脆皮燒肉糯雞米糕

好耐冇食泰國野呢間新開左一排又外賣返黎試下先大蝦蛋包金邊粉 $118得2隻大蝦，金邊粉炒得好乾身幾好味嘅青咖哩雞 $88都有d辣，好食但雞份量就咖太多小食拼盤 $88有蝦餅，春卷，泰國雞棗，咖哩角香口野佢做得幾好，都乾身，唔會感覺好油咁，雞棗第一次食又幾得意，有少少似炸雞肉咁但加左d蝦滑咁既👍🏻鳳爪沙律 $68個汁好好味wo👍🏻鳳爪份量都好多蒜蓉包 $48有4塊，好濃蒜香味，用黎撈咖哩汁就岩哂

第一次幫襯呢間餐廳，已經被店內牆上一幅幅嘅貓貓圖畫吸引住😍～餐廳有兩層，環境都好寧靜👍🏻👍🏻👍🏻串燒好好味😋不過就鹹左啲（個人口味）但整體雞、牛同菠蘿都唔錯❤️另外豬頸肉金邊粉同蝦餅都幾好食，蝦餅仲好大份😂

未入去之前望到以為好細間，其實內有乾坤，係有兩層架～餐廳位置雖然比較偏，七點幾去到都有七八成滿座🙊睇黎人氣都幾高1. 軟殼蟹柚子沙律（$98）軟殼蟹炸得香脆唔油膩，好多蟹膏😳點蛋黃醬非常惹味～柚子酸甜清新，調味酸辣開胃，呢間嘅辣度好低，適合大眾口味👍🏻評分🌕🌕🌕🌕🌗2. 辣椒膏炒蜆（$88）蜆肉都算飽滿，不過唔係好大粒果啲～好在唔會話好多空殼🙊辣椒膏唔算太辣～不過味道都好濃郁評分🌕🌕🌕🌕🌑3. 大頭蝦膏炒高麗菜（$68）蝦膏再加蝦米，炒出黎鮮味超重，有驚喜😍菜炒得偏淋身，啱曬小編口味😂如果鐘意脆啲爽啲嘅可以提早知會店員評分🌕🌕🌕🌕🌕4. 東蔭功海鮮炒飯（$118）勁大兜😳四個人share都可以！落咗指天椒所以都幾辣下，如果食中指天椒就辣上加辣😂飯粒炒得乾身唔油膩👍🏻係幾香嘅海鮮就正正常常～蝦呀帶子呀等等都有啲咁評分🌕🌕🌕🌕🌗5. 青檸梳打（$28）甜度適中，青檸味都幾出，夏天解暑一流評分🌕🌕🌕🌕🌗

早幾日經過葵芳但又想搵個地下坐低食舒舒服服～最後就簡左呢間試下 佢地係用貓咪做主題既泰國餐廳🍴食物質素唔錯之餘，店員都相當友善啊😬➣青木瓜沙律(💰𝟲𝟴)𝕽𝖆𝖙𝖎𝖓𝖌: 𝟰/𝟱呢款做前菜一流🤭木瓜沙津酸酸甜甜好開胃啊🥰仲有豆角同其他配料添～我自己清哂😂➣海南雞(💰𝟵𝟴)𝕽𝖆𝖙𝖎𝖓𝖌: 𝟯.𝟳/𝟱海南雞已經去哂骨岩哂我呢啲懶人😋啖啖肉又嫩滑🤭仲有沙津菜做伴菜呢！➣雞肉串燒(💰𝟯𝟴)➣牛肉串燒(💰𝟯𝟴)𝕽𝖆𝖙𝖎𝖓𝖌: 𝟯.𝟵/𝟱串燒三款都好入味呀🥰肉質唔錯，雞肉好嫩滑😍醬汁仲有沙嗲醬可以點🥳，辣度岩岩好➣大蝦蛋包金邊粉(💰𝟭𝟭𝟴)𝕽𝖆𝖙𝖎𝖓𝖌: 𝟯.𝟳/𝟱係真。大蝦唔係𝗛𝗲𝗮你😂🤣唔中意金邊粉濕粒粒，呢到炒得乾身我又幾中意🥰➣椰青(💰𝟰𝟴)𝕽𝖆𝖙𝖎𝖓𝖌: 𝟯.𝟴/𝟱椰青清甜，仲好貼心咁有羹可以刮椰肉🤣➣芒果糯米飯(💰𝟰𝟴)𝕽𝖆𝖙𝖎𝖓𝖌: 𝟯.𝟳/𝟱糯米飯上菜時微暖，椰汁比得相當大方要滿瀉了🤓芒果係清新𝘁𝘆𝗽𝗲沒有很甜😝但都相當不錯👍🏻🔸𝙍𝙖𝙩𝙞𝙣𝙜: 𝟳.𝟴/𝟭𝟬💰𝙥𝙚𝙧 𝙝𝙚𝙖𝙙: ~$𝟮𝟬𝟬