黃枝記粥麵店 (已搬遷) 新店位置

June 18, 2008 LUNCH I went for lunch with a friend. We ordered congee set for two. Congee is great... 好綿 Fried noodles with pork is great! Not very oily and noodles were well cut. Overall the restaurant is clean and tidy. Cozy but a bit too noisy. Waiting time is reasonable. I spent less than 10mins to wait for the seats while I was 5th one when arrived.

25/5/2008同男友o係上山頂前黎食個lunch一個普通的鮮蝦雲吞麵並不簡單湯底好好味,食唔出有味精!雲吞也很好味!值得再試

若想三五知己吃平民化食物，又怕粥麵舖人多、坐得唔舒服，可以試吓高檔的粥麵店 --- 黃枝記，它在澳門已造得頗有名氣，竹升麵及豬扒包都好出名。它的枱及椅子都幾大張好舒服，有茶渴，最好是可以預早致電攞籌，否則中午時間中環區都要等幾耐架﹗豬扒包 --- $22 等了差不多35分鐘，已經唔多想吃，加上豬扒不及想像中鬆軟，普通﹗午餐 ﹙一麵一菜﹚--- $36 雲吞麵有四粒小雲吞，生菜卓得過時，我會選擇沾仔記才吃雲 吞麵，人地雖三粒，但又大粒，又大碗，賣相又靚﹗ 蘿蔔糕 --- $13 兩件，材料只得小量蝦米，頗賣、味道一般魚片粥 --- $29 鮮甜、又杰又棉、多魚片、大碗，值得推介，双併則$36起，亂併都得炸鯪魚球 --- $24 五粒細細粒，好咸，唔好食﹗牛腩麵 --- $27 牛腩夠淋，濃味，我鍾意﹗牛肉炒河 --- $50 勁肥，濃味﹗涷檸檬茶 --- $14 一般芒果汁 --- $19 不值，肯定加了很多水

以前都係食開某餐廳外賣多今次事緣朋友身體抱恙所以就試一試呢間...兩層鋪, 裝修懷舊有風味燈光鮮明, 地方乾淨款式其實亦有很多粥類亦可亂拼一通...最後經伙記引介就品嚐被喻為「最正氣」的魚片粥再加瘦肉吊吊味喎...一食落果然夠正氣好清好入味, 不過啲餸都頗少炒麵鍋氣大不太適宜,就叫了個撈麵與朋友第一次品嚐這個清淡的薑蔥北菇撈麵大家都未試過到一個鋪頭去食呢個睇落最寡o既餸不過呢個真係冇介紹錯...呢間啲菇幾好味起埋真係叫做有味先啦又夠稔, 幾多o架啲薑蔥都幾爽甜比想像中好食...最後都有叫咗個魷魚菜好鬼多魷魚呀, 又新鮮啲菜都唔知係咪佢見我個朋友唔舒服特登走油添最後差唔多就係我食魷魚佢食菜食完真係飽o架可能係朋友食得少掛？﹗但係值得推介...

開業多年，只是光顧過一次，因為提不起興趣再來，今次與同事都想食得清淡些，又不想行得遠，沒有其他好選擇下.....大家都食麵餐\，我的是雲吞撈麵，所謂用人手打成的竹升麵，麵身確是幼細，爽韌度是有，但談不上有什麼驚喜，其他麵舖都會有這水準；雲吞的皮較硬，不夠薄身，亦不滑溜；麵餐\還有一碟油菜，應該是一碟超老的油菜，不夠嫩又多渣。講起中環食粉麵，我較鍾意文輝或羅富記。

喺蘭桂芳同朋友飲完野,往往都會去翠華解決...當然係食既須要啦!但係今次因為早,見黃枝記未關門,就入去食竹昇雲吞麵!佢地叫竹昇麵,我睇完佢地既介紹都唔知點解咁叫,但係食野既時候覺得d麵好爽就得啦!無咩簡水味,口感唔錯!雲吞size中等,整體嚟講我覺得碗麵做得幾"典雅"朋友碗牛腩麵都唔錯,柱侯牛腩味道濃,屬水準之作!

第一集是麥奀、第二集是麥文、第三集是何洪、第四集總要寫寫黃枝記吧。第一次聽到黃枝記的名字應該起碼有二十多年了，當時小弟還是中學生，暑假與同學們相約到澳門一遊，家千叮萬囑一定要我到十月初五街找一家叫黃枝記的麵家, 帶十斤蝦子麵回家。母命不可違, 只好乖乖照辦。麵帶了回家, 和一般的蝦子麵確實不同, 記憶中是美味的。多年前中環的黃枝記開店了，自然少不了我這麵痴的足跡。黃枝記的麵是全雞蛋麵, 麵條比一般的幼細, 說是用傳統竹升技術打出來的, 所以特別"彈牙" 或英文springy。因麵的流量多, 又是罕有的自己打麵, 所以麵比較新鮮, 不用多放鹼水做防腐。湯是氣味十足的純大地魚湯，少含味精。坦白說, 此處的雲吞，牛腩都不甚了了。不是麵的問題，雲吞太大而肥豬肉比例太多了，牛腩不夠稔亦不太入味, 唯獨是蝦子撈麵是好東西。用的蝦子是上貨，有濃烈的香味，純而無沙。以前蝦子的份量很多，最近一次吃完, 份量少了, 可能是物價飈升, 盡量節省成本吧！中環的店子地方不錯，古色古氣。就連檸檬茶、豬扒包也有供應.....不過麵店就是麵店，麵做得好自然就客似雲來, 需要這麼多"不三不四"的選擇嗎？

食完雞翼,就過嚟黃枝記整番碗雲吞撈麵,食左黃枝記已經不下十次,佢地個粥都可以話唔錯,雖然唔係全香港最好食!雲吞撈麵佢地都做得不錯,雲吞本身幾好食,材料足,蝦味濃烈,食落味覺享受高級!麵彈牙,成碟撈麵夠平均,唔會有機會俾我彈,算係一碟水準之作,除左雲吞,牛腩都做得唔錯!

今朝早發口痕好想食艇仔粥,諗唔到晨早流流嘅中環邊度有得食,就係咁就經歷咗慘痛的一餐,平時食開佢d豬扒包都覺得ok ga,難道澳門嘅特色野就真淨係得豬扒包???返到公司一打開碗粥,真係嘩一聲叫咗出黎,得7成滿,唉...事到如今,唯有用一個樂觀嘅心情去面對啦,可能好好味呢!!!可能少食多滋味呢!!!吃了第一口...我的天呀...心裡不禁再講咗句粗口,d味精多得不可能接受呢,如同吃味精一樣,$29買一碗7分滿的味精,真可笑...一碗令您整日都要灌水的味精...收銀亞姐零服務+零笑容+零禮貌,8點零鐘數埋都唔夠十個客,但係碗粥(味精)要等差唔多十分鐘,都唔知攪乜,咁早就做咗老襯,真係唔抵...>_<永遠的black list...

本人本身唔係咁鍾意食廣東麵，但係亞媽想食，無辦法啦！叫左個炸雲吞，好味！好鬆化！雜會炒麵，ｄ麵（竹升麵）同食開ｏ既唔同，好幼細，唔太油，餸亦炒得嫩滑，另外仲有雲吞撈麵，ｄ麵就一樣好食，但係雲吞就唔得啦，由於少餡太細粒，雲吞皮接駁位太厚，不外如是．但總括來說，除左雲吞之外，其他都幾好．另外值得一提ｏ既係佢\ｏ既辣椒油幾好味，同埋ｄ服務態度幾好．

2點要番集會~行過試下呢間3個人叫左3樣野炸雲吞(細)~炸得幾好，唔會脆到硬鮑粒雞粒炒飯~~唔知點鮑粒去左邊，不過ok大碟，炒得夠乾身沙嗲牛肉炒麵~個沙嗲幾香，牛肉都ok~唔會太韌，d炒麵好幼d野都ok大碟~不過坐就唔係好得啦

昨晚和朋友完了function九時多過來吃飯,4個人點了4碗粥1碗面及油菜.粥很綿但不好味,我碗中的魚片好核突-又廋又少又細塊又無味,另外有兩個朋友說粥有燶味.油菜份量非常少!!離晒譜,不會再來.

星期六，遲了放工，四時才有時間吃飯，心想離晚飯的時間不長，所以便想起到此來一碗細蓉，一解口腹之欲。坐下，向侍應要了一碗。不一會，熱騰騰的一碗細蓉放在面前。好！吃前先喝口湯，不錯，頗鮮但好像有點味精。再者，吃一口面，沒有下?水的全蛋面，我是頗喜歡的，但可惜這樣也欠了一點彈的感覺，世上果真沒有完美是，人如是，面也如是。

一直以來都好想黎呢度食野, 可惜遲遲都未有機會, 其實都幾期待下架, 昨日終於一試, 結果都幾.....入到去環境唔算好大, 被安排到二樓坐, 睇左個餐牌決定叫一碗雲吞麵同一碗牛腩麵, 不過就等左都幾耐下先有得食, 冇所謂慢工出細貨, 等下啦!熱辣辣牛腩麵首先送上, 牛腩賣相好靚, 睇到已經想即刻食, 先飲啖湯, 湯底幾好味, 不過師傅覺得有d味精, 因為飲左少少已經覺得有d口渴; 牛腩真係好靚, 好鬆好腍好入味, 帶少少牛肋, 正呀; 個麵就直頭係好, 麵身爽口彈牙, 一d鹼水都冇, 好正呀; 雲吞麵有五粒雲吞, 雲吞好細粒, 個餡都好一般, 賣相唔算非常吸引, 反而個湯底有d蝦子, 都幾好啦!總括黎講都唔算差, 不過又未必可以吸引到我再黎, 因為價錢一d都唔算平, $25碗麵又唔算抵食, 份量又唔算多, 而且同澳門間比始終都差少少, 澳門間真係做到平靚正架, 師傅我次次去澳門都一定會幫襯架! 如果呢度係出自同一個師傅話, 咁佢地仲有好多空間可以進步!

繼麥乜記系列之後，又一間貴夾唔飽麵店，打開餐牌，所有食動輒都要卅幾蚊，我於是求其食個招牌蝦子撈麵，平心而論，佢賣相係幾靚，味道都唔錯，但咁貴得幾啖，食完好似無食過咁，真係滿足唔到我。朋友食個燒鴨粥味道算唔錯，但都係食唔飽。