黃金廚房

营业中

休息中

黃金廚房係深水埗黃金商場，果名襯晒，呢度既火鍋質素好好，又坐得舒服😌我地簡佐一個比較清淡既湯底蕃茄薯仔牛坑腩鍋$188，湯底好多蕃茄薯仔，加埋愈濃愈軟腍既牛坑腩，呀媽靚湯咁，好足料好健康🥰火鍋配料我地咩都叫啲，花雕豬腦$48豬腦口感豐富，有啲creamy又好柔嫩，唔知會唔會真係以形補形呢😝 黑柏葉$68牛柏葉煙韌新鮮，牛味香濃🙂 美國桶蠔$168生蠔超級大隻，肥美又鮮甜，碌完都仲有手掌咁大，好正呀🤓黃金四寶丸(蝦丸，墨魚丸，鯪魚球，牛丸)$108啲丸一睇就知係打，唔會粒粒形狀一樣倒模咁，蝦丸墨魚丸夠晒彈牙，鯪魚丸有啲骨，證明足料鮮魚打出黎，牛丸有香濃牛味，全部都好高質🤤

同屋企人去飲早茶，D嘢啱啱就黎藥膳雞腳，試個湯——🍋的，鮮蝦苗菜餃——有沙有陣味，🤮翻出黎食唔落啊，特核桃包D個餡係水濕濕，最大問題，入黎冇講過要搭檯，而且地方大多空檯（4-5檯），無端端安排2個老人，見到有吉位就同老人家商量坐其他位置啦，過一陣有個拿住馬經的男人坐落黎，有過一陣有個女人行過黎，佢都1516甘多人，後邊仍然有2-3張檯，唔明，點解會甘安排，而且提出疑惑有個男啊叔（員工）態度勁差冇安排，出黎問樓面，佢話佢食飯唔知，我要求投訴，佢態度好差話你鐘意投就投啦！

位於深水埗黃金中心商場< 𝐆𝐨𝐥𝐝𝐞𝐧 𝐊𝐢𝐭𝐜𝐡𝐞𝐧 >, 一間新開火鍋專門店, 主打多款口味的火鍋, 亦提供各式各樣的刺身及點心, 環境舒適闊落。胡椒豬肚雞鍋以白胡椒為湯底, 味道非常濃郁, 配搭軟嫩豬肚及鮮美雞肉, 再帶有獨特胡椒香氣。豬潤這個推薦! 口感超級鮮嫩, 味道相當濃厚, 很好吃呢。紐西蘭羊肉卷 肥瘦比例剛好, 肉質嫩滑, 羶味不會太重。霜降肩胛肥牛 肉質紮實, 牛味濃厚。白鱔片 晶瑩剔透, 富油脂香, 帶點嚼勁 。黃金四寶丸自家製手打而成, 口感彈牙。雜菰雜菜籃放有多款蔬菜, 十分新鮮。稻庭烏冬 爽滑彈牙。三文魚刺身厚切八件, 肉質肥美, 相當新鮮。黃金廚房 (深水埗)📍深水埗欽州街94號黃金中心商場一樓全層

呢排涼涼地，最啱就係食雞煲打邊爐😃 同朋友喺深水埗就搵到呢間新開嘅雞煲邊爐～ 呢度環境都幾乾淨衛生！食物都好有水準❣️🐣重慶麻辣雞鍋（$148/半隻）今次叫咗BB辣🌶️！即使唔係好食得辣嘅朋友都食到～半隻雞夠晒兩個人share！雞煲嘅調味做得幾好，唔會好鹹，一邊食亦食到好香嘅洋蔥同花椒味😍！🐮黑柏葉（$68）一般餐廳只係食到牛柏葉，呢度比較特別，有黑柏葉！淥大約十秒就食得啦～食落好想爽口，一啲都唔韌🥹！🐮霜降肩胛肥牛（$128/小）好出食嘅肥牛😍！好香嘅牛味但唔會羶～入口即溶！我同朋友都好鍾意呢一碟牛☺️～🐮頂級美國肥牛（$88）呢款牛份量都幾多！食落都唔會韌～係性價比之選😎～🐠脆炸魚皮（$48）魚皮係餐廳自己炸㗎！每一塊都好大塊！上面亦灑滿椒鹽～可以淥嚟食又得，就咁食又得☺️！🥨蓮塘藕片（$32）正正常常嘅蓮藕片，索晒啲麻辣嘅湯底，正😆！🦐🐙蝦滑拼墨魚滑（$78）蝦滑墨魚滑份量都幾多～宜家好新鮮，食落十分彈牙！呢個價錢食到兩種滑，性價比超高😌！🌽椒鹽粟米（$68）好推介嘅小食👍🏻 炸咗嘅牛油粟米配埋椒鹽好夾！好香脆～會令人食上癮😎！順帶一提，而家喺OpenRice訂座湯底有半價優惠！非常抵食

🤍重慶麻辣雞鍋👍🏻🤍黑柏葉🤍頂級美國肥牛🤍霜降肩胛肥牛👍🏻🤍椒鹽粟米👍🏻🤍潮州炸魚皮👍🏻🤍蓮塘藕片🤍蝦滑拼墨魚滑👍🏻-秋風起就好想食d暖笠笠既野🌬️行過深水埗見呢間野火鍋雞煲好新好乾淨咁就決定trytry佢啦😍-我地叫左麻辣雞煲然後再食火鍋😍同左店員講話唔想咁辣（食唔到🤣）佢都好貼心咁幫我地轉左bbbbbb辣d雞唔講咁多啦睇圖就知好有份量😍亦都好香滑❤️兩個人食半隻雞完全夠！其他火鍋配料方面☺️我覺得一定要叫霜降肩胛肥牛👍🏻佢係厚切架食落去好滿足而且好軟好滑🥺牛味亦好重✨一定要叫！其他比較出色既配料係蝦滑拼墨魚滑同埋炸魚皮😍d滑好新鮮彈牙，而且份量超多🤤炸魚皮就係每日即炸好大舊好香！小食方面店員同我地推介左椒鹽粟米😍鹹鮮既椒鹽味+牛油同埋粟米🌽既甜味真係一舊一舊食到停唔到🤣大推👍🏻-另外值得一讚既係食完雞煲火鍋個人竟然無味唔臭😍😍平時最唔鍾意打完邊爐件衫全部都係火鍋味🥵呢間既通風做得好好 臺與臺時間都有一定空間 唔逼亦都唔會聽到隔離檯講嘢👍🏻讚-見到其他客人好多都有叫海鮮刺身😍下次一定會試！依家openrice book枱可以享有湯底半價優惠❤️十分值得一試

話說 從朋友口中得知黃金廚房開左 急不及待星期六就去試 一入到去 個場景光猛令到人哋好放心 同埋好乾淨 當晚係三個大人加兩個小朋友 一坐低就叫咗碟豬手勁好食呀 辣辣地勁開胃 之後見到有個精選黃金孖寶 心諗真係咁抵咩 極品霜降牛頸脊加象拔蚌刺身 痴線隻象拔蚌新鮮度好似喺你個口度游水咁 牛頸脊勁有牛味 配埋沙嗲湯底 個湯底又係要讚 好惹味 唔會死鹹 簡直一流 round 2叫咗海蝦 佢哋上枱嘅時候呢個仲識喐㗎勁生猛 霜降肩胛肥牛 食落口冇渣 都係勁香口味 啱曬牛魔王嘅朋友 手打墨魚滑簡直係冇得輸

真好彩原來今日係開張第二日營業，環境舒適、服務員有禮、食物種類多、質素好、味道唔錯、賣相好、最開心有好耐無食過嘅懷舊糯米包和鴛鴦腊腸卷，最衰下午仍要返工，否則想嘆耐D😅極力推介，下次要同一班朋友再來飲茶😋