黑瀧板蕎麥專門店 (已結業)

本來諗住食蕎麥面，但係最後見到呢個餐咁抵，就改咗要呢一個餐。叫咗之後，跟住就一堆嘢咁樣擺上檯喇！ 我真係好唔鍾意呢一種上菜的方式，好似好趕咁。麵豉蘿蔔牛筋煮蘿蔔同牛筋都好腍，味道不錯。泡菜豆腐泡菜唔會太辣，豆腐好滑。銀魚沙律唔太覺有銀魚，只係覺得係普通的蔬菜沙律， 啲菜仲有啲苦味添。刺身中有三文魚、油甘魚、甜蝦、八爪魚， 各款都總算新鮮，冇雪味。特選西冷牛扒伴黑豚肉黑豚肉好食過西冷牛扒多好多， 肉汁比佢多，肉質又嫩得多， 牛扒有筋，好失望。麵豉湯味道好鹹，日本飯黏性都幾強。店員有為我哋加茶，不過好冷漠！ 麵豉湯唔會有匙羹俾你，陶板燒其實上枱時候好熱㗎！店員冇提醒我哋要小心。其實食日本嘢除咗食物質素要高之外，服務都係好緊要㗎！

母親節唔食中餐！食啲食特別野！更科麵: 幼、淋田舍麵: 扁粗ok(不過其他餐廳意大利手工麵更好！)腥蛋滑鷄肉沾麵， 清淡有味豬扒ok 唔知係唔係在隔離同一集團1豬扒專門店煮嘅！

生日特意前來慶祝食生日飯餐廳設計頗為舒適優雅 背景音樂很有日式氣氛坐下不久已有服務員端上熱茶並細心介紹多款不同套餐及特色食物之後仲話叫我地慢慢睇 因為實在太多選擇太多野想叫但又唔知邊樣好食於是服務員推介我們吃京都牛肉火鍋套餐套餐包含刺身、黑松露溫泉蛋、京都和牛以及出名的涼伴蕎麥面。刺身整得好細緻精美，有三文魚、油金魚、甜蝦、八爪魚。非常新鮮好味，充滿魚油！八爪魚一點也不Un!甜蝦爽口清甜.如果份量再多啲就好啦😋😋黑松露溫泉蛋-溫泉蛋整得啱啱好 超級流心！👍🏻👍🏻入口即溶👏🏻👍🏻👍🏻主角出場啦-京都和牛！樣貌非常細緻吸引！每一塊都充滿油花，未食已經覺得好正👍🏻👍🏻仲有配以日式雜菜 非常好食！最後是原味的田舍蕎麥面-沾上home made嘅堅魚汁,簡直無得輸!蕎麥面食落去非常爽口彈牙!回味無窮!第一次食蕎麥麵已經深深愛上💗值得一提的是服務很好，很貼心，有禮貌及充滿笑容。服務員每次上餐都很詳細解釋食物，食法以及先後次序。每次都很頻密為我們加茶，值得一讚☺今次真是大滿足 下次一定會再光顧👍🏻👍🏻

啲侍應態度很差，一食完未叫埋單就即刻拿張單過來叫人埋單，我地感到好大壓力個男經理想趕我地走，跟住個女經理即刻過來執野，順便叫佢加啲水，佢應完話好但之後我地坐多15分鐘佢都無過來加水，個女經理仲完全無笑容，好似叫佢做野係我地錯咁。當感到好大壓力時，我地問是否有限時，男經理答個半鐘，首先我地未叫埋單佢叫無端端叫我地埋左張單時我地只係坐左唔夠一個鐘，加上入座前並無講明得個半鐘，咁樣被趕很不爽。餐廳本身食物不是便宜，如果想來傾下計都要被人趕埋單俾壓力人自動離座的話實在令人太失望。食物還可以，裝潢也很好，但很hard sell人食和牛餐，如果想係尼間餐廳同朋友舒舒服服傾計食飯飲野會很失望同感到很大壓力，如果想體驗澳牛式被黑面那將會好好的餐廳。

世貿中心裏面，真係幾多選擇，淨係日式都有幾間，平民化嘅有，中等價錢嘅有，貴嘅都有，不過，都唔係最貴嗰種。平時我哋都鍾意周圍試下，今日有籍口，同細仔補祝生日，食好D！睇咗一輪，入咗呢間，環境舒適，仲真係有日本人客晌度食緊，今日公眾假期，午市仲有 Lunch set,所以，唔貴！既然呢間主打蕎麥麵，就梗係要試啦！叫咗兩份 set Lunch, 有蕎麥麵，有沙律，有刺身壽司，仲有炸物。食得飽飽！蕎麥麵好有口感。食完再叫甜品，柚子雪糕，竟然有桃，有魚子，擺設得好靚，好有心思，平時我唔多鍾意食魚子，今次竟然食晒，因為，D魚子入口竟然有好香嘅柚子味，好正！唯一可惜嘅係……D桃唔合時令，冇味冇道，失咗少少色，都無阻我食到乾乾淨淨！

星期六中午與友人第一次光顧，經OpenRice 訂座，店內環境舒適，服務及食物質數也不錯，少許失望的是.....埋單時店員沒有提我們有關OpenRice的85折優惠（店內根本不繁忙）以及湯麵不應加皇帝菜，因為那味道不是人人欣賞（或是落單時提提客人會好些）原來是pokka group，所以咖啡☕️不錯👍

在香港不止烏冬有專門店～原來蕎麥麵也有的喔有天剛好逛世貿中心時便發現了這家 - 黑瀧板蕎麥專門店而且沒想到假日的時間會有午市定食，還完全不需要等位呢午市定食$158起，會有三款的前菜 + 主食～想轉套餐加飲品的話要+$20另外定食的蕎麥麵分兩種等級 - 田舍 & 更科 (・∀・) 我們都有點到喲雜錦壽司配更科蕎麥麵 ($158)前菜有銀魚沙律 - 這個不是用醋，是用豉油調味吧? 吃落鹹鹹的 ...唐揚炸雞 - 吃的時候還是熱的，肉貿還很嫩滑～另外亦配了漬物雜錦壽司 - 畢竟不是壽司店吧～飯沒什麼味 .. 不過尚算新鮮這個的定食是 更科蕎麥麵 - 口感較為滑身且爽口和平時見開的蕎麥麵顏色不一樣，這款是白色的喔 陶板燒牛肉配田舍蕎麥麵 ($188)前菜有三文魚沙律 - 厚切的三文魚，這沙律倒是用醋調味汁煮牛舌 - 好軟稔也很入味！另外這個也是有漬物陶板燒牛肉 - 不止有牛肉，還有配南瓜、菇和蔥牛肉很有嚼勁，肉汁也滿滿的喲～不過要注意不能燒得太過火這定食則是 - 田舍蕎麥麵 ～顏色跟平時見開的一樣口感較為有彈性，配濃厚的麵汁來吃確實不錯

預約前有向餐廳提到伴侶唔食得牛肉同生冷野，而當晚既同事喺入座時亦再細心介紹menu好多其他款式既菜。最後就叫左豚肉陶板燒，雜錦天婦羅，雞卷... 除左蕎麥麵之外都另外叫左個烏冬試下。整體野食質素都唔錯。雜錦天婦羅賣相擺設吸引，咬落唔會太厚粉，配合埋天婦羅汁就非常好味👍🏻豚肉陶板燒係咁多樣裡面最驚喜既，有得食既同時又有得自己燒下，都幾過癮。豚肉就咁點七味粉都好夠味，但如果分量再多少少就會更好。陶板燒除左有豚肉外仲會比埋蔬菜，所以食落都唔會覺得太單調。值得一提既係服務質素，同事斟茶都幾密，而且又會問返我地野食如何；上陶板燒個陣都好仔細咁講解點燒...整體都非常滿意。另外預約前有向餐廳提到會同伴侶慶祝生日，餐廳亦非常配合，整左一個非常精美既birthday plate作為驚喜。成餐飯都食得好開心，下次黎會再試下其他野😋

呢間餐廳食物同服務質素比我預期高。👍🏻每一樣食物的質素同佈置都好靚好好味,已裝著食物的器皿都好有特色，不錯！👍🏻雜錦刺身盛合-每款魚生都食得出的新鮮 而且每一件刺身都是厚切的！賣相一流 價錢唔算太貴 比起其他餐廳相當超值 讚！👍🏻鰻魚玉子燒-蛋香味濃厚柔軟滑 鰻魚燒得很惹味 一客有八件 相當抵食！🤤雜錦天婦羅-一客八件唔同款式嘅天婦羅，當中有蔬菜、有海鮮，天婦羅炸得均勻適中 炸粉唔會太厚 配埋個汁一齊食 好好味！😌雜錦串燒-賣相擺得好靚 有牛舌、雞肉、牛肉、豬腩肉，唔知係咪用炭火燒 食落去有啲炭燒嘅風味，同喺日本食嘅串燒有得fright.👍🏻之後叫咗個和牛壽喜燒，個餐跟個黑松露溫泉蛋，呢個超好味！極力推介！！溫泉蛋配上黑松露醬簡直冇得頂！而且個溫泉蛋炸完之後仲可以保存蛋香同半熟 真係好考功夫。👍🏻👍🏻壽喜燒主要配蔬菜為主，有豆腐、金菇、菜、南瓜&冬菇。當然唔少得主角和牛🤤滾左之後已經聞到好香，塊和牛放落去 拖兩拖即食 超有牛味 油份勁充足 真係冇誇張 入口即溶！👍🏻👍🏻👍🏻可惜一客只有四塊和牛😌😌招呼方面都好好同有禮貌 加茶&上菜都做得幾好 食完一樣先上另一樣食物 不過呢間餐廳位置唔太

餐廳環境：坐位都算舒服，但有啲位要同人share 枱。餐廳食物：食物所有熱既野都唔熱，全是暖。麵完全唔熱及味道比較淡。餐廳服務：服務員有不時倒茶，但出菜用左20分鐘。等左好耐都未有野食。賣單服務員係沒有講多謝，只有放下單就走左，credit card 簽名完之後都冇講多謝，買走單就走。餐廳價錢：一個餐大概188-250蚊。比較貴既餐有800-1000 for 2個人。總括餐廳價錢食物和服務不成正比，價錢也不平宜但食物完全唔熱。旁邊那家炸豬扒還要比佢好。

鰻魚飯定食 三文魚刺身有魚味無雪味 入口滲出魚油香味 蜆仔海帶味噌湯唔咸有鮮味 主角鰻魚彈口入味 燒汁甜而不膩 上面鋪滿蛋絲令個飯多左層次😋😋😋😋😋價錢：$150午餐比較抵食👍

當晚叫和牛片陶版燒田舍蕎麥麵，材料新鮮配蕎麥麵，蕎麥麵夠彈牙，另外叫了雞抱魚乾和煎牛脷，两者都好香，用來送酒一流，還嘗試了半土製作的手工啤酒，小麥好香好純，另外一款用鹽製作的都好好味，值得一試，員工們服務也到位，都會問一下食後感。

聽朋友講呢間日本蕎麥麵幾好食，行完街都已經夜晚8點左右，去到呢間見有人等緊，好彩都係等左5分鐘就安排入位。原來內面都唔爆，多吉枱。叫左個12件壽司set,係比較細件的壽司，無乜好新鮮既感覺，好普通。然後呢個蕎麥麵set有三種，個名前面都係地方名既分別同咪顏色。三種麵都好硬身，係似未煮得熟果d感覺，唔係彈牙爽身。個汁都係無乜味道。呢間野真係唔值得食。朋友今次真係介紹錯！

We had a very nice lunch here.The restaurant offered 4 different kinds of soba, there’s an option of small portion of each from the three soba. The green one was with some seaweed, sounds very healthy. The browner one was the farm house once,, supposed to be packed with more nutrients and fibre — sounds very healthy as well. The paler one was actually with some dots on it. Was told it should be the more prestigious buckwheat noodles but turned out not. Anyways, I couldn’t really tell their diffe

朋友仔突然話想今餐食清淡D 除左食素都冇其他suggestion...俾我見到呢間主打食喬麥麵既專門店，表面夠曬健康又貼題，最緊要岩我起碼日本菜😏入到去先知內有乾坤!打開餐牌 先知喬麥麵原來分好幾種 大鄉里唔試都唔知😅最吸睛係唔止淨係食喬麥麵 竟然仲有刺身、壽司、串燒、陶板燒👀 我已經知我要食乜😏但要靠我把利咀經過一輪牙力塗化下個fd 清淡下餐先，食左先講！😎頭盤先叫個”極上刺身盛合”，七款刺身,賣相冇得輸，新鮮到一個點！份量都合理既 正！🤤再追加多個”黑松露鯛魚薄切”,未試過黑松露配刺身,魚片切得特薄，晶瑩通透，配上黑松露確實好特別👍🏻野飲叫左支鹽田手工啤 雖然唔知鹽田喺邊 味道比較清淡带D花香 易入口既Main course叫咗個”和牛陶板燒”,唔似韓燒，個爐好的色又唔阻訂 幾得意 有D似小時候玩既”家家酒”😅用陶板燒的和牛 生熟自己控制 最大分別係和牛燒完唔會好似一般明火既爐咁乾 超juicy仍然keep 到嫩滑，正！🤤Over all野食正既 仲有呢度既服務員都幾好 下次一定再黎 因為仲有好多野未試 下次再黎食清淡D先😂😎