黑麥 (已結業)

參觀完小伙子在會展舉行的畢業禮後，與小妮子到附近吃午餐，小妮子想到藝術中心吃，那所意大利餐廳本是不錯，但我以前吃過，也想試試另一間。來到餐廳門外，只見一男一女侍應在忙碌奔走，無暇理會我們，反正不趕時間，待他們有空，站了一陣子，終於到我們。鄰座的六人檯杯盤狼藉，人客已飽餐離開，男女侍應為照顧在座的人客，無暇執拾也無可厚非。女侍用手端來兩杯水(沒用托盤)，給我的感覺像茶餐廳，放下兩本餐牌說：「C 餐賣晒！」便離開。小妮子嘴邊常掛著減肥，點了番茄及 Mozzarella 芝士沙律，而我想試 Roasted Chicken & Melting Cheese Focaccia Sandwich，然而見到配料有 honey mustard，問女侍可否轉 mayonnaise，給我的回答是：「我地無 D 咁嘅嘢！」我們的食物不是同一時間來！小妮子的沙律約十二分鐘送來，而我的三文治要二十分鐘。番茄及 Mozzarella 芝士沙律，賣相像堆雜草，過多的黑醋令小妮子感到太酸。我的 Roasted Chicken & Melting Cheese Focaccia Sandwich，麵包沒有烘過，完全是冷

一家以黑麥麵包命名，並作招來的bread cafe，餐包竟然像隔夜翻熱，質感非常鬆散！ 餐湯比罐頭湯加了過多水還要難喝！ 三文治𥚃頭那片薄薄的煙火雞，最能顯示廚師的刀功！ 三文治𥚃頭那些blue cheese的份量，連半點臭味都未能令人嚐到！ 至於咖啡。。。已沒有心情再飲！ 侍應阿姐，一姐當關，態度傲慢！ 自家黑名單已入！ 講完！！！！！

好耐冇黎灣仔呢邊, 剛好今次起附近見完客就順便食埋lunch啦~本來想去試下6/F餐廳,出LIFT望望個MENU........好似唔係太經濟....都係落4/F望望!黑麥好耐前幫襯過...整體唔錯..可惜地方唔就卻!一出LIFT就見到是日LUNCH SET價錢合理好多...雖然冇訂位..但係職員都好快安排到位同落ORDER...叫左個B set, 有我最愛既蝦!上面包同餐湯都好快, 仲熱熱的.15分鐘左右就有得食啦 份量好夠,估唔到有甘多蝦,出面餐廳得1,2隻擺起面嫁ja!!! 而且,賣相又唔錯!!! 估唔到物價通脹,呢到仲可以保持到水準,用平民價錢食到高級餐廳既味道總括黎講, 味道好, 職員有禮貌,效率快 ! 唯一唔係就係去廁所有點遠!

我好耐冇寫Open Rice review, 今次喺呢間藝術中心cafe食咗一頓又差又貴的下午茶，決定再'出山'，希望間食肆同藝術中心能。 我一向盡量支持本地文化場地內的食肆，加上以前曾有朋友話呢間藝術中心cafe唔錯，於是去嘆下下午茶，結果…大失所望。首先，café設在四樓樓梯走廊大堂。雖然地方有個海景view，不過佢哋嘅環境丶整潔衛生就唔合格: 櫃面及周圍地方擺放雜物，牆身窗口玻璃有污漬，最差係抽氣不濟，dining area以至大堂充滿廚房油煙味。第二，服務不佳，得一個呀姐當值，禮貌笑容欠奉，有時連佢都’失蹤’。最後，食物方面，我點了scone，等了15分鐘，scones 熱騰騰，似是即叫即做，不過做得差極，單向外貌已唔合格，應該是golden brown金黃色，但眼前是白濛濛, look dull。Scones太乾，一分就散哂，冇牛油香味。好重要理應跟較rich and thick 的clotted cream, 他們卻用whipped cream，仲係好差的那種，唔夠3分鐘就開始溶化。Strawberry jam亦差。柚子蜜，唔夠熱，’淡茂茂’，杯囗仲竟然崩咗。Totally

4位同事一齊叫牛扒，3個5成熟，1個3成熟。Lunch time得60分鐘，我地等個扒都等咗40分鐘，咁都算，可能廚房細。但又咩理由全部扒都係9成至10成熟?圖中個塊已經係最生...真係好柴，好難食，大家樂早餐塊牛扒都仲容易入口....by the way, 個餐湯都係好難飲，好似打爛啲西蘭花加生粉水咁。唯一好食既係個餐包。雖然待應小姐俾咗10% off, 不過$150食呢個質素，真係9折咗都唔能夠接受。

今日午飯時間去了黑麥, 不知是否人手不足, 還未坐滿好似已經唔夠侍應, 擧手點餐良久沒人招呼, 我本想點牛扒, 問侍應有否唔飯、意粉或薯菜, 那位女侍應冷笑一聲, 說2號餐(意大利飯)都賣光了, 可來有飯, 我沒有回應她, 只改點了另一個餐。湯不大夠味, 麵包則不錯, 意粉爽口, 帶點辣味, 蠻開胃的。 set lunch 由$108起, 不算便宜, 但服務態度真的有待改進。

5點幾左右, 因為要7點半去演藝學院睇舞台劇, 所以就選左依間野去食我地既light dinner.環境唔算坐得好舒適, 買點係望到灣仔對開海旁。野食其實都比較普通, 反而想提出既係侍應既服務態度就比較不太友善 ... ... 依樣野都真係要改善一下

Back in 2013 I used to do an internship around the area and visited Pumpernickle once every week or two. Everything used to be great and I had no complaints. Just yesterday my mother and I went back to Pumpernickle during our one-hour long lunch break (which we made a reservation for) and everything went horribly wrong. We both ordered the fish sandwich, and 10 minutes after the order was taken the waitress came back to inform us that there was only enough fish for one sandwich. My mum changed h

屋企樓下有間黑麥，有時都會買個包做第二日早餐，十蚊有個大大芝士包都抵食。 亦試過入座食早餐，感覺不過不失。呢日同同事過黎食午餐，預早book位後留左最入窗口位。 環境光猛，只可惜會展格離有填海工程，唔算好風景，不過作為中午歇息一下既地方係唔錯既。 兩個同事叫左午餐set, 有湯，意粉，餐飲同甜品，好豐富。 而我因下晝有人請食tea, 叫份 all day breakfast， 配上橙汁，清新開胃。 大約等左三個字，我個 all day breakfast出現啦！ 份量唔算多，但整體都好味。 兩片蒜蓉飽唔多蒜蓉醬，但係我比較喜歡咁，食到d面飽香味。 煙肉同平時食個d唔同，呢隻厚身d, 完全唔脆，似煙肉同火腿混合體，不過熱辣辣都好難唔好食。 其他材料正正常常，食完都係好好好好飽。之前有睇過openrice comments話服務差。 眼見人手係唔多，兩個waitress忙得黎無笑容，講野時候無"請問", "唔該"呢d客氣既字眼。 但可能我地有無乜特別要求，而且掛住食野傾計，所以感覺唔算好差。

聲明：我係為咗琴日餐飯，特登喺open rice開呢個account嘅。姪仔三歲生日，過去兩年同佢慶祝生日都吃中菜，心想：不如今年食下西餐啦。作為黑麥super fans的我，諗都冇諗就同阿嫂提議：「不如黑麥啦」。於是同埋我爸爸媽咪，哥嫂和壽星豬仔大伙兒上去食嘞。去到七點鐘左右啦。當日只有兩位侍應招呼十張枱。一睇menu... 咦，得兩個晚餐選擇咋？！三文魚同雞扒。嘩，又冇spaghetti又冇 risotto，滴汗，心想：「咪玩啦，老人家同阿哥冇飯到肚邊夠飽呀？！」唉，但古語有云：既來之，則安之，都冇法，唯有硬住頭皮點菜啦。麺包，普通啦（午巿賣剩的，冇乜得選擇）。磨菇湯，都幾好，唔係罐頭嗰隻。亮點係個主菜。嘩，一件煎三文魚扒，下面long住兩三片矮瓜同zucchini, 加埋四五件potato wedge...一眼見哂。喂，識唔識包裝，presentation呀？冇飯或pasta, no problem, 雪櫃梗有沙律菜啩！眾所周知沙律菜唔需要太多，已經有好fluffy嘅大堆頭效果啦！一睇個主菜，盡見個廚師嘅心理狀態：等收工。唔係喎，睇個樣應該唔夠飽。於是求其叫多個有名嘅玉桂芝士多士

領教了如此服務，只怪自己沒看清楚食評。在充滿文化氣息的藝術中心，以及美景之中，到底培養出怎樣的服務員？當晚打算與朋友共 5 人逛書展，找來這家就近的餐廳吃個簡單的晚餐。我與一位朋友 2人先到，坐著開始有點餓，看見餐牌上的芝士多士（＄40）相片吸引，點了一份，順便拿兩杯水。我們心想多士應該只有兩件，端上時原來有四件。焗軟了的芝士和薄薄的蕃茄片粘在一起，不怕進食時掉下來。麵包烘得夠脆，這配搭是不敗的。此時另外兩位朋友來到，於是舉手另取兩份餐具，打算一起分享。幾位侍應經過視而不見...終於一位藍色製服的女侍應上前招呼，並態度不友善地「提醒」我們需要點餐，否則會收取最低消費云云。 回頭拿來兩份餐具，沒有碟。再舉手，女侍應帶兩隻碟回頭，放下一隻。然後命令其中一位朋友使用放多士的大碟，並說：「可以洗少隻」... 吃了一會，女侍應再來「提醒」我們需要點餐，因為廚房將停止服務，部分食物可能停止供應。（那時大約晚上7時）噢，既然這樣，我們也為未到的朋友多點一份 all day breakfast（＄80）吧。女侍應卻回應：「等他來了才為他點餐吧」...（無言） 餐飲仍未點好，女侍應卻轉身離去。

很早已聽過"黑麥"這間餐廳, 至今已有多間分店, 但要到最近才有機會到此一試。店內環境十分簡陋, 以為位藝術中心內佈置會比較有特色......結果完全失望反而這裡可望到會展及尖咀景色, 景觀開陽~ 這晚餐唯一的亮點~Set dinner 只有2款 : 1) Ribs 2) Fish fillet 各$158 , 有餐湯, 麵包及餐飲Menu 有其他散叫的Sandwich and burger, 但好多都只午市及平日供應, 選擇真係太少(唔知地方有限制, 所以不能提供太多熱食.....??) 真係有走的衝動到樓上Assagio , 奈何阿B 要食奶.....才勉強留下最後點了Ribs Set dinner及安格斯西冷的三文治麵包Ribs Set dinner $158餐湯: 幾creamy 而且有口感麵包: 暖暖的, 不錯的麥包主菜Ribs 個bbq sauce 好惹味, Ribs肉質淋, 細細件, 用手食正安格斯西冷的三文治麵包 $85皮脆內軟，配上西冷都可以

約咗朋友仔去Hong Kong Art Centre睇展覽，就順道去四樓嘅「黑麥」食晏。由於小妹係做完嘢至去匯合朋友嘅，所以唔知要唔要等位，不過當時已經有八、九成滿嘅客人，有啲嘈。侍應態度ok，而且一舉手就有人埋嚟。因為朋友已經食咗大半，加上小妹又係一名risotto怪，所以坐底諗都無諗，就叫咗午餐B-risotto。餐湯幾好味，麵包亦保持一貫水準。到主角risotto，賣相ok，濕濕哋，好creamy，仲有少少parmesan cheese喺飯面。不過食一啖就出事。傳統嘅risotto係要用長身嘅意大利米煮嘅，而且外軟內韌，中間仲要有少少生。由於要遷就香港人嘅口味，喺大多香港餐廳食到嘅risotto，無論係唔係用意大利米做，都會煮到全熟、剛好、米粒較軟身，較易入口。但「黑麥」嘅risotto，唔單只唔似用意大利米煮，仲煮到好似糊仔咁，米粒煮到溶咁滯；加上配料主要係火腿，好鹹。如果佢唔係叫「risotto」，尚可接受。不過佢絕對唔可以稱之為「risotto」。

是日，天有點黑，烏雲密佈，空氣也翳侷到教人窒息。老爹和小妹均不欲走遠路去覓食，不約而同地想起了久違了的黑麥。臨時打電話去訂枱，竟然仍有枱，實屬難得也。 落到樓下時，下起驟雨，幸而，小妹有帶傘子。去到黑麥，店內只坐了兩三枱食客，頗冷清的，與昔日門庭若市簡直是天壤之別。 由碩大落地玻璃門向外望，雨後開始放晴，天空一片明亮。作為精明消費者，一向都知道黑麥午市套餐較為抵食，共有四款，售價由$98-$138不等，包餐包、餐湯、主菜、甜品和咖啡或奶茶。先送上入口鬆軟具彈性，且帶香草味兒的餐包，塗上牛油同吃，不俗也。忌廉雜菜湯濃稠度適中，湯底有不少的雜菜粒，味道恰到好處，且不太膩滯。老爹要了酸甜開胃且用料甚豐的茄醬芝士大蝦三色椒炒意粉$98，意粉稍嫌偏濕淋了少許，爽口的大蝦也只有兩隻。 幸而，意粉中尚有紅黃青椒絲和蘑菇等配料，再混入香草碎、芝士碎和濃香茄醬，味道蠻ok。BBQ醬燒春雞$138賣相精緻，視覺效果一流。有姿勢，也有實際，味道不俗，份量也夠多。一客有兩件大大件的燒雞髀，再以焗薯、紅蘿蔔條等雜菜墊底。BBQ醬汁頗開胃的，酸酸咪咪，微甜中帶香草獨特味兒，雞脾肉雖稱不上嫩滑非常，但仍入味且不會乾

這間黑麥服務奇差，早在幾年前體驗過。近日再來藝術中心跟朋友吃飯，結果還是沒進步。我點了一個vegetarian egg benedit，味道正常。Hollandaise Sauce 偏酸但對胃口，但在蛋底下的麵包太薄，結果蛋都沒吃光，麵包就濕到糊掉，完全沒有味道沙律的份量可以大一點，素食選擇如果能有磨菇更理想另外，我不理解OPENRICE為何要食評裡關於「食物」和「服務」分開來是為了顧及店家「感受」嗎？店裡的服務和環境是整個用餐經驗的一部份就算是怎樣的佳餚如果環境不對服務奇差，山珍海味恐怕也會索然無味如果想在這裡喝咖啡看看書扮文青或跟朋友聊天，算了吧。去附近的連鎖咖啡店應該好一點。關於這間在藝術中心不怕沒生意但態度奇差的CAFE的服務，請看我寫在補充資料的內容