點心堂 濕地公園路

营业中

休息中

係天水圍Wetland Season Park 為招攬住戶和去濕地公園的遊客，開咗一間點心專門店。這間專門店就像大圍比較出名的另一間，亦在元朗區開分店，不過這間就選擇了天水圍。店舖八時營業，不過你早10分鐘來到都可以入去坐低，然後用條碼落單叫點心。由於一個人，所以今次點嘅點心數量有限。服務尚算殷勤。點心方面，九缺點係果皮容易爛，燒賣有一隻蝦鋪面，所以食落口感豐富。不過調味偏重，吃下去比較鹹。薑蔥牛柏葉，神奇地不見任何薑蔥及味道，只有重重的蒜蓉味（沒有拍照），因此可以不點。炸腐皮卷，餡料是芫荽加蝦膠，同樣是鹹味太重的問題。傳統的灌湯餃名不符實，因為餡料的湯汁其實甚少，而且非常容易食用時弄破粉皮。馬拉糕是斑蘭葉味，味道可以，不過班蘭葉味道偏重，反而蓋過了甜味，令整個馬拉糕覺得比較淡味。查為每位$8。雖然是點心專門店，但午市有炒粉麵和燒味。晚市則轉變為小菜晚飯。今次點的點心份量是預了外買給老婆。

一家五口星期六晚餐，到屋企附近開業不久的餐廳試一試，諗住打電話去訂位，點知回復話不設訂位，只有walk-in去等位，晚上7點左右去到時也很快有位。環境來講還算乾淨企理，看看餐牌點了幾個菜：椒鹽鮮魷、鳳梨咕嚕肉、蝦仁炒蛋、鳥巢海中寶、菜膽雞，再加個瑤柱蛋白炒飯，侍應還力推椰皇鮮奶蛋白燉燕窩，點知話只賣剩兩個，OK咁就要埋最後兩個。過了幾分鐘，侍應就送上椒鹽鮮魷，魷魚入口沒有彈牙慼覺，外層脆漿也沒有酥脆口感，應該是油溫控制不好，滲了油，魷魚似是急凍貨，稱不上是鮮魷，失望。鳳梨咕嚕肉，酸甜味道普通，外層炸皮已經唔脆，一般一般。蝦仁炒蛋，這味已經算是全晚最好味的了，蝦夠爽蛋也算香滑。鳥巢海中寶，鳥巢？完全不見！小時候去酒樓總是經常出現的菜色，如今已經不復存在，只剩下普通的炒蝦帶子一碟，非常失望。菜膽雞，呢味仲離譜，只是一碟切雞再用西蘭花伴碟，完全同腦海中出現嘅形象相去甚遠，吃一口雞，雞肉冇味又完全不滑，衰過樓下燒味檔切雞多多聲，沒菜膽只有西蘭花，不似預期。瑤柱蛋白炒飯，這味正常水準。最後，椰皇鮮奶蛋白燉燕窩，連燉蛋白都可以做到嚡口，OK！你羸！成餐五茶位+五個餸菜+一碟炒飯+兩個椰皇，連加一，

✨斑蘭馬拉糕個籠未擺上檯就聞到斑蘭嘅香味馬拉糕好鬆軟，但略嫌有點濕✨小鮮肉小龍包 OMG真係勁多汁! 🤤✨鵪鶉蛋燒賣 呢樣真係買少見少！必叫！✨懷舊糯米雞呢個糯米雞真係夠晒大舊又夠足料

朋友介紹間中菜講好好，昨晚第一次和家人三個一起去試吓，有意外驚喜，環境清潔乾淨優雅，有卡位元枱好舒適，女侍應友善有禮貌服務周到，由於即叫即炒，10多分鐘很快，食物熱辣辣的香噴噴的色香味俱全，好滿意滿足唔怪得有咁多熟客。椒鹽魷魚份量足，熱辣辣好香味道好配搭果仁絕配，魷魚新鮮又不會太窿，香脆可口。啫啫鐵板芥蘭，配以新鮮肉碎有海蝦乾，鹹香十足。火腩大鱔煲整得好好，冇🐟腥味又配燒肉，魚香肉開配搭好惹味，熱辣辣，送飯一流。甜品叫了個燕窩椰皇，價錢好抵，原個鮮奶，椰子肉清潤美味，好滋潤 perfect 的甜品。臨走見隔離枱三個人，一家人吃一個羊腩煲，讚不絕口 。下星期一定要去，試吓大閘蟹餐。

琴晚我同我老公同屋企人7個人好開心咁樣收到消費券去食晚餐，我屋企人叫咗8個餸，樣樣都的的式式，好似第一碟餸中式牛柳咁樣，成碟牛得6小件，每人一舊都唔夠，欖菜四季豆咸道唔知講乜好，芋頭臘鴨煲，我以為自己飲緊湯，個糯米飯真係一人一匙羹都冇，其他餸我都唔講啦，最搞笑係因為我要食藥，枱面得熱水，所以我老公問佢拎咗冰，正常如果要收錢你應該會同我講吖嘛，但係到林尾埋單出到去睇返張單，先知原來冰收左$5，冰入面仲要有昆蟲，張單成千幾蚊，屋企人都話千幾蚊雖然唔係多但係食完好似冇食過咁，小妹第一次出post，唔係太過識打食評，希望大家高抬貴手，指點下小妹🙇🏻‍♀️

竟然有間咁突別有特色嘅点心的餐廳環境好舒服乾淨 員工服務初初睇食評寫服務好差態度好惡😊又唔係好覺，點左好多款點心 有好多好突別的點心，價錢又唔貴 味道都唔錯有驚喜同質素，員工好好傾又有禮貌仲介紹夜晚約埋家人黎試小菜 即晚就同埋家人去晚飯 夜晚煲菜大件又唔貴 味道剛好 打卡好去處 最啱家人 三五知己黎會 好過附近嗰D餐廳 有質素又抵食 😋💋❤️❤️推介乳鴿，椒鹽鮮魷，小炒王仲有好多款式煲仔菜未試下次假期再會約埋朋友去幫襯🎉👅

首先一入門口，侍應態度非常差。食物質素一般難食！最離譜腸粉嗰啲豉油俾咗兩次都係酸既。我都唔明白點解食叉燒腸d豉油係酸，侍應回覆係:係咁嫁喎好正常🤬🤬🤬🤬我食咗幾十年叉燒腸我都係第一次聽。

睇啲評價，見好多人都話啲職員態度差，今日同屋企人去食完又唔覺喎，咁啱我哋張枱嘅豉油用曬，叫個姐姐加返啲，佢仲同我哋講唔好意思，可能改善左服務態度(？)不過講真，啲嘢食係有質素嘅，同埋啲碗碟唔係一般茶樓用嘅白色，而係有丁點藝術感嘅藍色碗碟。-懷舊叉燒包好怕啲叉燒包多醬少肉，佢哋唔會太少叉燒。-別有洞天脆皮腸非常喜歡嘅一個點心，外滑內脆，口感豐富。-鴛鴦糯米卷唔單止有糯米，亦有紫米，而且個包夠薄。-籠仔雲耳滑雞飯雞份量唔少，夠滑！-家鄉鹹水角炸得好香口！-班蘭馬拉糕幾時都話馬拉糕要趁熱食，班蘭味好香，夠鬆軟。-原隻蝦燒賣蝦肉爽而且大隻！-籠仔馬蹄章魚肉餅飯肉入口即融，好香章魚味，不過唔鍾意飯有啲硬。-鮮蝦腐皮卷另一樣必叫，腐皮炸到好酥脆，裡面嘅肉亦夠彈牙。-沙爹金錢肚唔爽口！-蜜汁叉燒腸粉感覺叉燒嘅味唔係平時食開嗰隻。-山竹牛肉球夠彈！

食物質素不差可惜員工態度差有次兩小孩加大人共五人，下午6時專登中些到希望早點食飯避人流，明明有大枱不給，只4 個卡位外加張椅子，氣極走了另一次食晚飯，小兒沒兩歲卻收茶錢，反問小童是否有食東西，當然收錢沒說不對，可態度差，客人欠你們，而且明顯員工都知多負評，給你個忠告，扮有禮貌是看得出的決定沒有下次，真正給錢買難受

第二次黎依到食晚飯味道同份量都冇令人失望睇食評見人地話依啲服務好差但我黎左兩次都唔太覺環境同食具乾淨企理落單都係一樣scan QR code 點餐今次食左果醋骨份量多 成碟都有10舊以上一上菜熱辣辣 咋咋聲 好吸引排骨夠林 骨肉一咬就輕易分離係略嫌肉唔夠滑 有幾舊乾左少少個汁酸酸地 配左少少雜果同洋蔥好好送飯 特別開胃另外點左涼瓜蛋擺盤幾有心思 冇諗過會擺到好似把扇咁以為會一個圓形就算涼瓜同肉鬆唔算好多 加左少少蔥落去煎 都幾香如果啲燶邊可以再脆啲就更加正喇茶位每人$8 兩個人食夠晒

門口既老闆同入面員工服務態度非常惡劣，好似差佢錢咁，想理你就理你，講嘢沒有禮貌，出品同價錢可以接受，坐位都唔逼，就係人既問題，如唔介意呢樣可以去食.我就冇下次.

天水圍新開張不久星期六一家五口想去試一下到店時取票沒有太多人 只需等2張票便到了但派位的女店員態度很差 不想回答客人的問題店內大部份也是卡位 4人座 大枱只有幾張等了大約半小時左右 這位自稱經理的李姓女店員 把原先應是我們的枱 派了給後面的7人 識人好過識字 跟她了解 她就不耐煩 過了15分鐘 就派了一張4人卡位給我們 沒有任何解釋 再問她就很不滿地給了我們一張圓椅 這時候我們看見有張大枱埋單了 就要求坐那張台 因卡位根本太細 坐不下5大人 這位自稱李經理就堅決不肯處理 說巳派了位 不可轉枱 情況不是我們不滿位置要轉枱 而是你派的台根本不合適 也沒有預先問我們是否接受 態度就是 不要就需重新排隊 這樣離譜的安排我們當然不接受 爭論後她也是一副慣懶理的態度 外面入座完全停擺也不關她事一樣她給你的感覺就是吃就吃 不吃就過主 很是令人氣憤 難度你給我3位枱我也要照坐嗎？ 最低限度也要通知一下客人吧？ 店內面積不大 位置不多也是能理解 但明明巳有5人位埋單 為何要給我們4人枱 還有入座不能轉枱 我入座時都未搞清情況 食物也未下單 只是要求一張按我們人數的枱也是無理要求嗎？ 你限時1個半鐘

平日中午去 不用等位可能因為新開 所以晏晝3點幾無咩人環境不過不失 都幾靚嗌左6樣野$2xx 價錢合理即叫即整 比較耐 但都系熱辣辣炸蝦餃有蒜香味 好食👍🏻其他都吾錯 不過包好似蒸得太耐 皮好濕整體都ok 會再有下一次平日中午去 不用等位可能因為新開 所以晏晝3點幾無咩人環境不過不失 都幾靚嗌左6樣野$2xx 價錢合理都會再有下次

正當周圍都係懶靚然後收你勁貴嘅茶記成行成事之時，有時都會諗，自己俾緊嘅果筆錢，除咗員工份糧同租金之外，有幾多係俾咗落筆裝修費度呢？一開始當見到wetland park多咗呢間點心堂時，見到裝修好靚，都有過咁嘅疑惑。 不過當隔離又係百分百呀，湯加果啲連鎖，何不試下新餐廳呢？晚市呢間冇點心食，而係叫餸食飯咁，最經典嘅煲呀肉呀菜呀果啲都有，唔怕冇嘢啱食。一上檯時聞到係甜香味，而唔係其他餐廳好常聞到嘅攻鼻酸味，未食已經有好印象，當然總會有一兩件係較為脆口，但整體都係舊舊有肉食，菠蘿亦都仲係有水份菜膽雞就要靠咬去試，唔乾身，唔會冇味，西蘭花爽口，整體水準之上就快食完，有個後生靚仔waiter埋黎介紹甜品，問試唔試下燕窩椰皇燉奶，見唔算貴，佢又好好禮貌，咁就試下啦一開蓋冇諗過會係有咁多料，而且甜度適中雖然唔係平，但最重要係食得舒服又好味。 之後搵次食埋午市點心睇下係咪都咁ok先!

同朋友去完濕地公園就喺附近揾下野食，好近香港濕地公園果度原來有一堆幾靚既新樓，每幢都好矮，好似得十層內，好似叫WETLAND SEASONS PARK因為我淨係記得果度有間冷氣好正的一田，我地入咗去打白鴿轉涼冷氣﹗涼到咁上下，就睇下附近有乜食，見到呢間"點心堂" 唔係連鎖店(附近仲有魚米/銀咖喱/百份百...等等，全香港都有分店的餐廳)，就有衝動入去睇下。見餐牌價錢都OK，雖然咁近旅遊景點，但價錢同一般茶樓差唔多，餐廳裝修唔錯呀，好新好高貴的感覺。大家去到可以叫奶黃流沙包! 每個包面頭有好cute 的笑臉，大人小朋友都鐘意﹗蒸小籠包皮薄多肉，但我略覺得如果可以爆汁就更加好。