點點心

营业中

休息中

今日想食個港點，來到這間在九龍站附近的點點心。因為疫情的關係這間店直到最近才又開門營業，來之前還先打個電話確認。金針雲耳滑雞飯用超級大的碗，看起來份量很大。雞肉特嫩味道好鮮，搭配金針薑絲跟滷得很軟的黑木耳，味道清爽不膩晶瑩鮮蝦餃外皮薄又Q，裡頭餡料實在，蝦肉彈牙鮮美蟹子燒賣皇燒賣非常大一個，吃起來肉非常紮實鮮美。用料實在，外皮很薄口感很棒黑椒金錢肚一片片的牛柏葉滷得相當入味，黑椒的微辣更是讓口感提升。吃起來很Q彈，非常下飯總體而言，食物味道很好，份量十足，價位合理

區內米芝蓮食肆選擇不多，每次去到人山人海，坐位擠迫。四方八面遊客來自日本，俄羅斯，馬來西亞，以自由行居多，環境嘈吵，為就團客，檯面經常移動合拼，孩子座上跳躍行走另一觀境，服務員清潔檯面，忽略長凳，間中小強路過，希望餐廳注意。 下午時份等客多不宜多留，吃完離開。留意通道狹窄，帶篋要放門口，供麻雀棲息面積担待不起，到今尚算安全無恙。蝦類食品，如蝦餃，蝦腸雖然相當于酒家水準，監控良好，材料去了一半，粉皮下加了米紙，皮薄餡靚略少。美中不足茶膽改用鐵杯送口味澀。推介盅燉雪梨，上湯腐竹，釀茄子和釀辣椒每檯必點，釀椒茄入煱油炸不是煎，風味非家庭式廚房做得出。盅飯受普羅大眾歡迎，日售過百，一個人沒去處下午飯連茶介吃得相當滿足。下午二時半折扣，營業至午夜，人潮散去，不失為夜知點心好地方。點心份量與其他連鎖店略不同，沒有租金壓力，會做得更好。

$28一個雞蒸飯，比茶餐廳還要便宜份量是夠食的，但賣相就一般般了，菇及木耳亂散散地放著.釀茄子果然是推介大大份而且夠熱，蝦膠的份量也不少.2個人食飽飽都是$150左右，不貴.而且見到佢有少少㓟皮，做到梅花間竹的視覺效果，有少少心思.蝦餃味道還好，但皮不算薄，而且個皮執不實，令到肉汁流晒出來.茶位才$4，來食一碗飯慢慢嘆茶也是一件樂事

香港人朝9晚9生活不斷，這晚又要改吃宵夜。這店的出品一向沒令人失望，全部“即叫即做”，從前，連我一些老外同事也懂打的來吃。可是，這夜來晚了，點不到最愛的菠蘿包。但燒汁茄子也沒掉臉，師傅很照顧食客的口感，他把部分的皮清掉，減少了纖維，於是炸完後入口更軟滑。腸粉，即叫即拉的不可能輸， 粉皮滑靭適中，口感很好。燒賣，不錯。要舒發多點意見的是哪灌湯餃，其實我很懷念從前那種“餃包湯”的灌湯餃，但現在已很少了，這店也不例外，都是懶人版的“湯包餃”。餃包湯當然技術含量更高，我還記得小時候看我爸廚房的按板，每天包灌湯餃的通常都只是老大和老二，餡就不用說了，開皮要開的薄但又要能盛湯，包的時候，餡要超滿，不然蒸熟後餃會塌下來，但太滿又容易穿，包餃這技術確實是很難掌握的，話雖如此，這“湯包餃”味道還是不錯。

I went around 11am and was very vacant.I ordered 5,6 items with my friend and all of them were deliciousI'm Japanese but I can understand English so I don't have to worry about ordering.Although it takes a little time, it is possible to walk from Jordan as well as from Tsim Sha Tsui.

點點心係佐敦分店位置比較偏僻，但係都有好多食客排下隊喎…可能佐敦區無乜飲茶既餐廳啦，茶樓又唔多既原因啦。其實佢座位都幾逼下，桌與桌之間的距離係零呀，而且我地兩人先叫左七份點心，但都根本就唔夠位放，只可以向上伸延…食得有點辛苦，好彩佢勝在算抵食同都幾好味既。我地兩人叫左醬皇蒸鳳爪、蜜汁叉燒腸、晶瑩鮮蝦餃、蟹籽燒賣皇、賽螃蟹菜苗餃、千島蝦春卷、燒汁釀茄子。小店黎講點心選擇多，而且用料充，上菜速度快，樣樣都熱辣辣上桌，我特別推薦蝦餃同蜜汁叉燒腸。

呢間點心係我經常性選擇嘅鋪頭。因為食物選擇多好味大份賣相吸引！如果下午2:30入座，仲有八折優惠！好底食鳳爪排骨飯-排骨嘅份量等於1籠點心有多！兩個人share絕對夠～而且全部都係新鮮熱辣上枱！千島蝦炸春卷-食第一啖嘅時候仲比裏面嘅沙律醬辣親~上菜速度好快全部食材都新鮮熱辣燒汁釀茄子-大大件而且上邊嘅蝦滑真係好正都係要等一陣先食因為啱啱炸起真係好熱。另外仲有釀尖椒 我個人覺得尖椒更加好味！粉絲蒸鮮魷-魷魚彈牙，粉絲香濃。唯一嘅缺點就係粉絲太少。總括來講係性價比高，價錢會貴過酒樓少少，但係絕對超值回味無窮。另外個缺點就係職員禮貌一般。

每次飲茶都會瘋狂叫野食，對住點心紙係咁剔係咁剔！今次嗌左超過十個點心！1️⃣奶皇包✔️個豬樣係招牌菜！係勁流心，奶皇好香好滑！食落口小心燙親嘴巴啊！2️⃣炸兩✔️十分脆口！擺幾耐都咁鬆脆！不過當然都係熱辣辣最好食！3️⃣春卷✔️雖然唔油膩，入面隻蝦好大隻，煎炸十分鬆脆，最好同朋友一齊分享！4️⃣章魚肉餅飯✔️賣相雖然好一般，但一定要試呀！5️⃣煎蛋肉餅飯✔️牛肉嘅芫荽味好重，最岩鍾意食芫荽嘅人，煎蛋有少少濃邊，都剪得幾香，可惜蛋黃熟晒冇流心嘅效果。6️⃣牛肉球✔️同樣地芫荽味好重。仲好大粒，3粒分開一半可以當6粒食！7️⃣真係菠蘿包✔️裏面唔係普通食開既菠蘿包，而係直係有菠蘿，不過我覺得菠蘿甜甜酸酸同個包唔係好夾。8️⃣香芋蘿蔔仔✔️睇落未必估到佢係咩，原來入面係香芋！其實係形狀較特別既香芋波波！9️⃣茄子✔️有d似煎釀三寶！食落有d油膩！🔟金錢肚✔️爽口，都算大碟。份量比一般茶樓多！🔟1️⃣蝦餃✔️都係一般水準，可食可唔食！蝦🦐幾大粒咁！平時酒樓得3粒，點點心有4粒！🔟2️⃣魷魚✔️爽口，蒜蓉粉絲好入味！

上兩星期日下午偕外子往西九龍文化區戲曲中心大劇院看昆劇，散埸已近晚飯時間，我們穿過柯士甸地鐵站到渡船街一帶覓食。行來行去，雖然食肆不少，但燒烤及日本料理居多，我們不感興趣。結果見到點點心店內人頭湧湧，不妨試試，剛好有兩人位，不用等，座位頗迫夾，我們前後左右幾乎全講普通話，可見多是內地遊客慕名吃粵式點心。侍者遞來點心紙，不下四十款。我們根據桌上鋪紙上推介，點了五款點心及一盅飯，連茶錢百五元，沒有加一，很抵食的。巧製叉燒包 — 味道尚好，但叉燒太瘦，畧乾硬。脆皮鮮蝦腸 — 粉皮包著釀了蝦膠的油條，外軟內脆蝦鮮甜，不錯。芥末咸水角 — gimmick 之作，有些怪味，不及一般咸水角好吃。鮮蝦脆雲吞 — 皮薄脆可口，饀料蝦鮮味，可惜整體太油膩。真係菠蘿包 — 菠蘿包加上菠蘿蓉作饀，效果普普通通，前些時在內地吃的，有菠蘿粒作饀料更好味。花菇滑雞飯 — 花菇香，滑雞嫩，豉油靚，飯又蒸得剛好，一盅只賣$28，絕對超值。

突然慶起想食點心，突登開車去了點點心，已經很多人在門口等位可以先拿下單紙填，我們4人大概等了15分鐘左右就能入座，因為實在太肚餓了，點了晶瑩鮮蝦餃、蟹籽燒賣皇、山竹牛肉球、醬皇蒜鳳爪、黑松露小籠包、金沙肥豬仔、脆皮鮮蝦腸、銀杏胡椒咸菜豬肚湯、蒜蓉蒸觧魷、蜜汁叉燒腸、鳳爪排骨飯以及4杯凍豆漿 這樣看是不是很多，不過因時實在太肚子餓了(可是最後我們一點也沒剩哦) 入座後看到每一桌都有點燒汁釀茄子，我們又加單一個啦哈哈食物大概等了５分鐘左加就源源不絕的上菜了，第一個是銀杏胡椒咸菜豬肚湯，還蠻濃胡椒味的，不過略嫌不夠熱，入口時是微熱的狀態脆皮鮮蝦腸其實有點像炸兩裡面加了蝦，不過有我最討厭的芫茜……扣分數了哈哈，還是乖乖吃蜜汁叉燒腸金沙肥豬仔來了超可愛，真的是豬仔的造型，裡面超驚喜的，一打開真的有流心奶黃，快要流到桌上了，還是拍照還是超熱的，入口要小心喲黑松露小籠包就SOSO，這類點心還是去上海店的比較專業，這裡的比較厚皮少湯。燒賣超級好吃！好多汁而且味道超香濃，不過因為太飽了最後，點不了多一籠，燒賣絕對是今晚的MVP!最後其實好幸運因為他們的鳳爪排骨飯漏單了，不然我們絕對吃不下，每個人的肚子都

中/eng：點心算粵菜的一個支柱，那麼點點心作為點心的代表，我覺得還可以。比如，點菜前，服務員會給你倒杯茶，這很不錯，但是茶不怎麼好喝。菜呢，選擇並不多，味道也不能說特別好，還可以。本人是個鬼佬，帶父母首次吃點心，感覺點點心比較合適。但是如果你比較了解點心，別來這裡吧～我可以說點點心是點心世界的m記As for the Cantonese cuisine, dim sum is a very important part of it, but I wouldn't say this restaurant is the best representative of it. The service is quick, with a little touch of traditional Hongkongese rudeness, and being served tea before ordering your dishes feels nice. Alas, the taste of tea is quite lacking, watered down as it it. The dis

收銀態度極差，將每個客人找贖嘅錢大力拍在枱面，當日在場更有遊客因語言不通而被呼喝。作為經常有遊客光顧的店舖，呢種咁嘅服務態度實在影衰香港。呢間係我經常幫襯嘅餐廳，因為住附近，但以後打算唔再去，因為唔應該縰容呢種行為食物方面有幾道原創點心值得試，價錢略高但可以接受，午市多人經常要等，枱面空間細但呢啲都唔係大問題，所有呢啲有名氣嘅小店都係咁如果唔係伙計令人驚訝嘅態度我覺得係可以推薦，而家我會話千祈唔好去，除非你想食到一肚氣

母親節唔想飲貴茶，就去咗點點心，同平時一樣價。一行四人等左約15分鐘，唔算多人，好快就有位。必點菠蘿包，因為真係菠蘿包嚟。個餡甜甜地，係菠蘿蜜，同個包好夾。蝦腸又係必點，入面好似網腸咁，好脆好香口，蝦肉又彈牙，點少少豉油已經好好食。菜苗餃個皮好煙韌，入面嘅菜苗好翠綠，仲係好新鮮。灌湯餃好多時要去傳統茶樓先有得食，估唔到點點心都有，即刻叫返個嚟試。好懷念呢個味道呀！加啲紅醋最好味！個湯唔會好油，正！

每次行過都見到呢間餐廳都好多人排隊，大部份係自由行旅客，當中不乏外國人，咁岩今日落雨，又唔知食乜好，咁就去咗呢間餐廳試吓。叫咗個松茸湯鮮竹卷、脆皮鮮蝦腸、鳳爪排骨飯、燒汁釀茄子同埋山竹牛肉球，先講講好食嘅先，我覺得脆皮鮮蝦腸係唔錯嘅，皮唔太厚，入面包住d脆脆同蝦，整體個口感唔錯。但其他嘢就真係好一般，特別係個山竹牛肉球，又乾又無味，個鮮竹卷既味道更加係可以用奇怪黎形容，食咗一啖都已經唔想食。環境方面真係好擠迫，基本上你嗌多兩碟嘅話張枱都擺唔到，而且你食晒啲嘢就即刻收走，好似想你快啲走咁。可能太多人吹捧，質素下降。

由於住喺附近，所以經常都會食呢間餐廳，自從高鐵通車之後，就見到越來越多遊客來呢度搵食。但唔知係咪因為出咗名又或者太多生意，食咗咁多次我覺得佢嘅水準越嚟越差。今次叫咗個松茸湯鮮竹卷、脆皮鮮蝦腸、鳳爪排骨飯、燒汁釀茄子同埋山竹牛肉球。我覺得剩係得脆皮鮮蝦腸維持到一貫水準，燒汁釀茄子整到一舊大一舊細，亦都冇之前炸得咁好食，個鮮竹卷直情有啲難食，山竹牛肉球好乾，其他嘢冇乜特別。如果唔係住呢附近，冇乜需要特別來呢度食點心。