點點心

营业中

休息中

今晚去旺角花園街買揮春，想食點心，就去左先達隔離呢間點點心。店入面d裝修幾靚。餐紙上已經介紹曬必吃推介。順住推介一個一個叫！首先蝦餃燒賣唔少得，兩者都算係中規中矩，燒賣無乜肥豬肉，不過覺得好淡味。至於蝦餃個皮蒸得啱啱好。入面的蝦都算彈牙。豬仔包其實係奶黃包，做到豬頭的樣，食落去其實和奶黃包沒有分別的。呢個炸兩朋友話想吃，d油炸鬼都算脆，d腸粉都幾滑，算係唔錯。不過我個人口味唔太喜歡炸兩。鹹水角好脆，入面d餡料都好飽滿，唔會好似其他店咁空心的感覺。我唔記得拍照，因為吃鹹水角對手太油了。最後來個全家福，今日好滿足。

第一次食呢間連鎖新式嘅點心店～一入去覺得環境好乾淨幾舒服，好岩同朋友傾下計飲下茶。食野方面叫左啲必點嘅蝦餃燒賣，兩樣都唔錯，熱辣辣又好足了。蝦餃皮薄，蝦又夠大粒，燒賣就差少少可能蒸得太耐個皮有啲淋。豬仔流沙包造型可愛，又多流沙，可以試下！仲有一個魚肉釀茄子好有驚喜！啲辣汁好惹味魚肉/蝦滑又大大舊，好食！煲仔飯就可以唔洗叫，佢同蒸飯冇咩分別，完全冇飯焦，啲飯都太淋，只係擺左係個煲到嘅蒸飯。

店員唔識睇旅行免針紙唔比入，逼掃針紙安心出行。做食肆應該要知道政府有咩政策積極配合，但自己唔識就唔比人入，我話讀張紙寫咩比佢聽又話唔識，叫佢搵d呀sir黎又話唔知，總之就一肚氣

每隔一個月就會去旺角剪髮，因為髮型舖近先達，通常剪完髮都九點， 10次有九次之後都會去點點心食過飲過晚茶！兩個人食通常點四至五盅點心就夠飽了！炸蝦多士次次我都會點炸蝦多士，鬆脆香口，有學校自己整家政堂嘅味道，我次次都會諗翻起細個上堂第一道菜就係整蝦多士，回憶殺！茄子好似都會點茄子，會唔會太濃味，或者太多油，我覺得算係健康之選！黃金豆腐另外我都會揀黃金豆腐，酥炸粒粒豆腐，配上咸蛋黃醬，慢慢食好滋味！由於已經食到爛，以上都係我返桌咗幾次嘅點心推薦比大家

<伏🤢>員工話唔一定要叫茶飲，is up to you!.🥣翠肉瓜叉燒腸🥣：💰$26腸粉皮幾滑但偏厚，好少餡，叉燒又冇咩味…🥣豬仔流沙包（3粒）🥣：💰$26內裡係半流心，幾濃既蛋黃，但似雪藏現成拎出黎蒸個款包…🥣蟹肉小籠包（3粒）🥣：💰$30小籠包算幾大粒，個餡都大舊肉，味道正常。🥣野菇菌菜苗餃🥣：💰$26每粒都幾足料，但要配辣椒油食先有味😂.好味程度：⭐⭐抵食指數：⭐⭐環境指數：⭐⭐💸人均消費：$50另收加1️⃣服務費：❌再食 ENCORE：😐

好耐冇去飲夜茶，喺先達有間點點心坐得舒服而味道不錯，叫咗一個飯和五個點心，人均$105 臘腸滑雞籠仔蒸飯，份量都唔少，不過唔太覺荷葉味，入面如臘腸和雞都幾足料，雞幾滑身，不過飯就偏濕，2人食夠食有餘蟹籽燒賣皇，不太多肥膏抵讚，入面豬肉味道剛好又夠新鮮金沙肥豬仔流沙包造形得意，流沙感重幾好味，包都軟熟野菇菌菜苗餃，夠薄皮，足料幾香菇味翠肉瓜义燒腸，腸粉好滑身，不過义燒同翠肉瓜比較少桃膠燉原隻雪梨是我比較失望，沒想到感覺有點話梅味，沒有了雪梨的清甜香，而且梅味是我不喜歡所以食少少就沒有吃 如果想飲茶就要另外比錢，我哋就只飲一杯檸檬茶(套餐加$3)再加飲熱水，這裡整體都好乾淨，待應都快手，而且不用加一加分

第二次去食，店𥚃環境依然感覺企理乾淨但一開始好似唔記得開冷氣，搞到好熱好焗促差唔多食完啲伙記先開大番啲🥵燒賣有兩粒蝦仁喺入面，算係足料嘅，但一咬落去較鬆散，多番啲豬肉漿應該會口感好啲小籠包有驚喜！好多湯汁喺入面，皮薄餡靚後面紅色碟韓式鳳爪都幾辣，平時我食開米線中辣都覺得佢有10小辣嘅程度🌶柚子蝦多士重柚子味，但就略嫌包住嘅蝦偏細隻，而且多士頗有油味另外呢度唔收加一茶錢，叫茶飲直接每人一個茶包放玻璃杯添熱水，都唔錯嘅

The worst dim sum restaurant ever that i have in my entire life. I would not give it a second try.真係好難食！難食之餘仲要貴蝦餃加香草 根本就唔夾可能我香港人胃食唔慣啲來路野炸豆腐係可以冇味道店家落左調味粉但食落都冇味🙄菜苗餃食落陣味似菜肉包叫左咁多野得個鳳爪最正常茶都正常因為用茶包最低消費一個茶包8蚊最尾食唔哂走左真心冇下次

旺角市中心的選擇實在無比多，選擇多之餘可能因為競爭大，連價錢也大多便宜得很，這在其他區真的找不到。例如俗稱女人街的通菜街，你以為只有粉麵茶餐廳嗎，原來也有點心，而且附近不止一間，今次介紹這間在旺角官塘小巴站側邊的點心店，價錢便十分相宜，早餐揀兩個點心便只收48塊。重點來了:最重要是食點心有奶茶飲，這就是這類點心小店比大茶樓優勝的地方:食物同樣精緻，但有西式的奶茶咖啡喝。年輕人有多少會喜歡飲水仙普洱?中國茶都是上一代的喜好，我自已除了喜歡咖啡因提神外，更重要是食熱騰騰的點心會燙口，需要涷飲來解喝及降低喉嚨的溫度。當天為家人買外賣，等得比較久一點，可能點心真是即叫即蒸，但服務員很有禮貌，比我還緊張時間。值得再光顧!

幾年前有外國朋友黎香港嘅時候食過，印象中都算唔錯，要排下隊，可能當時呢啲點心bistro比較少，覺得唔洗去傳統酒樓，又可以幾夜都飲到茶好好。但最近再去食都系極度失望，味道同服務態度都好唔掂，好多空位，先講下order左嘅嘢食：1. 瑤柱炆伊麵：咸、油、同埋好似翻灯整返熱咁2. 川汁茄子：好搞笑，張墊枱紙推薦嘅系燒汁茄子，侍應話轉左川汁，咁試下新嘢啦。點知茄子無咩味，上面釀嘅魚肉又幾重味，口味好分離。3. 炸鮮奶：凍凍地仲有皮蛋瘦肉粥、翠肉瓜叉燒腸、燒賣就不過不失咁啦。最後埋單，見到鋪頭貼住AE卡有small merchants優惠（over$50,減$25）咁就碌AE啦：收銀無帶口罩由廚房方向行出黎：「近排AE訊號唔好，有時唔得，有無其他？」我都知AE多問題，但多口問一句：「可唔可以試左先呢？唔得我哋再比其他？」收銀堅持：「今日都試過唔得，仲有支付寶、8達通果啲可以比，試下？」我：「咁你鋪頭貼住AE small merchant 個sticker，試下先都唔得？」然後佢無講唔得，但insist我哋用其他方法比，所以最後都用其他卡比左，其實佢直接封左AE個sticker我唔會問，或者佢第

好鍾意呢間點心店，餐台之間位置寬落，讓人有舒適感，今日抬頭發現就連冷氣位都有點小心思，老闆幫冷氣出口位置添加了擋板，對於我呢種怕凍嘅人唔會俾冷氣口直接吹到，簡直太窩心了吧❤️每次都會同朋友嚟，或者自己一條友過嚟食，雖然有時人唔多，靜靜地食個點心特別舒心，食極都唔會厭，普通嘅食物反而更實在，令人成日想起呢度想過來食，再次俾個like

旺角都幾多點心專門店,今次就入左間叫點點心既小店分店唔多,得2間,朋友話以前食過唔錯,可以一試佢既點心的確比起一般既有心思今次試 賽螃蟹菜苗餃,真係波羅包,金錢牛肚,脆皮腸粉茶費每位6蚊,以上4款點心加茶費,大約$160埋單賽螃蟹菜苗餃上層係炒蛋白,以前睇劇場講過係扮蟹肉,蛋白上面再點黑松露點綴類似粉果既外皮包住蝦餃餡加炒蛋白,完全未食過咁創意既點心蝦肉口感係爽身,蛋白係滑,皮係Q彈,口感好豐富,鮮味十足真係波羅包,入面既餡唔係叉燒餡,係用真波羅肉餡,香甜唔酸,又有一層波羅包既脆皮,好食!金錢肚厚切夠爽口,XO醬加黑椒夠惹味!點心多選擇,有平時少見既特別款式,幾好食評分8/10平均消費$160旺角通菜街106號地下G/F, 106 Tung Choi Street, Mong Kok

約左朋友去旺角，諗住搵啲可以慢慢坐無限時又可以傾下計既舖頭，加上大家平時都約開都食中菜多，佢地亦都黎過呢間，所以佢地推薦完就決定揀試下👍🏻。平日去到6點幾，得1、2枱人所以坐咩位任揀😂。4人枱都算大，唔會手肘撞手肘。點心就好大路，基本上同平時酒樓啲點心都無咩分別。都係叫蝦餃、燒賣、馬拉糕、腸粉呢啲。奶黃包通常每間酒樓都差幾遠，但呢間算唔錯，流心既奶黃，包亦都唔厚，造型都可愛🐷。鳳爪排骨飯🍚都幾大籠，都算多肉。坐左都最少2個鐘先走🙈，不過餐廳當時都唔算多人，toilet🚽都乾淨，下次可以encore同屋企人去飲個茶🍵。

自從屋企鄰近開咗間點心店，點心平令正，自此之後都好少去其他酒樓點心店幫襯，今次因為晨咁早要落老旺 City Bank，所以幫襯旺記D點心店。上網睇睇，最近嘅點心店係點點心，於是乎去睇吓咩環境!去到見餐廳唔算多人，最重要係有個冷氣位，於是馬上坐底，睇餐牌，落單!打開 menu，第一個感覺當然係價錢比較貴，明白明白..... 旺角鋪租貴嘛.......點咗六款點心，香草鮮蝦餃，蟹籽燒賣皇，蟹肉小籠包，四寶雞扎，叉燒腸同流沙包.一向對蝦餃有四點要求，皮薄，夾起時皮無穿，蝦肉新鮮彈牙，餡料有竹筍粒. 頭三關無問題，無竹筍就好正常，因為大部份蝦餃都無竹筍，可能好多客人受唔到竹筍吧，另外有個問題，蝦餃加上香草，望上去同平時白色晶瑩通透嘅蝦餃感覺上.....有點.....污污糟糟，口感味道無影響，只係視覺上扣分。燒賣皇嘅豬肉餡料夠細緻，入口唔係舊舊硬豬肉，口感似蝦滑。蟹肉小籠包食唔出蟹味，而且唔夠爆汁但餡料尚算足夠。四寶雞扎包上雞肉，蟹柳，芋頭同厚冬菇，厚冬菇夠冧，芋頭亦蒸至鬆軟，個人口味情願包火腿魚肚淮山都好過用蟹柳。叉燒腸外表夠滑只係份量少咗D。流沙包整到成個豬頭外形極趣緻，但一定要攤凍先食!

✨金沙肥豬仔包尚算軟熟 但包底有少少偏乾流沙程度唔錯 味道亦幾香鹹蛋黃味✨首創原隻蟹鉗餃餃皮 厚薄適中 少少煙韌餡 有隻細細冇乜肉嘅蟹鉗 一隻蝦味道可以 正正常常✨香草鮮蝦餃餃皮厚薄適中 蝦爽 有汁味道有少少香草味 唔難食但感覺怪怪的✨無花果蒸排骨無花果有酸味 排骨多肉 略嫌切得唔好黐埋一齊 味道正常✨川汁釀茄子川汁微辣 少少麻 蝦膠彈牙偏鬆 茄子軟腍✨脆皮鮮蝦腸腸粉皮 厚薄適中 都算滑脆皮 香脆但偏厚蝦爽 另有少少甘筍粒 韭黃 味道正常食物可以 味道偏濃環境唔錯 如果坐到梳化位幾好坐服務正常 店員都有禮貌價錢可以 但同坊間其他點心專門店比較偏貴