鼎天茶室 (已易手) 新餐厅

大埔有好多平民食店，今次就特意來試試這間10分出名的茶餐廳。雖然夏天比較熱，而且有些座位係舖頭出面，但黃店都要繼續撐！由於諗唔到食乜，一於就揀咗呢個是旦飯，直接由廚師發辦，就唔怕俾人話同餐牌描述不符啦！是旦飯的外表很吸引，顏色亦很豐富，男朋友的這個有肉燥所以味道豐富咗，另外都有一個豬扒，所以都滿足到食肉獸我呢個就係雞翼，因為少咗肉燥，所以味道就比較淡，而且本身的汁也不夠味道另外有插曲發生，就係又有藍絲搞事，所以大家要撐下💪🏻

平時去茶餐廳大家好多時都唔會諗住有乜嘢服務可言只係希望能夠飽肚就算但鼎天的服務態度真係令你對茶餐廳的印象完全改觀✌當我哋考慮緊食乜嘢的時候佢哋啲員工走埋嚟問我哋使唔使推介啲食物畀我哋又話有啲新菜式推出餐牌上未有大家唔好誤會嗰時係完全冇客人係多人到仲要等位期間呢樣親切的態度令我未食已經先覺得窩心💕食物質素係比起大家所去的茶餐廳為高雖然你會覺得佢餐牌啲食物都係普通茶嘅食到的但出嚟味道比你想像中驚喜😋

人生在世，誰不想做個頂天立地，堂堂正正的人？可惜出生時的一張白紙，經過歲月的洗禮，有些人會不忘初心，有些人卻會利欲薰心，實在可憐可哀，縱使高高在上，可以張牙舞爪於一時，到一天身死魂消，還不是留下一個千夫所指，遺臭萬年的惡名，既愧對祖宗，亦愧對子孫。大埔這一間「鼎天茶室」，名字雖是鼎天而非頂天，但隱然有頂天之意，茶室內外所見的動畫人物《龍珠二世》中的孫悟空，三番四次拯救地球於滅亡危機中，還不是個頂天立地的英雄？孫悟空雖是卡通人物，但現實上何處沒有頂天立地的英雄？有些可能出身市井，言詞粗鄙，有些可能讀書不多，知識有限，但都有一顆赤子之心，在需要捍衛所愛的人和地方的時候，便會像《龍珠二世》中的孫悟空一樣無懼邪惡，挺身而出，不會像一些讀書成績縱佳，而且位高權重，但卻無能無恥的人一樣，早已利欲薰心，只會巧言令色，口蜜腹劍，助紂為虐，以權謀私。這茶室餐牌上的食物款式選擇極多，最後點了「黯然銷魂飯」（$55）做午餐。這本是尋常不過的叉燒煎蛋飯經天王巨星周星馳在《食神》電影中改了一個充滿詩意的名字之後，自此成為一個經典的名稱。這天在這茶室中吃它，水準尚佳，煎蛋雖不太有燶邊，蛋黃與蛋白色澤分明，都算煎得

只要有外出食飯嘅機會，都一定會幫襯返黃店💛，朋友生日都一樣，所以自攜咗嗰生日牌😆😆·炸雞髀配薯條 $45 (下午茶)推薦指數：★ ★ ★ ☆ ☆炸髀都幾大隻～ 外皮香脆，而且係有肉地嘅炸髀🤩，唔係得塊皮個種🤢 餐牌上明明寫薯條，最後居然係薯角🤭，薯角偏小小鹹，點茄汁食味道尚算balance返·雞扒芝士撈公仔麵 $45 (下午茶)推薦指數：★ ★ ★ ☆ ☆相對上呢個冇咁大驚喜～ 芝士味唔夠濃，成個麵一餅嘢咁😐，但雞扒肉質幾嫩滑，外皮脆口·上次食過佢哋晚市嘅外賣～ 都幾高質，茶記嚟講幾唔錯🤟🏻🤟🏻 ‼️老闆最近唔夠錢洗，會做埋宵夜開到2359啊‼️

入到大埔行街，到兩三點餓餓地就搵間餐廳食下！喺出面見到有室外位置俾吸煙人士，而入面設計就係比較暗，有別於其他茶餐廳風格，價錢亦都比平時茶記貴啲，普遍都＄40-50起跳！💸💸💸我叫咗個「煮麵你食」嘅香脆豬扒米線 腸仔奄列 餐，首先嚟到嘅係黃金多士，真係烘得幾出色，成個多士表面都係金黃色，食落去會成口牛油🧈，只係輕輕一層係面，啱啱好，唔會太膩👍🏻👍🏻 之後豬扒叫咗分開上，所以米線係清湯米線一碗，豬扒有驚喜，size比相像中大，唔係細細塊嗰種，唔算好肥亦都唔太瘦啱啱好，近骨的位置黐住少少肥肉，豬扒亦唔會太薄，中火煎，做得剛剛好！至於米線湯底冇乜特別，正正常常啦😌同行男朋友食咗個芝士雞扒公仔麵下午茶🍜，最初仲擔心過芝士湯底會唔會好稀，點知原來係芝士撈公仔麵上面放咗塊雞扒，雖然雞扒比豬扒細塊但整體煎得都唔錯，比較欣賞芝士撈麵，芝士味夠濃郁🧀，雖然知道唔係用即磨芝士嗰種，係用芝士粉溝出嚟，但味道融洽，都算係落足料都算係落足料，茶餐廳做到呢個水平其實都算唔錯😙

這一家餐廳非常有良心，偶爾都會在社會做善事，所以一直都有幫襯。特別喜歡他的早餐，蕃茄味的通粉，湯底非常濃郁，而且店家非常用心地煎他的雞扒，令到外面的皮非常趣，而且裏面啲肉汁都好多，總之就係正。

支持小店舖的我要讚美這小店。.到了店門口，女店員親切的笑容，感受到她的真誠。 其他店員也是有禮貌，熱誠但不做作。.叫了$45的 蕃茄牛肉湯通心粉，腸仔，午餐肉 和 凍檸檬茶。 有新鮮的蕃茄，牛肉份量也十分足夠，並且味道好，不韌。 整理份量十分符合價錢。 這個套餐 還有 一件厚多士，但我怕太多 所以沒有要吧。 我聽到某食客對他們做的奶茶讚口不絕。.整體來講是一流的小店。 服務態度 自然流露著他們的真誠，食物質素又好。 請大家也去試試，支持小店。

下午茶當然要去茶記食啦今次來到地點好方便的鼎天叫左個香濃蕃茄牛肉通粉湯底濃郁，有好多蕃茄肉，牛肉份量都唔好，同蕃茄湯底好夾，非常足料通粉煮到剛剛好，無令人失望套餐配左個香腸奄列，蛋皮簿簿地，面頭有少少焦香，內裡嫩滑，加上好似有晒成條腸係入面，淡淡肉，好正黃金厚多士一上枱就好驚喜新鮮出爐熱lala面層應該係充足咸香的咸蛋黃，焗到外脆內軟，係出面的茶記真係好少見，好特別，值得再食。一個美美的下午茶非常滿足，正下次要再來試埋其他餐。

呢個既早餐份量又足又平，$34 咋又有雪菜肉絲米，送兩款雞蛋炒蛋煙肉腸仔火腿咁，仲可以揀奄列，我就揀左呢個啦 重點係好味😋！份量食完真係會飽架，奄列唔係細細pat，重點係咩？黃店囉！

一日一黃店 大埔最出名既黃店不時有免費派飯 比長者 又會請學生食飯曾經試過 全日賣求其飯廚師煮咩就出咩餐 價錢隨心門口有箱自己比店內有小小文宣 ‼️同埋有得派海報（海報係門口風機上面 我問店主 係咪可以免費拎店主話：係呀 歡迎 係d學生放係到既～）（但有小小鋪塵 感覺可以放得好d 傷心）.呢日下午茶黎到 見到餐牌有⭐️求其飯$55 下午茶$48即刻睇下佢有咩食 有幾求其最後係 肉醬 加午餐肉 加雞扒飯👌🏻肉醬係肉醬意粉 常見味道 超熱好食👎🏻雞扒 同午餐肉 都係凍既 係凍冰冰既凍呀👍🏻飯粒好評 粒粒分明 軟硬適中.再望望網上openrice人地食既飯媽呀 點解人地果份吸引咁多no!!!!.店員態度勁親民 好似朋友傾計咁😂有個呀叔等左20分鐘都冇野食有位靚仔男店員 笑笑口 搭晒膊頭 一分鐘 即刻出俾你個呀叔 見我食完求其飯 佢個餐都未到 勁無奈我聽完笑左.總結 求其飯真係好求其而點求其飯既我 其實都好求其.#鼎天茶室 (大埔)地址：大埔安慈路3號翠屏花園商場地下3號舖.⭐️評分：味道：2/5 😭環境：3.5/5 外面係吸煙區服務：3.5/5抵食：3/5.

✨良心茶記💛派飯支持港人✨——————————————————-呢間良心茶記有派飯比學生 平時都有派飯比長者 真係出錢又出力😭要大大力懲罰下先得！🥰——————————————————-🍛咖哩厚切豬排飯 ($78)價錢睇落係有d貴😂勝在足料可share份量係多到夠兩個女仔食！豬排勁大塊厚肉😍煎得香脆唔鞋咖哩比平時食既冇咁辣 都幾惹味連伴碟既沙律都唔hea 芝麻醬好香仲有紫薯 套餐包湯同飲品.🍳香煎雞扒煎蛋飯 ($55)真心抵食 平日lunch食仲特價$45!兩大塊雞扒 煎得好香 又有荷包蛋🤤

早排聽人介紹話呢間小店幾好食，同朋友咁啱經過附近，星期五晚七點左右已經坐滿，好彩有枱食客啱啱食完有位。店員一拎份menu果黎果陣我差d哇出聲，好多選擇呀。我朋友就有選擇困難症既，佢一共轉左5次選擇除左超厚既menu之外，店入面仲有一塊大白板寫住當日有咩特別既野食可以嗌。我哋同白板中間隔住唔少食客，所以唔太方便影比大家睇。雖然做到踢哂腳，但係店員既服務態度超好。老闆娘落單之前好熱心咁介紹當日有咩特別野食，又會同d客吹下水。見到有個食客跌左隻雞翼落地下，老闆娘幫佢清潔完之後仲補返一隻比佢，好有愛。我叫左咸牛肉炒蛋飯，朋友叫左叉雞飯。(叉雞飯寫左喺白板上面)Menu其中一頁Menu其中一頁咸牛肉炒蛋飯，份量唔細，牛肉都好多，炒蛋都幾滑，飯粒炒得乾身，食完睇到碟底唔會好多油。朋友既叉雞飯。雞既份量超誇張，飯都好多，雞肉好滑。我自己食叉燒鍾意半肥瘦，覺得呢個瘦左少少。仲有流心蛋，超邪惡。超滑既雞。估唔到呢間小店咁受歡迎，我哋食到一半，大概夜晚七點半既時候已經聽到有d食材已經賣哂，想黎試下既朋友真係要早少少。一間好有人情味既小店，下次再黎試下其他野食先！

呢間餐廳雖然唔起眼，但成日都好多人等位呢次食佢嘅芝士咸蛋黃軟殼蟹通粉，超 好 味！😋😋(本身想要意粉，但太好生意 意粉都賣晒😂😂）一黎到見到有成隻軟殼蟹，有啲嚇親，因為好少會咁大方有成隻蟹，食落仲要係好香脆！ 個汁都好特別，充滿芝士絲，仲有咸蛋黃😋😋可以再encore!!另外仲叫左個bbq醬燒豬仔骨跟薯菜一黎到又係超大份😍😍個汁好好味同埋好開胃，薯條都好新鮮仲係熱辣辣👍🏻👍🏻仲有埋啲沙律菜 正👍🏻👍🏻另外佢每個餐都包個例湯同野飲,70蚊左右都搞店, 又唔使加一👍🏻👍🏻👍🏻老闆仲好好人添😌😌

落樓下搵食，見到呢間鼎天開咗一排都未幫襯過就入去試下，點知有驚喜喎!打開menu 有平時茶記啲粉麵，但又有海南雞呀牛角包咁，今次就試咗焗飯。黑松露忌廉汁煙三文魚飯，聽個名都知好味啦!好多黑松露醬，煙三文魚又係勁多! 上枱熱到出晒煙，肯定係即叫即焗! 面頭啲芝士又多又金黃，正!一撥開啲料，見到個飯係炒飯底就知呢間嘢有誠意啦!焗飯得嚟又唔會太乾，夠味又唔會太咸，食完無口乾應該無乜味精!另一個焗飯係燒汁吉列魚柳，汁可以自選，白汁咖哩燒汁黑椒都有。一上枱，舊魚大到呢食落一啲都唔乾，好滑，但個皮又炸到好脆口! 燒汁唔會太咸太甜但又夠味，送晒成個飯岩岩好!正!其實水吧都高質但今次唔記得影，下次影埋嘢飲!

茶記套餐一般都包餐湯和餐茶：餐湯是蕃茄薯仔湯，每碗都奉送一隻雞腳，有一種中西合壁的感覺。而餐茶，最特別的是這個花型匙。主菜最好吃的是牛仔骨。鐵板牛仔骨 兩大塊牛仔骨底下墊著薯角，切牛仔骨時把下面薯角都壓扁和切碎了。西蘭花及洋蔥芯是生的，所以我只挑了熟的洋蔥片吃。鴛鴦扒(豬扒雞扒)意粉 豬扒很大塊，雞扒只有豬扒的一半。白汁吞拿魚意粉 吞拿魚可能是罐頭吞拿魚，一塊塊的，微鹹，而白汁卻稍淡，若能把吞拿魚弄碎一點與白汁拌勻，鹹度便剛好了。