鼎泰豐 (已結業)

星期六好早喺尖沙咀睇完醫生，啱啱好就到lunch time，諗住去鼎泰豐食個early lunch，11:30到門口開始排緊隊, 11:45就可以入座👍一個人食，叫咗兩樣嘢：1. 台式擔擔撈麵撈麵個擔擔湯底好濃郁，好香辣油同埋花生香味，好食到連啲汁都想飲晒😂如果再大碗啲就好啦😋2. 小籠包小籠包好多湯汁，皮薄餡靚，每人有一碟薑絲，可以自行調配豉油同醋，好滋味，鼎泰豐嘅小籠包真係一直都咁有水準😋😋😋正鼎泰豐嘅食物質素真係唔錯，尖沙咀分店好大，有落地玻璃睇到九龍公園風景，坐得舒服。

當時嘢食都嚟齊晒又食完，但仲差一個麵未嚟。我哋問左個男侍應check下，佢拎起張單，望一望手錶，話："仲未夠鐘wor!" 然後就掟低張單行走左。佢又唔講要等幾耐，又冇去check機。當時已經係落單後超過半個鐘。之後搵另一個女侍應，佢即刻去跟進。結果再過十分鐘個麵先黎。聽到d職員喺度講，原來一開始落錯左單，個麵去錯左枱。如果信個男侍應講，係度齋等，收舖都未有得食。食左鼎泰豐咁多次，冇諗過有d咁不知所謂嘅服務。街邊餐廳服務態度仲好。

星期日經過尖沙咀人多到爆，諗咗好耐都唔知食乜好。忽然有人提議食小籠包，當然即刻聯想到就係鼎泰豐。新港中心個鋪都已經好多年，地方又夠大，我哋三個人等咗一陣就有位。既然想，我哋就主打小籠包。三個人一人一籠，5分鐘到就已經熱辣辣送上嚟。食咗咁多年，小籠包還是保持水準。佢哋嘅出品每一粒都唔算大，但係就一定係黃金18摺，完全係手工野。裏面嘅肉汁都好鮮，一啖一隻啱啱好。男仔來講食一籠係唔夠飽嘅，所以我哋都有嗌炒手同其他點心，不過都係好普通始終嚟鼎泰豐都係要食小籠包。

幾年無食鼎泰豐，今日心血來潮，好想食小籠包，就即刻諗起去呢間。我哋兩個人，叫左小籠包（6粒）（$66），紅燒牛肉湯麵（$92）及紹興酒醉雞（$80）。值得一讚係紅燒牛肉湯麵，個湯底味道好濃郁，食落去無味精，兩舊牛展同埋牛筋煲煮得好淋，很好吃！另外，由於侍應見到我哋仲食緊麵，小籠包上菜時，幫我們預先蓋起，所以食嘅時候，仍然很熱。小籠包仍然保持一貫的水準，比起出邊好多上海餐廳嘅做得好食。而醉雞的味道就比較普通，下次會想試埋招牌菜嘅蝦肉煎餃。

點左兩種小籠包，普通小籠包皮薄湯汁味道都正路，就係冇咩驚艷感覺，芋泥小籠包幾特別嘅，第一次試，就係芋泥餡甜左小小，個小籠包皮蒸得唔夠耐唔夠軟身，個芋泥味好出，無論系甜嘅定鹹嘅小籠包，味道都算係咁啦，不過其他菜味道就差dd啦，醉雞浸酒太耐啦，酒味太濃啦，帶住好明顯苦味，仲要大部分都係雞胸，跟住個擔擔麵都係有一樣問題啦，唔知點解都係有小小苦味，有種花生醬膿佐嘅味道，等咁耐，有小小唔值嘅感覺，性價比唔夠好囉。

今次係第一次係香港食，但係食完之後覺得非常失望，雖然只係叫左三樣野食，但呢d基本食物都做得唔太好，好難再幫襯台式四季豆擔擔面小籠包四季豆好細碟，性價比好低係凍食的，有少少肉碎，味道非常普通，四季豆口感正常幾爽脆擔擔麵亦都係好細碗，好似下午茶個份量咁，一個人基本上食唔飽，而且味道極為普通，街邊舖既擔擔麵都比佢好食，完全唔值得叫小籠包一籠6隻$66，比較好d，真心做到皮薄，湯汁唔夠鮮甜無乜肉味，小籠包餡都無乜特別，不過不失

叫左幾款野食，食物方面水準不錯，但唯獨價錢偏貴。🍽小籠包對於小籠包超級愛好者嘅我黎講，呢間餐廳嘅小籠包算係皮薄餡靚，但湯汁偏少。其實小籠包嘅湯汁係來自豬皮凍，豬皮凍做法稍為繁複，但亦係小籠包嘅精髓。如果冇湯汁，咁同普通嘅肉包有咩分別？🍽糯肉燒賣睇餐牌嘅時候好好奇係咩嚟，所以點左。糯肉應該係糯米飯炒肉碎，然後釀係小籠包皮(?)食落糯米飯煙韌，帶剛蝦米的鮮香。燒賣中間有個頸位，呢個位置冇餡，咬落較乾及較硬。其實食物係不錯的，只係身為小籠包超級愛好者嘅我，對小籠包有啲要求🤣 同埋價錢偏貴了些少。

今日突然間好想食鼎泰豐，根據網上嘅資料就去咗新港中心嗰間分店，原來就裝修中又叫返我去美麗華商場。 我哋點咗小籠包、春卷、擔擔面、豬扒和牛肉麵，食物質素一般，價錢又貴，服務周到。如果唔係掛住台灣鼎泰豐，下次都未必會再嚟了

勁耐冇食過上海野所以同朋友就揀咗食鼎泰豐喺尖沙咀食我以為得一間鼎泰豐點知原來佢哋有兩間今次就去咗從來冇去過嘅美麗華分店美麗華分店都幾舒服大部份都係卡位我哋食大約下晝2:00所以人都唔算多一定要食嘅就係原味小籠包叫完大約等10分鐘左右就已經有得食啦唔算等好耐而且又夠熱佢哋嘅小籠包完全係保持到水準起唔太厚然後裏面嘅肉汁又多肉又夠鮮味朋友仔未食過呢個今日就介紹佢食呢一款係洞悉嘅頭盤份量較多而且味道都好好佢覺得呢個野好得意因為佢從來未食過另外仲帶咗個荔芋小籠包特登叫佢、後上咁就可以當甜品咁樣食啦其實我仲帶咗個菜肉雲吞擔擔麵不過太心急食咗唔記得影相四樣嘢兩個人份量就剛剛好如果下次再嚟食我諗我都會過嚟美麗華分店因為個感覺舒服啲同埋餐廳睇落去乾淨啲

喺最後一晚可以晚巿堂食約埋朋友食飯🤣，今次我哋去咗鼎泰豐度食，係也米😍第一次係香港食依間，以前都係喺台灣本地食，所以都有啲期待😚。-🍴小籠包($66/6個) - 小籠包係鼎泰豐嘅招牌🤩，基本上每枱食客都會叫嚟食，我哋都唔例外🤤！小籠包熱辣辣上枱，就要趁熱食！小心啲咁夾，要確保唔會整穿個外皮，點上薑同醋，一啖放入口，不得了😋，好多湯汁，好好味！-🍴台式酸辣湯🍲($58) - 餐廳會事先加上醋係湯入面，酸酸地少少辣，都幾開胃。-🍴台式擔擔撈麵🍝($56) - 外貌同圖片好似冇咩分別，撈勻麵同擔擔醬，每一條都沾滿醬，食落都幾香！-🍴蝦肉餛飩湯🦐($68/6隻) - 蝦肉餛飩每粒都幾飽滿，充滿蝦肉，飲落個湯就有啲似餛飩麵嘅湯底，唔算好飲。-🍴蒜香粉皮肉🧄🐖($64) - 有少少似蒜泥白肉加粉皮，蒜味幾香幾重，豬肉都切到好薄，配上粉皮同青瓜絲，好好食嘅涼拌小食！-🍴蝦仁肉絲蛋炒飯($95) - 炒飯一般，同港式嘅有啲分別，偏向濕身，但調味唔錯。

之前同啲朋友本身想食另一間餐廳嘅放題排左差唔多兩個鐘 最後因為太多人就食唔到😟餓左勁耐 喺商場求其搵咗呢間餐廳到食晚餐😚以前成日都聽啲朋友講鼎泰豐好好味不過就一直都冇食過 今次機緣巧合終於食到🤣.由於我哋實在太肚餓嘅關係 叫咗好多嘢食😂叫咗2籠小籠包、香蔥拌麵、排骨蛋炒飯、蒜香粉皮肉、絲瓜蝦仁小籠包、蝦肉紅油抄手、台式擔擔撈麵、2籠迷你荔芋包、蝦肉煎餃同雞絲蝦仁春卷Total 4個人叫咗12樣嘢😂😂都幾癲下🤣🤣冇辦法啦 大家本身留肚諗住食放題😗食咗咁多嘢 又冇話覺得咩嘢食物特別好食整體就覺得味道一般😗純粹好肚餓先叫唔同嘢食🤣朋友食完之後就話覺得鼎泰豐以前好食啲😂

有日準備放工，個肚餓到叫，加上公司冷氣好鬼凍，突然好想啪個熱辣辣嘅小籠包放工嗱嗱聲衝去鼎泰豐，好彩，唔洗排隊打開menu樣樣都想叫，奈何兩個女仔邊食到咁多嘢我嘅小籠包到啦 同過往一樣上菜快，皮又薄，一口一啖熱辣辣，正我最愛嘅蘿蔔絲海蜇，咦你粗咗咁多嘅，切幼啲好味啲喎辣妹們當然要點辣嘢，但好明顯唔辣食到口乾乾，叫個粉絲湯濕吓個口先。但呢⋯有啲淡擔擔麵從來都無錯～今次啲麵條煮得都幾彈牙，細細份兩個女仔分啱啱好！

中秋節翌日有難得的假期，到美麗華見到鼎泰豐唔使等位直接可以入，即刻入去食！食鼎泰豐，必定少不了叫小籠包。小籠包的水準一如既往，皮薄多汁，配以陳醋，口感一流！我在鼎泰豐，還常常會叫糯肉燒賣，這一款食品比較少在連鎖的上海餐廳見到。還記得第一次吃，是在上海，當其時朋友介紹，覺得很特別，回到香港時，不是很多餐廳有。當去鼎泰豐，發現它後，每次都會叫。坦白說，和上海食過的相比，這裏的燒賣比較乾身，但還是每次會點，懷念一番。我們也叫了酸辣湯，鼎泰豐的酸辣湯刀工一流，但酸及辣味就好似差少少🤏來多一碗擔擔麵，這裏的擔擔麵醬汁濃郁，食落口，滿滿的花生香味！

今日食評有✍🏻 鼎泰豐@美麗華試食指數⭐️⭐⭐⭐⭐店舖衛生⭐⭐⭐⭐侍應態度⭐️⭐⭐⭐((每項5⭐️為滿分)) ·食過幾間分店始終美麗華係最好嘅無論食物出品環境衛生甚至服務態度都係一流👍🏻·今晚點了1️⃣清燉雞湯拉麵⭐️⭐⭐/5青燉牛𦟌好味啲雞肉燉得有點老但雞湯真材實料大家要咬埋湯中的靚薑包你有驚喜2️⃣菜肉雲吞拉麵⭐️⭐⭐⭐⭐/5粒粒雲吞都係誠意之作食得出新鮮包製今晚湯底稍咸但無損分數👍🏻3️⃣上湯菜心⭐️⭐⭐⭐⭐/5一試有驚喜首每條菜芯都好靚正菜我唔知佢點樣烹調每一條菜都係碧綠、爽口、又唔老一碟菜都幾貴但真心好味😋4️⃣炸春卷(4條) ⭐️⭐⭐⭐⭐/5層次分明的春卷餡包得靚炸得剛剛好外脆內熱都係嗰句4條春卷要$58但真係好味囉🤤5️⃣絲瓜蝦仁小籠包(6粒) ⭐️⭐⭐⭐/5第一粒要原味食試到絲瓜蝦仁的清甜味不過太細粒😆可唔可以包大粒啲6️⃣紅豆包(3個) ⭐️⭐⭐/5係我哋叫齊上食嘅時候個包已經凍哂不過餡料係足紅豆沙餡又唔甜下次會熱食👀·二人496貴但真心好味😋·599Eat疫情下的食肆怕多人辛苦排得嚟又唔好食食外賣食到悶想岀去搵食又驚唔衛生·我哋599•Eat幫到你無論大鋪小店我哋都會盡試盡講

今日高太話唔想出街食，我地嗌外賣食下我高太有啲喉龍痛，甘就唸住嗌啲無甘油膩既野食下其實之前經外賣app嗌都已經無俾餐具，不過平時係公司嗌黎食，有餐具係度就無咩問題但我同高太今日出去staycation 嘛等酒店攞筷子俾我地期間，我地两個係無餐具既情況下，侷住用手食左啲可以食到既先陰公花雕凍醉雞筷子終於都到左啦依個本身係凍既，無咩影響不過唔夠滑炒菜食果時仲暖既依個葱油絆麵就慘慘豬啦凍到硬哂，打都打唔開搞左一大輪先勉強食到等待筷子既時間我打過去餐廳查詢，有位職員覆我話經外賣平台叫外賣，要特別注明要餐具先会提供講多幾句就改口話会因叫餐數量提供餐具，我話唔係第一次發生，同類事件已經發生過幾次，距話会同改善喎