鼎泰豐

营业中

休息中

約死黨食晚飯，去錯分店，本來想坐另一間尖沙咀分店坐得舒服d食物貴左好多咁，價性比唔高。小籠包正正常常啲肉唔散，湯幾足，皮薄。烤夫好耐冇食都OK，朋友食到要買多份回家孝敬家人。次次嚟都唔記得紅油抄手好普通，唔算好入味少少辣冇咩驚喜。蝦燒賣面頭粒蝦好雞，入邊有湯汁豬肉味好濃。炸蝦餅好熱氣，香口食完一定爆瘡。流沙包不怎樣，冇咩賣相細細個唔係好流沙，可以不叫。冇一次嚟唔使等位，坐位好迫，坐得唔係好舒服，桌又細，我哋食物幾乎一下上，已經放唔落，食得好急下，唔享受，未必有下次。

今日食評✍🏻 鼎泰豐@新港中心試食指數⭐⭐⭐⭐⭐店舖衛生⭐⭐⭐⭐⭐侍應態度⭐⭐⭐⭐⭐((每項5⭐️為滿分)) ·好少全部俾5星鼎泰豐👍🏻👍🏻👍🏻👍🏻👍🏻乾淨、衛生、食物質素好Earlier dinner 時段包場咁濟不過我哋食完後人流開始在晚市時段旺起來·我哋點咗1️⃣菜肉雲吞麵菜肉涵新鮮麵即淥冇雪味冇太大麵粉味2️⃣清燉牛𦟌湯麵誠意推介必吃之選牛𦟌燉得好腍湯清甜不過今次冇咗塊靚薑同葱唔知係咪太多客唔食所以抽起咗(其實我好鍾意佢哋嘅薑㗎😗)麵底另上冇雪味冇太大麵粉味讚👍🏻👍🏻👍🏻👍🏻3️⃣小籠包正到爆(同某7彩小籠包冇得比🥱)湯汁鮮甜冇味精試下第一粒唔好加醋食原味🤭👍🏻4️⃣素餃今次師傅失手其中一隻爆皮不過冇影響味道及質素口味偏淡啱我哋5️⃣追加蝦肉雲吞蝦肉冇預期咁新鮮菜肉雲吞好味啲6️⃣溫豆漿細心的改善熱豆漿更本熱到冇得即飲溫溫地更易入口·乾淨程度連我有潔癖嘅人都讚·全單(連加一)449·599.Eat疫情下的食肆怕多人辛苦排得嚟又唔好食食外賣食到悶想岀去搵食又驚唔衛生·我哋599•Eat幫到你無論大鋪小店我哋都會盡試盡講

呢度最出名既小籠包同流沙包未食過既一定要試。價錢雖然偏貴，但比到你既味道服務同環境都有。流沙包可以叫凍包拎走返屋企整熱黎食。兩個人叫左7樣野，$4xx埋單。Waiters 服務態度好好，特此讚賞下。

聽人講食小籠包最出名就係鼎泰豐.但其實我都未食過.我問女朋友佢都未食過.所以今日我地就決定過嚟試吓.咁咪等咗半個鐘左右就有得入.-紅燒牛肉麵-小籠包-糯米燒賣-清燉山藥菇菌湯-菜肉紅油抄手-真係忘記咗咩包😂牛肉麵牛肉係半筯半肉夠淋入味幾好食.小籠包就真係好失望完全冇湯汁.唔算好熱.一粒放喺入口都唔會焫咀果種.肉味都唔濃.好普通反而糯米燒賣幾好食.粒粒好飽滿糯米好香.糯米係有炒香.好少地方有得食.其他嘢都正常總結：唔好抱住一定要食好出名好好食嘅小籠包黎食係可以😌其他嘢其實都唔錯除咗個小籠包.就係要等位我就覺得其實未必一定要揀呢一間.價錢唔平食物都冇好特別.未食過可以試一次食過唔使試第二次！

11:30 打去訂外賣, 餐廳職員叫我15分鐘後去攞。我12 點去到話未得 ,  我等到12:15 都仲未做好。我問點解45 分鐘都仲末做好外賣, 佢地解釋唔倒, 只係話 "有啲問題..."  。咁即係咩問題?   服務零分。同場有好多外賣員都等咗好耐冇得攞外賣 , 明顯嗰日餐廳出問題做不到外賣, 但又要人無了期等及不願解釋 。 麻煩管理層正視問題, 唔好做差自己品牌。

呢幾排行過呢間鼎泰豐長期都冇開門裝修緊而我呢啲食評同埋相片係好耐之前食鼎泰豐一間好出名嘅台灣菜主打都係食小籠包如果喺香港想食小籠包佢都算係數一數二叫咗兩個小籠包一個擔擔麵一個排骨炒飯擔擔麵一間間質素唔同有時多湯時小湯咁啱我食呢次多湯都算好彩小籠包正常發揮排骨炒飯排骨都算炸得香口但有陣時可能會淋啲總括嚟講間唔中都可以一試價錢都係正常咁樣做開遊客生意多數都係咁嘅價

間中都要喺尖沙咀搵食，有時突然間想食台灣嘢，都會諗起鼎泰豐，見好耐冇食又突然間想食佢哋嘅小籠包。小籠包小籠包皮薄餡靚，咬落去仲有熱辣辣嘅湯汁流出來，基本上每次去都係必食嘅菜式。紅燒牛肉麵牛肉係牛肉加筋，所以就算箍緊牙嘅我，都好容易咬開，好林好入味，牛肉湯底夠濃味，但又唔會食到好口渴嗰種，棉質好有彈性，唔會一夾就散🤣第一次食尖沙咀呢間分店，環境好大好闊落，坐都坐得好舒服❣️

今日lunch來到尖沙咀鼎泰豐，之前喺台灣都食過鼎泰豐，尖沙咀依間整體食物都很好吃😋，而且座位都好闊落環境都好乾淨💫，而且佢而家做緊外賣仲會有88折。⭐️蘿蔔絲拌海蜇皮⭐️呢個海蜇皮都好好食但係蘿蔔絲就有啲酸，不過加埋一齊味道真係唔錯👍🏻⭐️小籠包⭐️呢個小籠包入邊嘅肉都好多汁⭐️香菇素餃⭐️呢個餃真心推介👍🏻因為佢入邊嘅菜都好新鮮好鮮甜👍🏻⭐️台式酸辣湯⭐️呢個酸辣湯味道係夠嘅🤭不過可以再辣少少會好味啲🤭

小籠包 $66 (6個)失望!其實技術上佢整得唔錯架!皮好薄，夾上黎都唔會穿，入面都有湯汁。但可能生意難做食材成本貴掛，入面d肉好少，亦無乜肉味;個湯汁又唔夠香唔夠濃。香干馬蘭頭 $66豆腐干加菜碎，無乜特別。油炸排骨湯麵 $70略嫌排骨肉質少少鞋，尚算合格，驚喜欠奉。蝦肉紅油抄手 $68(6個)呢個比較可取，個醬算香辣又甜甜地，幾好味。食物味道總括嚟講都係一般般。不過始終位置方便，時逢週末夜晚，都唔使等位太耐。服務都算可以。

鼎泰豐係台灣就有食過，香港分店未試過，疫情下都冇影響佢地既生意，今次晚上去都差不多坐滿人，翻檯率高，出菜好快，服務亦不錯，難怪開業咁耐一直都有人氣，而且摘下米芝蓮一星小籠包｜$66/6個招牌小籠包當然要叫一籠，另外仲有黑松露、絲瓜、雞肉味，問了店員醬汁黃金比例，醬油同醋大約是1:3，再加上薑絲一齊食用😋小籠包外表完整無缺，麵皮均勻薄嫩，咬開吸下湯汁，鮮味非常，而且熱度剛好，唔怕會辣到個咀，的確很出色👍🏻蝦仁蛋炒飯｜$95原來呢個都係必點之一🤣份量以為好少，但其實夠兩人食，火侯控制出色，炒飯粒粒分明之餘，不會過乾，油感亦不重，有蛋香，蝦仁份量亦很慷慨，夠爽彈紹興酒醉雞｜$80醉雞出色與否可分為三部分，分別是雞皮、雞凍和雞肉，雞皮夠薄同爽☺️中間有一層薄薄的皮凍，雞肉用左紹興酒提味，肉質軟嫩

本人於星期日（27/3）早上十一時半左右打電話去鼎泰豐叫外賣，並說明12點到取。我先生12點到達並同前台負並看到當時有一份外賣已準備好，於是便問前台負責人是否是他的，當時前台負人非常不友善回覆是：「唔係你架！你企開一邊等……」怎知道過了十分鐘後，叫他取回十分鐘前已放在同一位置的外賣，為什麼當他第一次問他們時不看清楚，還態度惡劣地叫人行開？ 另外，當我打去該分店投訴時，沒有肯聽，還不斷推說很忙，我不會再幫襯了

Throwback to the last time l ate, according to my camera roll, was on 13 Oct, 2021.......The food was authentic and traditional Chinese cuisine.One of the dishes that surprised me was the “Steamed Pork Dumplings’’It was super tasty!The wrapper was super thin.When I bit into it,a pool of soup welcomed me☺️.I loved’’Steamed Mushroom Vegetarian Dumplings’’It was freshness😆

假日中午周圍都是人, 間間都要等位, 幸好呢間只等15min 就有位。呢度上菜快, 價錢中等同埋坐得舒服, 食物選擇多, 枱面有齊醬油同醋, 而且服務員仲會幫你用膠套套住外套, 服務貼心。我哋幾個人叫咗幾款嘢食小籠包, 一放入口, 外皮好薄, 輕咬一下啲湯汁湧出嚟, 肉汁鮮甜, 必食酸辣湯, 好足料, 酸辣味適中, 湯內仲有好多木耳絲、豆腐乾、筍絲和肉絲紅油抄手, 個皮有咬口,小辣牛肚, 鹵得入味又爽口雞絲蝦仁春卷, 炸得香脆, 春卷皮不油膩, 雞絲和蝦仁配搭得唔錯排骨麵, 熱辣辣炸出好香口, 肉質軟腍, 口感鬆化, 麵底彈牙有咬口葱花蛋炒飯, 炒飯炒得乾身, 米飯粒粒分明, 唔太油, 雞蛋味道香濃

鼎泰豐真心唔錯，值得一再回訪。必點佢嘅小籠包😍🍤絲瓜蝦仁小籠包 $68 (6pcs)呢款好有驚喜，都好好食，味道清甜又清新，料好足，可以見到原隻蝦，絲瓜同蝦仁🍤都爽口，個配搭好夾，推介😚🐖小籠包 $66 (6pcs)有六隻，size唔算大隻，但勝在質素高，皮薄餡靚，係岀面都見到包內嘅肉汁😍😍，趁熱食就最正，啖啖鮮甜肉汁，蘸上醋，同薑一齊食，好正，不過小心燙口。🍜清燉山藥菌菇湯麵 $74淨係要個湯都要$60，當然要連埋個麵一齊叫，個湯好足料，爆多菇🍄，個湯清澈唔油膩，飲落清甜陣陣菇香，不過略嫌個湯唔夠熱辣辣🥴🍝台式擔擔撈麵 $56今次唔係湯麵，撈麵原來都唔錯，微辣惹味，仲有好多碎花生🥜，啖啖都有花生香😍🍚肉絲蛋炒飯 $85炒飯炒至乾身金黃，粒粒分明，食落唔油膩亦有蛋香👍🏼👍🏼

我喺香港搵到一間中菜鋪唔難，不過要高質素既就……（呢日去食既呢間中菜好食😃😃）呢日去左位於尖沙咀嘅鼎泰豐，望落去環境幾大，當日嚟9成滿座當然要試埋啲嘢食先判斷間嘢係咪掂啦（大家睇埋落去 唔好行開呀🧸）