鼎泰豐

营业中

休息中

鼎泰豐嘅小籠包咁出名😍嚟到一定要食啦，小籠包皮薄裏面好多湯汁👍🏻要小心夾起，唔好整穿小籠包皮先可以食晒所有湯汁😋鍋貼煎好香脆，蝦仁餃鮮味👍🏻整體來講，小籠包最好味👍🏻食物精緻又好味，值得一試

世界各地嘅鼎泰豐都去過，除咗台灣總店之外，香港嘅鼎泰豐過去一直保持穩定水準，算係其他地方裏面最好的，尤其太陽廣場分店，比起其他分店水準更好。但係，今次去到有啲失望，因為食物水準比以前跌咗啲啲，雖然都唔錯，都食得開心，不過最喜歡嘅絲瓜蝦仁小籠包冇得供應，煎餃亦都比以前遜色，火候未算做到最好，小籠包肉質比較差咗，冇以前咁入味，唔夠鮮美，牛腱湯麵就保持到水準，牛肉幾彈牙，湯底亦都唔錯，食得出幾足料，不過有少少過咸，可以改善一下。而最令人失望嘅，係服務水準跌得好犀利，以前嘅侍應生都相當有禮貌，同埋反應好快，今次去到差咗好多，叫人又唔理，我去嘅時間已經係過咗最繁忙嘅午餐時間，其實枱數亦都唔多，冇理由職員嘅反應咁冷淡，最失望係臨走嘅時候，叫咗一個侍應生埋單，佢點頭然後行開咗，以為佢一陣間會攞張單嚟，點知等咗好耐都冇反應，佢亦都冇再行返過嚟，跟住再問第二位侍應生，佢先至話哦係要攞張單出去櫃檯埋，我因為都比較耐咗冇去，所以忘記咗佢哋呢個做法，不過已經等咗好耐先至知道，第一位侍應生冇提醒我，而係行開就當冇件事，所以呢一點都幾失望，希望服務水準可以加強，維持返以往嗰種待客熱誠嘅感覺，令到香港嘅鼎泰豐分店保

疫情幾年冇去旅行,心如來潮諗起台灣的鼎泰豐,實在太想念台灣的美食鼎泰豐嘅小籠包係我覺得唔錯&懷念的台灣美食,剛好今天約了閨密放工後做FACIAL,出左尖沙咀,見到就諗都冇諗入去食返個晚餐先小籠包$70(6小粒)一籠6小件，皮薄餡靚，肉汁鮮嫩，同我係台灣食的係一模一樣 香蔥拌麵($55)香蔥拌麵好有驚喜,雖然用上乾麵但唔會有黏笠嘅感覺，非常有蔥香的味道,配埋特製的醬料真係冇得頂雞絲蝦仁春卷($60 4條)香口野係每餐必點之作,真係即炸沒有一點油膩,非常脆口,足料有齊雞絲同埋蝦仁,好滿足核桃鬆糕($80 2件)除左小籠包，我較喜歡係呢個甜品,每次必點之作,軟綿綿的口感,但又非常鬆化,甜甜絲絲衝激味蓄

點選了小籠包、豆干馬蘭頭、紅燒牛肉麵，仲話係米芝蓮推介沒有一樣菜式合格全部都在水準之下、對我來說非常難吃，我吃過台北的鼎泰豐所有菜式味道都很好，但香港的鼎泰豐完全不知所謂！

今日去咗客人係尖沙咀嘅office，難得好近尖沙咀嘅鼎泰豐，就決定早啲去食，避咗peak hour嘅人流🤪🥟小籠包（$66 6個）小籠包係鼎泰豐嘅招牌，今次食落覺得有啲失色咗，小籠包個皮有啲厚同硬，雖然咬落去都好多汁， 不過啲汁都無咩肉嘅鮮味，有啲失望🥹🧄蒜香粉皮肉（$64）粉皮整得好有彈性亦唔會太硬或者太軟， 撈埋碟入面嘅豉油汁一齊食好惹味。反而啲肉就有啲鞋，不過撈埋上面嘅蒜蓉都不過不失嘅😗🍝香蔥拌麵（$56）鼎泰豐嘅香蔥拌麵一向都係我最愛，雖然有乾麵但係一啲都唔會有黏笠嘅感覺，好乾身，加埋啲醬每次食一碗都唔夠候🤣🍛排骨蛋炒飯（$92）排骨好淋好易咬，飯都炒得好乾身。不過淡咗小小，我地自已落左啲調味味道先岩岩好😶

啱啱開嘅時候，成日都過嚟食晚飯，但自從轉左工之後都好少再過嚟食啦!今日行過尖沙咀等朋友放工食飯，好掛住佢嘅小籠包，雖然要等成半個鐘頭，我都決定排隊等。餐牌雖然改左，但最想食都係致愛嘅小籠包，有小龍包情意結😋辣味黃瓜 $62小籠包 (6隻) $70台式酸辣湯 $65高湯蒜蓉油麥菜 $78山藥菌菇湯麵 $86核桃鬆糕(2件) $70食物水準都算keep到，但就無乜驚喜，地方環境都ok,不過員工人手好似吾夠，點餐同上餐都要等好一陣!希望下次再嚟食嘢，會可以改善返好一D!

太耐冇食小籠包本身諗住試一間新嘅，點知佢星期日唔開所以都係返返鼎泰豐今次試咗兩款小籠包招牌小籠包永遠冇失手Always my favourite 不過呢而家冇做到好精緻，頂頭摺疊位比較厚不過湯汁仍然好滿，好juicy 另外第一次食雞肉小籠包都好Juice好好味，雞肉比較清淡清新都唔錯，but still cannot beat the original favours !!!另外紅油抄手，啲蝦冇咁有鮮味，又無唔辣好似失色咗啲

鼎泰豐嘅小籠包係我食過其中一間覺得唔錯嘅水準。小籠包一籠6件，皮薄餡靚，肉汁鮮嫩，味道鮮美，食過幾次仍然保持一貫水準。 紹興酒醉雞 🐔雞肉好入味，酒味唔太重，Nice 🥰排骨蛋炒飯除左小籠包，我較喜歡的就是排骨蛋炒飯，飯粒分明又乾爽，排骨味道惹味，但近年水準開始越嚟越淡，要自己添加調味其他幾樣菜，雖然冇乜大驚喜，但都保持穩嘅水準👍🏻服務就真係一般般了，尚算係一間唔錯嘅中菜館，有機會還是會再幫襯的。

本身媽媽很喜愛鼎太豐飲茶，我都覺得食物同服務很不錯，但今日13號光臨尖沙咀分店，以前外賣可分開叫，不用堂食然後落單，食唔曬再用外賣盒打包，今日當我去櫃檯想叫外賣時，職員居然同我講，師傅唔夠人，唔做包點外賣，只能堂食點，話包點類只能堂食自己落單，然後叫人俾外賣盒，我聽完完全覺得好離譜！堂食師傅一樣都係要做，外賣師傅亦都一樣要做，唯一分別就係外賣沒有服務費，同埋可能有折，經歷今日，唔會再惠顧，真系唔係得你一間飲食舖頭唔夠人，人地出面大把舖頭都唔夠人，你話需時較邊個都能理解，叫我堂食點外賣，咁如果真系唔係度堂食客人，黎佐叫外賣，係咪叫個客人入黎堂食佐先，再落單，超級離譜的藉口同處理方式，以後不會再惠顧！

其實呢間鼎泰豐真係食咗n咁多次，不過好就係好在佢每一次都係正常發揮，唔會覺得唔好食當然小籠包仍然係佢嘅主打，皮薄多汁，係堅好食嘅另外我嘅最愛係蒜泥白肉，蒜味夠而且豬腩肉好薄，食落去一啲都唔會覺得油膩其他前菜都係正常發揮，不過烤麩同埋青瓜就較為普通，個人唔太推薦今次係第一次食佢嘅豆沙小籠包，豆沙餡好多，而且唔會覺得太甜，另外個皮係覺得有啲驚喜嘅，因為原來佢係超級煙煙韌韌，同小籠包個皮完全唔一樣，係特別嘅皮，所以推薦一試，係一個唔錯嘅甜品，好食過高力豆沙

6月2日一個人光顧中午餐，餐廳坐不滿不用排队。點了一客小籠包70元6個和一客蒜香粉皮肉66一份餐前涼菜。 最招牌嘅小籠包味道是可以的，不會說嘩很驚艷，就是中上好吃的水准。蒜香粉皮肉分量极少，不好吃、避雷！整個菜單都很普通，没有什么特别考功夫的菜品。實在點不下手。整體來說菜單價格偏贵。環境乾淨清潔是我最滿意的地方！用餐空間舒服闊落。茶介11一位。全部都要再加10%服務費。

鼎泰豐是我最喜愛的餐廳之一！最近再和家人去食晚飯！令大家都太失望！為何會令一間比較出名的台灣店、食物方面如此倒退！我們點了：滷水牛肚（冇味道）四喜烤麩（冇味道）排骨炒飯（排骨有點梅、而且黑椒味很重）、清燉牛展湯麵（果然是清湯）小籠包、紅燒牛肉麵！豆漿（跟水一樣、以前是很濃稠的）！所有包點都沒有提供！（侍應說已買完！亦沒有師傅做）！只是下午6:10就買完？超失望的一頓飯（全家也認同鼎泰豐退步得如此多）！

不要order 「高湯蒜蓉油麥菜」1. 貌相差2. 唔係蒜蓉⋯ 蒜頭粒多過菜3. 經理會問你「你落單時有冇講？」我話「冇，但係估唔到會咁多蒜頭」，所以唔可以改，因為「已經炒咗」之後會立即離開因為遇上以上體驗，鼎泰豐已經不是以前認識的「模範餐廳」。整體食物質素：OK推薦食品：辣味黃瓜、紹興酒醉雞、蘿蔔絲半海蜇皮小籠包台式酸辣湯、青燉牛腱湯湖州肉糭台式膽膽撈麵、台式紅燒牛肉麵湯麵（但不值得付$94一碗）、青燉牛腱湯麵、清燉雞湯麵、排骨蛋炒飯、蔥花蛋炒飯

已有一段時間無去鼎泰豐，上星期六約了朋友吃飯，未試過咁難食！😣除咗小籠包是較熱，其餘的食物都只是微暖！係微暖！放多30秒都即刻「涼」晒🥶，最奇怪是涼拌小菜，竟然都是微暖😤我們點了2個涼拌醉雞和滷水牛肚，醉雞望落已經好似有點怪，食落d肉好「梅」，酒味重到變苦🤮滷水牛肚一點味都冇。我們另外點了煎餃、酸辣湯、肉絲炒飯、排骨炒飯、紅油抄手、菜肉包和小籠包！除了菜肉包和小籠包是比較熱(其實都唔係好熱，上菜30秒後都可以即入口）。其餘食物都只是微暖，要即刻食，否則即刻變涼🥶酸辣湯又唔酸又唔辣😑煎餃和炒飯點解都唔熱？！好似整好一段時間無人要？！個排骨炒飯，以前塊排骨不是這樣處理的，現在又咸又「鞋」！整體食物質素極差👎👎👎👎👎忘記了，「茶」完全冇茶味，仲要無溫水😰😰

尖沙咀高質過江龍小籠包鼎泰豐📍尖沙咀廣東道30號新港中心3樓306舖➰筆者對小籠包都有一種情義結，間唔時都會想食一下高質小籠包，而鼎泰豐嘅小籠包其實一直位列於筆者小籠包榜上。✥蒜香粉皮肉 💲64 ⭐️3.9/5⭐️前菜小食嘅講份量適中，粉皮煙韌易入口，但醬汁偏甜，筆者比較鐘意咸鮮味醬汁多d。✥小籠包 💲66 ⭐️4.2/5⭐️一籠6件嘅小籠包上台精緻，皮薄餡靚係鼎泰豐小籠包嘅招牌特色，一口大小入口，鮮嫩肉餡連同順喉鮮美湯汁，簡單而味美，不過湯汁如果可以更濃厚多d就非常完美。✥排骨蛋炒飯 💲92 ⭐️4.2/5⭐️鼎泰豐除左小籠包，筆者每次必點嘅亦都有排骨蛋炒飯，飯粒乾爽而且粒粒分明，排骨惹味，但近年水準開始越嚟越淡，要自己添加調味➿➿➿#鼎泰豐#尖沙咀美食#hkfood #hkfoodie #foodiehk #hkfoodblogger #hkfoodlover #hkfoodstagram #hkfoodporn #852eats #hkiger#食好西 #相機食先 #香港美食#小籠包 #排骨蛋炒飯