齊柏林熱狗店 (翠怡花園)

营业中

休息中

以家齊柏林熱狗愈開愈多分店，去到邊都有一間係附近。餐廳除左熱狗，仲有小食可以選擇，而且仲新出左Chok Chok 薯條。Chok Chok 薯條，薯條新鮮熱辣辣炸起，金黃香脆，今次我地試左芥末紫菜、香甜蕃茄、惹味麻辣，3款味道都各有特式，而且味道好特別。芥末紫菜，第一啖會食到紫菜味，之後慢慢散發出芥末味道，估唔到味道相當夾，而惹味麻辣味道勁麻，好惹味。墨西哥勁辣雞堡香辣炸雞炸得香脆，肉質嫩滑，唔會太乾，雞扒上有墨西哥辣汁、勁多的墨西哥辣椒、茄汁，口感豐富多層次，一口咬下過足癮，夠辣夠帶勁。芝味熱狗賣相勁吸引，麵包烘過，外脆內軟，澎湃的三重熱溶芝士鋪滿整個熱狗上，咬落去啖啖芝士，芝味十足。九件雞雞塊炸得好好食，不會太油，4款醬任你點，有燒烤、黃芥、蛋黃、茄汁千島。

澱粉質真係令人又愛又恨🤪想試呢間好耐㗎喇，一見到有炸薯條同熱狗就令我卻步，但因為身邊實在太多人食喇，所以我都決定豁出去😂試左LZ120火炙芝士辣肉醬熱狗，LZ135墨西哥勁辣雞堡，9件雞同埋Chok Chok薯條Wa一食落口有一種相逢恨晚嘅感覺😅好好食😋全部嘢食都熱辣辣，係order左先即刻整㗎，好有熱誠🙌🏻唔係誇張🤪真係返唔到轉頭😂我諗我應該唔會再食N記🤫九件雞脆卜卜，而且仲有咁多醬可以選擇👍🏻Chok Chok薯條🍟有好幾款調味粉可以揀，我揀咗惹味麻辣，唔算好辣，但真係好惹味，薯條外脆內軟，食到停唔到口，我想講份量仲要好多，但都比我清晒🙈唔知係咪好耐冇食咁多澱粉質，好滿足🤣———————————————————————我重發現原來有好多分店👏🏻總有一間喺附近👍🏻

食過都好幾次嘅齊柏林熱狗今次先的起心肝岀翻個post 介紹下。貴為當今係香港最heat 又有最多分店嘅熱狗店，食物款式夠多夠新穎仲夠哂經濟，區區都有咁濟等你隨時想食都好易搵到！今次幫襯呢間大埔太和嘅分店佈置真係夠哂💛今時今日仲貼到咁多文宣同公仔岀黎嘅舖頭真係越黎越少，欣賞你哋嘅堅持！加油呀😢🌭火灸芝士辣肉醬熱狗套餐$➎➍ 十幾款熱狗真係唔怕搵唔到岩你口味嘅一款。其中我今次點嘅呢款正正係佢地嘅熱賣口味，中意食辣嘅你一定唔可以放過。最頂層係熱溶芝士，而中層就有惹味嘅辣肉醬同生洋蔥。再配埋烘香嘅熱狗長包同埋煎香嘅荷蘭腸👍🏻食多幾次都唔厭！🍟齊齊chok 薯條食熱狗加12蚊就可以轉套餐，畀你有2款小食或者飲品。再加多5蚊轉大薯條就可以埋chok chok 粉。chok 完嘅薯條唔會太鹹，加上新鮮炸起粗薯條，條條脆卜卜食唔停口！🍗脆香單骨雞翼(3件) $➊➋越黎越多舖頭賣單骨雞翼，食起上黎真係更加方便。十二蚊三件岩岩好畀一個人自私食。皮脆肉嫩夠香口😙🥨洋蔥圈（6件）$➊➎ 呢度小食勝在夠平，雖然唔會大大份，但可以畀你叫多幾款試多幾樣唔同野。炸野亦都係即叫即炸，洋蔥圈炸完唔會乾曬，入面仲好有水份，

講起齊柏林 大家都會先入為主諗起佢嘅熱狗🌭️其實佢仲有其他產品都好好味！今次經過見到原來新出左Chok Chok薯條仲有四款唔同既粉添👀 (芥末紫菜/地道椒鹽/香甜蕃茄/惹味麻辣).💛Chok Chok薯條眾裏尋他⋯今次揀咗芥末紫菜粉🤩食到紫菜味中間又夾雜咗少少芥末感覺 芥末味唔會好攻鼻果種想試埋地道椒鹽 可惜今次去賣哂😲💛火炙芝士辣肉醬熱狗🌭️係心動嘅感覺啊😍😍超澎湃既芝士加上辣肉醬裹住成條熱狗🌭️辣辣地既醬汁 配上條腸 再加上軟綿綿既熱狗包 喜歡💕好彩同朋友share 自己一個食一隻真系會超級飽💛美國洋蔥圈熱狗🌭️一口咬落去係鬆軟嘅麵包加上脆卜卜既洋蔥圈 當然唔少得熱辣辣既腸不過呢款就冇上一款咁多醬汁 整體比較乾身少少 建議加多少少醬會開心啲🤪💛辣雞塊完全冇expect過呢塊雞扒咁Juicy🤪 外脆內軟 超正！鍾意食炸雞嘅朋友仔 又食得辣嘅 絕對要 try try同朋友們一致認同系 ⭐️全日VIP⭐️

冇食齊柏林冇耐，估唔到又多咗分店，遠至太和都有由於大胃唔係好食外賣，所以比較少食佢，但呢間有得堂食，當場yeah咗一聲食佢嘅熱狗係指定動作，signature係辣肉醬熱狗，咬落啖啖芝士啖啖肉醬，腸仔更係冇偷雞，好豐富呀唔食辣嘅可以食佢嘅best seller—澳式熱狗，佢啲包底烘過從來冇得輸，雞肉腸好過癮，仲有菠蘿𠻹，原來澳洲同意大利係唔同喜好香辣雞好抵買，$24兩大塊辣得嚟好有層次，仲好juicy，如果唔儲鏡卡嘅人，不妨嚟呢度食雞買熱狗跟餐再升級薯條，就有包CHOKCHOK薯條粉送有四種味，大胃試咗芥菜紫菜同香甜蕃茄味蕃茄味真係勁犀利，好濃茄味，茄怪必食紫菜同wasabi嘅配搭，感覺好和式，令薯條更令人成癮食雞有好多種方法，除咗有香辣雞，仲有9件雞，仲有好多醬選擇𠻹其中沙嗲醬風味十足，夠本土又夠晒惹味有汽檸檬茶出咗咁耐，大胃今次都係第一次飲，驚喜十足，比起原味好飲N倍，返唔到轉頭

講到食熱狗我諗好多人都會即時諗起齊柏林😙so far自己試咗咁多次，都覺得佢地嘅出品品質keep到好好👍🏻 火炙芝士辣肉醬熱狗🌭️澳式風情熱狗🌭️麵包夠晒鬆軟😋熱狗腸夠晒份量又keep到juicy薯條除左配蕃茄醬芥末醬之外，仲可以揀配Chokchok薯條粉😙今次仲一次過試晒3款口味😜香甜番茄醬味夠晒開胃😋麻辣同埋椒鹽味啱晒重口味人士😜咸咸辣辣好惹味😚仲有9件雞😍😍我覺得點燒烤醬就最好味😋炸洋蔥圈都係我每次去齊柏林必食😚脆脆外層加埋香口多汁洋蔥🧅真係會停唔到口😛

以後唔會再去大埔太和這間熱狗店。本來都想幫趁一下小店，但佢的食物質素真心地差！ 次次叫薯條，都搞到又硬又乾。我懷疑佢係用舊油炸！ 我同情個老闆，無立即投訴，叫左佢唔好再搞到d薯條黑哂咁，好難食！ 再講個熱狗，我頂唔順佢個熱狗麵包焗到好黑, 燒焦左咁。就提議佢可否唔好整到咁燒焦？ 個靚女竟然答我：「我地的包係咁架！ 咁先係正常。」喂，你出來做生意，洗唔洗態度差成咁。我以後踏單車再經過都不會再去。食物已經不好，而家仲越搞越差，咁樣對個客！

好好彩開係屋企樓下，再都唔洗行咁遠去超級城買，今日晚飯屋企冇煮飯，外賣自取，買左幾個套餐一家人食，就連我屋企老人都話好食又抵食，佢好少食後生仔鍾意食嘅嘢，以後唔想煮飯都會考慮食呢間，又方便，最重要，係份份都好足料，好似比其他分店足料😂😂😂，芝士濃郁，包好鬆軟，辣雞塊好好味，隻隻味道都試過，不過火炙芝士煙肉醬熱狗和澳式風情熱狗係我摯愛，新出手工啤，下次一定試下，以後都會成日嗌佢呢間食，良心老闆，員工都好好傾👍🏻