齊柏林熱狗店 (鱟地坊) (已結業)

最近因為晚市禁堂食，所以叫多咗外賣，今次就用咗外賣app 訂 “ZEPPELIN HOT DOG” ，價錢比自取貴啲.點咗兩個熱狗🌭️套餐，有小食同飲品.芝味熱狗🌭️ $60超多芝士🧀！😱 雖然黎到凍咗，不過翻熱之後都有拉絲效果，芝士控一定鐘意！.火炙芝士辣肉醬熱狗🌭️ $64味道幾好，有番茄醬🍅，整體感覺冇「芝味熱狗」咁膩。.跟餐 - 細薯條雖然係細薯條，不過份量都唔少，配咗茄汁同千島醬，可惜薯條唔脆，冧咗少少

今次食第三次，第一、二次都冇令我失望，唔知今次點呢？😁😁～～～芝士熱狗🌭️+洋蔥🧅圈～～～套餐價$45，平少少😄😄芝士熱狗🌭️顧名思義就係要多芝士啦🤣🤣，打開個盒芝士真係多到成條河咁😂😂，中間條腸好似 游水咁呀🥰🥰，食落芝士味唔會過重，仲食到條腸味😚😚咁洋蔥🧅圈就略嫌硬咗少少，炸粉味蓋過洋蔥味，有啲可惜😌😌～～～紐約辣味熱狗🌭️～～～呢隻茄汁勁多，香腸配茄汁反而腸味會更加突出🙂🙂！辣味屬於中小辣，辣味比’火炙芝士辣肉腸熱狗🌭️‘重，建議可以出隻更辣嘅俾人挑戰下🤯🤯！最後加咗$12 揀咗冰菠蘿🍍同烤菠蘿🍍冰菠蘿🍍建議用個杯裝住，因為攞返屋企冰已經變做水，攞上手嘅時候倒到一身都係🙄🙄冰菠蘿🍍就酸酸甜甜🤗🤗泡菠蘿🍍就暖暖地😙😙今次都冇令我失望，但如果有得堂食絕對會更好食😋😋

本身由中學開始已經有食開，一直都覺得唔錯，不過今次真係太離譜😡，冇得唔講下，叫咗兩個飛天蝦堡，一打開真係嚇死人，個包燶到舊炭咁，完全唔食得，我知你哋會先煎下個包，不過你既然見到燶到咁仲比個客，真係接受唔到。個大薯條都幾失望下，啲醬少都算啦，薯條係好似炸完擺咗陣咁，又凍又腍，同之前食過嘅完全唔同。我明白可能依家多咗人食，店員人手唔夠係難保證到個個包都好靚，不過最起碼要對得住自己嘅良心，你冇理由將個煎到成舊炭咁嘅包照比人食。店家真係要檢討下

朋友介紹荃灣有出名熱狗店, 今日向就專登過黎搵食, 位罝系向鱟地坊條巷仔內, 店舖小但有不少熱狗選擇, 當日有八款熱狗, 花多眼亂, 價錢$30-$42,仲有十款小食, 包括洋蔥圈, 魚手指, 著格, 雞塊, 炸魚薯條, 薯條, 芝士薯條, 芝士煙肉薯條, 芝士辣肉醬薯條, 小食杯(洋蔥圏, 雞塊, 薯格) , 舖仔細細, 有熱狗, 薯條雞件魚洋蔥樣樣有, 而我就揀左受其中一暢銷產品,澳式風情熱狗,  裡面有芝士, 煙肉, 菠蘿, 千島醬, 紐倫堡腸. 首先個包系比宜家熱狗大既, 熱狗包亦軟，醬汁有甜甜酸酸千島醬菠蘿加咸咸地芝士好香口,  紐綸堡腸唔會太鹹, 一個熱狗又大又好食有仲有唔同漿幾好, 仲見到唔同熱狗配唔同腸仔, 下次再試其他熱狗款.🌭

雖然黃店值得支持，不過買個熱狗都要等20分鐘真係有啲太耐😕明顯感覺到周圍等緊嘅客人都唔耐煩其他分店都好似唔使咁耐，淨係呢間先係咁，都幾影響食客體驗，希望店員老闆見到會有改善

老老豆豆，想試咗齊柏林真係超耐，不過因為冇得坐喺到慢慢食，所以一直冇去試😭。今次終於試咗佢3款 Best seller熱狗，推薦排名如下：.
1️⃣#芝士煙肉薯條 $26
Sorry呢個唔係熱狗，但真係最推薦食嘅嘢。勁多拉絲嘅芝士，配埋煙肉、薯條及各種醬料，真係好香好邪惡好好食😭！

2️⃣#澳式風情熱狗 $50(芝士、煙肉、菠蘿、千島醬及紐倫堡腸)
見到呢個配搭就知，完全係夏威夷pizza嘅熱狗版😂，味道偏甜，個人覺得好好食😍！好鐘意呢隻紐倫堡腸，係用豬肉製成，食落有啲胡椒同香料味，同千島醬好夾！
3️⃣#火炙芝士辣肉醬熱狗 $54(芝士、辣肉醬、生洋葱、黃芥末及荷蘭腸)
齊柏林最最最招牌嘅熱狗‼️有火炙過嘅芝士喺表面，睇到已經流晒口水🤤！芝士同微辣嘅肉醬好夾，荷蘭腸就係一般嘅熱狗腸冇咩特別～

4️⃣#士林原味熱狗 $44(茄汁、黃芥末、燒烤汁、芝士粉及匈牙利腸)唔知係咪當日個芥末落得重手咗，食落有90%都係芥末味。同事鐘意芥末就話覺得好好味～5️⃣#冰菠蘿 $8味道完全係平時踩完單車買嚟食嘅冰菠蘿😂~食完咁heavy嘅熱狗同薯條，再食佢都幾解膩！
.
🙍🏻‍♀️：會翻兜，想試埋其他味！不過食完真係有啲膩

食過葵芳嗰間，一直都知荃灣有齊柏林，但唔知喺邊，原來係喺鱟地方巷仔。喺轉角買咗杯嘢飲，買熱狗做下午茶真係一流！ 我係菠蘿控，所以成日叫澳式風情熱狗。呢個熱狗個包好鬆軟，煙肉、菠蘿、肉醬都好足料有口感，特別鍾意肉醬有丁丁辣，肉醬、芝士同菠蘿汁嘅味道好夾。成個包juicy得嚟唔會漏汁，個包唔會淋晒，值得一讚！足料程度係食到最後有一pat跌咗落盒，仲食得唔好嘥！鋪面嘅芝士有啲啲乾，我諗係正常。整體賣相同味道都好正！

想試好耐既齊柏林熱狗店💛宜家越開越多分店啦🤩揀左好耐終於揀左best seller火炙芝士辣肉醬熱狗😋買左外賣去荃新天地坐低食 搵左陣搵到個靚位 一打開個包仲係熱辣辣架🤩雖然望落好似冇乜點燒過咁😂但打開盒係聞到係好香既！熱狗非常之足料 芝士好澎湃 同微辣既肉醬超match😝另外嗌左芝士煙肉薯條 呢個比想像中少左啲鹹味 不過份量都好足 整體CP值高💛下次希望再試埋其他風情😚如果開返間係屋企附近就正啦！

味道：⭐️⭐️⭐️⭐️呢間熱狗店食左好多年啦 分店都愈開愈多 味道依然保持水準 每個熱狗都係即叫即整❶澳式風情熱狗🇦🇺🌭️ $38 （+12轉套餐 可選兩款小食）麵包本身比較軟熟 有微微烘過 就算外賣返屋企食依然係暖暖既熱狗既料多到漏 食既時候要小心呀～要一啖食到飽同餡料又唔漏出黎一d都唔容易餡料方面有半溶芝士🧀 煙肉碎🥓 菠蘿粒🍍 酸甜既千島醬 同埋煎得香口脆身既紐綸堡腸整體味道係甜甜既 呢個配搭有啲似食緊pizza🤣❷薯條薯條嘅醬汁有千島醬同茄汁 但由於一早已經倒左喺薯條入邊 拎到返屋企之後 d薯條淋得7788😅❸燒菠蘿🍍燒完嘅菠蘿依然好多汁唔會好乾Ps:港九新界多區都有分店㗎

香港出名既熱狗店不得不提齊柏林熱狗🥰抵食之餘，水準亦唔錯，每次去都見到有人排隊買，所以記得打電話去落order先再後取，可以節省好多時間👍🏻－－－－－－1. 澳式風情熱狗 $38由於外賣同多醬汁既關係，麵包底部有點變腍，不過邊位仲有點脆，熱狗鋪滿芝士同埋千島醬，雖然食到一半有點膩，但味道係好食🤤加埋酸酸甜甜菠蘿同煎得香口既紐綸堡腸，腸味道唔會好咸，不過煙肉份量相對較少🙈但整體口感好豐富同抵食2. 細薯條 + 牛油粟米 $12加$12可以揀兩款小食，分別有薯條、粟米和冰菠蘿，或者配汽水都得，份量絕對對得住個價錢有餘😋薯條加左千島醬同茄汁，非常惹味，不過可能醬汁比較多，食落有點腍身，不過底部薯條仲係香脆，粟米好重牛油味，粒粒完整，唔會好乾，不錯

今日中午去買外賣，問咗等候時間，職員說要等10至15分鐘 .後來等咗半個鐘再問，職員先至話太多單唔知等幾耐，並建議我取消訂單退錢。最後因為趕返工，我都取消咗訂單。當時已經等咗四十分鐘。 因此建議所有食客盡量用外賣apps落單，已節省等候時間。 同時亦都希望店員可以改善服務，應該一早就提出較長嘅等候時間以免客人落空。成個過程店員完全唔覺得有問題，呢個亦都值得改善嘅地方。

行行吓街覺得肚餓，又唔想食飯就醒起呢間熱狗舖頭，雖然佢開係一條小巷裏面，但係絕對係一間人氣店。芝味熱狗 $38啲芝士真係多到離晒大譜，芝士完全似係不計成本咁樣加落去🤣🤣芝味就當然十足，熱狗腸味道正常，麵包鬆軟。炸魚薯條 $28其實佢係一般嘅魚手指，唔係平時去酒吧食開嗰啲英式炸魚，但佢已經圖文並茂咁樣寫咗喺度所以就冇問題。薯條魚手指新鮮熱辣辣炸起所以一定好好食，但個重點係佢個芥末醬，似係自家調製，所以我都忍唔住叫佢比多啲醬我🤣🤣🤣

疫情第三波後，很久沒有外出食飯今日難得去荃灣，回家前想買點小食跟家人分享考慮了一會兒，到底要去路邊圍買燒賣還是要食熱狗🌭️最後都是決定到大河道附近的齊柏林熱狗店因為附近有巴士坐🚌，方便買外賣後馬上跳上車.上一次晚上七時來，很多人買外賣，小巷位置不闊但人流多，等得有點辛苦今次星期六下午茶時間又下大雨，不是太多人，等待的時間相對較短熱狗及小食款式都算多我點了一個熱狗，加$12 要多兩個小食(細薯條及烤菠蘿)另外又加了$5變大薯條問過店員要芝士肉醬薯條也可，要加$16我想大概是一款小食的價值可充當$6食物先點餐付款，大約5分鐘便準備好便馬上跳上巴士回家一路上都聞到薯條味好香不過回家後整個膠袋內都充滿水氣，薯條都變淋了在打食評的時候，才發現盒上的透氣位没有按下下次即使店員没有按下 都要自己按一按澳式風情熱狗 | $38熱狗用的是紐倫堡腸，上面舖了煙肉碎及菠蘿，加上千島醬及最上層有燒過的芝士。紐倫堡腸味道不鹹，所以味道不太突出。菠蘿及千島醬味重，味道偏甜，加上煙肉碎中和甜味。上面舖上燒過的芝士，芝士帶少少焦燶味，好香跟餐大薯條 | $11正如上文所說，薯條回家後已經變淋，不過吃起來都可以。薯條有跟

好味指數😋😋😋😋回頭指數⭐️⭐️⭐️⭐️開心指數🤗🤗🤗🤗呢個外賣系列食完非常滿足，食到攬住個肚🤣🍴 澳色風情熱狗 + 薯條（大）+牛油粟米杯（$55）澳色風情熱狗係best seller! 因為即叫即整，雖然外賣，打開時仍然熱辣辣，見到個面舖滿芝士，超邪惡，入面仲有煙肉、菠蘿、千島醬、紐倫堡腸，多料到一路食一路跌餸！正呀！套餐可以加$12 選兩款小食 / 汽水，眼闊肚窄嘅我揀咗薯條（仲要加$5加大）同埋牛油粟米杯，大薯條真係好大盒，係粗薯條，by default 有茄汁同埋千島醬汁，係好味嘅係差咗少少脆感，再炸脆D會仲開心！ 牛油粟米正常，可以再多少少牛油會仲好味！

💛 齊柏林熱狗店 (荃灣) 💛..............................自從金拱門唔肯公開cctv之後 就無再食過佢有日突然好想食薯條啵 但又已經食咗正餐😢無理由去burger舖或者cafe坐喺度單點薯條架所以就搵咗間超黃嘅小食熱狗店過下口癮😋.🔅想知黃店原因請Pm💛..............................🍽芝士煙肉薯條 $26（👏🏻6/10）.兜薯條嘅分量都幾大 當小食可以2個人share💛芝士係可以拉絲嗰種 但有啲似香口膠🧀👧🏻唔係拉絲派嘅人 佢覺得好唔方便因為一扯就成pat芝士拉起咗 一個人食晒😂煙肉碎同茄汁撈埋食有種食緊pizza嘅感覺😂但係啲薯條唔係好夠脆 中間掂唔到汁嘅都偏腍最後食到最底有太多茄汁 有啲太酸啦😫下次再食可能要少茄汁先得🤣總括嚟講都有進步空間呀💛下次試下熱狗先..............................🎈 齊柏林熱狗店 (荃灣)荃灣鱟地坊80-84號士林食街B7舖齊柏林熱狗店 (元朗)元朗鳳攸東街9號好順意大廈A座地下40號舖齊柏林熱狗店 (屯門)屯門龍門路43號龍門居第四座地下76A號舖齊柏林熱狗店 (西