齊柏林熱狗店 (鱟地坊) (已結業)

食過呢間嘅熱狗好多次，味道一直不變！不過由於我唔食牛，所以口味選擇相對會少啲，所以基本上每一次我都淨係會揀澳式風情熱狗$36。麵包質地夠軟熟，腸仔又唔會太鹹口感一流，上面仲有芝士、煙肉、菠蘿，真係好鬼美味～加$12，配左薯條同埋粟米，粟米就冇乜特別啦，冇乜味道，或者落啲鹽落啲牛油會好味啲，薯條係粗薯條🍟不過有時拎到返屋企焗得耐，啲薯條淋左會冇咁好食。由於比較受歡迎，通常等候時間有啲長，夏天來講有啲辛苦...不過為咗美食都值得嘅整體來講好食，再加上有係質素嘅黃店，當然會繼續支持！

大家望下個熱狗啲料多到就快漏😍依個火好足料既炙芝士辣肉醬熱狗係Best Seller，有芝士、辣肉醬、生洋蔥、黃芥末、荷蘭腸😋一咬落去口感十分豐富，芝士仲有拉絲既效果嫁!! 食得太狼狽所以影唔到俾大家睇😂食食下都覺得幾辣下，因為有辣肉醬、黃芥末，建議唔食得辣既朋友要加$12加配兩款小食/汽水，就可以解下辣!!

荃灣呢條係戴麟趾格離既唔起眼既後巷，開左一排唔同風格，唔同味道既小食店，好耐之前我已經食過呢間齊柏林既薯條，質感好食過連鎖店既薯條，間唔中會買。叫左個 LZ120火炙芝士辣肉醬熱狗 $42，講真我感覺一隻熱狗賣到超過$40 太貴，但其實佢又真係有種普通熱狗無既感覺，而且佢唔係每個口味都會用同一種香腸。包入面兩側係煎過，有少少脆香既味道，半融化既芝士再配上微辣既肉醬真心夾，有種好滿足，唔想個味咁快消失既感覺，熱狗條腸就有啲好似平日既雞肉腸仔味，如果一個女仔食完應該會飽飽滯滯咁樣。雖然價位較高，但的確美味，整體值得，過一排又會有種想再來食既感覺，幾正。

💛雖然疫情又嚴峻返，但良心小店，無論點都要支持💪🏻 今次介紹呢間外賣都得嫁！之前去掃街，除左介紹過嘅台式飲品, Waffle 同小食店，仲有間熱狗良心小店 - 🌭齊柏林熱狗店 Zeppelin Hot Dog Shop💛熱狗選擇都幾多架，有美式、台式、澳式，未有得去旅行，黎回味下唔同國家嘅風味都得架🤣🤣🤣熱狗加12蚊仲可以有小食同野飲，不過我地為左掃街就無叫到，不過都幾抵大家不妨試下👍🏻👍🏻我地就揀左澳式風情熱狗，材料有煙肉、菠蘿、千島醬、紐倫堡腸同滿滿嘅芝士🧀😍😍相中都見到熱狗非常足料，芝士多到滿瀉🤤，咬落去都好多煙肉同菠蘿，味道岩岩好芝士味好濃又唔會太咸，紐倫堡腸煎到好脆口，值得一試架😋😋👍🏻❗️更多美食分享, Follow Instagram: Foodmarker.hk , 可以比個like我地, 大家的支持好重要😚➡️ https://www.instagram.com/foodmarker.hk/🔴齊柏林熱狗店 Zeppelin Hot Dog Shop - 地址：葵芳葵富路7號葵涌廣場3樓3069號舖 (另有大量分店，無唔懲罰嘅理由😆)

晏晝熱到死都唔知食乜好咁咪叫過熱狗食下唔想食d咁濃味嘅呢個已經算最淡口味初初見到咁大pat芝士都有d驚仲想叫職員少芝士拎到返屋企一食落口 感覺完全唔同原來熱狗同芝士係可以咁夾架下次會再叫熱狗即叫即整睇得出 好有心整個包會燙過嘅

間店座落係鱟地坊旁邊既一條巷仔～ 雖然佢好隱蔽，但仍然好多人幫襯嫁! Bubu試完就知點解佢咁多fans😋💁🏻‍♀️火炙芝士辣肉醬熱狗 $42見到個熱狗已經嘩一聲😯~ 爆多芝士爆多料😈 成個熱狗好墜手！ 佢既包係屬於軟身，個包既邊烘到有少少脆（少少only），佢既包＋熱狗＋料一齊食對bubu既櫻桃小咀黎講確係一種挑戰🤭～醬除左芝士同辣肉醬以外，仲有生洋蔥同黃芥茉，咬落去因為熱辣辣既關係，芝士仲係軟身流質既狀態，而辣肉醬一D都唔辣，有蕃茄味，但黃芥茉就好突出~ mustard 既個陣味好解芝士既膩😄 成個熱狗配搭得好好~ 但如果 辣肉醬可以再辣多少少會更好😗食晒成個包都確實係好飽! 做正餐都不為過🤭🤭

今日去近期 hit 到爆的 "黃店" Zeppelin Hot Dog Shop 買熱狗食 ~Menu ~熱狗即叫即製 , 大約需要等候十分鐘 , 買了 美國洋蔥圈熱狗 & 澳式風情熱狗 ~Aussie Dog 澳式風情熱狗 : 熱狗的餡料是芝士、煙肉、菠蘿、千島醬、紐倫堡腸 , 吃落去味道酸酸甜甜又帶有香腸和芝士的鹹香 , 紐倫堡腸的質感結結實實 , 跟其他配料都很夾 ; 這熱狗吃起來很有夏日氣息 ~U.S. Style Rings Dog 美國洋蔥圈熱狗 : 這熱狗的餡料是洋蔥圈、芝士粉、特式燒烤醬、法蘭克福腸 ; 用洋蔥圈穿入腸仔，外觀非常奇趣，味道香口惹味，咬落去口感特別 ~本篇完 ~

在香港比較小搵到即製而價錢唔算貴既熱狗，朋友推薦左荃灣呢間，作為荃灣人，當然要試一試佢！😋門面都已經見到人頭湧湧！舖頭入面無位坐，由於疫情關係，識食就梗係拎反屋企慢慢嘆😗大過手掌既熱狗🌭️，岩岩烤好既面包趣卜卜，加埋洋蔥同溶溶地既芝士仲有豬肉腸，一個人食真係大滿足🥳***由於等既人好多，叫左一個熱狗都要等成1.5hrs ，所以最好叫定跟住係附近商場涼冷氣，行到差唔多先反去呀

除咗漢堡包，其實我都好鍾意食熱狗，記得好多年前銅鑼灣總統戲院後面有間熱狗專門店，啲狗非常好食，可惜好快就關門大吉😔。好彩而家有齊柏林。齊柏林熱狗店雖然算得上係連鎖店（現共六間分店），但係佢嘅質素估唔到相當之高，仲好抵食。叫咗個澳式風情熱狗套餐，面頭係非常濃郁嘅芝士同香甜嘅千島醬，配料有菠蘿同煙肉，至於條腸係紐倫堡豬肉腸，全部食材出奇地夾，再配埋烘得微脆嘅熱狗包，成隻狗由頭到尾都咁好味😋。 小食我揀咗薯條同烤菠蘿，薯條係粗薯條，薯味夠，有咬口，好正；烤菠蘿就有少少失準，可能顧客太多，烤嘅時間唔夠，菠蘿只係微暖，影響口感。唔知幾時開到嚟九龍灣呢🤗？

以熱狗做主打嘅店係香港真係唔多，而且仲要多人排隊買，應該只有呢間。今次就試吓佢哋嘅人氣招牌熱狗，火炙芝士辣肉醬熱狗🌭️。麵包雖然烘過，但依然鬆軟。而且淋上滿滿嘅芝士辣肉醬，啖啖都拉絲，真係好滿足。😝薯條🍟都算厚身，但因為外賣返屋企食嘅關係，有啲林左。

唔出街唯有叫外賣，俾我搵到呢間熱狗店，試咗佢嘅辣肉醬熱狗和澳式風情熱狗，味道非常好，重點係條熱狗腸，比出面一般茶餐廳下午茶餐，至少大一倍有多，仲要好重手，有啲狗腸好夠份量，套餐仲連兩個小食，除咗薯條之外仲有燒菠蘿都值得一試，仲有好多其他小食都想試，唯有等下次，呢個價錢係出邊應該搵唔到。仲要一讚就係個外賣，送到的時候個薯條同埋個熱狗仲係好熱嘅，又係一個值得一讚嘅地方。佢好多區都有分店，咁都保持到水準都算好難得

澳式風情熱狗係荃灣內巷入面有間Hotdog店, 今次叫左佢既Best seller 既澳式🦘風情熱狗🌭️🌭🌭個包都算大個,咬落去好軟熟, 仲有少少脆邊都唔錯😋😋😋再配埋小編最鐘意食既腸仔煙肉🥓好同芝士🧀加埋千島醬,真係好夾好好味🤭另外,店內仲有薯條🍟薯格既其他小食😉😉

人氣黃店😗 有次見到條隊唔算多人就去咗排😌 因為熱狗係即叫即整～ 所以要畀d耐性等嘢食嚟到😌 佢有兩張stand up table畀你企嚟食😌 我去嗰時唔係疫情就企咗喺巷仔度食😗 仲有大大個連儂牆陪你吃😗🌭士林原味熱狗 $32 +$12配套餐任選兩款小食本身係想叫火炙芝士辣肉醬熱狗，但賣晒😕 最後揀咗呢個都係best seller嘅，一d都冇失望因為都好好食呀kuku😗 麵包食好鬆軟，又有烘過，所以麵包味香😙～熱狗腸又好脆皮，再配埋海量ketchup+ mustard🤤 super match!🙌🏻🍟小食我揀咗薯條同菠蘿🍍，薯條係粗薯條，係新鮮炸起仲好燙手🖐🏻，份量都唔算少，有一杯仔，正😙 菠蘿就比較冇特別～普通燒菠蘿😗 兩件～ 下次試其他小食😌

話說我上星期喺歐洲返嚟 要自我隔離14日所以好多時都要嗌外賣 今日試咗外賣齊柏林熱狗 好好食 忍唔住要寫個食評我叫左澳洲風情熱狗套餐 套餐仲包兩個小食一打開見到滿滿的芝士 同聞到好香嘅千島醬係呢兩個禮拜黎 第一次見到吸引的食物呀呢個熱狗用咗德國豬肉腸 配上千島醬好夾足料醬汁入面仲有煙肉同菠蘿 澳洲風情呢個名真係改得冇錯值得一提嘅係 佢地既薯條係粗薯條啊香港好少餐廳會用粗薯條 真係好驚喜 我特別鍾意粗薯條因為薯仔口感重啲而家市道艱難 盡量支持下啲黃色小店 最緊要身體健康 唔怕！

23-3-2020扮工日常x外賣之選下午茶🌭齊柏林熱狗澳式風情熱狗 $38士林原味熱狗 $32-近來已經好少出去食飯 有得避免都盡量留係室內 扮工時間多數出去外賣返Office食！扮工下午茶時間一到 自然開始肚餓😂就走去買🌭食！-澳式風情熱狗食落好有夏威夷Pizza感覺 意大利人至討厭既Pizza味道😂香草豬肉腸配搭菠蘿.煙肉好夾 加埋千島醬好味😋士林原味熱狗 最經典🌭味道 少少辣既芥末醬加茄汁同酸黃瓜已經好食！