齒留香燒臘粉麵飯店 (已結業)

在元朗經過呢間燒味鋪點左個叉燒燒肉例牌做下午茶燒肉皮脆，可惜脂肪太多，下面既肉比較滑，質素平平叉燒不錯，蜜糖汁足夠有甜度，叉燒半肥瘦出面一層脂肪爽口，入面比較多汁有咬口，好味

在門口呃左我.話有例湯送.但入去又無..呢點扣分.....30元一盒燒鴨飯.味道不過不失,我今日好彩有一半係脾肉,肉多骨少.肉都有鴨的鮮甜.但皮不夠香脆.鴨肉全程不見厚厚的肥油.我也滿意.但飯有點硬而冷冰冰.....味道不過不失.服務也中上......價錢不算合理..評中級..

我爸說有一間燒味飯店很好食,要帶我去試一試去到那裏,我們馬上叫東西吃,我們叫了两碟叉燒燒肉飯,叫完後,他給了我們兩碗例湯因我很口乾,所以馬上喝了一口,意外地好味飯來了,我先試叉燒,幾軟,有很多蜜汁再試燒肉,很香,又脆因太好食,所以我爸也時常買回家吃

今日收工路過, 忽然好想食下燒味...就諗起佢 >>> 齒留香!!去到o岩o岩有人買緊外賣, 要等等嚕~樣樣都好想食...點算呢!?好!! 一於試下未試過既...燒骨!!!切左 1 條骨, 記得好似係 $38 左右...返到屋企, 急不及待就偷左 2 舊黎食...嘿嘿!好好味呀!! 肉質唔"鞋", 有咬口, 仲充滿甜甜既蜜味, 讚讚!!可惜....之後就比男朋友仔偷食晒 =.="

以廿幾蚊既價錢, 我寧願去天鴻食好過因為佢地既服務態度好有問題, 尤其負責落單既肥妹好似唔願做咁十分認同下面位食家講法,可能家庭式經營，所以都唔太客氣,落單時亦有欠細心~~成日都要重覆講幾次先聽到白飯淋上豉油汁極少,豉油都慳

近來去得元朗多，見到又新街連住幾檔燒味，經常都排長龍。尋日終於抵受唔住引誘，去試下有咩咁特別。可能都係家庭式經營，所以都唔太客氣，收錢的兩位小妹妹尤其豪邁。負責斬料的則是位大姐，可能太多人排隊，又可能真係分工唔夠好，所以一路排隊一路都有人口出怨言，亦有些知道要等，又掉頭走，可能生意真係唔憂做，所以小姐們都係唧都唔笑，好似咁樣--> 落單時亦有欠細心，原來佢真係聽唔到我要瘦叉(事實我見架上的叉燒都幾肥美的)...終於等到碟叉鴨飯飯，都算香，但豉油都慳，個人食燒味飯的偏好係濃濃的豉油汁啦，於是又硬住頭皮要求多添一點...其實多人排隊總係有原因的，食落都好香，叉燒7成瘦，香之餘又唔老，而鴨皮就好有甘香的油香，肉亦都好滑。我見好多人都買半隻、一隻鴨返屋企做餸。20幾蚊個燒味飯，冇湯冇水，元朗唔算平，而大家亦要有好高eq先好去...

入元朗"旅行"見呢間野個名幾過癮叉燒上D蜜糖又滴下滴下咁於是入去諗住買$10試下但佢話最少要買$15（冇聽到點解）半肥瘦蜜汁真係好正不過本人偏好瘦叉多"火農"下次要整碟叉飯先~

老公成日都話呢間啲肥叉好好味, 我就買盒肥叉燒鴨飯做晚餐, 睇吓係唔係真係咁好食先?老闆娘真係好好人, 多汁多飯加葱油都無問題, 而且蜜糖溶係啲肥叉燒度真係好鬼好味, 入口溶化, 又肥又甜又香, 燒鴨味道都唔錯無"肥糕", 單拼$20雙拼$22, 老公食得好開心, 我都好開心, 因為今晚又可以偷懶唔使煮飯

這間鋪頭我已食過好多次都係一般的燒臘無乜特別，唔叫好好食又唔係差，不過今次買野返屋企就真係好唔滿意喇，D野斬都一弗弗好似人地食過咁見到都唔開胃，最後都係無食，同我朋友投訴，點知仲俾人話咁平係架啦，我依家係要食野唔係食價錢麻．

知道這家店好久了，卻都是最近才第一次試。　未食以先，每人送一碗例湯。在寒冷時節，都幾令人受落的!　食物是街坊價，燒味單雙併都只是$20，飲品$5，油菜$6。我要了叉雞飯，叉燒肥肥地夠蜜味，白切雞軟滑有雞味，而且有脾食，相當驚喜。龍的燒肉油雞飯也不差，燒肉脆卜卜，油雞就不夠白切雞味美。　店內亦有一些較貴的option，如燒腩飯$30，轉脾亦加$5，雙脾飯就$40；同行友人要了$30燒腩飯，反而覺得無特別，與燒肉分別不大；大家都覺得平價items更有驚喜。由於燒味飯不搭菜，另叫油菜，不過不失~　雖然環境麻麻地，以此價錢計食物算靚又算正，都算值得推介的!

收工約咗friend喺厘頭等，記起呢間店要試一試，於是走入去，環境一般，較小，不過冇所謂la，反正只係想試吓Ｄ燒味，望望餐牌，雙拼都係$18，加$3重有杯凍飲添，於是兩個人分別叫咗义雞飯&燒肉鴨飯，义燒冇想象中咁好食，反而個燒肉有Ｄ驚喜，皮脆肉香，肥膄剛好，廿零蚊套餐算係咁嘞，可以再來。

最好食係叉燒,每次都一定會叫叉燒其他就不過不失好過其他燒味檔一盒飯

今晚完咗training後,來這裡1試,叫個燒肉瘦叉飯+凍檸水叉燒真喺好瘦,但就唔乾唔"un",反而好腍,只是欠咗d光澤啫。而燒肉皮只是小脆,薄同小脂肪,肉嘅部份好淨肉吓,無膏或脂肪在中間,不過勝在腍,唔乾唔"鞋"。個鼓油汁好似有少少蒜蓉粒同甜甜地,霎是不錯食物雖未至於好高質,但絶對食得過因好抵食,只是$20大元

呢間燒臘飯店開半年左右,兩年幾前,其實呢間鋪個老闆,係教育路裕榮徑,仲尚在經營果間【齒留香】前老闆。之不過佢兩年幾前,我個人覺得生意唔錯下,頂手俾現任老闆之嘛!以我所知...裕榮徑果間【齒留香】,應該同呢一間唔同老闆,但肯定兩個老闆都係相識。裕榮徑果間【齒留香】,我以前成日幫襯,因冇堂食所以我只有買外賣,果時自己成日買飯盒食。有時返阿媽度食飯,我會斬$20元叉燒返去加料,果時叉燒好正好淋,連我所剩無幾牙阿媽,都話易咀嚼兼好食。但頂手後我就只幫襯過一次,一次之後就已經唔再幫襯,即係唔駛講到明啦!今日帶同我七十多母親去幫襯,入到去最初感覺冷氣唔夠凍,並發現鋪內一把風扇都冇,之後坐一陣,鋪內負責人再開多一部分體冷氣,先開始感覺ok夠涼。好心裝幾把掛牆扇啦,唔駛開咁大冷氣慳電好多嘛。我幫我阿媽叫【鴛鴦雞飯+菜乾豬骨湯$17元】,而我就叫【叉切雞飯+凍奶茶$20元】。先講【鴛鴦雞飯=切雞豉油雞雙拼飯】,兩款雞都好少份量,肉質好普通及普通新鮮,冇哩味道但好在唔肥,白飯淋上豉油汁極少,蔥油反而較多,雖然唔係太掂,但一諗起咁價錢就無話可說。例湯【菜乾豬骨湯】,淡而無味煲時間絕對唔夠,好似滾菜湯咁,完全