龍如酒家

营业中

休息中

秋風起陪屋企人入流浮山行吓順便買吓嘢，行到過咗午飯時間（兩點幾近3點），幾間酒樓都落咗場，呢間無落場時間。佢喺係門口買海鮮（料錢），再入內加工（加工費）。三人行要咗：椒鹽瀨尿蝦（2隻開二）蝦肉鮮甜蒸蟶子王6隻（每人兩隻）超鮮味白灼花螺（1斤）個人略嫌稍un（$200，性價比低）椒鹽魷魚 普通到不得了（$130，出面比心偕是，唔駛入嚟食）買完海鮮逐樣秤佢會問你點煮？我哋大概每個餸75蚊加工費，椒鹽豉椒蒸都係個幾款啦～寫好單後會送豆腐魚湯，食完哂埋單有橙同椰汁糕料錢7xx + 加工費225 + 椒鹽鮮魷130 +花生蕎頭60 埋單

第一次見冇膏的油鹽焗奄仔蟹見仲係農曆8月，點了兩只奄仔蟹。在樓下檔口問咗兩次係咪一定有膏，拍心口話有，ok ! 你揀我pay冇問題。上到枱，一只係半黃膏，另一只可以講係冇膏。咩叫奄仔蟹？我相信大家都應該心裡面有個譜。我唔係話要黃油蟹，但最少都有D黃膏睇吓！我問佢，佢話係我自己揀，唔係嘛！你叫佢翻睇一下CCTV？一百幾十，其實冇所謂！但打開門做生意，信譽口碑好重要，做壞咗個名，貼多多明星相都冇用啦⋯⋯ 埋單我帶埋只蟹比佢睇，唔好話我呃佢。

今日特意走入流浮山買金蠔，順便去食海鮮。原本諗住去海灣試吓，點知無開門，所以就揀咗去對面間龍如。入去時見唔太多人，心諗唔知點唔點，但勝在地方非常乾淨，而且枱與枱之間亦闊落，都坐得幾舒服。去門口揀咗幾款海鮮，伙記即時送去廚房煮，不到15分鐘就已經逐樣上枱，較率幾高。餐前還送兩碗海鮮湯，個人覺得送得不夠大方，流浮山亦食過幾家飯店，一般送海鮮湯係會一大湯碗上，但呢家只送兩小碗，感覺有點吝嗇。豉油王蝦 : 炸得香脆，但不會蓋過蝦嘅鮮味，食落口帶有微微脆香。豉椒蟶子皇 : 肉嫰多汁，不會煮得過老，味道剛好，不太鹹。炆斑腩 : 伙記話係得獎名菜，推薦我們一試。一般炆斑腩都會用到支竹火腩去炆，但呢度師傅做法係先微炸再炆煮，醬汁濃而不會失咗魚嘅鮮味，果然名不虛傳。砵酒焗蠔 : 味道雖然可以，但實在食落有點膩，可能兩個人份量實在太多。油鹽水浸菜芯 : 呢個反而係全餐最唔好食，有點過鹹。飯後還有免費水果及甜點。

屋企人做節，要預約一圍枱食晚，朋友介紹黎呢間，保證正野👍👍勝瓜粉絲花甲魚湯，很鮮味，應該無乜落味精Deep fried oysters:粉漿略厚，味道尚可蒸蓉粉絲扇貝，都係有海鮮鮮味+香濃蒜蓉味香蔥鮑魚雞煲，好足料👍👍

Went all the way from HK side to Lau Fau Shan this week night Tuesday to have casual seafood dinner. Total cost was only $980 for crabs a bunch of pipis and oysters to ways, also had some veggies and a fried noodle. The seafood cost 460 and "processing fee" (which is an additional charge for cooking seafood that you buy at their own shop) was about 240. It never really makes sense to me since I never needed to pay any processing fee for cooking a huge lobster paid by the gram in any way I want a

友人生日，佢最愛食海鮮，雖然年紀大，為咗海鮮，食多幾粒藥都無所謂。😋由於人數不多，款式都不能太多，始終做人要有衣食。以下係我強烈建議要order!!!九蝦4位最少要兩斤！細細隻，meetmeet下好快食哂。油鹽水聖子啖啖肉，不過會好漏，始終多油。配埋芽菜，送飯一流！一魚兩味，首先食炒球肉質鮮美，無論小朋友還是老人家都非常啱食，又係啖啖肉！然後到炆骨，就係啲後生食，唔多肉，但勝在炆得靚，脆卜卜，送酒無誤。可惜我老人家無牙食仲有碟酥炸生蠔不得不吃 ！可惜無影相。除咗大大隻嘅蠔美味，炸粉亦不會痴牙，爽口！不過訂位前問清楚是否時令？太細隻嘅蠔就唔適合喇！

廚房煑得好味道，價格合理，海鮮品種多，示應服務好，甘蠔食到要添食，很有驚喜。假日最好能早訂位，也可以特別安排海鲜要求！再配上干白葡萄酒，冇得輸！又可以逛逛獨有的漁村風味。

來到流浮山不吃海鮮對不住自己。看完日落，就到呢一家龍如酒家食海鮮。先在門口揀海鮮。由於一個人，只係揀左蟶子同鮑魚。大部份餐館都會送魚湯。魚湯非常新鮮。無碎骨。有魚肉渣。真係好鮮甜。蒜蓉粉絲蒸蟶子用來送飯最好。果皮蒸鮑魚帶出鮑魚甜味。廚房好細心。幫我起左肉。青色的鮑魚內臟放一邊。這是排泄物。不可以食。全部蒸得剛剛好。這一餐3隻鮑魚加3隻蟶子，材料價$222。再加人工$120。連茶芥白飯360元。雖然無加一，但都覺得有點貴。好彩質素唔錯服務態度好。都食得開心。下次會再來。

31/3/2018 一隻龍蝦加伊面炒蜆半斤蝦一碟菜料錢7百幾喎，無端端加300蚊加工問佢先至話出面賣海鮮同入面坐底係分開，我都知有啲舖係可以買料去加工，但冇諗過2步路已經係分開兩間舖，而且又多烏蠅,我話咁同呃人有乜分別，仲夠膽話唔收加一，以後可以黑名單成個流浮山，仲要有咁多明星相合照，希望大家唔好再去呢啲黑過墨汁嘅黑舖，而且咁樣做唔只影響成個流浮山，係直接影響成個香港嘅旅遊業。呃錢呃錢，破壞香港形象

在八號風球下，朋友們都特別想往外跑，特別想一起玩，咁就即興去流浮山食海鮮，懷著興奮的心情打電話去龍如試下看看八號風球有無開，竟然有，平時食過流浮山其他海鮮館，今次想試試龍如去到門口先揀海鮮，兩隻肉蟹，蜆，一條龍躉整兩味，瀨尿蝦試說蟹，很好味，不過鑊氣爭啲啲，但都不錯蜆，無咩肉，但鮮甜龍躉兩味，聽就最出名，但食落普通，炸個碟香口，炒球麻麻，魚質偏淋瀨尿蝦可能選中型，無用成餐飯最滿意是炒飯，粒粒鮮明，蛋很足夠，很香口，很多蝦，每人食了三，四碗，都大份有魚湯送，很鮮甜整體來說，不錯，但我食過咁多間，龍如是最貴

打完8 號風後, 一班老友如常去食海鮮, 真係打風都打唔甩我地既聚會, 哈哈! 流浮山今日比平時少人,  可能完風球原固, 反而有另一種風味, 寧靜中帶有一種人情味. 以前都有試過流浮山好多間樓家, 好多都名不副實, 今晚朋友大力推介, 真係無介紹錯. 今晚我們包2樓場, 我們選擇海鮮套鮮, 員工服務親切, 菜式份量足, 好食, 唔油膩, 個個食到讚口不絕! 由於打風, 酒家無足夠時間煮海鮮湯, 酒家轉碟菜比我地, 夠彈性又體貼. 當日鮑魚非常美味, 又大隻, 煮的恰到好處. 值得推介: 砵酒蠔和炆頭腩, 砵酒蠔外脆內軟，炆頭腩唔會大大舊粉漿, 經員工透露原來曾經獲獎的名菜.  值得再去流浮山海鮮酒家!!!!

昨天午餐忽然想吃流浮山的海鮮午餐，就駕車去吃。可能是星期一中午的關係，所以整條海鮮街都只有十多人。我係們都只是隨意找一間來吃，看見龍如的海鮮挺生猛，挑好了就直接入餐廳用餐。店員在我們入座後立即送上小食與魚湯，她都叮嚀我們小心魚湯熱騰騰，不要急著喝燙到嘴巴。魚湯挺鮮美，加入豆腐，肉碎，魚肉，芥菜，令湯不會過於單調，口感頗為豐富。本身我不喜歡吃芥菜的，因為我蠻討厭它本身的苦澀味道，幸好這芥菜不會這樣。豆腐與魚湯向來是最佳組合，魚湯滋潤豆腐，變得更滑溜，湯亦入口順滑。先來蒜蓉粉絲蒸帶子，蒜蓉味不是太厚重，可能怕喧賓奪主搶去帶子的鮮甜味吧! 豉油不會死鹹，粉絲完全吸收豉油的滋味，混合蒜蓉吃不錯的說。主角帶子飽滿至極，入口彈牙，鮮美的幸福盡在口中。隨後清蒸東昇斑也上場，店員細心提示我們先吃魚身的兩側，因為魚肉較薄，最容易熟透我位置，如果不是即時吃的話就不能吃到它的最嫩時刻，所以我們都趕快地吃。尤其魚腩均勻的油脂部份，真的很嫩甜，肉質完全不鬆散，愛吃魚的我們都很滿意。粗壯如我的手臂般的瀨尿蝦是我最愛之一，蝦膏豐腴，將蝦殼剪開後，我將蝦膏挖過不停，鮮橙的蝦膏明艷動人，其鮮香不斷在口中散發出來。這泰國

呢個地方我未嚟過，一心只想食海鮮同行吓睇吓，香港食海鮮比較出名嘅地方我都會想試吓，多數都會比較偏遠，呢一站嚟到流浮山。嚟到已經係夜晚，好多舖頭都閂晒門，我哋隨便揀咗間坐低食海鮮。餐廳嘅枱布係綠白色格仔好懷舊，客人唔多，只有幾枱，我哋兩個人揀咗啲海鮮，另外再叫咗半隻雞，味道唔錯但都幾細碟，埋單嘅價錢可以接受嘅。半斤蝦，蝦肉新鮮彈牙，份量有啲少。豉椒炒蟶子，幾惹味。蒜茸粉絲蒸扇貝，蒸得唔錯，清清哋，粉絲吸晒扇貝鮮味。怕唔夠飽叫多半隻雞，雞肉都幾韌，味係夠嘅。鮑魚蒸得唔錯。斑仔都蒸得幾滑。

今晩係舅父生日飯，一行十人，budget 每人$250 叫老闆發辦叫餸。龍如最正係酥炸蠔同紅燒斑頭腩！送嘅豆腐魚湯，好香豆腐味，魚湯好清甜。豉椒炒蜆豉椒好惹味，不過好多蜆肉都甩晒殼，可能唔係太新鮮。蒜蓉粉絲蒸扇貝扇貝都幾大粒，有蒜蓉粉絲同豉油好味。酥炸生蠔必叫！！超大隻生蠔，蠔味濃又多汁，酥炸好鬆脆。紅燒斑頭腩一魚兩食嘅份量真係唔係好夠喉，即encore。沾上薄薄的炸粉炸完之後打個茨汁，簡直係龍如嘅招牌菜，咁多年都保持到水準。炒斑球起晒骨，啖啖肉，好鮮味。豉油皇大蝦蝦好乾身，豉油皇好好味，不過蝦嘅肉質唔係太彈牙。薑蔥炒蟹好有獲氣，蟹肉鮮甜。臨走仲送蝦羔同蠔油，又食又拎。

2個人食左差不多2千都唔收咭. 收咭要加多50元，嚇死左. 龍蝦走油太乾，冇晒鮮味, 三刀魚蒸過頭，肉質變硬，砵油𧐢都可收. 總括不知所謂. 絕對冇下次，不如去其他冇咁嬲.