龍泉冰廳

营业中

休息中

好後悔冇睇下之前食評先入黎我黎食早餐，份炒蛋多士上果陣，個侍應飛隻碟上枱，件多士成件自己飛咗出碟，降落咗喺枱面⋯ 我冇出聲，侍應拎走塊多士，再轉頭話即刻整過件俾我再過咗陣拎咗隻碟仔上塊多士，我一拎上手一咬落去，凍嘅淋嘅⋯ 我都懶得再同個侍應講，因為樓面同收銀不斷大聲溝通，話樓面得一個人、一對手做得邊樣，收銀就不斷叫等緊外賣嘅人出返去等、外賣有排未有得拎，之前電話落單果d都未做起，等唔切嘅就cut咗佢。再過咗陣，侍應上我隔離果枱嘅凍飲果陣成杯跌咗落地，勁大聲全間鋪都望住⋯ 個侍應即刻話個地下滑⋯ 然後收銀即刻過黎幫手，掉咗一枱客去另一枱坐，然後仲有個隔離枱嘅客成腳濕晒⋯ 佢即刻拎個地拖出黎拖⋯ 良久之後濕咗果個客先問個侍應，我成身濕晒你哋有冇紙巾俾張我？侍應先識去拎紙巾俾人，收銀就補多幾句唔好意思⋯ 呢刻我只係慶幸頭先倒瀉野唔係倒落我度⋯我只係想我呢餐食完唔會肚痛⋯ 真係未食過咁難食嘅茶記早餐，就算質素平平嘅我通常食野都清晒碟，湯都飲埋果隻。呢餐，我食咗一半真係食唔落去。多士當然擺低啦，塊火腿係大陸紅肉火腿⋯ 如果你有北上經驗食過大陸炒飯大陸麵包店夾果火腿，你就知我講邊隻⋯ 從來都未試過

晚上九時許光顧了一個蕃茄蛋牛肉湯飯 連凍檸茶 吃了半碗才開現有半條煙頭在內 店內負責人態度欠佳 立即毀屍滅跡 並只要求留返我個人資料 再作跟進 已經將事情報告食環跟進 大家千萬不要光顧！！！

炒蛋有酸味，明顯唔新鮮。我朋友哪份亦時，大家無食蛋。沙爹牛面就幾好，面有彈性，沙爹牛夠淋，沙爹濃郁。算賺分了。飲品不過不失。成個早餐，被蛋破壞晒。如果唔係两人食完面已飽，會要求更換。當然，要求換相信要𠄘受一定風險，兩人還是决定放棄，希望餐廳人員見到枱上面蛋完好未動，會察覺到。及時改善，否則，些店相信維持不久。作為香港人，本想支持本地食店，但都要自己爭氣，否則，點同內地競爭。做好自己本分，才是生存之道

兩個小菜：$161 包飯餐湯同嘢飲 士多啤梨骨： 啲骨又乾又硬，似係炸完又炸，炸好多轉嘅質地。骨係無味，同無落調味料咁汁還汁，骨還骨土魷蒸肉餅：土魷超級硬，豬肉餅同樣無味。最後仲飛咗隻昆蟲落去，成碟冇得食。個天都幫我揀埋唔洗食我同待應講咗，但完全冇反應直接收走 記得要飲埋一碗咸到會生腎石嘅餐湯 ，當日似係菜乾湯永遠唔會再入去食，奉勸世人唔好冒險有咁嘅質素都仲可以喺銅鑼灣生存咁耐最後淨係飲咗杯凍檸檬茶去咗對面希慎廣場食其他

第一次食呢間茶餐廳，叫左兩樣野食，其中一樣係乾炒牛河。呢個牛河真係咁多年黎食過最難食。。一食舊肉，哇，陣味咁怪既再食啖河粉，都幾肯定個陣係漂白水味🫠🫠🫠🫠🫠我咁就浪費左$60係呢個食左兩啖only既牛河上🫠🫠🫠下次都係俾貴啲過幸運星食石頭鍋牛河算🫠🫠🫠

今日同屋企人去銅鑼灣覆診，去附近食咗早餐先上去見呢間門面整潔光猛又有位就食佢沙爹牛肉公仔湯麵配炒香滑北海道走地雞蛋和牛油厚多士雞蛋真係幾香滑 蛋味濃多士夠香口，又厚身沙嗲牛肉公仔麵🍜沙嗲嘅香味極多濃郁牛肉夠軟腍 公仔麵滿滿沙嗲湯底英式早餐🍳司華力腸、煙三文魚、炒蛋、蕃茄、焗豆、多士、雜菇等煙三文魚用心上碟 砌成花花咁茶餐廳都有得食英式早餐 都好特別份量女士食得飽環境整潔，座位夠鬆動坐得舒服 價錢同一般近茶餐廳差唔多

下班後出銅鑼灣剪髮，髮型師要八點先有位，咁岩老豆出開灣仔買野，可以過黎銅鑼灣陪我食個飯🥰，就同老豆簡簡單單到《龍泉冰廳》食佢最鐘意既小菜客飯，估唔到地段咁貴的銅鑼灣，居然有間咁經濟既餐廳，蒸左一條黃立倉($85)，勝瓜雲耳炒蝦球($75)，燒汁什菌茄子炒牛柳粒($80)，再加多碟菜心($25)，仲要叫埋兩杯特飲，跟埋例湯白飯，埋單都只係290元，超抵食👍🏻，例湯是青紅蘿蔔湯，非常清甜，小菜炒得很夠鑊氣，蒸魚時間控制得恰到好處，非常鮮甜香滑😋，我也很久沒有吃蒸魚了。

完成咗任務之後 喺銅鑼灣附近食好西附近有間港式茶餐廳 係時候食下港式餐廳裝修以木系為主 環境明亮同熱鬧呢度嘅菜式同飲品都好種類 多元化呢有懷舊鐵板餐常餐 同埋精選小菜套餐飯類嘅有 湯飯肉燥飯燒味飯同埋焗飯麵類嘅有 喇沙湯麵焗意粉同乾炒牛河夜晚都仲有三文治提供添 完全估唔到重點係有懷念飲品 香港真係賣少見少咁多選擇 真係可以滿足晒所有願望啊-Mixed Steak on Sizzling Plate ($108)鐵板美式什扒 ($108)賣相相當吸引 雞扒同豬扒好大同好厚 且肉質鮮嫩份量比想像中多 啱晒 超級中意食肉肉嘅朋友仔呢套餐除咗有煙肉 司華力腸 仲包埋羅宋湯同薯條添配埋黑椒汁認真惹味 整體嚟講 扒餐嘅性價比頗高-Eggplant with Beef in Casserole ($80)燒汁茄子肥牛煲 ($80)係我最愛嘅茄子 食落熱辣辣同好入味肥牛薄身且份量都多 食落好夠鑊氣呢-Pineapple Iced ($25)透心菠蘿冰($25)係經典飲品之一 有好多菠蘿粒粒但個人覺得太甜 想飲可以叫少甜Jelly Red Bean Iced ($25)涼粉紅豆冰 ($25)係經典飲品之

早幾日係銅鑼灣行完街，嚟個快閃晚餐😉蘭芳道嘅龍泉冰廳，選擇多，雖然有時都要排隊，但入座都算快，呢日好快就有位☺️小菜80蚊左右包白飯同例湯，好抵，我哋嗌左3款一齊食🥢🔅霸王雞雞肉好嫩滑，皮爽肉厚好有雞味，夾上少少葱絲配上秘製醬汁，真係大推薦🙌🏻🔅咕嚕魚柳平時多數食咕嚕肉，咕嚕魚柳第一次試，份量好多，外脆內嫩，酸酸甜甜好開胃😋🔅燒汁雜菌茄子炒牛柳粒惹味嘅一道送，牛柳粒軟腍唔會有筋，茄子雜菌吸曬醬汁，送飯一流👍🏻🔅咖啡紅豆冰好耐冇飲過紅豆冰，試下咖啡紅豆冰，紅豆大粒又飽滿，咬開好綿，唔會好甜幾好飲。🔅特濃忌廉朱古力好邪惡，雙重朱古力加埋忌廉，好正。

XO醬牛柳粒煲(80hkd) 牛柳粒有牛味有咬口，配料有有菇、甜椒🫑、西芹，炒得幾爽脆，醬汁甜甜咸咸，煲仔上熱辣辣～霸王雞(85hkd) 雞肉滑又嫩，加上青蔥、豉油，再淋上熟油，簡簡單單已經好下飯，又兩碗飯了～土魷煎肉餅(80hkd) 兩面煎到好香脆，土魷咸咸香香，幾惹味，點埋喼汁酸酸甜甜好開胃，回頭率高👍🏻就是菠蘿冰(+12hkd)菠蘿粒幾多，甜甜的，食完咸食剛好奶茶紅豆冰(+15hkd) 大大杯，茶底好香，大愛呢個奶茶，紅豆煮得好綿，超怕甜人可叫少甜，必點大推👍🏻#foodiblum港式

同同事開左個長命會後即刻去搵地方食反個下午茶餐醫肚朋友推介去食啲間長期滿座今日黎到好彩即刻有位🔆軟殼蟹菠蘿包菠蘿包焗得好香脆，配埋脆炸既軟殼蟹、芝士、菜、蕃茄，真係配搭得好好味，脆卜卜既口感，真係大大啖食得好開心🔆瑞士雞全翼 配 西多士瑞士汁夠曬味，雞肉肉質嫩滑西多士中間夾層係花生醬，外面煎得好酥脆，好味🤤🔆芫茜豬潤湯公仔麵至愛就係芫茜，芫茜既湯真係好香豬潤煮得岩岩好，唔會過老又唔會太生🔆茄汁焗豬扒飯茄汁甜甜地，大大塊豬扒碎上，非常之好又方便食配餐飲紅豆冰 + 凍奶茶少甜少

今日返工好多野做， 由朝忙到食lunch , 超肚餓， 所以係附近快快脆搵咗間茶餐廳坐低，時代廣場行過去都只需幾分鐘, 好方便.餐廳環境衛生乾淨， 服務員態度良好， 坐位寛敞， menu 選擇多， 飯麵小菜都有，價錢合理， 上菜速度都算快.叉燒大眼仔丼飯: 2隻太陽旦煎得好靚， 旦汁加埋少少豉油汁撈飯食， 好味…叉燒份量多， 肥瘦適中， 大大碗， 食到好飽干炒牛柳意粉： 有穫氣， 炒得好乾身，牛柳算多， 大碟， 又冧身， 唔錯凍齋啡我見下午茶個餐牌都幾吸引同幾平， 下次下次試吓先

龍泉冰廳係銅鑼灣嘅多樣化港式茶餐廳，實惠嘅價錢提供豐盛嘅食物，餐點種類很多，所以最近我都嘗試吓呢度啲地道嘅港式美食。冰廳內以簡約木系設計，燈光明亮，簡潔舒服。菜單都好豐富，包括早餐、特式下午茶、中式、日式、韓式、焗飯、炒粉麵飯、小菜套餐等，選擇很多。瑞士汁雞髀拼雜果沙律    $50   呢個都抵讚，瑞士汁好入味，帶少少甜，雞肉嫩滑，加埋香甜嘅雜果沙律，好味道。黑松露炒蛋多士    $48 多士厚厚一片，烘到微暖，香軟有少少脆口，塗抹一大片牛油，再放上都好足料嘅炒蛋，炒蛋香滑濃郁，黑松露份量唔吝嗇之餘亦無搶過蛋香，整體食落香口而唔油膩，係我記憶中嘅味道。自選雙拼湯麵餐    $45  餸揀沙嗲牛肉同雪菜肉絲，今次試吓米線，條條爽滑，湯底帶少少辣好惹味。沙嗲牛肉都幾大片，醬料濃郁，雪菜又唔會太鹹，肉絲有質感，依兩款餸配米線好食。另一碗雙拼即食麵 $45，係煎蛋拼沙嗲牛肉，麵條唔會煮到過淋，牛肉都有濃濃沙嗲香，與煎蛋很配合。經典紅豆冰  (+$10)   點咗杯唔係紅豆冰，係茶餐廳經典飲品，椰汁味濃郁，與甜甜嘅紅豆混合一起，讚！另外揀左凍檸檬水，檸檬清香，冰涼解渴。

銅鑼灣超好食地道冰室🤤估唔到冰室茶記嘅鑊氣都咁勁🔥味道夠晒濃郁地道，上菜速度又夠快，最緊要係嘢食夠熱。🤗蝦醬牛肉粒炒飯，沙嗲肥牛煲，嚟多個蒜蓉生菜。超香口送飯一流👍🏻再叫左杯鹹檸七，同埋特濃忌廉朱古力🍫👈🏻超推PS 下次想去試佢下午茶🤤睇相都好想食［龍城冰室 (銅鑼灣)］📍銅鑼灣謝斐道500號維安商業大廈地舖推薦度（10👍🏻滿）：8.5👍🏻滴汗度（10😅滿）：不適用衞生（10⭐️滿）：8⭐️環境（10⭐️滿）：8⭐️賣相（10⭐️滿）：8⭐️味道（10⭐️滿）：9⭐️價錢（10⭐️滿）：9⭐️服務（10⭐️滿）：8.5⭐️地點（10⭐️滿）：8⭐#晚餐#晚市 #食飯 #推介 #美食 #美食推薦 #美食日記 #堂食 #食好西 #吃貨 #香港必食 #假日好去處 #相機食先 #美食推薦 #食評分享 #美食博客 #美食分享 #美食しい #食左先講 #852ig #hkiger #hkkol #抵食 #winsomelai

銅鑼灣係我去得最多嘅地方，不過大街就成日去，後街就真係好少去下，前幾日塔小巴見到龍泉冰廳，佢門口嘅裝修已經好令我注意，所以今日我就去食下先。估唔到呢間茶記嘅餸又幾多款式喎有小菜， 鋸扒，常餐，晚餐乜都齊總會諗到食乜野。 今次我就叫左鐵板安格斯牛扒，鐵扒上熱辣辣先夠風味，洋蔥汁裏面有洋蔥絲夠誠意，塊扒幾乎大過塊鐵板，薯條仲另外裝起喎會俾個汁整淋哂，跟餐個羅宋湯有肉粒夠濃味食完大碟肉就叫返個時菜豆腐炆冬菇， 時菜夠新鮮已經贏咗一半豆腐有夠曬掛汁， 配埋個冬菇真係飯都食多d蔥油雞一攞上嚟個外表已經好吸引， 翠綠幼細嘅蔥花 加上師傅調配過嘅醬油 加上烹調時間剛剛好的雞肉 夠曬嫩滑， 跟餐有個中式例湯仲要好味唔係味精水凍檸茶個茶味夠濃， 紅豆冰大大杯 紅豆夠大粒又起沙 真係諗起茶餐廳就會諗起紅豆冰。今次呢餐我地都食得好滿意。