龍津美食

营业中

休息中

幫襯過好多次，比過太多機會早餐啲燒賣有時一係未熟實心嘅，一係就熟到淋到泥咁想要多啲辣汁就要受人大聲吆喝同黑面，仲要大力開啲腸粉櫃，整整叭叭聲，比晒態度以後寧願唔食都唔會再幫襯

因公司附近冇魚旦店焗住要去買，有個四眼佬應該係老闆同埋兩個女員工，買少少野佢哋攪好耐，完全冇程序，揦手唔成勢。有時買魚旦都等好耐，咁樣做食店真失敗😔以經唔評論啲嘢好唔好食😡

今天經過龍津，見有少少肚餓就買d小食🎈睇嚟睇去，最後選擇左要隻雞髀，都算大大隻，買完後姐姐都幫我炸返熱先比我，都熱辣辣😄但食落就知放左一段時間不算太新鮮，但性價比也高只是$16🤓街邊小食來說也ok la💕

經過附近，突然想食燒賣，諗住貪方便買個早餐食啫！等左好耐。。。點知個店員態度勁差！！！仲要鬧你係咪啞嘅🤬🤬🤬講嘢非常難聽😤😤咁樣係做生意的態度咩？😡😡😡真係好嬲囉🤬🤬🤬就算幾平都好，以後都唔會再幫襯。。。真係唔知佢係員工定老闆娘？！如果係員工的話，真係幫手倒米。。。我相信佢係時時鬧d客，我唔係第一個，但真係好嬲 所以從未寫過comment的我，都忍唔住係度講出嚟，等其他食客留意返。

炒麵有曱甴，係熟左既曱甴！有圖為證！極度嘔心！炒麵放起公開環境，衛生無保障。牙姐用手摸啲麵，無衛生意識！發現有曱甴之後個心非常唔舒服！千祈唔好幫襯！麵入面都有曱甴，可見店內一定都有好多！

地點好方便，地鐵站旁邊。燒賣質地一般，成日都蒸唔夠咁。辣醬惹味。跟大家有同樣嘅遭遇同感受阿姐態度真係好難接受，情緒係需要發洩，但搵客嚟單打有咩意思。(落單之後，講緊電話同時掛住摷散紙，無聽到佢問要唔要辣。俾阿姐不停話……最後仲要補多講：下次嗌嘢食，唔好戴耳機)地點雖然方便，但真係唔會再幫襯！

在附近返工差不多朝朝都會來買炒米粉，佢算係附近幾間小食店的炒米粉中比較有味，加埋辣醬就更有味！之於配料就唔算多，都係紅蘿蔔絲、生菜、魷魚乾，多唔多就睇你好唔好彩，亞姐都係random比。佢地凍奶茶都好飲，排隊就排好耐，好長龍，趕時間返工就買唔到嘞。

啲姐姐好似聽吾到野架講明要多醬幫我走醬再番轉頭先幫我加少少！仲要我一直都有喺鋪頭叫佢加醬，但系個個都扮聽唔到咁如果我要食齋腸唔使系度買啦 ！連竹簽都無早知食唐記！!

見到好多人話佢哋姐姐嘅服務態度好差，我唯有都吐槽下～樣樣嘢食十幾廿蚊，平過茶餐廳嘅質素，你想要好過茶餐廳嘅服務嗎？更何況，茶餐廳都冇服務啦！一間鋪頭，樣樣嘢食都咁平，企喺到又要收錢又要整嘢比你食，一腳踢咁，換做你，有幾好態度？所以，我來得呢到買嘢食，就唔會睇姐姐面色，我睇嘅係啲嘢食。琳瑯滿目，應有盡有，人多起來，啲姐姐都咪話唔忙，互相體諒下都好應該。我最鍾意食呢到嘅碗仔翅，有得揀辣定唔辣嘅菜脯，我喜辣，仲會叫姐姐比多啲～冇孤寒到，真係好多菜脯。碗嘢嘅料都好足㗎，雞絲、木耳絲、粉絲，啖啖爽口惹味。

每次去買$9買一送一燒賣/魚蛋，果位阿姐都會要你買$10，有次我有散紙話要$9外賣，個阿姐即黑面，然後冇俾蓋就算，我提佢我係要外賣，佢話冇，$9冇外賣🤷🏻‍♀️ 唔明係哪來的明文規定？自從呢次後，已再冇下次！隔離檔$8一樣有買一送一，服務態度更好！覺得如果店舖想賣$10就應係個牌度寫明，而唔係寫$9但要求收$10，客人唔妥協就黑面，好似客人有錯咁樣！如職員繼續以此服務態度做生意，相信未來的客人亦不會回頭再光顧！

之前已經幫襯過一次，炒米粉要落辣椒油就落咗另一隻辣椒醬，比佢話返轉頭，我都算啦，都係食辣者，一次半次擺了。點知今日買早餐，腸粉唔覺有落芝麻醬，叫佢落，佢話落咗，我話幫我落多一d呀唔該，企前台收錢個女人竟然話，落咁多仲咩呀，嘩使唔使咁講野呀，我話已經講埋唔該啦喎，佢仲叫我大嬸，唔好阻住佢，企入面個女人話唔好嘈啦，喂，我買個早餐者，好似比錢都要受你氣咁，就係唔見你有醬先叫你加多一d比我者仲要講埋唔該啦喎。。個個企出面既女人戴眼鏡，個樣兇到呢。。。好似殺咗佢全家咁，比錢買難受

行開去灣仔，突然有少少肚餓，所以求其係附近搵野食，見到龍津話魚蛋燒賣買一送一，所以抱住師奶仔唔執輸既性格買返一碗本來已經唔期望有咩好好既服務態度，但明明我話要少辣，佢就俾左好大個辣醬我，碗底仲有超多豉油，食落好咸無期望之餘仲要食到好失望

垃圾灣仔地鐵隔離嘅龍津，話$9買一送一，收錢收$10，原因係俾多一粒收$10🤗個樣仲要理所當然咁你好意思收錢？？你咁樣嘅態度應該執咗佢啦🤗呢世唔會再食呢間嘢囉！！！

食過大圍個間魚蛋勁好食,咁岩見到有間龍津就諗住買啦明明排緊隊輪到我,但嗰個大媽好似睇唔到我咁問後面哥仔食咩😡算啦,咪俾哥仔嗌先囉,點知嗌完又嗌另一個😡即刻同佢講排緊隊啦之後態度勁差勁悔氣囉🙄仲要俾佢黑面!!我都未黑面啦大姐...唔講以為唔駛錢添呀!! 早知幫襯隔離個間好過!仲要味道普普通通, 好心唔好做臭龍津個名啦!唔想做就唔好做!!!d態度差到咁真係買完都一肚火!!!下次一定唔會幫襯呢間!!!

剛剛行經走去買左格仔餅食。店員居然拎左凍哂完全吾熱又硬哂既格仔餅比我，（應該係放左好耐，佢照拎出黎賣比人）我問佢點解凍哂完全都吾熱既，佢話係咁，話佢地有保溫，平時我對食物從來吾簡擇，不過第一次覺得可以比d難食到咁既野比人地食。好失落，平時有幫襯開食魚蛋燒賣，都食左好多年，不過今次店務員既態度，食物質素，所有野都非常之差，以後去到邊幾平都吾會再幫襯。無下次。吾係平就可以亂咁黎，是但拎野比人食，真係超級失望！！！