龍津美食

营业中

休息中

天寒地凍。食完個晚飯，行一陣轉眼就已經消化咗了。準備上巴士長征回家前，填一填肚。😏龍津總會喺你口痕痕的時候出現。包羅晒香港經典街頭美食。燒賣、魚蛋、腸粉⋯⋯全部都已經由左至右、上至下整齊排列好👍🏻。無論你叫啲咩，叫幾多款小食，靚姐都可以三兩下手就整好俾我哋依班餓鬼。😝魚蛋、燒賣$8一串，仲要買一送一。即時整返兩串熱辣辣魚蛋。魚蛋彈牙，醬汁入味。熱辣辣咁。絕對係冬天暖胃、頂肚、止牙㾗之選👍🏻。

以前在尖沙咀工作的時候，曾經在那間龍津美食買過龍蝦丸，不大合意。事隔多年，小人因為想吃炸脾，竟又傻傻的再買龍津，結果當然強差人意。先說炸脾，不是太差，脾邊成一格格的方便炸透及瀉油，兼且雞肉不柴，這隻炸脾過關。接著的小吃便不成了。豬大腸被炸至「靭媽麻」，醬汁超鹹超多味精，小人吃完後喝了兩大支凍飲都未能解渴！看著轉吓轉吓的肉腸，總令人有份擁有的意思。小人要了一孖辣的，無奈吃下一味得個伏字：腸衣皮烤後仍不覺脆，中間的肉更有咬不開的「一粒的」要吐出來，難道這就叫做台灣腸乎？街食那麼多，此店絕無回頭的理由。

原來灣仔間龍津美食有賣買一送一嘅優惠 作為龍津忠實粉絲嘅我梗係要串燒賣魚蛋 一解自己嘅口癮 灣仔嘅龍津特別在 佢哋嘅碗仔翅係會提供辣菜脯 但係我食過其他龍津美食都唔見有 隔離嘅人都食到舐舐脷

行開灣仔，有啲肚餓，又未到晚飯時間，就係龍津食啲小食，食左燒賣同牛什，佢啲辣醬幾好食，但食完好口渴，五香牛什係唔錯嘅，唯一嫌佢啲牛什唔夠肥，肥啲就好啦。但味精過盛，食完要不斷飲水

收工已經好夜，求其買點小食醫下肚算，行過地鐵站前見到好多人排隊就排埋一份，叫了一碗牛肚，牛肚唔算多，蘿蔔有幾舊執底，蘿蔔好淋好入味，牛肚都不錯，唔會硬到咬唔到。醫肚既話都還可以的。

上完堂肚子餓，經過龍津，龍津宜家真係好似無處不在咁，身邊仲有一間係你附近，叫左碗魚蛋燒賣，真係唔好食，魚蛋唔彈牙，燒賣咬落好粉，辣醬唔香，仲試左碗牛肚，牛肚唔夠入味，雖然不是太韌，但沒有香味，唯一好味，應該都是配親的白蘿蔔了，就好入味了，我這個晚餐就這樣完成了。

七蚊嚟講，性價比超高，所以多人排隊每晚放工之後我都會去龍津小食到買小食可以過口癮好平，買一送一我會揀魚蛋同埋燒賣兩溝魚蛋🍢都幾彈牙，燒賣唔算好粉，最重要係個醬汁，辣辣哋🔥，超惹味😋

禁多間龍津我都係覺等旺角間最好味， 灣仔呢間都可以一較高下， 呢間灣仔龍津係mtr 出口， 方便到冇朋友， 得閒吉返串魚蛋企街吃真係別有番味道！ 比起魚蛋燒賣，我更鐘意煎讓三寶~ 茄子， 豆腐，青椒一直都係我至愛，又平又好味，$20 有7 塊真係好平~

灣仔地鐵站C出口旁邊有一排港式小食檔 小妹一直覺得龍津嘅魚蛋燒賣最平最好味 經常推介畀人... 事實上 亦有好多人幫襯 尤其放學放工時間以前$7/10粒 而家加價 變咗$8/10粒 但都仲係好抵食... size無變唔在講 一樣咁大粒 魚肉燒賣咬落有彈性... 最正係個醬 有沙茶醬和自家製嘅醬油 裡面有蔥、蒜、辣椒等等 食完齒頰留香 但又唔會口乾小妹作為超級fans 今次幫襯實在非常失望.... 金頭髮的店員本身已經嬲爆爆咁款... 佢倒豉油嘅時候hi污糟咗個發泡膠兜 小妹請佢幫手抹 佢立刻好唔耐煩：「我都未搞掂！」小妹已經笑住賠罪 又「唔該」前「唔該」後 但佢依然皺住眉頭 口黑面黑...呢啲店員/老闆恃住多人幫襯就唔重視服務態度？