龍湖居 (已結業)

奇趣蝦多士：賣相不錯，蝦🦐多士略為多油，香脆可口，蝦肉尚算多，多士份量適中。拔絲咕嚕肉：除了拔絲之外，咕嚕肉實屬普通，咕嚕肉肉質偏硬，有拔絲點綴一下才覺得有點特色。魚米之鄉：這是用巴西龍躉，魚肉香滑，香香炸米脆口，配合濃湯絕對好味。細的魚米之鄉也可分6碗，適合一家大細少的份量啊！鮮竹野菌浸菜苗：野菌不算太多，鮮竹比較出色，有濃厚的豆香味，湯底有淡淡鮮菇味，菜心很幼嫩，不錯！大澳碎炸雞：份量適中，碎炸雞有醎蝦醬味，算特別菜式。推介一試！

到銅鑼灣睇戲迪士尼的黑魔后，當然要吃點東西先入塲，經過一條橫街看見一個紅燈籠寫着龍湖居，之前未去過便試吓囉。原蝦蟹籽燒賣王，可以單獨叫兩隻，蝦爽燒賣彈口，都算滿意。羅漢齋粉包，粉包厚身，素菜饀有紅蘿蔔、椰菜、云耳等則比較爽口，喜歡較淋身的素菜餡。糖醋炸雲吞，雲吞皮薄炸得脆口，包有蝦肉，糖醋汁一般，整體滿意。懷舊燒腩卷，燒腩都有一大片夾有半肥燒豬肉連皮，還有一片厚芋頭，包皮都做得不錯，現在不是很多酒樓有這個懐舊點心，給個讚。西米蓮蓉焗布甸，熱騰騰的布甸一小碗，份量不會太多，夠一個人吃，蓮蓉不太多，整體都算不錯，加上現在也不是很多酒樓有這個點心，都給個讚。埋單兩位連貼士$150

龍湖居雖位處銅鑼灣，但不是太好找，因為在樓上舖。店內有不少名人藝人合照這裡的菜式是粵菜，但當中添加不少創意，過往到訪午餐飲茶，點心也是一絶。當晚的菜式中，最為欣賞「大地魚燘腩仔」，菜餚呈上之時，煲蓋打開，香氣撲鼻，令人垂涎三尺，送飯一流。京都骨也是美味，但欠缼驚喜三色煮水蛋，非常滑，屬於香港的家常菜式，令人有回家的感覺椒絲腐乳炒通菜，也是普通菜式，但能夠維持水準，也是不容易，因為坊間有很多偏咸，這裡的味道，就是一切剛好環境寧靜，適合聊天聚會

和同事去龍湖居飲茶，久不久我哋都會嚟呢度開餐，食開知道味道OK。蝦餃皇，兩粒 -中點可以剔兩粒或四粒，蝦餃皮薄，蝦夠彈牙，唔覺有肥豬肉，好味。迷你瑤柱珍珠雞-大點一碟兩隻，糯米飯夠綿軟熟，夠汁，包肚。鳳爪排骨缽仔飯缽仔細細可以分到兩碗仔，排骨差不多鋪滿飯面，排骨腍滑，米飯軟熟。脆皮鮮蝦腸- 頂點腸粉皮包住油炸鬼，油炸鬼裡面釀入蝦膠、紅蘿蔔幼條、中芹幼條，相當脆口好食，有水準。真係菠蘿包 –中點菠蘿包上面嘅皮，脆脆地，菠蘿包入邊有餡嘅，就係菠蘿肉，真正嘅菠蘿(水果)，加上菠蘿蓉醬汁，相當有趣同好食。

旅遊固然開心，但在旅途上結織了朋友更是高興。更難得的是在分別五年多再聚，大家仍是一見如故。今天相聚在一家老友和名人力薦的中菜餐廳。餐廳位於銅鑼灣鬧市-旺中帶靜的謝斐道金利文廣場二樓。餐廳的裝潢帶一點中式元素，又帶一點現代感。而且枱與枱之間的間有合適的距離，感覺唔會好焗促。脆皮百花雞半隻$228這道手工菜真是頂呱呱！師傅鮮雞件先去骨並釀上蝦膠，然後再炸，認真花功夫。這百花雞皮香脆嫩，薄如蟬翼，而皮下也沒有多餘的脂肪。然而爽彈的蝦膠釀得很妙，彷彿成為了雞件的一部分，味道更為豐富鮮美。正正集脆、嫩、鮮、弾於一身，若然再配上燒汁或淮鹽就更完美了！魚米之鄉$398（細）由於大家都唔想吃得太油膩，所以點了這個勝哥推介的魚米之鄉。全條石班起肉成片，然後拌以脆米和魚湯。石班灼得剛剛熟，魚肉嫩滑又爽口，配上芫茜的清香和脆米的脆香口感，已經十分美味。再加上奶白色魚湯，極為濃郁和鮮甜，真的令人一口接一囗的吃過不停。最正的是整道菜沒有半點油膩，但味道鮮美，仲帶一點點的香脆口感。吃罷感覺暖和，十分滿足，是老少咸宜的一道菜。蒜香本地鮮牛柳粒$108這牛柳粒炒得好，鑊氣十足！牛柳粒採用本地鮮牛柳，肉味濃郁，外層焦香

今天在謝斐道金利文廣場二樓果間龍湖居午餐，十二時到達，人不多不用等位，這裡地方雅緻，雖然有點舊，但古式古香幾特別坐落點咗一個$128孖寶，有好多款選擇，揀咗一個紫蕊薯浸時蔬，菠蘿海鮮炒飯，另外就點咗我至愛嘅蝦餃皇同埋順德煎魚餅！鮮菠蘿炒飯，好多份量，菠蘿同蝦肉都好新鮮，有蔥花更加香口，紫薯時蔬（菜蕊）好鮮嫩同甘甜，感覺係好健康食品！蝦餃皇蒸得火候剛好，皮薄饀靚，水準好高！炸魚餅D魚肉鮮甜，但覺皮畧硬了一點，好喜歡吃脆口嘢就覺得好食！整體食物同招呼都不錯，感覺滿意！

睇到佢咁多好評就走去試一次啦，事關父親節都好難定位，咁啱銅鑼灣都唔多呢一類嘅粵菜小店，但係食完之後就唔覺得啲嘢好似食評講到咁正，我哋叫都係都係小菜為主，佢個招牌蝦多士我哋都有叫，賣相唔差，味道都過得去，但肯定唔係頂級正囉。其他都係普通小菜同一般酒樓冇分別，我覺得佢連美心個級數都唔到，價錢就唔使講啦，雖然睇落唔算貴，但係就唔值囉，八個人食咗$2000我一定可以食得更好。一句講晒，睇落唔貴，食落唔覺得掋，因為啲嘢食真係普通料，唔算值回票價

下午茶點心選擇都多， 點咗順德炸魚餅， 杞子棉花雞 ，叉燒包。 杞子棉花雞， 雞好滑，碟內又有一片仿鮑，一角冬菇， 順德炸魚餅佢真係整得好好食，好有心機，炸嘅時間，掌握得好好，有三塊都炸得好平均，你見到廚師 呢一刻 係有心 ，冇過火 。 有時呢食嘅嘢好唔好食呢？真係人嘅因素好緊要，始終都係手作仔如果嗰日師傅心情唔好嘅我哋食入口好感受到唔好食。 我本來係點咗，真係菠蘿包，點不知賣曬，再點 ; 雞包仔, 又係賣曬……再點 包公流沙包， 佢哋話俾我聽係芝麻餡嚟嘅時候， 又話我知好好食， 點知另一邊待應又話賣曬 賣曬 。 我都明白小店出品都係唔可以存咁多貨， 新鮮最緊要！！！ 草草了事為有點咗個叉燒包， 叉燒包麻麻哋好食， 叉燒入面嘅醬汁唔夠，同埋叉燒內醬汁又唔夠香味。 佢哋嘅點心，係即叫即蒸嘢。所以需要啲時間，真係唔好心急唔好心急， 你趕時間，就唔好食，選擇去 茶餐廳 。 坐低唔好洗杯先 ，早啲 選擇好點心 ，畀點心紙待應，等點心出嚟，快快有得食。

自從上次 睇咗食評，去旺角朗豪坊食宵夜自助餐，真係不知所謂形容呢間嘢 。 今次睇咗食評，即管試下個早茶， 早茶要搭枱同一個公公及另外一個婆婆一齊搭枱，佢哋非常之歡迎我 。 原來早茶 孖寶 ，29.8，包含2款食品 ，我點咗，鹹魚肉片飯同埋蒸鯪魚球， 一般 酒樓早茶用的飯都係比較硬，一係就太過軟，質素比較差，咪用來畀早茶茶客食。 但係呢間嘅飯，軟硬適中有香味絕對唔差，早茶呢講真係有質素，肉片唔會用粉乸過D肉，醃過啲肉， 佢肉片咩入口好食唔係差嘅雪藏貨 。 鯪魚球早茶一般都整得唔好食，……女比銅鑼灣區，鳳城、譽宴、翠明軒、稻香、都唔好食， 呢個蒸鯪魚球唔腥加粉亦適中， 咬落口軟淋適中。 雖然佢個地方，就唔係咁大 。同埋佢哋升降機地下內有好多煙頭，可能係因為地牢 係遊戲機中心 。所以部升降機都會令人有大打折扣 及 升降機內沒有冷氣及抽氣有點焗促 。但是，佢嘅食物水準絕對唔差，招呼方面，早茶嘅姐姐都好好好，又唔會說話粗粗魯魯，大大力掟杯碟，又冇大大聲 說話 。 發現到一個早茶好地方一定會再去試下 。 其實點呢個鯪魚球，因為同枱婆婆話好食推介畀另一位同枱公公，咁我聽到當然就要叫個自己嘆下試下啦

龍湖居總係唔會令人失望，食咗幾次，有晏晝飲茶，有晚上食晚飯：佢嘅真係菠蘿包同埋羊腩煲都非常出色，唔喺度度都食得到嗰種味道。今晚去試佢嘅晚餐，叫左佢隻豉油雞加上湯龍蝦伊面套餐，再加一個荷葉飯，同埋一個杞子上湯菜苗，龍蝦伊面爽口彈牙，龍蝦又夠入味！豉油雞就似係鹽焗雞再加豉油，同樣雞都好鮮嫩。荷葉飯配埋龍躉肉片，一開個龍仔已經漂出荷業香味，所有飯食到少少冇剩。最後晚餐奉上兩款唔同嘅糖水，有芝麻糊同綠豆沙選擇。四個人食咗唔使＄700，份量啱啱好，味道有出息。中菜來講好正，價錢又合理環境又舒適唯一有個不足之處就係洗手間沒有洗手液，客人沒有得洗手其實員工都一樣

平時每兩個禮拜我就同親戚黎呢度。飲茶同夜晚食飯都試過，點心都幾好食，之前的大地魚炆煵仔好好食，宜呢排冬天好似冇左。可能我地係熟客，服務都好好。宜家早晨飲茶排隊耐左dd。

早前朋友生日想搵一間中價又好食既中餐一諗就諗起龍湖居之前食過一次對佢印象都幾好今次就等我再試下去應該唔會失禮人嘅😂😂一入去見到好多水缸好多海鮮喺度游下游下非常生猛所以幾個朋友就決定金餐要食海鮮餐海鮮的確非常新鮮花膠煮得好林 好好食冬菇非常厚身 而且調味恰到好處桂花蚌同帶子炒得爽口彈牙火候十足最後極力推薦嘅喺呢度龍蝦伊面龍蝦肉質鮮美食得出係新鮮高價貨啖啖肉嘅龍蝦蝦肉口感彈牙同伊面撈埋一齊你食真係好食到不得了環境同服務都好好最重要係生日嗰位朋友非常滿意再次光顧嘅機會應該會好大👍🏻👍🏻👍🏻

之前同朋友試過呢間龍湖居，我自己就覺得味道唔錯，所以今年母親節就決定同屋企人再試試，好彩大家都相當滿意。是晚我地order咗個半席套餐再加呢度最好食嘅＂奇趣蝦多士＂

兩老約兩嫩在銅鑼灣龍湖居相聚聊天，提前過來開好檯吃著等我們！門口有只超得意的看門夠狗，一塊題字的木匾，有點隱世秘密🙈兩老提前過來吃了一半坐下一道已吃完試唔出味，另一道凍了有點開始硬口😥環境靜靜又有點古老feel⋯⋯人少適合聊天唔會太嘈裝修唔係太豪華嗰隻風格⋯⋯蝦拉腸，油炸鬼脆口夾著大蝦排骨飯碗好細，飯少少排骨同鳳爪味道唔錯估唔到相機嘅效果金錢肚影得佢咁靚但係實際好難食而且有餿味，難為我平時還最愛這太失望了，蝦餃兩個普通冇咩特別

難得相約兩老食飯，都係搵間舒舒服服既餐廳比較好，所以就決定食龍湖居。先來一個海蜇頭，爽口但係味道偏淡，有點浪費了口感。西湖牛肉羹，不太濃郁既湯羹配上淡淡的芫茜味，不錯。雜菜煲，份量很多，湯底不香，平平無奇。拔絲咕嚕肉，上枱視覺效果一流，大大座，又有做型。但實際效果當然遠不如視覺效果。拔絲不錯，脆口口感配上糖味，奈何主菜份量少之又少，做不到脆口的感覺。整體食物不過不失，價錢是普通酒樓貴1-2成，可取的是枱與枱之間的空間感很大很足，坐得很舒服，這是在銅鑼灣很難找到的，想搵個好地方坐一下，這個會是一個理想選擇。