龍記麵家 (已結業)

吃過不下十次，才發現原來未留過食評係度，就補回近日宵夜的一評。早收工的話，還趕得切食宵夜，就點了魚蛋、牛腩麵，魚蛋爽身蛋牙，看似是交來貨，勝在味精唔重，叫了肥腩，但點睇都唔覺肥，炆得腍到幾乎散咁濟，而五香味麻麻，與牛腩味格格不入，滷水腩計，還是華南的牛腩出色，鹼水味都有d，但唔嚴重，同區來說，佢係算做得好的幾間雲吞麵之一，係旺角搵食的話，可以考慮，卻非是非試不可的選擇。

(21/6)鳳爪撈，換來我口口快叫的雲吞豉油皇撈麵，雲吞入口，小小的一口，不是大量鮮蝦，只是一口豬肉蝦雲吞，反而出來味道不錯，配以豉油皇撈麵，不會太咸，甜豉油，配以辣椒油，辣椒油香口，配合原以叫了的菜，份量足夠，剛好。鄰抬燭光晚餐，兩位中年男女，配合一道一道上場的「菜式」，融融細語，無限絲意，史詩式？

炆豬手，看似容易，但卻又是幾蝦人做的菜色，更是個人覺得比雲吞麵更有香港特色的一味。所以通常聽到有推介豬手撈麵的話，都會儘量去吃一吃。要找好吃的炆豬手，跟飲食雜誌去找沒有用，只能靠自己周圍去吃，因為吃得多，至知那是好那是差，那些雜誌食記，又有邊個真係識？是日朝早開始，在麥花臣踢了兩場友誼賽，完場成三點幾，腹餓如嗚，醒起附近有這一間麵家，就來會一會這裡的豬手撈。這裡兩間舖位縮在窄巷內，加埋路邊的兩張二人檯，是幾有風味的一間麵舖。行入去坐低，個身熱辣辣，但冷氣又夠涼夠爽，幾正。可惜裡面男男女女皆人手一支煙，二手煙好勁。叫了碟豬手撈加碟芥蘭，好快有得食。豬手撈得麵底得三舊細細件的豬「手」，賣相非常寒酸。「豬手」一看便知是豬腳，不吃也知是只有皮而沒有肉的，可能時下已經沒有人識分，但在麥文記、劉森記、佳記等等，還是可以吃到貨真價實的豬手的。豬腳咬落好有咬口，炆得幾入味，但如果牙力稍欠的話，都幾難咬得入。汁底夠味，撈麵是幾滋味。麵底夠足，碰著我今天餓極，吃完，飽晒！芥蘭鮮綠爽甜，不錯，十蚊一碟都食得過。幾位大隻伙記加埋老闆娘招呼好有效率，夠草根及地道。埋單三十蚊，雖然單以豬手撈來說，不是入得到「系列

之前的食評也說過,次次也要吃辣牛筋撈麵,今次卒之要試人人也叫好的雲吞麵.十五元碗的麵,哂士也不算太少,起碼大過麥文記與麥奀記,其實是碗大些,湯多些,份量嘛,多不了幾多.麵的質素是很好的,爽而滑,湯是偏淡些,加上這裡勁辣的辣椒油,甚為過癮,雲吞很細粒,但郤足料,味道也很好,少少味精也要接受,不過這碗麵是交足功課的.但大胃王肯定唔夠喉,傳統的細蓉,就是這樣,無奈.

頭先食左個豬手撈麵($20),豬手稔熟,又入味(味道剛好,不太重,食完唔會勁口渴), 麵爽而無鹼水味,份量應該係for女士,而美中不足既係豬手仲有豬毛law…,Anyway, 一定會再去.行完街後再返去買淨牛筋腩($38)比家姐食,牛筋好稔又辣辣地,姐姐都話好好味!!但牛腩就乾d….仲有呀佢碗菜($10)都好大碗喎,如果唔叫一碗,可以於叫麵時叫加菜(咁就加$4),店舖既左邊係非吸煙區,右邊係吸煙區,兩個區都布冷氣,店務員同大隻佬都幾好禮貌,店舖又清潔.

開頭以為好細間舖, 一行到去見到左面成間舖係煮麵, 中間一條冷巷, 而右面好細既舖位裡面得兩張台, 老闆見我懷疑就即刻同我地講入面有好多位, 於是我地通條冷巷行入去, 原來裡面仲有兩間舖(一邊吸煙區,另一邊非吸煙區)。我叫左豬手牛筋撈河, 朋友叫左豬手雲吞撈麵, 再黎一碟油菜, 但唔知點解撈河用碗裝而撈麵用碟裝, 同埋碗撈河咁多腩汁(我以為比錯湯河), 而大隻佬包d雲吞又會咁細粒, 其他野份量都係好少(每碗得2舊超細既豬手)；至於味道方面, 樣樣都好味, 豬手彈牙好入味, 牛筋淋得黎有咬口, 河粉好滑撈埋d腩汁濃濃地幾正, 朋友話佢果個都幾好味呀

龍記麵家真係正，有特色。1. 豉油王炸醬撈河河粉好滑，撈埋甜甜地嘅豉油汁，的確冇得頂。2. 豬手皮爽彈牙，唔太韌，非常入味。3. 雲吞麵雲吞細細粒，蝦同豬肉嘅比例剛剛好。最正係個麵，爽口彈牙，冇乜鹼水味。4. 牛筋有咬口，唔會腍到一pet pet，辣辣地，好惹味。唯一可以彈嘅就係份量太少，次次都到喉唔到肺。不過都好，可以過隔離石磨坊食甜品。

這裡的牛筋撈麵是辣的，但不是太辣，阿姐有時對生客會提醒，味道是很好，次次也要叫，不過份量實在太小，不夠喉，又沒有如其他食店般，跟一兩條菜，乾爭爭的，汁水也通常很少，整體感覺就是不夠喉，叫多一碗又太多，總之就給人半天吊的感覺．這裡的麵質甚佳，爽口又沒有梘水味，比起麥文記或麥奀記有過之而無不及．

頭先果篇打到錯晒,呢篇先係真正龍記.日前講起豬手撈,又諗起已有一段日子無去過旺角黑布街的"龍記",搵幾個大隻佬食豬手麵.每次落到去旺角,好少去到呢一邊.當尼爾遜琴行翻兩翻全新裝修,依舊賣其廉價四百幾銀一支電結他,隔離美國雜誌自H記Pageone一樣有大量外國雜誌而生意淡薄之日子,隱身於巷仔之龍記,一切如舊.除左豬手外,還有雲吞,礙於一小時相約友人食午飯,一碟豬手撈面,點到即止.麵身鹼水味唔重,可以網開一面,豬手稔熟,很入味.原隻切幾件便上,非常原始.幾個大隻公仔佬依舊壓場,有佢地睇住,唔怕比人收陀地搞事,身處旺角九反地,吃得非常安全.粉嶺群記豬手麵,聽聞好高評價,襯悠長假期未完,呢一兩日抽空一遊先.反正火車路程,都係半小時左右,總好過由London北上Newcastle,坐成六個幾鐘火車,未計delay.

約左D老友出傾又未夠時間就去龍記打個底先雖然係舖頭仔一間但招呼唔錯重安排左我地坐係閣樓自成一閣D野食都好OK 唔算太特別最特别係叫我地自己野飲到埋單時先計數見佢地咁好招呼立刻叫D FRIEND上試下D食順便傾埋一傾傾左個幾兩個鐘佢地不但冇趕我地走臨走大隻佬重話下次一定留番個閣樓位俾我地喎一大班人想係旺角聚下又唔想使太多錢不妨試下龍記雲吞麵

明知一陣西貢政治飯聚, 事先約了肥佬同事一起食野打底先~肥佬介紹了這裡, 入了巷仔, 再入到來好得意, 牆上貼滿了大隻佬呀, 筋肉人的圖片, 令我忽然想起近期曝光率甚高的港男ROCKY呢~ 這裡還貼了一些剪報, 介紹這裡出名的一口雲吞及豬手撈麵~我們點了淨雲吞, 炸魚皮及一個牛腩撈麵; 雲吞是細細粒的, 真的一口一個, 味道不錯, 蝦亦見爽甜; 炸魚皮夠香口, 想再食的時候, 已發現肥佬清了碟...可惡; 撈麵好爽, 我鍾意^^順帶一提, 別以為這裡座落於後巷, 由2位紋身大漢打理, 就無衛生無服務, 反之而言, 這裡衛生服務都不錯, 就連埋單時大漢都唔該前唔該後~

在旺角街頭流浪,想起有間出名的麵店,但忘記有o羊出名,尼到發覺原來系豬手(!)同埋雲吞麵.唯有叫雲吞麵,豬手免問!雲吞麵D湯好清,雲吞細細粒,一口一粒,感覺上唔系今抵.今次主要想講的是麵.D麵超爽口,無鹼水味,彈牙,有咬勁,剩食麵已值回票價,所以喱度D撈麵亦很出名,下次試!

五粒主要餡料係蝦同豬肉o既雲吞,麵入口爽滑又冇梘水味, 最正係d湯, 好清好辣口。

手造雲吞做得唔錯,材料比例係五五,一口一啖又真係幾過癮。撈麵爽口而硬身但較偏重鹼水，過冷河過得好一點,應該吃得更暢快。