龍鳳冰室 (已結業)

今日去左灣仔上堂，中午時分同學有呢間嘅vip有九折，我未試過就一齊去啦！嗌左個雞脾意粉，配上招牌炒蛋，$58，中午係灣仔食都算係咁，一般都50蚊，都已經好多人等，大概十分鐘，就入到去，其實都幾迫。不過份量都幾大份，隻雞脾好大隻，而且炸到脆卜卜，其實有兩隻味道選擇，我選了吾辣嘅蜜糖味，不過上碟好似辣椒油咁，我都有問多次店員係咪吾辣，係岩先食嘅，而第二個味道就係黑椒嘅，都好吸引。意粉份量勁多，再加了黑木耳同粟米，好似健康少少，不過最正都係隻雞脾，應該係即嗌即炸嘅，好好味丫！不過如果環境好d，吾洗咁迫同吾洗坐係走廊就好啦：）

今日同朋友逛完利東街，見附近有間時尚 x 懷舊的餐廳，牆上掛滿很多明星照及簽名，便進去試試～珍寶法蘭西多士，賣相吸引，大大片的牛油在厚多士上，未食已流口水。多士外脆內軟，外層牛油及糖漿，融合內餡的花生醬，甜美香囗，回味無窮～招牌炒蛋多士，細嫩柔滑，蛋汁豐富，惜除了蛋香沒其他配料（食過很多冰室的蛋也會加黑松露），稍欠特色，而配上的多士烘得香脆，惜牛油偏少，味道偏淡。凍華田，第一次飲到不凍且味道極淡的華田，當冰塊溶掉後，味道猶如飲到開水加少許阿華田粉，奇差無比！食物上，質素參差；價錢上，唔算抵食；環境上，地點方便歇腳，也有乾淨厠所，但座位狹窄擠迫，而且在馬路旁，間中會聞到汽油味，好壞參半，勉強合格。

今天沒有約人食午飯，一個人無聊走到灣仔，見到很多人排隊，於是乎就湊熱鬧。可能一個人的關係，不需要等位就有得食。所以好多時侯，我還挺喜歡一個人吃飯的。基本上這裡沒有太多款式可供選擇，除了扒外，就是咖哩，還有一個特餐，包菠蘿包。但份量是十分足夠的。我叫了個咖哩牛腩同一杯菠蘿冰。咖哩唔可以話好香好好味，所以$65有啲貴。但嗰杯菠蘿冰就好抵，咁多菠蘿都係加$15！整體上，牛肉係唔錯，但咖哩味普通。

第五十篇食評，寫一間滿意的食肆。香港流行冰室熱，但真正好的少之有少。這回是龍鳯冰室，吸引我的是餐牌上一個個非一般的飯。第一次來，有點花多眼亂，最後點了魚子醬餐肉蛋飯。肉燥不是台式，略淡。餐肉很厚，滑旦滑但旦味不是非常濃。總的來說味道中和。碟上亮點是曲線的醬汁。在分秒必爭的茶餐廳，肯用幾秒時間去弄好菜的presentation,可見心思。醬的味道有點豉油加喼汁，很送飯。值得一題是服務。我叫辣椒油，其中男侍應拿了一瓶，放在碟上送來，在我面前開了瓶蓋，大有酒店服務的風範。第二次來，叫了龍鳳豬扒飯。豬扒一塊是煎一塊炸。豬扒十分軟淋。炸的一塊更是極品，脆醬是像是西多士的旦汁，額外鬆化香口。醬汁是蕃茄汁，非一般茶餐室的紅色麵粉汁，這是稀身有蕃茄肉的。用蕃茄汁可以分別混合豬扒或滑旦來吃，各有特色。第三次試咖哩牛腩。這個就相對少一些驚喜。坑腩肉質好，但咖哩不夠味，（包括香、濃、辣）。飯上灑了少許乾䓤，又是此處有心思的例子。第四次叫了滑旦系列的XO醬滑旦牛肉飯。我留意到很多人都要少辣。XO醬有幾辣？當然要正常版。牛肉不夠嫩，但特別要注意的是飯。從相中可見飯是淋上醬汁。此汁不是醬油，吃落是像豉油加喼汁，有

本身想食金鳳，點知爆場又唔想排，唯有試下龍鳳，名同野食都咁上下咁😂平時經過都唔會想食，因為第一睇裝修應該似做遊客，所以唔會特別想去食，好啦入正題😂裝修好得意，環境一般，好迫，坐得唔舒服，真係唔比你食得耐既格局，睇睇餐牌，唔平，食個意粉都五六十蚊，我覺得佢成功既地方係將舊野變新，遊客其實好岩黎，肉眼見有黑人同賓賓幫襯，佢地都消費得到即係都ok la...我揀左XO滑蛋滑牛飯，好大碗，份量十足，呢樣野真係好多餐廳都未必咁大碗，但味道就...滑牛冇味兼好多根，真係唔多想再放入口！蛋好食好滑，但咁大份對我黎講太多，而且個蛋好厚身，成碗我食唔夠一半已經冇食個豉油汁都好食，甜甜地，XO醬多左，死辣，同個飯唔夾...男人個滑蛋肉鬆雞扒飯，我覺得佢果個好食好多，雞扒煎到好香好脆，同埋堅係大塊仲要*2所以其實雖然睇落個價錢唔平，但諗下咁既份量真係抵，同區其他茶餐廳平d但份量少都一條數。我覺得黎呢d餐廳應該試佢奶茶，雖然我唔係專家，但呢間都夠香滑，唔會澀，又大大杯幾好👍我地2個飽到上心口咁走，如果你好肚餓，真係應該黎呢間😂👍PS:呢道d姐姐好好禮貌服務，極力推薦我地join member😂不過我咁細食，要

行過路過不要放過～試下又唔錯，最重要係有心做第一印象幾好，第二入口炒旦好滑，第三夾塊豬扒食落好嫩，最後係啜淡意粉軟硬適中～完美配合估不到廚師水準有料到～抵我讚下你

English menu available. The restaurant attracts a young crowd looking for a quick lunch. In the menu, you'll find typical HK food with the option to have it with spaghetti. Carb with luncheon meat, pineapple buns, and various teas are also options.Ordered the chicken and rice it came in a hearty portion and tasted okay for the price. However, it would have helped if the food was hotter.

走過這店子的門前已很多次，覺得它的招牌設計有點心思，想它的食物應會不錯，很想一試，但之前碰巧都趕時間有事要辦，今次終於可以試試了。店內空間不大座位不多，最多大概15個吧！但牆上佈置和牆磚也算有點特色。可能是藝人開的緣故，還有些明星簽名和照片。看過桌面上的餐牌，選擇不多。最後點了它的午飯套餐“招牌咖喱豬扒飯“連一杯飲品，我叫了杯熱鴛鴦。如稱得為招牌，那咖喱汁略嫌不夠香，份量也不夠。豬扒也比較薄，沒什麼口感可言，而且還煎得比較油。熱鴛鴦，勉強可以吧！下次光臨嗎？不會了。

龍鳳冰室咖央西多士 $23蕉蕉有時鐘意去冰室食西多、滑蛋多士等，呢啲地道又簡單的食物，其實都好正好令人滿足。龍鳳冰室既西多士超厚，金黃香脆，外脆內軟，加牛油糖漿真係好邪惡，食一個真係成日可以唔再食野。😂個西多士真係超厚！

又到一星期一次的外出用餐時間～今次選了同事們嘗過覺得不錯的龍鳳冰室店外貼滿招紙明眼人一睇就知這裡的招牌菜是肉鬆炒蛋雞扒飯店內的裝潢都頗有特色老香港混合現代化的風味我們一行5人都點了炭燒肉鬆雞扒配招牌炒蛋飯 $58餐飲我點了熱奶茶～想不到這道菜的靈魂不是雞扒竟是炒蛋！非常嫩滑 入口令我有幸福的感覺配菜栗米雖然是罐頭貨色 但很爽口主菜雞扒肉質嫩滑仲要有兩塊肉鬆亦增加了口感配上雞扒吃 異常地配合可惜雞扒上的蜜糖太多令雞扒失去了乾脆甜膩膩的而且飯上的豉油太多偏感失望首先講下餐飲奶茶熱度不夠 已經扣了不少分數茶味不夠 奶偏少 但夠滑個人喜歡茶味濃 奶不要過多且滑 熱度夠的奶茶這裡的奶茶不合格但它涼了後並沒有茶澀味為它挽回不少分數

約上次食左金鳳之後,今次試下龍鳳啦睇完餐牌先知原來唔係傳統STYLE,就連雞扒飯都搭肉鬆咁特別。原本都想試下特餐之類,但。同金鳳差唔多既野竟然要$5X.貴成$10,所以都係試下D特式飯啦。辣雞扒肉鬆意粉 (好少可食呢D都有得揀辣) 首先,其實我唔應該叫意粉,因為係豉油汁,唔多MATCH,飯應該好好多。份量都幾多, 足料雞扒同肉鬆, 仲有我最愛既炒蛋, 睇落好吸引雞扒味道甜中帶辣,加埋肉鬆更富口感。炒蛋唔會太熟,有少評蛋漿o係面, 炒得夠厚, 食落滑得黎幾有口感。雖然價錢接近$60, 偏貴, 但勝在有特色, o係其他食唔到呢D配搭。茶走太甜,下次都係叫返普通奶茶算。

同事帶路搵野食-龍鳳冰室雖然㸃了不是主打菜，但這個特餐還不錯。菠蘿包，軟軟的、温温的，最緊要不是我們成日吃到「空氣包」。牛奶炒蛋，更是一妙，香滑得來蛋味甚濃。絕對值得一試. 奶茶，絕對是香滑下次要去大坑試下招牌菜。

波羅包皮唔脆，包係正常凍左既包，hopeless,普通面包店都仲好似好食啲，炒蛋幾滑，好實在即係太老唔夠嫩口，加鹽夠味啲但搵唔到樽鹽。出名既波蘿冰，果然係叫波羅冰，波蘿多到呢，食波蘿都飽，係新鮮唔係罐頭，所以酸酸地。飲完一啖啲水係有啲酸味既冰水。特餐個湯意粉林到成個冇食。但炭燒雞脾脆脆地又咸咸地幾好味，紅豆冰啲紅豆煲得林又有雪糕，好味，但啲冰太多又大粒。

係灣仔返工，平時lunch 真係唔知食咩好…無錯，茶餐廳嘅數目比中環多好多，但價錢亦比中環貴，不過質數參差好多……當中龍鳳冰室，平均個餐要五十幾蚊，但算叫做見得吓人！肉鬆炭燒雞扒配滑蛋飯，份量十足，雞扒好大塊，不過咸咗啲，雖然比唔上榮式，但叫做多間選擇揀。配肉鬆，坊間少有，而肉鬆甜甜哋好好食，亮點之一。牛奶炒滑蛋，又夠滑同keep 到牛奶香，係幾好嘅！環境唔算好坐，所以Ss都係外賣多～

以前在灣仔合和再上返學, 成日都會經過灣仔街市, 經過春園街~ 但自從去完外國讀書返黎之後, 都好少再經過呢個以前日日都會行既地方了~ 今日因為要去個頭拎D野, 所以又再有機會踏足呢個地方~ 個感覺係好似好多野都冇變, 但又好多野變左~ 哈哈~ 講返呢間龍鳳冰室~ 聽說是藝人林子善開既~ 怪不得一入到去, 牆上掛滿了藝人既簽名和相~ 因為去個時已經比較夜, 唔係話好多人, 去到呀姐就安排我地坐低~ 不過我覺得呢度唔係太乾淨, 枱面上面既玻璃底下~ 有D蟻係度行黎行去, 都真係幾唔開胃~ 而且餐具都幾痴立立~ 我地叫左豬扒飯同埋滑蛋牛肉意炒~ 奶茶味道唔錯, 有濃濃既茶香~ 豬扒炸到幾脆, 味道還好, 冇咩特別~ 炒蛋都幾滑, 不過牛肉略嫌唔夠林, 少少UN~總括我應該唔會特別想再去~