龍鳳冰室 (已結業)

中午放飯同同事嚟呢間龍鳳冰室。同事話呢到食得過，我地五個人就行咗入去食飯。由於呢到多上班族，基本上到放飯時間就到到都咁多人。今次都等咗成10分鐘先有枱。入到去坐低，見到都唔少明星嚟幫襯過，不過再出名既餐廳，如果食物質素差，就真係唔抵再幫襯。反而呢間冰室既食物都真係有番咁上下好味。因為我叫咗一碟炭燒肉鬆雞扒飯，個雞扒真係好大塊，面頭搽上薄薄一層蜜糖，直頭好似自己bbq燒既雞扒一樣。而且加上肉鬆喺面，果陣童年回憶用肉鬆撈飯既感覺番哂嚟。58蚊既餐加埋杯熱飲，都算係抵食。

今日係灣仔做完嘢，行過春園街，見到哩間冰室，見到裝修個格局都係走懷舊路線，岩哂我啦，即刻試試佢先啦，嗌左嗰炭燒雞扒肉鬆蛋意粉，同埋龍鳳頂級豬扒蛋意粉🤤🤤🤤🤤🤤🤤啲蛋真係好滑，不過就無乜蛋味，塊雞扒同豬扒都煎得好入味，而且好大塊，夾埋啲肉鬆好有層次感😍😍😍

佢既野食都比較特別 同出面好吾同！ 最出名係佢個肉鬆配炒蛋！ 我叫左個雞脾炒蛋意粉 配埋個木耳！ 酸酸地 李開胃 都係食果陣其實好吾方便！ 雞脾好難折開！ 但肉質都硬硬地 ！ 相反 佢個肉鬆同炒蛋好夾！ 配埋個栗米 比較岩我哩d小童口味😂

今日下午我們喺灣仔利東街做完嘢之後，行過春園街見到有間「龍鳳冰室」嘅門外有幾多人排隊等位，所以我們就決定入去食下午茶！入到去店內見到有多張明星藝員嘅照片掛滿牆，同埋他們嘅親筆簽名簽滿整幅牆，之後問咗店員先知道原來呢度嘅老闆係林子善！我們叫咗沙嗲牛肉菠蘿包嘅包質好鬆軟，外層嘅菠蘿皮相當香甜酥脆，中間夾著嘅係惹味爽滑嘅牛肉條，而且份量都幾足料豐富！爆辣蜜蒜醬燒鷄脾意粉配招牌炒蛋嘅鷄脾肉質非常鬆軟嫩滑，味道好香甜，加上我們都算係食得辣，所以話爆辣對於我們嚟講都唔係好辣，但就好惹味，至於炒蛋就真係超滑溜，而且有好香濃嘅蛋香味，不愧係招牌炒蛋，真係超正呀！珍寶法蘭西多士一上碟就覺得份量十足，因係用兩塊厚切嘅方包做成，外層炸到好金黃香脆，質感相當鬆軟，中間就搽滿咗香甜軟滑嘅粒粒花生醬，再配埋香甜嘅糖漿同芳香嘅牛油一齊食，真係好正呀！

星期日同太太去灣仔龍鳳食lunch, 見佢冇人等位， 諗住好好彩，點知一到食我一到覺得入錯鋪頭。叫左碟炭燒肉鬆雞排飯，食第一啖已覺得完全唔掂。成碟野得個乾字。食到一半已放棄。炒蛋都乾😞冇下次

I had a satay need instant noodle here as part of an afternoon tea combo. Service was super fast and this place gets very busy. Taste was good, as I would have expected. It wasn’t anything special and I’m not sure if I would go back given all the options in the area.

平安夜的夜晚去咗灣仔利東街欣賞下啲燈飾佢個透明燈光氣球今年好HIT好多人拎住但入返正題先行過隔離間求其食一間見到間龍鳳冰室見幾多野揀同埋都好似唔錯幾好咁咁我地就入咗去啦餐牌上係好多野揀既好多款式而我就揀咗司華力腸肉燥意粉食揀錯啦我應該飯會好食啲意粉撈唔夠啲肉燥 所以吸唔晒味食飯既話應該好味好多但意粉都唔錯跟住呢個蜜汁醬雞脾飯好好食既 個汁有啲得意 涼涼地 唔知佢落咗啲咩落去但幾好食架喎 又甜甜地咁仲有份炒蛋 粟米襯佢唔錯既

本店服務態度有待改善，食物好食The food is ok. Customer services need to improve, drink is not feel perfect,cooking skill need to improve

做完運動消耗完，緊係要食d好野獎勵自己黎到龍鳳冰室，好多選擇，諗左好耐，最後選擇左厚切餐肉蛋肉燥飯炒滑蛋真係好滑，份量亦好多，上面有d粒粒魚子，好夾有兩塊煎過嘅午餐肉，好厚，而且仲脆脆地，好正仲有d肉躁淋面，但係就略嫌咸咗少少。側邊有d粟米，但係凍嘅，如果整返熱就會更好食！$62+$5轉凍0樂，好豐富嘅下午茶4點幾食完，果晚晚餐都唔洗食而且店員仲好有禮貌，唔會黑口黑面又係好藝術家嘅吱醬方法lol不過舖頭唔大，位唔多，有d迫。

作為一個為食專員，喺利東街睇完打卡月球燈，周圍逛下搵野食，俾我意外入面呢間老式冰室，又一次平靚正經歷！要知道情侶去街，有時要搵定啲打卡位，日日喺屋企唔係唔得，怕會悶親隔離～過咗中秋先去都好鬼多人！幾咁港色風格西多士、奶茶都係好香港集體回憶推介#沒有最邪惡只有更邪惡😈 ·阿華田脆脆配奶醬厚西多士❣️ 上面淋上蜜糖煉奶同巨塊牛油🥛🍯🥞 實在太太太好味嘞🥜西多士一定要夠厚，咁樣口感先夠紮實本身係見到巨型雞脾而走入嚟，雞脾炸得好香，紅油唔辣但有啲油膩，如果轉流心蛋加少少咖哩汁應該會好啲，而家乾咗少少～是此屎忽撞棍，試到唔錯嘅冰室要食就食西多士啦

今日去到灣仔，食飯時間到處都好多人。朋友之前食過龍鳳冰室，覺得幾好味，而我又未食過，想去試下，於是就揀左黎間餐廳食午餐。餐廳裏面嘅裝修很有特色，以懷舊風味為主，環境尚算整潔，但坐位較迫，坐得唔太舒服。我叫咗個招牌菜，炭燒肉鬆雞扒意粉，大大塊嘅雞扒煎到好香，唔會太乾，配埋肉鬆再加蜜糖，第一次試呢個組合，味道不錯，旁邊仲有好嫩滑嘅炒蛋同粟米，份量十足，加埋杯熱檸水，埋單$58，係灣仔區都算價錢合理，可以一試。

專登去灣仔睇最近全城最紅嘅「月球」，去到近睇呢個月球又真係幾靚喎睇完之後喺附近搵啲嘢食先，條街所有食肆都排晒長龍，我見呢間龍鳳冰室都幾多人排價錢都唔算貴，就入去試吓啦！入到去叫咗個肉鬆煎雞扒意粉，以呢個價錢嘅雞扒來講，我覺得佢煎得非常好食點好食法呢，我係第一次食到煎雞扒嘅皮係可以煎到脆卜卜嘅，加上肉鬆有少少甜味，雞肉唔會太干，絕對值得一試；另一個重點夠大塊，以呢個價錢有兩塊咁大塊雞扒，喺灣仔區來講算幾抵食！唯一缺點就係座位比較迫，要好小心唔好整到其他人！

嗰日返工食飯，之前行過灣仔見到餐廳張海報吸引，咁啱又係灣仔個頭埋去試吓。叫咗個蜜味蒜香雞髀飯，好多汁，個汁有啲甜，雞髀炸得好脆，仲附送炒蛋，炒蛋好滑。再加杯奶茶。👍🏻

約了在附近剪頭髮，再看看手錶，時間不足一小時，所以在附近搵些簡單的快餐吃⋯看到這間龍鳳冰室，餐廳的牆用黃黃橙橙白白的磚砌出來，吸引到我眼睛，而且剛好裡面有位置，所以就進去了。除了牆磚外，一面牆有塊版跟一些相片，都是明星或演員的簽名及相片，看來都有明星光顧似的。就連餐牌都是顏色豐富及圖片精美！（$58）龍鳳神級XO滑蛋豬頸肉，可配飯或意粉。XO醬只有在表面一少撮，吃上去都有XO醬的香，不過可以更多，滑蛋很多表面都很滑，而豬頸肉切成條狀，數量都很多，底下的白飯亦不單調。有些甜的醬油，頗新穎。（$58）蜜蒜醬燒雞脾，可配飯或意粉。這個餐亦有爆辣版和不辣版的，蜜椒就是不辣，食物來到的時候看到醬汁的顏色以為是辣椒油以為給了我們錯的食物，一問之下才知道沒有錯，一口吃下去就有濃濃的蜜糖跟蒜味，非常美味的。雞脾是原隻雞全脾，表面沾滿蜜蒜汁，雞脾肉亦都嫩口，再配有炒蛋，令整碟意粉很豐富。（+15）黃金菠蘿冰，菠蘿數量超級多，令粒菠蘿都大大粒的，還很甜，冰底就沒什麼特別，就充滿菠蘿味，有驚喜。（+3）凍奶茶，很澀，茶底一般。

5/9/2017 星期二9點零去到想食個早餐點知無開 門口又無寫紙但男朋友應該真係好想食 lunch時段特登行過去睇下有無開12點正 已經無乜位叫左個炭燒肉鬆雞扒配招牌炒蛋意同埋雞脾配招牌炒蛋意粉炭燒 ummm 真係食唔出不過雞扒同雞脾個份量都好夠意粉底有啲甜豉油$58連熱飲 咁既價錢 咁既份量係灣仔都算係咁啦 👌 不過因為舖面唔大, 而且係 weekday lunch hour所以都坐得幾辛苦下再加上個到比較嘈食完好嗱嗱聲走人