龍鳳店

营业中

休息中

小店嘅坐位只有6個所以真係超細😗但多數都唔洗等位的但會keep住有人買奶茶🧋🔸蟹膏蛋治+特選煙燻芝士 $58+5同平時嘅三文治係炒蛋放係三文治上面✨炒蛋超滑蛋味十足,蛋控表示十分滿足😆蟹膏係麵包上面,蟹味都好出而中間還有有微燒過的蟹柳🦀另外加咗芝士本身以為係拉絲但原來不是只係有點調味作用令三文治味道更豐富🧀入元朗要試!!🔸桂花烏龍奶茶$25小店有好多款不同味道港式奶茶選擇🙌🏻奶茶真係好飲嘅,茶味相對重~甜度可以揀正常甜或者少糖,今次揀咗正常甜都唔會甜都不得了😙但講真不太飲到桂花烏龍🤣🤤好味度 : 8/10🔙回頭率 : 9/10

元朗龍鳳店的二人燒鰻魚飯令人驚艷。鰻魚非常長，汁濃味美，燒得香氣四溢。鰻魚的口感非常嫩滑，每一口都充滿了滿足感。飯上還配有兩隻荷包蛋，蛋黃半熟，與鰻魚飯搭配得恰到好處，整體非常美味。牛肉蛋三文治也是一道不容錯過的美食。牛肉是慢煮的，口感滑嫩，非常入味。三文治裡的牛肉片厚實多汁，搭配著嫩滑的荷包蛋，每一口都能品味到牛肉的鮮美和蛋的香濃。這道三文治的用料十分講究，牛肉質量非常高，讓人一試成主顧。總的來說，元朗龍鳳店的食物質素非常高，不論是鰻魚飯還是牛肉蛋三文治，都令人印象深刻。份量足夠，價格合理，是一個適合與朋友或家人一起享用的好地方。推薦給所有喜愛日式和西式混搭料理的朋友們。

好創新的組合，而且好好味值得一試再encore燒汁味濃鰻魚都好足料我最愛的蟹膏蛋治入面啖啖蟹肉，鮮味配埋魚籽加滑蛋，超級好食！店入面仲有好出名的奶茶，好多款，鐘意飲奶茶的朋友一定要試。不過店仔細細，要堂食記得早啲排隊

呢間店簡直係元朗名物！第一次聽呢個舖頭名嘅時候，以為佢係啲傳統老店🤣一試不得了！超前衛嘅蛋治！平時啲三文治係麵包包住啲蛋，佢係啲蛋包住塊包🤣成個蛋包飯咁！佢應該改名做蛋包治！蛋仲要又滑又香，不得了咁好食！🤤佢嘅奶茶都係一等一出名，選擇超多，仲要真係每一款嘅香味都好出，滑到不得了！值得一款款試吓，好多人都會特登黎買奶茶☺️✨鰻魚蛋治 $42 + 煙燻芝士 $5 👍🏻👍🏻👍🏻呢個真係必試！夾到不得了，爆餡滑蛋加埋鰻魚嘅油脂香，一定要試！🤩厚切鰻魚蛋治都係推薦嘅！鰻魚比較厚身，口感會再豐富啲，比較綿密！鰻魚味道更出😋不過我對鰻魚冇咩追求🤣橫掂都係夾係中間，我都係食返普通嘅就得✨蟹膏蛋治 $58👍🏻👍🏻👍🏻鍾意食蟹膏嘅朋友一定唔可以錯過！呢個都係大推！不過我覺得好似有肉開心啲🤣所以如果係同人share嘅話，我就會叫埋呢一個！😚✨伯爵奶茶 $27 👍🏻👍🏻👍🏻真係超香伯爵味，奶茶超滑！🤤係真係會飲完一啖然後將佢，喺個口度停留一陣，細微下佢嘅茶香。同埋佢真係滑到你唔捨得吞咗佢🤣✨Secret Garden奶茶 $30 👍🏻👍🏻其實佢樣樣野都幾好食，樣樣野都幾好飲🤣大家望住個Menu揀自己鍾意嘅就得！

講到元朗小店呢間龍鳳店真係唔錯位於水車館街的一個細舖堂食坐位得2枱咁大把好彩通常唔多人等位我每次都必食鵝肝蛋治 超級好食面頭舖滿木魚碎同埋滑蛋雖然叫蛋治, 但蛋係多過面包既不過價錢真係略貴, 呢度盛惠$68另外奶茶都係好多人買黎飲, 有多款茶底 , 仲有少甜添不過我麻麻地飲奶茶,  所以無叫小食黎講係算高質, 但價錢唔係太相宜, 亦唔算飽肚行過行埋過去食下當小食係OK既但唔可以當正餐咯另外小店都仲有魚蛋腸粉腸仔燒賣呢D小食賣既價錢同味道不過不失啦

呢間小店一直想試好耐啦，難得出開嚟呢邊，一於試下！小店開晏晝一點，由於舖內空間比較細，只有兩張枱，所以預早係門口排定隊，睇住佢開門😂老闆好有禮貌招呼客人，環境乾淨，食物有賣相之餘，仲好好味，值得推介俾大家💛👉🏼 鰻魚蛋治 $42 (可另加芝士 +$5)外層嘅炒蛋好滑，加上香草令味道更特出！我揀左饅魚餡，好夠味，汁量啱啱好，唔會令到個包淋晒，中間仲有啲肉鬆，無諗過同鰻魚咁夾，個麵包底烘過 有少少脆，成個蛋治咬落去口感好正！今次揀鰻魚，下次有機會想試鵝肝蛋治😝👉🏼 馬騮搣奶茶 $22我唔鍾意飲太甜，所以揀左少甜！幾好飲嘅，茶同奶嘅比例我覺得啱，茶味濃，用樽仔裝 飲唔晒可以拎走慢慢飲㗎😆

➲ 元朗 龍鳳店➳ 皇帝蟹棒蛋治 ⁽¹⁰/¹⁰⁾蛋嘅顏色偏橙黃，炒蛋嫩滑，顛覆傳統蛋治，麵包包咗喺炒蛋入面，必試。➳ 世一港式奶茶 - 少甜 ⁽¹⁰/¹⁰⁾少甜已經好夠，茶味好出，有別於茶餐廳奶茶，飲完一支好想encore，係飲過嘅奶茶之中，真係世一。每個人來到都必試佢嘅奶茶！⤵ 龍鳳店元朗水車館街66號錦榮大廈地下3B號舖#hkfood #hkrestaurant #hkcafe #cafehk #hk #hkfoodie #hkfoodblogger #hkcoffee #hkcoffeeshop #coffeeinhongkong #cafeholic #foodblog #foodblogger #foodreview #香港美食 #香港食評 #元朗美食 #港式奶茶 #蛋治 #龍鳳店

身為港島人🏝️個日難得大長征入咗嚟元朗國就梗係要試試大名鼎鼎嘅龍鳳店 - 蛋治啦🥚🤭蟹膏蛋治 $58平時食嘅蛋治都係面包夾住炒蛋，但呢度嘅蛋治就係蛋包「包」🤪第一個嗌咗蟹膏：蛋上面加咗海量嘅蟹子，紫菜同飯素🍙一切開就已經聞到好香蟹膏味，炒蛋入面有滿滿嘅蟹柳同蟹膏🦀咬落去會係個口度爆開嘅蟹子，加埋滑嘟嘟嘅炒蛋，配上我哋嘅主角蟹膏同蟹柳，然後夾住嘅個層麵包索滿蟹膏，每一啖都係一種享受🫶🏻🫶🏻鰻魚蛋治 $42望落去好似平平無奇，切開佢先知龍與鳳😎餐廳仲有另一款厚切鰻魚蛋治，第一次試我就揀咗個普通版先😎但其實普通版切開都好有驚喜，鰻魚啲肉好厚同肥美，而且醬汁嘅份量啱啱好，唔會搞到下面麵包淋哂，港式味道fusion 日式鰻魚原來都可以好夾，好有驚喜😋😋.真係估唔到食蛋治都可以有咁多唔同款色同變化🥹去到最尾我已經唔記得原來我係食緊一個蛋治🤣🤣餐廳仲有好多唔同款式嘅蛋治同蛋包飯，佢哋仲有唔同口味嘅特製奶茶，我下次一定會特登為咗佢而再入元朗💛🧡

🍴🇭🇰 #香港 #新界 🇭🇰龍鳳店 (元朗)🦀🍳 蟹膏蛋治 Crab Paste and Egg Sandwich超足料‼️ 啖啖蟹膏蟹肉得嚟又唔膩🤤🐟🍳 烤鰻魚蛋治 Grilled Eel and Egg Sandwich鰻魚同蛋出奇哋夾👍🏻肉感滿滿嘅鰻魚同滑蛋嘅質感相映成趣～♡ㅡㅡㅡㅡㅡㅡㅡㅡㅡㅡㅡㅡㅡㅡㅡㅡㅡㅡㅡㅡㅡㅡㅡ🚕 地址 : 元朗水車館街66號錦榮大廈地下3B號舖ㅡㅡㅡㅡㅡㅡㅡㅡㅡㅡㅡㅡㅡㅡㅡㅡㅡㅡㅡㅡㅡㅡㅡ💰價錢 : 🦀🍳HKD$58 • 🐟🍳HKD$40ㅡㅡㅡㅡㅡㅡㅡㅡㅡㅡㅡㅡㅡㅡㅡㅡㅡㅡㅡㅡㅡㅡㅡ

作為蛋控細細個已經聽過龍鳳蛋治呢個朵㗎喇（Ｘ）難得入嚟元朗梗係要慕名試試👻小店店面空間比較細大概只係坐到兩枱客，環境都算企理，仲有老闆熱情招待，見到老闆同街坊吹水都感受到滿滿嘅人情味💕▸ 蟹膏蛋治面頭嘅炒滑蛋份量十足！蛋味極之香濃亦炒得好嫩滑🐣炒蛋上高灑上大量蟹籽、芝麻、鰹魚碎同紫菜碎，蛋治入面夾住豐富嘅蟹膏同經過火炙嘅蟹棒，蟹膏味道相當濃郁！👻麵包本身有略略烘烤相當香脆，不過要留意因為將滑蛋覆蓋喺三文治上面嘅關係，所以上枱後務必盡快食咗先，否則蛋汁滲入麵包就會浸到稔晒㗎啦！😖▸ 炙燒左口魚裙邊蛋包飯左口魚裙邊以火炙燒出燶邊令滿滿嘅魚油香極之突出，畀嘅左口魚份量亦都唔少足夠食到最後，大滿足！🐟蛋包飯上蓋上嘅嫩滑炒蛋同蛋治一樣咁香濃就唔多講喇，裏頭包住嘅炒飯澆上燒汁炒過，類似平時會食到嘅鰻魚汁炒飯，三者加埋食落鹹鹹地又甜甜地，好食！😋▸ 樽仔伯爵奶茶樽仔奶茶就飲得多，樽仔伯爵奶茶就真係第一次試，仲有得走甜同少甜👻啱晒戒甜人士！而意外地奶茶即使走甜都冇平日會有嘅澀味，仲可以更易飲到最原始嘅奶茶香味，伯爵茶味比想像中香濃，仲要相當香滑！鍾意飲奶茶嘅朋友must try！店內仲有馬騮搣、玫瑰、

龍鳳店-蛋控必食 馳名蛋治🥚🐣 龍鳳蛋治系列元朗名物之一，蛋治專門店，終於都食到啦🥰平實的小店，但蛋治做得好出色，欣賞創新設計，奶茶嘅質素亦都好好，有13款口味，睇得出呢間小店用心經營🧡良心小店！🫶🏻▪黑松露大啡菇蛋治$68 ▪蟹膏蛋治 （特選煙燥芝士加＄5）$ 58▪白蘭翠玉奶茶$38📍元朗水車館街66號錦榮大廈地下3B號舖食物：🌕🌕🌕🌕🌑價錢： 🌕🌕🌕🌗🌑回頭指數 ：🌕🌕🌕🌗🌑

想去👌🏻耐，之前去到，因為星期三休息所以食吾到。今次終於食到！ 試左佢既蟹膏三文治同樽仔伯爵奶茶少甜(ES) :三文治幾香，塊包搽滿蟹膏，入面D蟹柳用火槍燒過，蛋又好滑，好正！👍🏻👍🏻👍🏻樽仔伯爵茶，好濃茶味！下次試吓其他味先。有糖，少糖，無糖選擇！店內得2張枱，空間不大。尼度食物是即叫即整，真係要等一陣間先有得食，見到對面個客食鰻魚飯，好似好正咁，下次又去試試！PS . 老細見有個客比人抄咗牌，自己吾收個客枝奶茶錢，話幫補下，🥹。 香港仲有人情味！ 叫三文治 / 飯 ，野飲減$5 ！

🚩🚩冇得輸嘅龍鳳店🚩🚩馳名不同茶底既香滑香濃奶茶❤️鍾意飲奶茶嘅，不妨來元朗龍鳳店飲返樽仔奶茶，仲可以配上非一般滑蛋三文治🥪😋龍鳳峽/白蘭翠玉/桂花烏龍/伯爵茶/港式不同奶茶都可以選擇不同甜度（正常/少甜/無糖）價錢$25-38龍鳳蛋治鵝肝/黑松露大啡菇/汁燒牛肉/蟹膏/芝士肉鬆等 價錢$38-78

住係九龍區既我，覺得入元朗屯門都好花時間，但今次搵食搵到入元朗😗真係開心大發現!!!餐廳睇落平平無奇，甚至可能大家經過都未必會想入去，因為餐廳既座位極少，而且冇乜設計，但居然有個異想天開既發現😍因為餐廳較細，所以全程由老闆招待，服務更加格外親切，感覺好似呢度既街坊咁😂我recommend ⭐️。鵝肝蛋治 ($78) ⭐️⭐️⭐️蛋治有大約一個手掌咁大，賣相好靚，蛋整得好滑身，切開之後可以清楚睇到層次(蛋👉🏻麵包👉🏻鵝肝👉🏻麵包)，而食落都好有層次😍鵝肝煎得好香，食落入口即溶，而雞蛋既蛋香會其後係喉嚨帶返出嚟。炙燒左口魚裙邊蛋包飯 ($98) ⭐️⭐️左口魚燒得好甘香，蛋包飯既蛋依然同蛋治一樣咁滑身，上面更加有紫菜點綴，食起嚟鹹鹹地又甜甜地，入口感覺十分滿足😍Drinks 。TS 少甜泰國手標奶茶 ($27 - $5 蛋治優惠) ⭐️⭐️奶茶好滑身，茶味濃郁，而呢個係少甜，所以茶味會比較濃郁。M 馬騮搣奶茶 ($27) ⭐️⭐️⭐️奶茶好滑身，茶味超級濃，而我呢個係正常糖份，有茶既甘之後再有糖既甜，味道好豐富回頭指數: ⭐️⭐️⭐️⭐️食物質素: 🌮🌮🌮🌮服務質素: ☺️☺️☺️☺️消費指數: 💰💰(人均消費$111)環境質

好好好鐘意食鵝肝既我最鍾意食龍鳳店嘅鵝肝蛋治超足料鵝肝 我住呢到附近 龍鳳店中午開門 要早啲買 有時去到兩三點問 都話無哂😧我心諗 點解吾入多啲貨我就住得近姐 今日唔食聽日食都得如果你要食鵝肝蛋治我就建議你開鋪就嚟啦