龍點心 (軒尼詩道)

营业中

休息中

話說已經畫好單，準備比個金毛男員工，佢好串咁叫我地掃QR Code, 咁做咩比單我地畫，你應該一早收埋晒d單，唔好比客畫，咁你做咩要收加一服務費，我就係唔識掃QR Code, 咁點呀，佢仲叫佢個員工唔好幫我地落單，服務到咁，唔該你唔好做服務性行業，如果我食完肚餓，我一定報食環

傳統點心係一種習慣 咁有時都要破舊下食啲創新既點心試下佢既fushion 同埋mix & match 可以點發揮🍽️龍餃子 $50荀尖蝦餃皇 蟹粉菠菜香蝦餃酸菜魚鳳眼餃 松露野菌晶晶餃 新野驚伏！？太多驚食唔哂！？唔緊要 一籠入面有以上每樣一款 就算唔岩口味都唔怕 四款餃都好特別 個人鍾意蟹粉菠菜香蝦餃 因為面頭放左啲三文魚子 為下層添加左啲咸香味道 🍽️一龍大滿足 $68呢個入面果4款餃同龍餃子一樣 另外多左2款係鹹蛋黃墨魚燒賣同埋豌豆桃子🍽️一口豆腐 $58炸皮夠脆 入面個豆腐好滑好有豆味 面頭灑左少少椒鹽 味道岩岩好🍽️脆脆富貴紅米腸粉 $50蝦膠爽口彈牙 腸粉外皮有煙韌口感 中間果層都夠脆 不過個人唔太鍾意佢上面淋左沙律醬 因為佢隔離仲有3款醬汁比你點 沙律醬再點果啲醬個味道 個人覺得有啲唔太夾

🤍 龍點心（灣仔）🤍.記得科勞  ٩(˃̶͈̀௰˂̶͈́)و些些！..............................🍽 龍燒賣 $48（👏🏻8/10）可以一次過試四種唔同嘅燒賣 燒賣控必叫！傳統燒賣同酒樓水準差嗰多 蝦肉都幾爽彈麻辣牛肉燒賣好惹味 唔食得辣嘅朋友唔好亂試🤣龍蝦汁墨魚燒賣食落好得意 墨魚滑口感嘅燒賣第一次試！滷水鵪鶉蛋燒賣食落有少少台式feel🤣.🍽 鹹蛋黃墨魚燒賣 $42（👏🏻8/10）咬落會爆汁 起沙嘅鹹蛋黃鹹鹹香香好正.🍽 大澳蝦醬鮮魷卷 $58（👏🏻8/10）外層係炸到脆卜卜嘅越米網紙皮蝦醬味夠哂濃 食到蝦肉同粒粒嘅鮮魷仲食到好香嘅薑味 重口味人士一定要試😍.🍽 脆脆富貴紅米腸粉 $50（👏🏻7/10）紅米腸好特別 出邊好少有得食腸粉裏面包住咗層炸脆嘅米網紙 好似炸兩咁餡料方面就係蝦肉同埋豬肉 都幾足料.🍽 蟹粉菠菜香蝦餃 3隻 $58 （👏🏻8/10）蛋味唔算太明顯 但整體嘅味道都幾鮮甜仲有三文魚籽做點綴 鹹鹹香香咁同蝦餃都幾夾😆

今晚老公話想飲夜茶，我諗起年頭我去過一間喺灣仔嘅點心店，於是今晚就帶佢去。8點去都仲有6-7個人等緊位，好受歡迎。不過我地等咗10分鐘左右已經有位，好快～*茶位 💲12/位* * 加一服務費* 電子落單夠方便～ 《 一龍大滿足 💲68 》有六款點心，各一件：酸菜魚鳳眼餃 - 放有魚肉喺面，入面有蝦肉，微辣；蟹粉菠菜香蝦餃 - 有三文魚子增加鮮咸香～筍尖蝦餃皇 - 蝦肉爽脆鮮甜；松露野菌晶瑩餃 - 菇香味濃；鹹蛋黃墨魚燒賣 - 彈牙爆汁；豌豆桃子 - 豌豆蓉微甜香滑～《 脆脆富貴紅米腸粉 💲50 》內裏包住金黃香脆嘅蝦肉同豬肉，再配搭3款醬汁（沙律醬、豉油、泰式辣醬），一次過試到3種滋味！原來腸粉配泰式辣醬幾惹味架喎！《 一口鹹水角 💲38 》的的式式好可愛一口一粒，一啲都唔油膩。綠色嗰款係微辣嘅魚香茄子餡；橙色嗰款係鮮豬肉餡，兩款都外脆香糯～《 笑口叉燒包三隻 💲32 》個包都幾軟熟，叉燒餡飽滿～《 馬拉小籠包四隻 💲48 》小籠包注入咗肉骨茶，再加上肉汁令湯汁充盈而不膩～蘸少少醋汁仲提味～ *優惠僅限灣仔店使用*9:30後入座全單八八折！9:30後外賣自取七折！下次飲宵夜茶都得喎！

灣仔有一間食特色點心🥢 見款式多而且配搭新穎，所以就同朋友嚟試吓😚 整體點心味道唔錯，而且價錢相宜，啱打工仔嚟食😆滷水鵪鶉蛋燒賣 (3隻) : 滷水鵪鶉蛋配燒賣第一次食😆 帶點辣味 配搭幾新穎!蟹粉菠菜香蝦餃 (3隻) : 蟹粉蝦餃 用菠菜汁令餃皮好靚~ 蝦餃爽彈新鮮👍🏼馬拉小籠包 (4隻)大澳蝦醬鮮魷卷一口豆腐口水汁龍利魚腸粉 (辣) 拉絲菠蘿包黑金流沙包 (3隻) 🫘紅豆沙奶蓋: 紅豆沙香綿清甜 加奶蓋更幼滑奶香~桂花糕 (2件)

今次我和朋友來到灣仔尋找美食，我們非常熱衷吃點心，灣仔有一間人氣點心，心癮開始發作，我們打算到霓虹光管招牌的點心店「龍點心」，品嘗美味，享受美食佳餚，同她盡興吃一餐。龍餃子點心入面有四款不同的口味，龍餃子有筍尖蝦餃皇，松露野菌晶瑩餃，蟹粉菠菜香蝦餃及酸菜魚鳳眼餃，蝦餃皇皮薄餡靚，十分香滑，內裡的蝦卻能保持嫩滑，四款各有特色，味道不俗。鳳尾蝦多士多士炸過好香脆，彈牙爽口，入口嫰滑，剛好恰到好處，細膩美味，讓人一試難忘。蓮花酥好似盛開的蓮花，吸引我的視線，好適合打卡，花瓣食落非常鬆化，紮實彈牙，入面是黃糖甜甜地，別有一番風味。豆腐布丁第一次食豆腐布丁，豆腐味十分香濃，香滑無比，香氣四溢，味道可口。龍點心（灣仔）地址：灣仔軒尼詩道216-218號地下A&B舖

今日同朋友去左灣仔經過呢間新派點心店裝修非常有特色，吸晴就決定入去試下芝士鮮蝦腐皮卷將鮮嫩的蝦與濃郁的芝士完美結合，外層腐皮金黃酥脆，內餡鮮美多汁。咬一口，芝士與蝦肉的濃郁口感瞬間在口中迸發，令人陶醉。搭配上輕盈的腐皮，這道菜品無疑是一道極具創意的美味佳餚馬拉小籠包將經典的小籠包與馬來西亞香料相結合，獨特的辣味讓人無法抗拒。細緻的蒸籠裡，輕輕地放著一籠綿密的小籠包，一口咬下，餡料的香氣和濃郁的味道立刻充滿口腔，讓人沉浸在美味中章魚肉餅飯將新鮮的章魚與綿密的肉餅巧妙地融合。每一口都能品嚐到章魚的鮮嫩與肉餅的豐滿口感，搭配上香軟的米飯，讓人陷入無法自拔的味蕾享受。燒賣這家中式點心館的燒賣絕對是一道令人懷念的美食。燒賣皮薄而有彈性，充滿層次感，包裹著豐富的餡料，口感細膩。肉餡經過精緻的調味，美味可口，再搭配上鮮美的蝦仁，讓燒賣在口中散發出迷人的味道炸饅頭豬柳漢堡是一道充滿創意的中式點心，將饅頭與豬柳完美融合。炸饅頭酥脆可口，與豬柳的嫩滑口感形成鮮明對比。搭配上特製的醬汁，味道豐富多變，令人陶醉

龍點心 (軒尼詩道) (灣仔)今晚放工同男朋友 @ottolee626 去左灣仔飲茶食點心～ 呢排食得多熱氣野，想食下d蒸點、粥品同嘆番杯熱茶減少罪惡感🙈🥢皮蛋瘦肉粥 $48好大碗好岩小編下火😝 皮蛋同肉都好多，每啖都食到😍🥢鳳爪排骨飯 $58即叫即蒸熱辣辣～ 份量都幾多，飯粒唔會太硬又唔會太淋身，熟度恰到好處❤️🥢一龍大滿足 $68 (6款，每款各一隻）•酸菜魚鳳眼餃•蟹粉菠菜香蝦餃•筍尖蝦餃皇•松露野菌晶瑩餃•鹹蛋黃墨魚燒賣•豌豆桃子🥢麻辣牛肉燒賣 $40🥢脆脆富貴紅米腸粉 $50 嘩～ 賣相唔係平時咁單調得白色，而且醬汁好特別，係配左泰式辣醬、花生醬同醬油，可以混醬又得，揀自己鍾意既醬蘸又得～🥢紅豆沙奶蓋 $28用奶蓋代替花奶，好新穎但原來幾夾～ 而且上面放了一片楓樹🍁，賣相別緻，味道仲有陳皮果香，高質❤️*需加一服務費地址：灣仔軒尼詩道216-218號地下A&B號舖

勁Iagable嘅點心店📸早啲嚟食就係為咗嚟打個靚卡冇咩人周圍影下相都得芝士鮮蝦腐皮卷腐皮炸到脆卜卜裡面釀咗彈牙嘅蝦肉而且芝士味好突出似係用家庭裝芝士片唔係拉絲果種一龍大滿足-蟹粉菠菜香蝦餃-筍尖蝦餃皇-咸蛋王墨魚燒賣-酸菜魚鳳眼餃-松露野菌晶瑩餃-碗荳桃子每款各一粒蟹粉菠菜蝦餃頂部有三文魚籽蟹粉味好出食落有多重口感酸菜魚鳳眼頂部有一件魚肉一睇就分辨得出餡料有淡淡嘅酸菜味呢個口感第一次食咸蛋王墨魚燒賣因為裡面係咸蛋王醬細心位係餐廳都有插咗枝旗仔提醒食客小心燙咀墨魚滑好彈牙配埋濃郁嘅鹹蛋黃醬好夾麻辣牛肉燒賣我對於所有麻辣食唔都抗拒唔到呢個絕對冇令我失望食落口夠晒麻夠晒辣之外都仲食到牛肉球會有嘅香茜味有好多馬蹄口感豐富黑金流沙包 呢個流沙包真係要湊熱食個流沙一搣開就跑晒出嚟雖然個餡好多但唔會好甜抵讚

約了朋友到這間試點心店內冷氣和沒有開一樣,一個字「熱🥵」食完全身大汗嘅,店員話喺店舖問題,沒有得改善🤦🏻‍♀️食得好趕店員會不停催促埋單食60分鐘就要走不推薦這店舖😐

✔️一籠大滿足 $68呢個啱晒心大心細嘅朋友～ 有齊晒酸菜魚鳳眼餃、蟹粉菠菜香蝦餃、筍尖蝦餃皇、松靈野菌晶瑩餃、鹹蛋黃墨魚燒賣、豌豆桃子🥳 講唔停覺得每款配搭都幾新穎 味道亦都唔錯🥰最鍾意係酸菜魚鳳眼餃 帶少少辣味都幾夾🌶️✔️脆脆富貴紅米腸粉 $50腸粉中間層炸衣過咗一陣仲係好酥脆😚 裏面包咗豬肉同蝦 講唔停覺得幾好食 👍🏻另外除咗最普通嘅中式豉油之外 仲有類似泰式辣醬同埋麻醬可以點❤️✔️拉絲菠蘿包 $38呢個菠蘿包嚟到嘅時候仲係好熱辣辣🔥 中間仲夾咗芝士 好鬼邪惡🧀 不過個芝士係偏甜嗰種～✔️芝士鮮蝦腐皮卷 $42講唔停覺得呢個比較油 同埋芝士味唔係好係食到🥺 不過如果當去普通嘅腐皮卷嚟食都唔錯嘅😋

服務水平太差。點心，賣相得意，但是食品質素也沒有覺得特別高。不過服務態度實在不敢恭維，只能說差唔多等於冇腦。今時今日，如果以為自己年青，服務態度就只能夠超低，實在太令人遺憾了。冇理由在有其他方法嘅情況之下，隨隨便便叫個客走，咁個客點解要嚟呢。這些服務員，講嘢之前，已經使用了自己的腦嗎？為免浪費該店舖的有限座位，我下次絕對不去。也不會跟任何朋友去這裏。

今日係灣仔又想食點心，但又唔想去酒樓，今次係第二次幫襯龍點心，佢哋啲點心好精緻，服務態度好好，裝修新穎，設計的卡通都好得意，地方清潔。食物質素味道比一般酒樓高水平。龍蝦汁墨魚燒賣筍尖蝦餃皇鳳爪拼金錢肚口水汁龍利魚腸粉（辣）呢個腸粉好有驚喜，估唔到四川辣味口水汁都可以配腸粉，少少辣得來好夾另外仲叫左鳳爪排骨飯，唔記得影，都好好味👍

好味指數：😋價錢：💰💰💰💰💰（連加一服務費$421）🫖普通擔擔麵落餐嗰時無留意個名，食嘅第一啖真係普通到無得再普通，湯底偏辣，而且略鹹，面頭有少許花生碎，仲伴隨好多辣油😰🫖濃湯浸小棠菜苗呢個真係好失望，同用清水洽無分別嘅菜，食落小棠菜仲有陣苦味…🫖懷舊燒賣不是很特別，不過size就比較細，味道唔差，有豬肉、冬菇、蝦做餡，食落都有返啲口感。🫖荀尖蝦餃皇正常發揮，皮厚薄適中，煙煙韌韌，隻蝦都算大隻，而且彈牙。🫖肉鬆馬拉糕算係咁多樣點心比較有特色嘅一個，啱啱蒸起，送上枱熱辣辣。肉鬆足夠，帶有少許鹹味，面頭有啲白芝麻，所以食落都香口，而馬拉糕亦都鬆軟，及格!!🫖大澳蝦醬鮮魷卷食落蝦醬鹹香味都足夠，魷魚嘅餡料亦都豐富，唯一缺點係外皮都幾脆口，不過係硬身嘅脆，而不是酥脆。🫖口水汁龍利魚腸粉呢個真係世界級…個腸粉皮極厚，入面個餡細過一毫子，根本就係食緊個皮，同埋個汁得個辣字，我哋每人食咗一舊就放低左了…🤢🫖拉絲菠蘿包唔當佢係甜品嘅話，係一個普通唔脆皮嘅芝士餡菠蘿包，芝士餡足夠，不過即食都唔係熱辣辣，連加一$13一個，性價比極低🥲📍龍點心（軒尼詩道）灣仔軒尼詩道216-218號地下A&B號舖#灣仔 #

Lung dim sum try to recreate traditional dim sum with new style. Most of the dim sum are base on the transitional recipes however each of their dim sum will be slightly different from the original. My personal favourite is lung dumpling platter. There are four shrimp dumplings with different special ingredients. They are all perfect matched. One of the them is combined with truffle which is really special in similar dim sum restaurants.One small problem is there are not much drink options, only