龍亭

在KK Day優惠買一送一，然後正價加一，埋單$16xx。食材唔新鮮.⋯.完全食唔到主廚描述嘅味道⋯.龍蝦直頭失敗⋯.炒飯難食都係第一次⋯.唔會再幫襯。$800都唔值。環境2/5食物2/5服務 2/5廚師手藝2/5如果你想花咁嘅價錢，只為打卡，去吧。

龍亭・海膽主題鐵板燒今次同大家分享一間以海膽做主題嘅鐵板燒——龍亭！成個menu都圍繞住海膽首先，讚一讚佢哋嘅人情味！師傅同店員都幾好笑容，會同客人吹下水，氣氛幾輕鬆，呢點加分！👍🏻 至於食物，有驚喜亦有失望。佢哋一次過燒晒龍蝦、瀨尿蝦、鮑魚、帶子，雖然擺盤幾靚，但係一次過上哂，冇逐樣逐樣嚟，感覺有啲浪費咗食材嘅獨特性。每樣海鮮本身嘅火候同調理都可以再細緻啲，而家食落有啲「大雜燴」感覺，唔夠突出。 重點海膽方面，我覺得普通啦～冇乜特別驚艷，可能期望太高？味道同質感都係中規中矩，唔算好濃郁或者回甘，同我預期嘅「主題級數」有啲距離。 成個餐唔算差，但以呢個價錢來說，性價比真係一般。如果係追求高質鐵板燒體驗，可能會有更好選擇。但如果你係鍾意人情味同輕鬆氣氛，龍亭或者都可以一試～ 總括來說：中規中矩，可以試但唔好太大期望！💁🏻‍♀️

沒有儀式感的極品和牛龍蝦十道菜鐵板燒 -_-食物烹調技術欠佳 👎五成熟和牛咬唔開 🫠龍蝦及帶子過熟 😑炒飯啲飯粒乾身飯焦但淨係硬冇香味 😪最荒謬食到最後炒飯時捧上一碟海膽，只說之前上漏咗而家補返，但冇解釋便走開 😠要自行對餐牌先發現幾道菜放在一個碟上，初頭唔知以為是伴菜 🙄地方細，傳菜似去咗X園餐廳，同樣有油煙味風格。唔知好彩還是不好彩沒有安排吧枱給我們，因為見到廚師炒飯時啲飯散開彈到客人。呢個價錢係買一送一，但我都覺得唔值。

日式鐵板燒，廚師發辦，kkday仲做緊買一送一，勁抵，今次主題係海膽。餐廳氣氛輕鬆。廚師現場烹調，視覺享受加上美味。時令有機雜菜沙律🥗 呢個沙律新鮮，配料好豐富，特別係有三文魚同魚子，口感清脆，醬汁唔會過重，開胃又健康，食落令人感覺清新。墨西哥海膽玉子豆腐🍮 海膽味道濃郁，搭配滑嫩的豆腐，令整體味道更加層次分明。豆腐的細膩口感配上海膽，真係一個好搭配，食落去有一種滿足感。塔斯曼尼亞海膽配法國生蠔🦪 依道菜好夢幻，海膽同生蠔再配上蝶豆花泡泡，將啲檸檬汁加上去蝶豆花泡泡嗰度佢就會變成夢幻嘅紫粉紅色😍生蠔保持原汁原味，海膽的鮮味提升了整道菜。白松露海膽蘭王溫泉蛋🍳 松露香味濃，溫泉蛋滑得嚟又香，配上海膽真係好正，口感滑順。海膽帶子+鮑魚+龍蝦🦞 海鮮新鮮，帶子彈牙，鮑魚滑，龍蝦肉質鮮甜，三種海鮮一齊食，口感層次分明，好過癮。澳洲海膽炒極品松本 A5和牛🍖 和牛整到岩岩好，油脂分佈平均，海膽味濃，兩者搭配得好好， 加上配菜酸酸甜甜可以平衡返和牛嘅油膩感。菊花豆腐白面豉湯🍲 湯底清淡，豆腐滑，搭配菊花，味道清新。加拿大海膽和牛脂炒飯🍚 炒飯香口，加上海膽，蝦，魚子同和牛，飯粒分明

網上睇到介紹，見到佢都幾抵，所以決定一試。喺佐敦舊街嘅入邊隱藏住呢一間鐵板燒店，門口比較隱蔽，入到入面，座位比較少，不過充斥住一陣好香嘅鐵板燒味。吧枱已經full晒，所以我哋坐咗喺附近嘅二人枱。首先叫咗一支梅酒飲。因為我同朋友今日都唔算肚餓，所以就冇叫set散叫咗半打燒蠔，燒牛肉，同埋一個海膽炒飯。全部菜式嘅賣相都好精緻，同埋超級好味。只係上菜時間比較耐，可能師傅比較少，同埋佢哋認真烹調料理，但係呢個等待值得嘅。我大推嘅係海膽炒飯♥️係我人生食過最好食嘅海膽炒飯，估唔到佢會加咗滿滿嘅魚子，海膽嘅份量都好多，炒飯入面都好有味，唔好睇佢細細碗，食物嘅份量其實都足夠，食到好飽。下次一定會再帶朋友嚟食呢間，試埋佢哋其他嘢食。

喺一個平台見到有人介紹呢間，而且做緊優惠，好似幾吸引，決定試吓～龍亭（佐敦店）淨係揾個入口都用左我三十秒，喺條罅度捐入去！坐低環顧四周環境，有好親切嘅感覺，兒時回憶返晒嚟，咩感覺？就係座喺街邊大排檔，仲要喺張木長凳上面再加張凳仔座嘅感覺，原來應該有嘅日系feel,或者中高檔嘅feel~sorry欠奉, 廟街feel 有！食鐵板燒，除咗食物質毒，師傅嘅廚藝，環境都一樣重要。食材食物新鮮度同質素，中規中矩，過很去收貨。擺碟都算有心思，「沿途都有講解」係乜嘢嚟，點樣食。整體二位～$1360.呢個價錢可以接受，但當埋單時竟然加一係按人頭計：$272,真係第一次見，又學到野。唔係無錢食，你一係講明加20%，真係無所謂，因為加拿大住過，貼士係15%起，習慣晒。但你咁做就太取巧！回頭度：3/10第一係按人頭計加一，太唔合理，第二，咁嘅收費，我接受唔到個環境。

黑心商家，為左做生意可以幾咁不擇手段，大佬，你鐵板燒嚟㗎，壞咗部冷氣仲接生意有冇搞錯，收過千蚊人頭一個，廁所都冇個，要人哋去對面公廁仲要行上樓梯三層，我生日飯俾你攪禍晒，永久blacklist，一路食一路潑扇，啲位又細，坐到條腰骨痛到阿媽都唔認得，個環境又暗，完全睇唔到啲嘢，食影相出嚟啲效果全部都唔好睇，夾硬影人樣油頭滿面（因為出晒汗）食到中段已經要全部打包即刻走，條街都仲凍過你，冇冷氣又冇窗係咩玩法？

❀ 龍亭 #佐敦 ❀❗$449食晒海鮮和牛鵝肝 蝕底價用心鐵板燒❗——————————————————發掘到間超親民日式鐵板燒！而家做緊買一送一優惠14道菜低至$449⁉️非常瘋狂🤯雖然價錢便宜，但係師傅用心製作及介紹，當中唔少菜式都花盡心思，例如有辨識泡沫生蠔真係充滿驚喜😳套餐，亦包括即燒海鮮、和牛等高質美食。.沙律煙三文魚沙律加上魚子醬！另外仲有三碟小盤，三文魚他他配牛油果、葫蘆漬及三文魚鼻軟骨幾特別。前菜居然係用蘭王蛋製成溫泉蛋，伴松露，松露味道突出好香👅.然後有視覺效果滿分嘅法國生蠔🦪生蠔上加上蝶豆花泡泡，檸檬汁後會由紫藍色轉變為淺粉色，十分夢幻！另外仲有左口魚及鯛魚刺身。.嚟到鐵板環節✨先有海鮮兩品，我哋兩人試晒四款海鮮！當日有南非鮑魚、虎蝦、白鱔及帶子🦐聽聞白鱔係餐廳招牌菜，的確係特別肥美香口。虎蝦仲可以點蝦膏醬~雖然坦白講海鮮嘅質素未必係最高，始終價錢便宜，但係烹調手法的確唔錯，四款海鮮都燒至香口惹味👍🏻.跟住有我最喜愛嘅薄燒和牛🐮入口即溶嘅和牛加上香蔥真係冇得輸！仲要有埋我最愛嘅厚切鵝肝，配上自家製酸酸甜甜嘅菠蘿醬忌廉，好滿足😌.炒飯都加入咗黑松露、三文魚子與鮮蝦，算係食

之前有朋友試過極力推介，於是試吓啦！食物質素佳，廚師亦處理得好，唯獨係 ….當晚壞冷氣，又要對住鐵板食，一邊食，一邊出汗，即使出品好味，但整體感覺也打折扣。最不滿係冷氣已壞咗三日，餐廳當日打電話同我確認時卻隻字不提，去到現場又因滿座原因不能換位，焗住對住鐵板食，位與位之間亦太迫，空間感不足。另外，餐廳亦冇洗手間，如有需要，便要去對面公廁，或行落一個街口嘅永安百貨 … 🤦🏻‍♀️🤦🏻‍♀️最後，我要贊吓當晚嘅廚師，佢知我哋熱，已即刻借把風扇仔俾我哋涼吓，期間除介紹食材煮法外，亦講些題外話引開我哋注意，就算有分加，都係俾個位廚師嘅。

早一個多星期前已經Openrice 訂位訂了位，但去到鋪頭點知員工話我知經Openrice 訂位係訂唔到，顯然最後無位比到我喇！好奇怪亦唔明點解訂唔到位又要係Openrice 開訂位個function ?點解唔閂訂位function 佢呢 ？但都好彩無得食，鋪入面好細，燈光好暗；環境感覺好麻麻。

真係第一次食咁難食嘅鐵板燒，食極之難食，一鑊熟一碟熟甘樣上比你，最後仲要逼你加$300服務費埋單，絕對無下次。建議試都唔好嚟試。真係一定會後悔，最後埋單$1900。

好開心去咗一間環境同氣氛都好好嘅鐵板燒🥰🥰慶祝生日真係一流！估唔到店員仲會熄燈同埋唱生日歌！揀好咗自己想要嘅套餐，打頭陣嘅就係煙三文魚沙律，有一團團中華沙律醬同埋黑醋汁，黎一個小清新！我幾鍾意佢哋嘅食物選擇好有彈性，好似海鮮，就有六個選擇咁多！當晚可以選擇鮑魚、帶子、扇貝、虎蝦、白鱔同埋東升斑，咁就可以照顧到唔同人嘅口味👍🏼👍🏼鮑魚嘅配搭係新鮮蒜蓉，即刻提升左鮑魚嘅鮮味！至於白鱔，魚皮嘅焦香味非常吸引！肉質好爽彈，非常推薦！大家揀唔同嘅海鮮，就可以一齊分享，食到唔同嘅嘢🤓🤓我就揀咗虎蝦，果然冇令我失望！蝦頭香噴噴，已經即刻食指大動，師傅仲要將蝦膏一大堆咁呈現喺我面前，即刻心心眼！擺盤方面，亦非常用心，師傅整嘅蝶豆花海鹽泡泡，有藍藍嘅顏色，將海鮮點落去一齊食，有微微鹹味，可以提升鮮味！主菜嘅擺盤同樣非常吸引牛柳粒五成熟，剛剛好，肉汁滿滿配上黑色嘅竹炭鹽、自家製嘅獨子蒜片、可以解膩嘅蘿蔔同埋新鮮Wasabi，每一啖都可以試唔同嘅口味配搭，係有趣嘅享受！飲咗豬骨湯底嘅麵豉湯，食埋個黑松露炒飯，真係非常滿足！除咗海鮮、主菜可以選擇之外，就連甜品都可以二選一。我就揀咗益力多味雪糕，店員話呢個係日

今日個fd話想食鐵板燒 上OpenRice睇到呢間餐廳位置唔算難搵 但門面幾低調我哋叫咗個7道菜既廚師發辦套餐沙律🥗用煙三文魚包住沙律菜上面加咗啲黑魚子醬，味道正常，酸酸哋幾開胃鐵板海鮮兩品可以揀兩款海鮮，我哋揀咗：白鱔加大蝦🍤白鱔皮脆肉嫩，幾好食；虎蝦算大隻，蝦膏幾香，不過略略覺得可以再煎香啲加拿大🇨🇦帶子+南非鮑魚帶子煎得幾香，唔會太熟，配黃瓜幾清新；鮑魚用蒜蓉牛油煎，味道唔錯澳洲牛柳粒配炸蒜片叫咗7成熟，外面煎得幾香，入面仲係粉紅色，肉質幾嫩，配炸蒜片同Wasabi都幾夾黑松露海膽炒飯 炒飯幾香，飯粒分明，帶焦香，加咗黑松露同醬油三文魚子，味道唔錯菊花豆腐昆布麵豉湯 甜品🍧益力多雪葩同柚子雪葩都幾清新，柚子味比較突出，仲有d紅豆爆珠，算係唔錯嘅結尾

有唔同朋友都介紹過龍亭呢一間鐵板燒俾我，話性價比好高，今日慶祝紀念日我哋就去試吓我哋揀咗兩個套餐share食，分享係入門廚師發板套餐（五道菜）同埋 季節廚師發板套餐（七道菜）招牌沙律係黑魚子醬煙三文魚沙律菜，配上黑醋汁好fresh, 清一清味蕾準備食大餐🥰前菜今日係黑魚子醬配上白松露調味嘅蘭王蛋，超級好食！調味剛剛好唔會太鹹，亦都食到蛋嘅鮮味，冇諗過已經咁好食鐵板海鮮兩品因為我哋兩個餐，所以揀咗四款，分別係扇貝、元貝、鮑魚同招牌白鱔🤤睇住師傅慢慢燒真係好治癒！元貝同扇貝都好新鮮鮮甜，而鮑魚就好爽口，最欣賞就係白鱔👏🏻魚肉爽甜，師傅調味很好🤩伴碟有蝶豆花海鹽泡泡，沾一沾食會更加帶出海鮮嘅鮮味澳洲牛柳粒牛柳粒肉汁鮮嫩，葉師傅亦都準備咗唔同嘅調味同醃漬俾我哋配搭食，包括櫻桃蘿蔔、炸蒜片、竹炭鹽同手磨Wasabi。個人最喜愛就係竹炭鹽同手磨Wasabi，配上嚟食牛柳粒就一啲都唔會肥膩🥰雞扒呢個真係極度推介！雞肉超級滑，一啲臊味都冇，而更要一讚嘅係師傅嘅廚藝！因為塊雞皮真係煎到卜卜脆😚師傅仲特登調校咗秘製嘅雜菜汁點嚟食，特別惹味😍菊花豆腐白麵豉湯十分香濃嘅麵豉湯，一啲都唔會過鹹。豆腐亦都超滑🤓黑

出左糧係要獎勵下自己既，久唔久去食一餐好啲嘅都唔過分呀。今次近近地揀咗喺佐敦嘅日式鐵板燒，見到都幾多食評like，一於今日放工就去試吓。喺地鐵站一出行5分鐘左右就到，位置非常方便。而且門面都裝修得幾靚。入到去已經見到廚師好忙咁招呼唔同嘅客人，未食已經有一種期待喺度。招牌沙律，就咁睇個賣相都已經值90分啦，煙三文魚包住新鮮嘅生菜，配埋黑醋汁同埋中華沙律醬，好清新好開胃。前菜係溫泉蛋，橙紅色嘅蛋黃一睇就知係靚雞蛋，配埋魚子醬同埋白松露，口感更加昇華，好似食緊豆腐花咁滑一滑。啤酒仲有限時買一送一優惠，送鐵板燒真係一流，非常抵飲。跟住嘅鐵板海鮮係亮點，有七款海鮮俾你哋揀兩款，我哋揀咗鮑魚同帶子，海鮮肉質彈牙，鐵板鎖住咗海鮮嘅鮮味，點埋自家製海鹽泡泡，令到海鮮更提鮮，食落滿足感爆棚。牛柳粒同黑豚扒都各點了一客，兩者各有特色。五成熟嘅牛柳，非常嫩滑，配埋自家製嘅芥辣同蒜片，唔膩口之餘份量又剛剛好。另外黑豚扒都非常出色，好Juicy之餘仲好腍，比我意想不到的感覺，冇諗過豚肉都一樣出色。黑松露炒飯，見到明顯嘅一粒粒米飯，炒得乾身又有口感，配埋黑松露同魚子，當堂令一個平凡既炒飯升價不少。麵豉湯同樣出色，