龍景軒

营业中

休息中

想試這家餐廳已有多年，發現好難book位，然而今次試吓book週末午餐，半年也沒有位，但今日午餐有位便試試香。裝修高級優雅，感覺舒適，雖然高級，但沒有太拘謹的感覺。前菜：陳皮脆米鯪魚球這個鯪魚球炸得鬆化香口，鯪魚球口感彈牙，帶濃厚的陳皮香，不錯。蝦子海鮮餃$95 each這個蝦子海鮮餃大大件，超正！－口爽彈的蝦肉，有D似龍蝦的口感，清爽新鮮，配上鮮美的海鮮饀料，滿有鮮蝦和帶子感的鮮甜味，餃子皮又薄又通透，好好吃！原隻鮑魚雞粒酥$99 each原隻鮑魚雞粒酥超正！鮑魚煮得入味，又軟腍又滑，加上甜香的脆撻和滑溜的饀料，味道鮮甜，又有鬆化的口感，真係完美的咸甜配搭，必吃！檸香菜苗鱸魚餃$88這個鱸魚餃也十分可口，有淡雅的魚肉鮮甜味，口感軟滑，味道的配搭新鮮，又有檸檬的清香，感覺輕盈，好吃。黃橋藤椒燒餅$88這個好吃到不得了，燒餅口感鬆化就不得了，燒餅嘅餡料以豬肉蔬菜為主。豬肉餡相當鮮甜又Juicy，加上甜甜地又鬆化嘅燒餅，再配上香口嘅芝麻，真係好好食，份量啱啱好，吃完都唔會好膩滯。皇湯雞絲羮$390雞絲羹YouTuber都讚不絕口，今日一試，果然令人十分難忘，簡直係每一口係雞湯汁嘅精華，味道

ғᴏᴜʀ sᴇᴀsᴏɴ ʟᴜɴɢ ᴋɪɴɢ ʜᴇᴇɴ ʙɪʀᴛʜᴅᴀʏ ᴅɪɴɴᴇʀ🎂餐前小食-陳皮酥炸鯪魚球佢每次既餐前小食永遠都吾會失望😂一啲都吾腥 好彈牙🩷-片皮乳豬件 $560基本係每次必點既👍個皮勁脆，又吾會好肥好油，3層好分明🤤-金沙炸蝦球 $600正常一份8件，職員好好人主動問我地不如幫我地轉半份，怕你哋太漏食唔到8件😂每人食咗一件之後，心諗好彩個職員幫我哋轉咗半份😂鹹蛋黃味好香，蝦好彈牙好爽🩷-羊肚菌上素芋絲燒豆腐（片中錯字）😂 $340男朋友反而覺得呢個最出色，因為覺得個芡汁好出色👍豆腐超滑，但我自己本身偏向淡味，所以我會覺得有微微地鹹咗少少☺️-龍景脆皮雞 半隻 $500個皮好脆，中規中矩🩷 -燕窩蛋白燉鮮奶 $288呢個都係每次必食，其實佢嘅燉鮮奶係有薑汁，所以好香好出色，但係本身呢啲都係偏漏😂所以我食到一半都好飽😂

同老公慶祝紀念日，特意選擇中菜，因為我倆最喜歡中菜。環境、服務、菜式一流，員工服務態度令人感到舒適，介紹酒類飲品時會詳細講解，態度友善。當晚共叫了五道菜，兩杯酒和一壺菜，本身想叫飯後甜品，但想不到菜品份量意外地十足，肚皮實在沒有位置再吃甜品，唯有下次探訪再試吧！五道菜最驚喜的是黑蒜爆炒蝦球，整道菜鑊氣十足，蝦球個頭大而彈牙，品質絕對是優秀，加上黑蒜獨特味道，令人驚艷。另外亦十分喜愛炸蟹蓋，啖啖蟹肉，配上喼汁別有一番滋味。老公最愛龍景軒炸子雞，外皮薄而脆，雞肉嫩，多吃幾件亦完全不感到膩。其他菜式味道亦十分滿意，相比起中環另一間5星酒店著名的中菜廳，我認為龍景軒味道更佳，會令我想再訪。

預先咗幾個月前book，果然唔會令你失望。訂枱時候，佢哋主動問有啲乜嘢係特別唔鍾意食，咁我講咗要走芫荽，去到餐廳，佢哋都再確認多一次，很好的客戶體驗☺️叫咗商務套餐，包括「精選點心」，「椰子煲雞湯」，燒味拼盤（脆皮燒腩仔，玫瑰豉油雞香麻海蜇頭），「蒜蓉粉絲蒸蝦球」，「黑椒洋蔥牛崧炒飯」同埋「香芒楊枝甘露」。樣樣餸都好好味，回味無窮🤤服務真係唔使講，好稱心，好殷勤，絕對令到你有賓至如歸嘅感覺👍🏻訂枱時要求咗喺甜品上寫Happy Birthday，佢哋冇甩漏，唔需要再提佢都做到👍🏻環境亦都十分之好，當日安排咗靠窗位，加上外邊陽光普照☀️藍天白雲🌤️，所以影相都特別靚😉

今日終於都嚟到呢一間喺四季酒店嘅高級中菜，順便慶祝屋企人生日，餐廳淨係到非常舒服坐得，而且空間感十足非常適合朋友或者家庭嘅聚會，呢度待應亦都非常專業，亦都好細心咁咪客人介紹每一道菜，呢個位非常值得加分，都可能係呢一間餐廳咁出名嘅原因！✔️炸釀鮮蟹蓋，食落去非常有驚喜，入邊一絲一絲嘅蟹肉，食落去口感非常高級，而且亦都係我同屋企人覺得非常有驚喜，因為好少喺出邊嘅餐廳可以食到呢一種味道，雖然價錢有少少貴，但係我覺得大家都可以試吓！

野食好食不在話下，今次想講下服務質素，因為真係一流頂級！我同男朋友慶祝生日想影個相留念，餐廳職員會幫手擺盤，度位，而且會較好角度，唔會嫌煩，務求影到你滿意為止！正！

一生必試的中菜。高端奢華的粵菜。價格不菲，但齒頰留香。在我印象中最不能忘卻的是，由侍應遞上桌面上的一碟"叉燒", 它完全充份發揮了叉燒的最高境界，片 皮乳豬件亦是推薦菜，由擺脫到放入後的味道，都能體驗出師傅對食物嘅尊重和好好利用發揮。亦代表了龍景軒這餐館，代表了廚房的精妙巧手烹飪技術，代表了他們品牌的一貫作風，對食物品質嘅保證。飲茶是源遠流長嘅文化，真真正正體驗粵菜廣東茶推薦龍景軒，沒有外面嘈吵的酒樓的喧鬧聲，但有着一份奢華而又不失傳統的飲茶文化。建議大家帶家中長老，不妨到龍景軒一品它的粵菜。

嚟到龍景軒，先係被迷人嘅環境吸引住，再係每一道菜嘅出現讓人期待不已。從筍尖鮮蝦餃萬勝包，到脆皮燒鴨半隻，每一口都係對味蕾既極致挑逗。筍尖鮮蝦餃皮薄餡滿，咬落去鮮蝦彈牙，筍尖清新，簡直係點心界而嚟既小清新。再講下嗰萬勝包，外層嘅酥皮輕輕一咬就爆開，裡面層次分明，真係得心應手。脆皮燒鴨半隻就更加唔使多講，外皮酥脆到可以聽見，鴨肉入口即化，咸香中帶有微微甜味，完美展現出優質食材嘅精華。而松茸菌瑤柱炒飯，嗰份香氣係真真正正將米飯躍升成為住主角，每一粒米都承載住陣陣菌菇嘅清香同瑤柱嘅鮮味，食落去香而不膩，乜都唔使講，真係勁上癮。最後，幸福感爆棚嘅甜品 — 鮮果奶皇流沙包，個個都似剛剛從天堂微笑低返嚟。咬落去流沙緩緩流出，配上清新嘅鮮果，哎呀，絕世好味！餐飲過程中，更有驚喜嘅茶藝表演，真係為呢場味蕾盛宴畫上一個完美嘅句號。🥟🦆🍵 去過咁多次，依然每次都能夠帶俾我新鮮感，推介給鍾意尋味同享受嘅朋友，一試難忘！

四季酒店 staycation 包括8道菜嘅晚餐，食過兩度前菜後較為有驚喜嘅菜式有：薑蔥蝦球皇 - 蝦肉精瑩，厚身又彈牙。蠔皇南非鮑魚和牛面肉 - 鮑魚厚身又入味，牛面肉只有一個小粒方，但肉質腍滑，肉味香濃，十分美味

朋友生日飯, 一行四人, 全是女將. 預先訂了片皮鴨二食 $1,380.  除了片皮鴨要預訂, 其他都可以現場即點.  我們還點了: 炸釀鮮蟹蓋 $360 每位 /  紅炆星斑腩 $740 一份 / 意式焗牛仔腿 $480 一份.  先來一個頭盤牛展一片, 是送的.  跟住是釀蟹蓋, 蟹肉算多,但賣相普通.  味道不錯.  但我覺得這個價錢比文華廳貴15%, 但又不及文華廳的好味. 另外一提的是紅炆星斑腩 , 勁多碎骨.. 其餘的不多評了, 只是普通, 不似三星米芝蓮. 但環境及服務都一流.  每人才$1,166 也算抵食. 每位女士都吃得飽飽的. 還有甜品送: 笑口棗及桂花糕. 總括是滿意的一頓晚飯

Back at one of my favourite Chinese restaurants for dinner this time! The food and service here never ceases to impress and it’s no surprise why they have 2-Michelin stars to their name! 🥢🌟🌟 Pic 1️⃣: 蠔皇原隻南非鮑 / - $430 hkd 🐚 — Would you look at that 😍 The abalone was so tender and soaked up all the flavours of their supreme oyster sauce. So simple but so tasty.Pic 2️⃣: 炸釀鮮蟹蓋 - $340 hkd 🦀 — One of their signatures and a must try! Perfectly deep fried with a creamy, decadent crabmeat filling. Combined w

昨晚客戶請客，來到龍景軒晚飯。多年前來個午餐點心，美味精緻，今次來食晚飯，忍唔住獻出人生第一個食評。時晚先來個拼盤小食，包括差燒，乳豬件，及墨魚球，墨魚球外皮蘇炸但不油膩，墨魚球內裡釀滿魚肉，口感Q彈。這個小食先為這餐帶來小驚喜。緊接上菜的是雲腿菜膽燉遼參，為大家暖暖胃。雲腿的咸香有提鮮作用，這口湯一嘗：極鮮味！！遼參一向不是我的菜，但想着遼參有進補功效，立時心靈都提昇了一點健康感😜炸釀鮮蟹蓋的蟹肉份量充足，一梳梳蟹肉鮮明，啖啖蟹肉鮮味。和牛柳粒煎得軟熟 ，但略嫌牛味不足，在略感不足之際，幸好有龍景軒炒飯送上，飯粒炒得粒粒分明。酒酣耳熱之際，客戶興起想合照，服務員即時協助，還懂得用多國語言提醒拍攝角度，醒目！最後送上燕窩蛋白燉鮮奶，燕窩份量足，絕不欺場。這晚就在一片歡笑聲中開心渡過！

貴為連續十四年得到米芝蓮三星嘅中菜廳🥢早一個月前先到book超級超級期待嚟試呀！坐低咗之後首先開壺菊花茶🫖🌼～✧ Copenhagen Lyserød ($150/ glass)服務態度真係可以令一間好嘅餐廳昇華話說侍茶哥哥好專業咁推薦一啲特飲俾我哋飲品咩顏色、產地故事、熱飲凍飲都講咁本豬就叫咗呢杯粉紅色嘅Sparkling Tea🍷個樽靚到好似酒樽咁🍶打算影佢嘅時候侍茶哥哥就話唔使急啦試一啖再影令本豬默默地為龍景軒加分ヾ(*´∀ ˋ*)ﾉ味道係Sparkling洛神花烏龍茶🌸🫖如果大家唔想飲熱茶又唔想飲酒可以試下呢個！✧ 生筋酸齋（free)酸味唔會過度 有做到開胃嘅效果✧ 醬汁之前好好食嘅xo醬冇咗 變咗做香蔥豆乾醬聽聞係專登飛去台灣取材調味㗎✈️食落係蔥香嘅微辣而本來有嘅豆瓣醬同辣椒醬就繼續提供✧ 筍尖鮮蝦餃（$80）皮薄餡靚直接進到裏面隻蝦蝦大隻又juicy🦐但筍尖就唔係太食得出包過餃子/雲吞嘅人應該睇得出廚師嘅心思個皮摺得好均勻又摺到好多層超美der🥟✧ 蟹肉蒸燒賣（$80）燒賣有蝦味但唔濃上面放啲撕咗嘅蟹肉碎一齊蒸🦀一齊咬嘅時候多一份鮮甜✧ 崧子叉燒菠蘿包（$80）粒粒崧子仁

Lung King Heen is a culinary gem and the first Chinese restaurant in the world to be awarded three Michelin stars. Located in the luxurious Four Seasons Hotel, it offers a dining experience that is nothing short of extraordinary. Specializing in Cantonese cuisine, Lung King Heen showcases the pinnacle of culinary artistry. The dim sum here is exquisite, with each piece meticulously crafted to perfection. The steamed scallop dumplings are a delicate delight, combining the sweetness of the scallop

今晚好友請食生日飯，我最愛吃片皮鴨，就去龍景軒啦！Peking Duck 仍然 keep 到水準 👍 超正！特別選二食，加了雪菜炆鴨絲伊麵，想不到擦出新的火花！最 surprised 是甜梅菜芯蒸茄子，好好味！😋 即場想偷師問大㕑如何做得咁出色？可惜資質有限，只能繼續去食 😂另一款陳皮牛柳粒做得很嫩也 juicy，只是陳皮味不大。尾聲是甜品，很有心思的安排 ❤️值得一提的是經理 James 管理好好，很喜歡 Carmen 的 client care, 我們非常 enjoy 這個晚上，食物真的名不虛傳！下次一定再來！Best pick: Peking Duck 👍👍👍👍👍