影片
港铁尖沙咀/尖東站 E/ L3/ L4 出口
继续阅读
电话号码
27343722
开饭介绍
龍逸軒環境寧靜高雅，主廚為榮獲米芝蓮兩星廚師楊建業師傅，餐廳一系列的精緻點心、中式佳餚及宴會菜色，均屬最地道、最矜貴的中國傳統美食，加上地點方便，是洽談業務或與至愛親朋聚頭的好地方。
继续阅读
营业时间
今日营业
10:45 - 15:15
18:00 - 22:30
星期一至日
10:45 - 15:15
18:00 - 22:30
以上资料只供参考，请与餐厅确认详情
相关文章
「不時不吃」可說是品嚐時令海鮮的金科玉律，每年七月至九月，又是吃「奄仔蟹」的亮麗時間了！今趟吃到奄仔蟹，確令我這位「吃蟹忠粉」老饕，體驗了一趟鮮味旅程。「奄仔蟹」又叫「處女蟹」，是未經交配，約三個月大的幼年雌性泥蟹。作為一道季節性的特色美食，它是以其鮮嫩多汁的肉質，和入口即化的細膩質感而一直備受推崇。亦因為蟹未完全成熟， 蟹身會充滿金黃軟滑的蟹膏，味道甘香鮮美。與傳統硬殼蟹不同，「奄仔蟹」是在剛蛻去堅硬外殼後即被捕獲，所以靚貨更顯其獨特奢華的身價。套餐頭盤有四項，「百花釀秋葵 · 金磚豆腐 · 蔥油海蜇頭 · 椒鹽蟲草花」「百花煎釀秋葵」是易做難精的一道菜，將新鮮蝦膠釀進秋葵裏，因為兩食材烹熟所需時間不一樣，先要將蝦膠那邊煎至金黃微焦，反面再煎，再配上頭抽、蔥汁：秋葵乃健康食材，高纖低脂，含豐富蛋白質、抗氧化物及維他命C，我自己就很喜愛吃，而且用這個煮法可以去除它的青澀味，配合滿滿蝦鮮，蝦膠彈彈弓，香口且有益：「香辣脆金磚」似椒鹽豆腐，做得表皮酥脆，內裹嫩滑，一小粒一口，非常好的下酒菜：若你喜歡食飯飲酒㗳兩杯，邊吃邊談，此小碟就很 good fit：「蔥油海蜇頭」乃滬菜常見的前菜，比一般海蜇更巨咬口，海蜇頭軟中帶咬口，有調味蔥油汁的加持，伴些淅醋吃，開胃之餘也沒負擔：我作為半個「上海仔」，小時候常常吃海蜇頭，最怕有些事水汪汪令到味道變淡，這個沒有這個問題，見微知著，取材及處理應記一功。「椒鹽蟲草花」用上近年常見的蟲草花入鐉，它性質平和，不寒不燥，也可提高免疫力。除了用來煲湯，今次用椒鹽乾炸脆卜卜，是另一種美態，邊吃邊進補，感覺過癮：「蜜汁西班牙黑毛豬叉燒拼大紅香芒乳豬件」「龍逸軒」的燒味一向出色，此叉燒肉質鬆軟肉香俱備，半肥瘦帶少許燶邊及蜜甜，盡顯中廚的功架：芝麻皮乳豬燒後切件，中間打橫切半，放入甜熟芒果肉，底下再配一小口米飯：我是第一次吃這個組合，乳豬皮薄脆且不油，香芒起了平衡油膩的作用，不用點乳豬醬及砂糖已味道豐富，也欣賞師傅的心思。「清蒸東星斑」東星班身價亦一向不菲：游水新鮮貨，蒸後撞上蔥絲，顏色搶眼球，忍不住要手機食先 XD 蒸得時間拿捏得剛好，肉滑，配上特別調製的蒸魚豉油吊出魚鮮，美味之餘亦感受到師傅對食材嚴格的要求。「黃酒薑絲蒸奄仔蟹」一隻約六至七兩，這裏可以有專人拆蟹，迎合喜歡方便的朋友：剛才說過奄仔蟹是已經性成熟卻尚未交配的母蟹，我覺得它好吃的地方，不僅在於它肉鮮甜美，還在於它的蟹膏不像大閘蟹膏那麼硬，而是半流質，香滑細膩得多：用黃酒薑絲烹製出的蟹肉，原汁原味，鹹鮮的蟹膏軟綿：將細滑的蟹膏和幼滑蟹肉，輕伴浙醋同吃，齒頰留香，有性格而不單調，上品，喜愛吃蟹的朋友堅不要錯過！「錦繡白玉藏珍」典型粵式手功菜。師傅先將原塊冬瓜起肉，再將切成幼粒的鮮蝦、金華火腿、鹹蛋黃，釀在冬瓜肉中先蒸熟，恍如一件白玉，之後再扣上上湯芡：冬瓜肉軟腍，內外均吸盡金華火腿的鹹鮮，味道絕對不寡不單調：而且它不論賣相和名稱都漂亮，是較輕盈的菜式選擇，我媽也很喜歡吃這道菜：）「陳皮南非鮑魚粥」軟綿粥底，用上南非新鮮鮑魚生滾：吃前加入生菜絲及蔥粒增香，粥相當甜，帶絲絲陳皮獨有的香；鮑魚肌肉仍保持彈性，輕點豉油吃提味，更能品嚐其鮮：「豉油皇炒麵」粥和麵一向是粵菜最佳搭檔。我也好耐無食過咁有鑊氣的豉油王炒麵，一揭開蓋，香氣四溢！碟底沒有多餘的油，配「余均益辣醬」吃，簡單幸福的地道美味：連我依家戒緊澱粉質，都食咗兩碗 XD甜品「水晶棗皇凍」最後少不了「薑茶湯圓」及「薑茶」蟹乃屬寒涼之物，吃後來碗熱辣辣又夠薑的薑茶湯圓，驅寒溫暖：你有又有否想來享受一期一會的奄仔蟹呢？心動不如行動，及時行樂啊！XD
继续阅读
[ 龍逸軒 ]九龍酒店中菜廳位於尖沙咀港鐵站上蓋，供應各式點心及經典中菜，由總廚楊建業師傅及其團隊主理。楊師傅有超過三十年入廚經驗，曾經連續兩年帶領食府奪得米芝蓮二星級榮譽👏。✿ 雙重滋味「黃金片皮鴨 ‧ 招牌玻璃蝦球」晚市套餐 (兩位起) $650/位百花釀秋葵🍤前菜以蝦滑釀秋葵再煎至金黃色，入口香脆，蝦味鮮甜。滋味片皮鴨 (2-3位半隻、4-6位原隻) 🔥🦆烤鴨以自家廚房炭火爐烤製，製造一鴨兩食菜色。第一食係京式片皮鴨。店員係席前片鴨，烤鴨外皮超香脆，肉質軟腍唔韌。鴨餅皮夠薄身，配搭多種配料及醬料，做出不同口味組合。烤鴨偏大隻，片鴨後剩餘好多鴨肉，第二食可選擇煮鴨肉湯或轉做生菜包。生滾香葱鴨肉湯🦆🍲有鴨肉、白菜、豆腐等湯料，相當足料，味道清澈。玻璃明蝦球🍤呢道手工粵菜選用體型超大嘅四頭大蝦。師傅將蝦去皮挑筋挑腸，煮好後以金華火腿片伴碟。蝦肉爽脆鮮甜，啖啖肉無渣。荷香籠仔蒸金銀蒜龍躉球🐟師傅將龍躉肉、粉絲、蒜蓉等材料放係蒸籠荷葉上，龍躉肉蒸熟後依然嫩滑，粉絲吸收荷葉及食材香氣。櫻花蝦帶子粒炒絲苗🔥🍚師傅用帶子粒、櫻花蝦、蔥花、雞蛋等材料炒飯，飯粒乾爽粒粒分明，蛋味香濃。陳皮紅豆沙🥣熱辣辣紅豆沙清甜起沙。燕麥香芒卷🥭芒果肉大塊香甜，外皮煙韌，配燕麥增添口感。✿ 香芒乳豬件(例牌) $300 🥭🔥🐷另外試埋中菜廳其中一道招牌菜。乳豬同樣以自家廚房炭火爐烤製，皮脆香口。特別於配搭芒果及脆米，香甜芒果肉減低油膩感，脆米令口感層次豐富。總結🫦 中菜廳晚市有幾款晚市套餐，餐牌各有特色，菜式份量充足。經Klook、KKday或酒店網店訂購套餐會有優惠，更加抵食👍。✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿龍逸軒地址：尖沙咀彌敦道19-21號九龍酒店2樓電話：2734 3722✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿
继续阅读
經kkday購買龍逸軒午市點心放題，寫明兩小時任食，時段由13:15-15:15pm。當日13:15準時入座，安排坐窗邊打卡位置。落單到上菜，食物質素同份量都正常。但直到14:15開始天堂落咗地獄職員頻頻過嚟收碟，更離譜到開聲叫我哋將啲吉碟放喺枱邊方便俾佢收，講緊張枱好細張佢伸隻手都拎到，重點係酒店質素冇expect會咁樣做。另外未得到我地同意下不斷將我哋未食完嘅野全部倒晒落一隻碟，都係冇expect到酒店會咁樣做，嗰刻以為去咗屋邨街坊酒樓或者茶餐廳。期間職員多次話因為夜晚呢度趕住set場？之類，當時只係食咗一個鐘頭，我哋嘅食物都未黎齊，我哋都未飽，但係就聽到呢啲說話好催促嘅壓力。為咗緩和呢個氣氛，我哋同職員講今日啲湯好好飲。結果職員嘅回覆係：「er，我都未飲過。我唔係好知。不過今日應該唔好飲，上個禮拜嗰啲好飲啲，有xx（我唔記得佢講咗咩食材）」嗰刻，簡直唔知講咩好，佢哋係咪正式錄用嘅員工？講啲說話咁倒米然後繼續喺不停收碟，last order係14:45，14:35個場已經冇晒職員，我係要行出去reception嗰邊搵職員交張order紙。我地last order主要係剔咗啲甜品，幾分鐘之後職員行埋嚟話俾唔到甜品喇，理由係隔離Buffet嗰邊完咗拎唔到。我聽緊啲乜嘢？！我都知甜品嗰啲係兩邊場share，咁嗰邊完咗唔等於啲甜品消失晒，雪糕都係畢出嚟，會畢唔到咩？收碟收到最後餐具都沒收埋，無法繼續進食，果一刻係14:45。當時我發現全場都冇晒人，原本有幾台可能都係被催促趕離座！？最後職員行過嚟「要離開啦，夠鐘喇」嗰一刻係14:50，我哋就俾人趕走咗。
继续阅读
好耐冇食點心，見呢間餐廳做緊任食點心，款式好似都好多，加上又係喺酒店裏面，便嚟試一試。🍄門面好細😅😅🍄窗邊位景緻靚啲🍄原隻南非鮑魚燒賣皇 (每人限點一次)🍄唔記得係乜嘢老火湯了🍄叉燒腸粉好味😋🍄春筍金箔蝦餃，幾得意🍄石榴松露粉果🍄任食最鍾意叫鳳爪、排骨🤪🤪🍄炸春卷，蝦多士🍄叫到成枱都係食物⋯⋯🍄懷舊芝麻卷🍄燕麥香芒卷餐廳呢排做緊promotion，客人食任食點心同時可親臨倚窗閣的自助餐甜品吧，品嘗芒果拿破崙、意大利芝士餅、藍苺芝士蛋糕及Mövenpick雪糕等甜品。可惜去當天是假日，未有機會試到自助餐的甜品。
继续阅读
九龍酒店的龍逸軒是個人好欣賞的一間中菜館，就連外甥的結婚酒都在龍逸軒包場。其實每次到訪，楊師傅都不會令人失望，而今次就主力食奄仔蟹套餐。前菜四款分別是百花釀秋葵、金磚豆腐、蔥油海蜇頭以及椒鹽蟲草花。當中包含了煎、炸、爽、香及綿不同的處理手法同口感，最啱同朋友慢慢消磨時間。蜜汁西班牙黑毛豬叉燒拼大紅香芒乳豬件龍逸軒的叉燒是隱藏美食，肉質鬆軟有嚼口，略帶點肥更添油香，而乳豬件的芝麻皮酥代香脆，就算不用蘸點醬汁都非常可口。清蒸東星斑在各種魚類中，以前就會偏愛蘇眉，但家陣環保意識強了，東星班亦是一個上佳的選擇，肉質細嫩而少碎骨，醬油又調較至鹹甜得宜，加碗白飯拌魚汁可說是完美契合。黃酒薑絲蒸奄仔蟹所謂不時不食，是日主角出場，足五兩以上體形，本地鹹淡水交界貨，即叫即蒸，時間夾得啱啱好，甘香肥美，正。錦繡白玉藏珍在原片冬瓜件中，放入火腿、雜菌及冬菇，吃起來清新之餘，亦有火腿的咸香，我鍾意。陳皮南非鮑魚煲粥廣東開花米粥底煲得好綿滑，陳皮絲帶來了陣陣清香，鮑魚柔韌有嚼口，貪心一點，如果可以加埋雞塊就更合我心意，簡單的下點生菜絲，令口感更佳。豉油王炒麵想知道何謂高水準炒麵，睇睇楊師傅出品就明白晒，麵條乾身有鑊氣，老抽上色平均，洋蔥、韭黃、芽菜、芝麻及蔥白份量啱啱好，有香氣而不會喧賓奪主，再加上一碟余均益辣椒醬，可以話無得輸。水晶棗皇凍口感Q彈，紅棗的味道突出，酸酸甜甜好開胃，龍逸軒的點心從來都不會令人失望。薑茶湯圓薑茶的辛度都幾勁，好啱我，一碗兩粒湯圓，煙韌可口，好正。
继续阅读
您可能会有兴趣的...