龍門樓 - 志蓮素齋

营业中

休息中

我哋一行5人 有個小朋友訓著左， 分配我地係旅行團樓層 嘈到不得了， 我地要求轉其他枱 ， 只係一味話冇得轉 已經落左單。 完全唔識轉彎 仲怪我地一早唔話要轉枱 落左單先要求（旅行團係之後先上黎）

早排同朋友一行4人去咗鑽石山志蓮靜苑食素，呢度環境真係非常優美，荷花盛開，好有禪意，令人心情放鬆🌸🌿。呢次我哋試咗幾款素菜，真係好滋味：首先試咗五福拼盤，每樣小食都好精緻，用料新鮮，美味非常👍。然後係松露百合露筍餃，餃子皮薄餡靚，松露香味撲鼻，再配上爽脆的露筍，真係絕配😋。金菇菜苗餃亦係好推介，餃子咬落口感豐富，餡料鮮嫩可口，一啖接一啖，停唔到口。石菌豆腐煲係我哋最鍾意嘅一款，豆腐軟滑入味，加上石菌的香氣，煲煲熱辣辣，好滋味。🍲另外，銀棯醬茄子都好好味，茄子煮得好淋，加上銀棯醬嘅特別調味，味道非常出色。🍆最後，免茶芥就係用綠茶粉製成嘅一款清爽甜品，甜度適中，口感滑溜，非常滿足。最重要係呢度不收加一服務費，真係良心食肆👏！成餐飯喺咁靚嘅環境度食，真係一大享受。

佛門清淨地，食到成個人好唔清淨！老媽子生日，佢又係食長齋，所以專登搵間靚少少的餐廳！一行6人+1個兩歲小朋友，店員力推套餐，都知道套餐方便你地，無所謂啦都費事揀，講真食物質素一般般！重頭戲由個兩歲小朋友食自帶食物開始上演，因為第一次去，我地唔知入面連BB食物都唔比食，店員就過黎講唔比食，要求小朋友出去餐廳門口食，咁ok 啦，餐廳規矩係要尊重及遵守！咁嚮出面食得好地地，又有兩個店員嚮旁邊冷言冷語話好唔尊重個地方…..喂大佬，都已經出咗黎食啦，仲要對住你地個廁所….你地仲想點！冷言冷語一番之後仲要兜口兜門話下次唔好啦，咁我地咪回一句我哋唔會有下次黎羅！我覺得人地都出左出面食啦⋯⋯唔使趕到咁絕！你出黎冷言冷語個用意係乜姐？你估人地真係好鍾意對住你個廁所食野，專登帶野黎食咩！同埋book 位個時都講左有BB 要BB櫈，咁你哋係咪可以提一提唔可以帶野食黎呀⋯⋯

餐廳位於志蓮淨苑內，由鑽石山港鐵站步行5分鐘左右，便到達南蓮園池門口，慢步10分鐘左右，就抵達餐廳了。餐廳門外有個大水車和池塘，非常容易找到。和朋友兩個人吃飯，分量可以選擇小份，不用擔心吃剩胡椒繡球菌煮勝瓜繡球菌爽口，胡椒湯味溫和，配着勝瓜一起吃，口感豐富松子仁蘿球莖酸酸甜甜的口味，十分開胃，除了松子仁和蘿球莖，還有西芹、子薑和紅椒，顏色配搭很豐富地衣牛肝菌白玉炒飯炒飯炒很乾身，還有很多配料吃過飯後，還可以在園池內欣賞着美麗的庭園景色散步

🔹️之前與朋友去過幾次位於礸石山南蓮園池內“龍門樓” 食齋🥗 水準唔錯, 今次帶家人試試, 順便可行行南蓮園池, 打吓卡📸🤗 店內環境寧靜舒適🎶服務比以往進步👩🏻‍💼👩🏻‍💼🔸️鹽焗竹根以錫紙包着竹根、芹菜、芫茜、沙薑、沙薑粉, 食材新鮮, 味道清甜甘香😋🔸️翡翠百福袋以精緻小巧的百福袋, 餡料以油揚、金茹、紅椒、西蘭花和薑粒, 味道鮮香🤤🔸️芥蘭以清炒芥蘭 ~ 色澤翠綠、爽脆鮮嫩😋🔸️藜麥松露露筍炒飯以有益藜麥配香濃松露和爽口露筍, 健康又惹味👍🔸️腰仁三菇粥以腰果、石菌、舞茸、金菇、蘑菇、薑絲等餡料, 菇味濃郁, 越食越開胃🤤另外加點了是日例湯🥣🔸️腰果桃露每次也不少得腰果桃露, 以濃郁腰果香和綿滑合桃露Yummy 😋🔸️欒樨餅以季節限定推出的欒樨餅以紅豆餡料, 外皮軟糯、口感煙韌, 味道層次分明, 第一啖咀嚼時, 味道有點苦、第二啖有點甜, 而第三啖帶甘👅

外面公園典雅清優，內館齋菜好味，不過碟細量少，如果有人生日就不要去了，不比自備蛋糕，不會幫攝影，自行攝影，衹好叫間離枱幫影相，我唸衹是一次，下次都不來，母親節繁忙節日只有一小時15分鐘就要離開

打算母親節去食餐飯，樓面服務員態度非常惡劣，我們一行16人，要分兩張枱坐，八個人一張長枱，又大枱都不給，樓面的服務態度很差，食物非常細碟，價錢與食物不符！簡直食到一肚氣，不會有下次😤😤

嚟到志蓮淨苑一行入嚟已經好舒服，環境清幽園景靚，再食埋志蓮素齋簡直係完美。今天8個人食，提前book咗枱，唔使驚食白果 。開胃頭盤，涼拌清新，酸酸甜甜，份量又夠多 。腰果露足料，甜度啱啱好 。唯獨點心餃和薑汁糕口感不好之外，點過的所有食物都很不錯、好吃 。

志蓮靜苑⋯鬧市中的淨土。環境清幽，山山水水～參觀庭園食過齋菜，洗滌心靈！整體環境舒服，齋菜不過不失、價錢並不便宜。前菜 、五福拼盤 唯獨比較特別是紅菜頭配上黃豆沙律醬⋯酸酸甜甜，清新開胃金菇菜苗餃 酥炸海苔卷腐皮、冬菇、水根、馬蹄、海苔食落有多重口感、但反而掩蓋了海苔的味道翡翠福袋這個油揚很厚身但一夾就散開⋯而且吃不出有什麼特別味道～

齋菜係煮得幾好味，可惜嗰啲夥記態度惡劣 ，點餐時態度惡劣 ，預算每人點一個菜 ，跟住佢就喝啲客，話你已經點咗喇喎，點咗兩個豆腐啦，究竟點㗎？ 都唔知呢啲咩嘅服務態度， 点菜落單諗下改下都好正常， 又唔係落咗單煮咗出嚟唔要，使唔使咁喝D客呀 ！ 我哋都冇當面斥責佢，只係私下議論幾句， 啲夥記知我哋講佢， 仲喺度夾埋一齊咬耳仔，啤住我哋。 嗰個落單夥記係高級，著花裙，唔係一般嘅白卹衫夥記仔。嘢食煮得幾好食， 今時今日咁嘅服務態度 ，一定唔會返轉頭幫襯囉。

千萬不要去這間餐廳慶祝生日或者什麼紀念日。餐廳門外已寫明不準攝影及錄影。（不明白點解咁多人仲影到呢間餐廳食物照，所以這篇食評唯一張相片就係走出餐廳後拍的收據。 本來諗住同親人慶祝生日拎著蛋糕入了南蓮園池已被保安叫停， 話園內不可飲食 呢樣都明白。入到餐廳， 諗任雪個蛋糕， 職員講入面唔可以食蛋糕，因為你個蛋糕可能有蛋。 咁諗住借雪櫃雪下， 又話唔得。 但可以擺在冷氣位下吹（職員其實有講可以拎個蛋糕出來影相。 我心諗你貼哂告示在門外， 不準拍照， 我蛋糕又唔食得，到時我拎出黎影， 又話我，貪過癮咩） 如果你要帶嬰兒來食飯， 你都要考慮清楚。餐廳有張紙 寫明 除咗奶粉之外，所有外來食品都唔可以食。 所以嬰兒糊仔， 餅呀，你都唔好諗住拎俾bb食。 食物方面， 茶係普洱，好飲的。 菠蘿咕嚕麥纖 口感比較特別。腰果桃膠露， 腰果味完全唔特出. 細細碗，價錢仲要72元。價錢方面偏貴。 一個8人套餐$3288. 仲要無糖水，所以我地無叫。 散叫較化算。 晚餐只有一個半小時用膳。由於九點鐘就要關門 ，八點半要埋單, 八點九開始收你張枱啲嘢及關冷氣，要趕客了呢個價錢， 呢個服務質素， 你地諗諗啦。

若要到龍門樓吃點素菜，必須經過南蓮園池，園池在不同時間都散發着不同的禪意。今天我倆在黃昏後到龍門樓晚飯，當踏進南蓮園池已感到寧靜和清涼，加上園林建築和燈光效果，令人心情愉快。慢步若10分鐘已到達龍門樓，可能在晚上七點前，仍有數張飯桌可供選擇。我們坐下來，店員便奉上陳皮普洱茶，茶味香濃，一般食肆供應的茶很難媲美。我們點選舞茸蒸飯、甘香扎蹄、菠蘿咕嚕麥纖，飯後加一客薑汁黑糖千層糕。每道菜都相隔一段時間，我們可以慢慢品嘗之餘，也可以細心感受四周環境，傾吓偈。我們非常滿意店員的殷勤服務態度，同時亦影響我們對食物的好壞判斷。以人均消費$150算是合理。食物中規中矩。我倆都滿意今晚的晚飯。菠蘿咕嚕麥纖選用新鮮菠蘿，加上酸甜咕嚕汁，開胃😄甘香扎蹄味淡，容易咀嚼。熱騰騰的舞茸蒸飯，加上舞茸的獨特香味，也不錯。飯後甜品薑汁黑糖千層糕的薑汁略多，有點過辣，甜味適中。

朋友提議喺呢度晚膳。2023年年頭試過午市嚟，都好似係同一個餐牌，菜式不變。夜晚嚟人跡罕至，清靜💆🏻，酒樓入面的食客亦唔會大聲高談闊論，係一個幾舒適的聚餐地點。點咗五福拼盤（中），是日靚火例湯-西洋菜湯），主食有猴頭菇芋頭煲、菠蘿咕嚕麥纖、福果赤膠花菜菌煲，另外有上海菜雲吞（6隻），甜品係壽包同腰果桃膠露。五福拼盤（中）🍱：有齊5款前菜，份量一般，比較有印象係紅菜頭沙律，原型食物，亦幾清新西洋菜湯🥣：湯料（西洋菜、腰果）都多，冇味精，唔鹹，似住家湯水猴頭菇芋頭煲🍄：唔係好記得個名，呢個菜唔喺餐牌入面，個煲係南乳底，味道唔會好濃烈，芋頭好腍，猴頭菇就冇乜味，不過不失菠蘿咕嚕麥纖🍍：造型似咕嚕肉，麥纖我唔係好清楚係乜嚟，但我對呢個菜興趣不大，只係試咗作為配菜的醃蘿蔔同菠蘿，有啲重口味福果赤膠花菜菌煲🍲：材料算係豐富，味道一般上海菜雲吞🥟（6隻）：清清哋，幾好食；雲吞幾大隻，有飽肚感，作為替代飯麵的選擇之一，唔錯👍🏻壽包：冇試，但賣相唔錯腰果桃膠露🥄：細碗，腰果露幾滑，但果仁味唔太突出，唔太甜，以中式甜品嚟講，感覺輕怡（而且佢真係好細碗下~），食曬成碗都冇罪惡感

這次是我第一次寫食評，食物味道及質量一般，價錢實在偏貴，按人頭計算最低消費，點餐時沒有跟客人表示，結帳時才跟顧客說，態度平淡的只說一句餐牌有寫，然後表明兩個一米以上兒童按成人計算。湊齊80字。200字才可以差評。

去咗一間素食店，話說佢哋嘅香煎蘿蔔糕真係係一絕，就係呢啲細細啖啖嘅小食。首先我要大讚下蘿蔔糕個香氣，啲蘿蔔糕係鍋中香煎，啲香味真係瞬間填滿整個餐廳。冇錯，一啖入口，我就彷如身處於一個香料的仙境，迷迷糊糊中又唔知被啲什麼神秘嘢包圍。啲素食店真係有佢哋嘅獨門手藝，唔係因為冇肉就冇味，而係因為佢哋嘅用心。啲蘿蔔糕唔單止係素食者嘅選擇，我覺得就算唔食素嘅人一試難忘嘅美味。啲蘿蔔糕表面金黃酥脆，一食落去，脆脆嘅外皮係包著濕潤細緻嘅內餡。成件蘿蔔糕唔會太膩，反而有淡淡清香，食落真係令人心曠神怡。