龍門樓 - 志蓮素齋

营业中

休息中

A great place for small group (2-4) of veggie lovers to gather and taste the cuisine.  I tried their lucky veggie snack Plata, Fried egg with truffles, Turnip cake, spicy mushroom, veggie dumplings and strawberry milkshake. The taste are very nice. The price is relatively high.

平時同朋友會上大佛到食素，但前排比較曬就避免去山上直晒又少冷氣嘅地方。剛好搵到市區都有好靚嘅地方同素食，大家住係九龍咁多年都未去過，梗係要去行下啦。.去嘅時候南蓮園池同水車都保固維修工程中，無辦法欣賞到，整體外部環境都好清幽。當日係平日約12:15左右去到，唔洗等就入座。其實我第一次黎，真係唔好當我知規矩，洗唔洗拎飛其實都可以講聲，同埋唔好當人知間舖點樣掃code，入座時明顯啲員工嘅禮貌同態度欠奉。.內部環境日系雅致，聲浪略大。我地坐近門口，但位置都依然感覺舒適。.先點多人推介嘅五福拼盤（細），BB青瓜特別好食開胃，微微花椒紅油，唔食辣嘅都一樣啱食；紅菜頭沙律營養豐富，味道剛好，汁醬唔會過多；醋粉皮唔會太酸，清爽開胃；最後菇菌同麵筋就相比之下略為失色，無咁開胃，但整體味道都唔錯。.朋友居然話好耐無食蘿蔔糕。素嘅蘿蔔糕我真係少食，平時多數有臘味調味就偏咸甜。佢呢個蘿蔔糕係食得出清甜，唔會太重口，唔算多油，又唔太膩，幾好。.另一推介菜式係菠蘿咕嚕麥纖，食落絕對有驚喜！酸甜適中，偏甜多一點，開胃好食，麥纖有咬口，又香，比起平時肉食係更加驚艷。.其實仲細嘅石菌炒飯，不過忘記影相。石菌炒飯啲飯都

那天星期日，跟兩位好姊妹，我們一行3人走到鑽石山南蓮園池 <龍門樓 - 志蓮素齋> 食午餐！這裡佔地兩層，由於電話訂枱 full booking， 中午 12:00 開，她們二人先到步等位！我們被安排到2樓！入座起計 1小時15分鐘每人最低消費 $120不設加一服務費及茶錢以綠油油的環境下享用中菜，的確令人心曠神怡！陳皮陳村粉 $75本身陳村粉加入惹味油潤的欖菜及豉油，令淡而無味的陳村粉大大提升口味；加入陳皮，多一種獨特的甘味，未必人人可以接受！ 我覺得兩者都夾得來！是日靚湯：冬瓜豆腐湯 $25有熟透至半透明狀態的冬瓜粒、嫩滑的豆腐粒...等，湯水整體口味清淡！

環境 ❙ 堅靚 成個志蓮淨苑可以俾你影兩輯寫真集😆餐廳外面有個瀑布場景 夜晚去睇唔到啲乜 但日頭去一定超級靚 所以我建議可以坐window sit💕服務 ❙ 職員多 唔會扮睇你唔到 不過事緣我地第二次order等左半個幾鐘都未有 所以吹吹單 點知職員話截左單 但我地半個幾鐘前落架喎？😅最後擾攘左一陣 有位職員承認落漏我地張單 btw 職員態度都有善✐ ✎ ✐ ✎ ✐ ✎ ✐ ✎⍥ 五福拼盤（小）😋最好食係紅菜頭沙律、醬燒菌、香麻海苔麵筋、風味碧玉。其次係紫甘藍醋粉皮比較普通，總體我地都好喜歡呢個拼盤🤤推～⍥ 鹽焗竹根賣相同茄子有九成似😅原來係竹根，偏薯既質地，同茄子口感差天共地，要ko一碗飯係無難度，我就嫌佢重口味又油左啲😕⍥ 酥炸栗香南瓜拼酥炸海苔卷好似成碟蟲咁😂熱辣辣炸起，香脆又鬆化，腰果形果個係南瓜食起上黎似天婦羅🤣海苔卷似腐皮卷岩我多啲，有得雙拼就岩晒貪心既小豬，即係我🥹⍥ 松菌炆燒伊麵呢個伊麵好食！！菇菇、芽菜、紅蘿蔔絲配料絕不吝嗇，炒得好香唔太油🤪我食左好多呀！！⍥ 腰果桃膠露云云堅果中，我最愛就係腰果😙無得唔試啦～陣陣腰果香，以我理解 露 應該偏杰身，而呢到就偏稀

未食已經cancel booking.痴線 confirm booking都可以奪命追魂call打3次冇聽都仲係咁打，瞓緊覺都比佢摷醒，識唔識留vm? 打黎粗聲粗氣咁好似怪緊你做乜唔聽電話「呢到餐廳打黎！」 即刻cut佢線，然後再打黎「呢到餐廳打黎！」餐廳打黎係上帝唔通？態度未去食已經咁差，服務質素就更加唔想知！

上個月黎食完一次 覺得佢的陳皮普洱茶好正 所以今日同屋企人又諗住食多次 點知今次就出事！ 今次一行八人星期日食 餐廳俾左1 樓用廳區整體野食質素冇咩問題 薑汁千層糕都幾好食 薑味甚濃但係點解 飲黎飲去都飲唔到招牌陳皮普洱茶 於是問下侍應 點知態度勁一般 話淨係地下個層先有 對於點解唔供應埋一樓係冇解釋 一句唔清楚就打發 再查詢就回答冇人手落樓下拎 但其實當時一樓只有4 圍枱的人客 員工亦都冇好忙的情況出現如果係本住想飲陳皮普洱茶的朋友預約時候都係記得要book坐地下 同埋預左要接受一般服務態度 以人均二百蚊一個人黎講 有待商榷

又貴又唔好食，啲阿姐又惡，啲人個個燥底， 問少少嘢就立即罵人，難食到爆完全不值這個價錢。 啲嘢食上得又慢，坐位又逼又窄,食物水平跟我在茶餐廳吃的素菜一模一樣， 但價錢就貴好幾倍， 所以我覺得一生人吃一次就夠了！

平日工作壓力大，今次就同男友帶埋媽媽去志蓮淨園洗滌下心靈，食下齋素放鬆下心情(影下相咁)咁大個人第一次食齋，上網見食評都唔錯，但衰在服務態度太差，都真係冇講錯既，真係差😂一日分幾個時段入場，我地book左12:00pm，未夠鐘已經有人係出面排緊隊，準時放人入場～設有最低消費$120.我地叫左一個是日套餐＋兩個單點。由於本人對齋菜完全冇認識，食左D咩都唔係太知，所以覺得好有趣，對食物又多左認識。以前覺得食齋會好多油，但呢度全部食物都偏清淡同少油，而且用料都好特別，都係個新嘗試身為食肉獸既我當然唔會食第二次啦，不過今次醉翁之意不在食，主要同媽媽閒遊一下，瀑布底下午餐，望下花草美景，掃走負能量

志蓮淨苑同荷里活商場只係一條馬路之隔，所以交通好方便，幾步既路程就可以遠離市區，今次嗌左個2人set同埋一碟小菜同點心，嗌set就可以試多啲唔同既小菜。🐒精選二人套餐B 💰$600❎是日素羹✅松露芙蓉(炸黑松露腐皮卷)✅香麻青瓜苗羊肚耳✅千絲黃油卷拼香酥脆鮮奶✅松仁子蘿球莖(咕嚕菇球🤣)❎牛油香草窩灼座頭菇❎藜麥松露露荀炒飯👉🏻因為都好多樣，所以就咁用✅❎表示推薦程度啦，野食味道普遍偏淡，食物質素都一般，試過就夠。🐒藕藤榆耳💰$98係除左松仁子蘿球莖(咕嚕菇球)外我最鍾意既一味，好特別既一款菜(爽口既)，都有少少酸既涼拌，好開胃。🐒金菇菜苗餃💰$43應該求其一間酒樓好食過佢….🤣。如果遠離煩囂，但又唔想去到好遠嘅話，我都推薦大家可以黎志蓮淨苑呢度洗滌一下自己既心靈，但食物方面就見仁見智啦😇

今日點咗兩個一人餐，各樣食物都不錯，特別係個白粥、湯、前菜青瓜花苗，好味。不用收茶錢、加一。閒日都坐滿人，一定要訂位，最好揀窗口位。今次點心賣哂，下次要再來一試。

今晚一衆善信用禪院鐘聲洗滌心靈，沿途琴聲、鐘聲夾雜著南無聲 ... 峰迴路轉，漸聞水聲潺潺，大水車後，齋菜館是也。先來個炸物雙拼，“酥炸海苔卷和酥炸宿香南瓜”，海苔卷用腐皮包裹着冬菇、水根、馬蹄、海苔，酥脆夾著蔬菜的新鮮，清脆爽口。相比下，南瓜就有點失色，只沾了點麵粉就下鍋炸，加上南瓜本來就是比較軟糯的食材，沒有海苔卷吸引。“𣏴念醬茄子”，有茄瓜、銀念醬、紅椒、麥纖，味道雖然香濃，但沒什麼特別。“松菌炆燒伊麵”，用了姬松菌、菜蔬和醬油，豉香濃郁，伊麵泡得剛好，還有咬勁，不錯。“鮮次實煮南瓜淮山”，汁有點像葡汁，帶牛油香，但比較淡口，不夠過癮。“菠蘿咕嚕麥纖”，有麥纖、菠蘿、酸蘿蔔和青紅椒，加個糖醋汁，想扮咕嚕肉，但這麥纖質感跟真肉差距太大，做不到中式素食「扮乜似乜」的神髓。“鹽焗竹根”，有竹根、芹菜芫茜，竹根切成一條條，口感和樣子都挺像海參，用錫紙包著，加了大量沙薑來焗製，香、濃，回味悠長。“金包豆苗”，豆苗新鮮、翠嫩，上面加了蟲草花的薄芡，顏色、口感與瑤柱無異，齒頰留香，回家真的要自己試一下。整體質素還可以，但其實沒有驚喜，不過菜單上的標價雖不便宜，但這裏不設加一，而服務卻一流，加上

「志蓮淨苑」係一個由細到大間唔中都會同屋企人去行嘅地方，但都係呢排先知道原來佢附近有一間幾知名嘅齋菜館而且質素唔錯，就係喺南蓮園池樹林瀑布下面嘅龍門樓。環境方面，當日因為早到，可以有靠窗位置坐，出面係瀑布流水景，都幾有意境，位置坐得幾舒服，不過就唔算得上好清幽，因為比較多人，不過就好乾淨同埋感覺幾典雅。呢度嘅食物全部均係選用新鮮食材，低油低鹽低糖而且無味精，所以味道健康得嚟亦偏向清淡。🔸陳皮欖醬蒸陳村粉：係今次食嘅唯一一道覺得偏重味嘅菜式。陳村粉蒸得啱啱好，好滑。陳皮欖醬味道非常濃郁，味道偏甜，如果唔喜歡欖醬味道嘅朋友仔未必會喜歡。🔸石菌豆腐煲：豆腐裡面煮得好嫩滑，菇味好濃厚，而且份量都幾多，芡汁幾香，係平時豆腐煲嘅少鹽清淡版。🔸素菜包：餡料係素菜，驚喜在個包皮，蒸得好軟棉棉又好夠熱👍🏻🔸香煎蘿蔔糕：入口有一絲絲蘿蔔同埋少少香菇粒，外層煎得香口，裡面就偏軟綿綿。🔸酥炸海苔卷 拼 香酥脆奶卷：兩款均係炸得脆卜卜之餘得嚟又唔會油膩，不過脆奶卷就唔係好濃稠奶味嗰啲。🔸石菌炒飯：唔算炒得粒粒分明，但用嘅米粒好煙韌，好有嚼勁而且石菌味道幾濃郁。呢度所有菜式味道都係相當平均，以清淡同自然味道為主，

今日原本打去訂位，無位就算我喇，我都未問問題就cut線！好無禮貌（女人聲）未去幫親已經咁嘅態度，唔覺得去到餐廳啲服務態度會有幾好。仲有咁多like，一啲都唔知係點做到。

今天 2/10/2021 (星期六) 和家人一共六大一小到龍門樓吃素齋晚飯, book枱時間六點, 用膳時間只有一小時十五分, 七點十五分要還枱, 六點到達開始點餐, 黑色西裝褸侍應遞上套餐餐牌, 游說我們點套餐, 當我們告訴她會單點餸菜, 黑褸侍應馬上露出不滿表情並用對講機跟對方說這枱不點套餐, 寫完菜, 我們要求覆－次, 她立刻拒絕說: 不用了, 稍後出張單你可以check, 大約七點, 我們還未吃完, 另－位侍應已急不及待遞上兩小碟水果 (重申, 兩小碟, 每碟四小片), 像要催促我們還枱, 七點十分黑褸侍應拿著帳單過來要求埋單, 怒氣沖沖的跟我們說, 這些水果是拿錯給你們的, 邊說邊起手拿走水果, 不理會小朋友正吃著水果, 我跟她說, 你們這樣計較那兩三片水果, 寧願拿走倒掉, 難道這就是你們做素菜的正確態度, 這黑色西裝褸侍應的服務態度, 又是否代表龍門樓想提供的服務, 實在令人失望, 難怪光顧客人一次比一次少!

千幾蚊一個套餐真係唔值，食過一次無下次首先，食物質素，每個菜既份量唔多，算少添。味道一般，尤其係最後份生果，每人得3件⋯其次係服務方面，我地食得快，50分鐘已經食完嗰套餐，嗰陣都未8點，見我地食完d嘢已經收曬d碗碟，跟住一個著黑色西裝既女侍應就主動叫我哋埋單，我睇上菜紙無我叫既小食，就俾左錢，佢比返張收據仲要摺左兩下，所以就無為意。返屋企睇先知佢漏單，無check清楚就叫我地埋單⋯食得呢個價錢，都期望有好d既服務同質素，千幾既套餐，味道一般，份量唔多，服務未見細心我覺得唔值囉。