龍門樓 - 志蓮素齋

营业中

休息中

素齋館，預先預約，每位最低消費$120，午餐時段分兩段時間。12點30分及1點30分。🍍菠蘿咕嚕麥纖（麥纖.鮮菠蘿.酸蘿蔔.青紅椒.糖醋）🌰松露芙蓉扎（鮮竹.黑松露醬）🫚腰仁三菇粥（石菌.舞茸.金菇.蘑菇.薑絲）🥕香煎蘿蔔糕（蘿蔔.冬菇.甘筍.粘米粉）總結：全部齋菜好味道，周邊環境好幽美。

朋友一直介紹這裡的齋菜，還說隨便點哪一樣都好味道，所以今日放工專程來嚐一嚐。由地鐵站走過來也很方便，沿路風景很舒服很清幽，讓疲累的身心可以放空一下，平靜下來。食物果然名不虛傳，就是隨便點也很不錯。1. 菠蘿咕嚕麥纖⭐️⭐️⭐️⭐️ 麥纖口感不俗，幾有咬口！2. 豆腐煲⭐️⭐️⭐️⭐️沒有大驚喜，但是味道是不錯的！3. 雲吞 ⭐️⭐️⭐️⭐️⭐️意料之外的好味，內裏薑粒很吊味，餡配搭不錯！4. 芝士蛋糕⭐️⭐️⭐️味道ok,但個人來說偏甜5. 合桃露桃膠⭐️⭐️⭐️⭐️⭐️點可以整得咁滑？好味道！推介一定會再來！👍🏻👍🏻👍🏻

經常來志蓮淨苑拜佛，有時也會光顧這裡的齋飯。選擇窗邊的位置坐下，可以看到外面的水瀑布，點一些素食小點心或是單人套餐，慢慢的靜下心來，品嚐齋飯的味道，也是一種修行🙏

同朋友們一行4人去左志蓮淨苑食素菜，叫左4人餐好抵食👍🏻想假日黎食就要早啲訂位🤗如意羹一大鍋，4個人食都好夠食😋廚師都好好，切到食物好幼細，口感好好😌炸奶卷好好食，外脆內軟👍🏻炸南瓜香甜好味道

位於南蓮園池裡面有一間好好味嘅素菜館，齋菜非常清淡，但係烹調方法好好，就算係炸嘅食物多唔會油膩!推介蒸飯套餐-是日素羮-丹荔菌蒸飯-時菜菠蘿麵嚕麥纖上湯舞茸浸青瓜苗全部都精心調配，好好味，喺可以不停回訪嘅素菜餐廳。

早前同公司同事一齊去食齋。龍門樓唔單止環境優美，而且嘢食好味，賣相又好好。我哋平時都好少食齋，嚟左之後就改變了對食齋嘅睇法。因為唔單止賣相靚，而且好好食。今次仲係餐廳度身訂造，所以很出色

預約12點食午餐。來到已經人山人海。好在有預約。點了一人套餐。有明火靚湯 、是日前菜。胡椒繡球煮勝瓜-繡球菌嫩滑爽脆，勝瓜清甜爽口冇渣。側耳鮮竹蒸飯-竹筍切粒和飯一起蒸熟，每一口都有竹筍的清香。整個人都refresh 了。另外還選了:松茸砂窩粥- 砂窩粥份量很大，煮得很綿軟滑的。四個人食，每人一小碗。松茸丹荔鮮竹蒸飯-松茸賦予了米飯濃郁的香氣，丹荔的甜味與鮮竹的脆嫩相輔相成，營造出有層次的美味。菌蓉腐皮香煎蘿蔔糕-每一口都有菜料，還有淡淡薑汁味。感受到廚房對每道菜式都是用心製作，一絲不苟。黃油金粉燴豆腐- 豆腐柔軟豐潤，黃油金粉，令這道菜增添華麗感和視覺的吸引力。藕苗炒黃油菌-藕苗爽脆，藕苗是比較少見的食材。配上黃油菌清爽美味且平衡。15年陳皮紅豆沙-每一口都有陳皮香，吃得出是花了時間心思用時間煮，一點也沒取巧。有趣發現，差不多每道菜都有薑。

每次去九龍灣志蓮淨苑…都會去呢一間素食館度食嘢…坦白講，一啲都唔平但係次次都高朋滿座😅😅😅睇餐牌食物食材，雖然係幾精緻…不過真係幾貴以前佢有呢一個嘅素食午餐一人前…起碼有四個小菜仔…雖然細細碟但係都好精緻…但係依家一人錢要$178而且小菜少了好多…我就覺得唔係好抵食所以我決定散叫我叫咗個普通嘅星洲炒米….冇乜特別，不過好大碟另外叫咗一個芝士香草卷…都幾好，味脆卜卜…有起絲添一個人閒閒哋食都要$200 以上架…不過都叫做坐得舒服嘅

位置處於"南蓮園池"内的餐廳"志蓮素齋"，周遭環境一流，沿途行就像被多款特式樹木，小橋流水包圍著，使人心境非常愉悦，更有不小外籍遊客慕名而來--- 五福拼盤 (小) --- $160紅菜頭沙律醬燒菌紫金藍醋粉皮風味碧玉香麻海苔麵根--- 香麻羊肚耳青瓜花苗(半份) --- $68羊肚耳青瓜花苗花椒辣醬--- 地衣牛肝菌白玉炒飯 (半份) --- $98地衣藻牛肝菌白玉菇鲜竹松子白飯--- 自選兩款炸物(每款四件) --- $120左: 酥炸海笞卷腐皮冬菇水根馬蹄海笞右: 香酥奶脆卷麵包牛奶糖

🌷🌷🌷結婚周年慶，一定要食餐好嘅素食來慶祝🎊🎊🎊 仲要地方濶落，客人人數比較少，可以享受一個寧靜晚餐的環境 🌷🌷🌷自從去咗新蒲崗返工，非常開心周圍有咁多素食餐廳。好自然就會揀志蓮素齋之龍門樓😘😘收工行過去，途經黃昏時份嘅志蓮淨園，景色優美怡人，在繁囂鬧市中的綠洲，一舒日間工作的無形壓力 😆😆😆 每棵羅漢松也花上心思及時間做修剪，十分齊整，自然是拍攝熱點 👍🏻👍🏻來到龍門樓，敵不過它的小瀑布設計，好像進入了小山洞中吃晚飯 😄看到其他食評，點咗啲熱門菜式：五福拼盤1）紅菜頭沙律2）醬燒菌3）紫甘藍醋粉皮4）風味碧玉5）香麻海苔麵根合掌瓜紅腰豆湯翡翠百福袋 2件菠蘿咕嚕麥纖香草芝士卷 4件招牌陳皮紅豆沙吃得好開心好滿足😌下次吃啲我喜歡的食物 😆😆

說來慚愧，咁大個女先第一次去志蓮淨苑，但去完就明白點解會係旅遊景點。除咗到佛寺參拜之外，仲可以參觀大型嘅仿唐建築群打卡影相，更加有齋菜食😛不過由於見到志蓮素齋門口貼出請勿拍攝嘅告示，所以入餐廳就冇再影相，只有文字記述～容許我今個Post圖文不符🙈▫️五福拼盤　小$160有紅菜頭沙律、醬燒菌、紫甘藍醋粉皮、風味碧玉同香麻海苔麵根，調味大多係酸微微好開胃，全部都幾好食！最有驚喜係風味碧玉，原來係青瓜苗，第一次食覺得個口感幾得意😳有啲似變咗絲瓜（？！）未食過都值得試吓！▫️酥炸海苔卷拼香草芝士卷　$120雙拼每款各有4件，海苔卷似炸過嘅脆皮腐皮卷，芝士卷口感比較油膩，味道亦淡，冇乜芝士味🫠▫️地衣牛肝菌白玉炒飯　例$148估唔到素炒飯都可以咁香！啲飯粒粒分明，雖然唔算太乾身，但混合松子、菇菌同瓜粒口感豐富，份量亦夠兩個人食😎總結！餐廳環境靜雅，望住出面嘅水車磨坊好似置身水廉洞咁。雖然價錢略貴，但係係洗滌心靈之選，值得嚟參觀時順道一試！⋆ ⋆ ⋆ ⋆ ⋆ ⋆ ⋆ ⋆ ⋆ ⋆ ⋆ ⋆喜歡以上内容歡迎到IG👉🏻gowithkaki睇更多分享🫶🏻🫶🏻🫶🏻

素食者朋友講起出街食齋，最不喜就是去那些將素食扮非素食的餐廳。齋就是齋，何苦要將齋菜弄成酒池肉林的模樣。我本身也喜歡吃素菜，但沒有朋友這種堅持。對我來說，好吃便好，餐廳用些形態作招徠也是生意之道。知道這位朋友的喜好，便請他到鑽石山志蓮淨苑對面的南蓮園池裡的志蓮素齋試試。我不確定志蓮素齋是否由志蓮淨苑管理，但在淨園的範圍，餐廳出品當然不會過份流於表面。這裡素食實際亦足夠華麗，而且餐牌食物選擇之多，絕不是去一兩次便能全數品嘗，可以說是每一次去都有驚喜。他們有「飲茶」式的點心，又可以像「叫餸食飯」般點菜，不同食材不同烹調手法的食物款式層出不窮，不會因為是素菜而甚麼出品都是類近的味道，以我吃過的素菜餐廳來說，這裡算是最精采、最多變化的一間。秋涼時份，飯前暢遊志蓮淨苑，飯後於南蓮園池散散步幫助消化，這個城市中的綠洲，是洗滌心靈的好地方。

我第一次去志蓮淨苑同南蓮園池，估唔到响鬧市中會有咁古色古香嘅地方，好似穿越到唐朝一樣。我哋四大一小，一行五人專登嚟食素。我哋點咗：菠蘿咕嚕麥纖香煎蘿蔔糕素菜包芝士香草卷香菇菜苗餃金孢籽扒時蔬個菠蘿咕嚕麥纖嘅麥纖仲脆嘅，吸咗啲酸甜咕嚕汁，好好味！差唔多係我一個人清晒！個五福拼盤點咗個小嘅，都食唔晒，份量好足！不過其中一個朋友可能係無肉不歡，食極都唔飽，我哋之後去Happy hour仲要點多份雞翼食🤣🤣🤣🤣🤣

鑽石山深度遊-龍門樓 - 志蓮素齋咁多年黎黎過鑽石山咁多次，都未曾參觀過南蓮園池😅入面可話係城市中綠洲😌同後面嘅高樓大廈形成對比，有時間都可以參觀下😂得閒食下齋都幾好今次試左入面既龍門樓，古色古香，環境清幽，點左：黃耳薑醋：豬腳薑嘅味道😂感覺好得意滋潤蓮藕湯: 好有家的感覺😜真材實料，無味精架酥炸海苔卷 & 香草芝士卷: 加錢轉左雙併😂2款都唔錯，炸到好香脆👍🏻翡翠百福袋: 入面包住齋，包得好精緻

父親節這天剛好是農曆初一，因為丈夫有初一十五吃齋的習慣，所以就特意在OpenRice找到這間餐廳。看見這麼多好評就想着去試試。泊車後走進南蓮園池的確環境優美係打卡的好地方。走進餐廳裝潢一般般，環境光猛還在瀑布旁邊感覺還不錯。我哋只得三個人就只叫了幾個小菜。訂位的時候服務員跟我說每位最低消費$150。我們點了海苔卷併炸南瓜、燉椰子湯、菠蘿咕嚕麥纖、碧玉如意角和麻辣牛肝菌藕片豆腐。除了燉湯和麻辣牛肝菌藕片豆腐有味之外，其他都冇味。我真是好好奇為何OpenRice上邊的食評全部都說他們的齋好好味。我自問因為健康問題，平常都食得很清淡並且不能吃濃味的食物。但是這家餐廳的食物，我的確覺得是沒有味道。不只我自己，連我旁邊一同來吃的同伴都是這樣的感覺。平常初一、十五的時候都會特意走一間吃齋的餐廳，但是老實說如果這個價錢有更多更好選擇。