龍順軒海鮮酒家

营业中

休息中

一盘青菜都油腻，服务员脾气差死了，叫她上5碗饭，然后我们还想再来一碗，她就说：要什么一次说完好吗？麻烦死了。我也是服了这玩意。鱼很像上一天别人没吃完就拼起来的部位。服务不行，菜也不行，请大家自己衡量清楚要不要去那里吃。

今天假日点了正價干抄牛河，送到像茶餐特價细碟牛河，份量少，牛肉得3小件，又干又難食，埋單一位茶連加一80大元，服務差，冇下次，奉勸大家三思才可幫襯，以免浪費金錢時間。

以往會來吃是因為覺得這裡CP 值較高，即使疫情時都會去幫親，味道也不差，服務都還可以。但現在可能疫情轉緩和，開始有"唔休做" 感覺。 有次叫粉絲雜菜煲，因不想有太多粉絲而變得太少菜，想走粉絲，就嘗試問一位做了比較長年資的口音不太順正的女侍應可否作出這樣的更改。侍應回覆是可以的，也在單上打入了（走粉絲），但當餸菜送上後，發現粉絲亦現在，便找回那位幫忙落單的那位侍應，侍應便回覆：「不關我事的！不是我入單的！我已經要求入單的同事打入走粉絲！」但因為不想浪費食物，我們便繼續食。而那位侍應便黑面離開。 到今天，我們再度幫襯，今次又是那位女侍應幫我們下單。我們下單後等了20分鐘，餸菜沒有送上，也沒有單據送上，我們便再找那位侍應詢問，她答：「不關我的事，入單的不是我，如果不信你可以走到櫃檯問下。」然後就黑著面走了。未幾，當我們一邊吃飯，一邊聽到那位女侍應向我們附近的一檯客人"吐苦水", 說自己沒有做錯事，錯的是我們心急。作為一個侍應/服務員，自己做錯事對客人一句道歉也沒有，只懂推卸責任，最討厭的是在客人背後講他們的不是🙄這家酒樓的老闆應該要好好管教一下你這些垃圾到不行的員工。

有一段時間沒有來了，發現餐牌的沒有加價反而減了價錢。粉絲什菜煲，有生菜，菜心，白菜，雜菌，粉絲，魷魚。沒有因為價錢平了而偷工減料。味道鮮甜，每次來都會叫這道餸菜。椒鹽鮮魷，魷魚不會好un ,容易咬開。椒鹽味可以多一點。鹹菜豬肚雞煲，沒有蘇味，湯底清甜。豬肚爽口，美中不足的是雞的份量比較少。腰果西芹炒蝦仁，腰果香口，西芹比較嫩不會有渣，蝦仁爽口彈牙。屋村商場酒家來說，性價比高。

話說有親戚住彩德邨，當日本身諗住係淘大食中秋飯既我地因無法去淘大，所以選擇左親戚屋苑茶樓度食中秋。成個彩德邨只有佢呢間茶樓，所以只做附近幾個屋苑佢地都夠晒客源。門面同店內睇落都幾大、幾乾淨。當日只有中秋節餐牌，不過比其他茶樓既節日餐牌選擇算多架啦。脆皮燒腩仔個燒腩仔幾好，仲暖暖地，d皮真係好脆，好食。其實本身份量多d架，不過食左幾舊先記起要影相。玫瑰豉油雞隻雞都好食，唔會太咸，不過入味。北菇紅燒豆腐中式牛仔骨海味雜菜煲比想像中多菜同粉絲，唔錯沙拉骨唔係好多舊，不過都ok南乳粗齋煲粉絲反而比個雜菜煲少，同埋勁多支竹，其他配料少豉汁蒸黃立倉上面個pat豆豉簡直咸到想死，又重味精味，食完不停叩職員加水總結黎講佢d燒味係好食，不過小菜就差小小。

成個彩德邨得呢一間酒樓,所以一到節假日都好多人。今次假期特登晨早去,人少d,而且9點半前落單仲可以有優惠添.😂今次點左山竹牛肉球,蟹籽燒賣皇,排骨蒸腸粉,鮮肉馬蹄餃.味道都5錯,感覺比之前好吃左.下次都會再去吃.不過服務員的態度就仲有提升空間了.

見今日得閒 同屋企人去飲茶 點知去到個經理同員工已經態度極差 好啦經理帶我地入去 明明全部都係空臺 坐得人 點知 張張臺都話唔坐得 跟住等左陣 竟然要我地搭臺 講真搭臺唔係問題 但明明現場空臺多過有人嘅臺 都要我地搭臺 有無搞錯 好明顯係員工懶 所以唔想執臺 打開門做生意 邊有咁懶架 唔想做就唔該辭職 本身都去開呢間食 員工態度一向都好惡劣 今次真係忍唔到 所以最後直頭唔食走人講真食物質素 又唔係話特別好 而員工態度咁差嘅話 真係好趕客 如果有任何高層見到呢個留言 麻煩教下班員工或者直頭炒埋佢地 唔係你地只會白出人工比呢班懶惰嘅員工

呢間屋邨茶樓雖然點心味道唔算好食，但都依然有好多生意🙈地方夠大，價錢適中，可能就係佢依然有咁多客人既原因😹鮮竹卷每次飲茶都會叫的一樣點心，味道不錯，不過略嫌小小鹹。齋腸腸粉太淋，太厚，唔算好食。春卷😋春卷可能係炸野，所以味道唔算差，內有蝦肉和其他配料，食落口感都幾豐富，好蘇脆。👍🏻👍🏻👍🏻炒飯都算粒粒分明，幾香口，可接受。👍🏻👍🏻栗米餅😋不過炸得太勁，外表太硬，內餡豐富。👍🏻👍🏻燒賣係必食的點心之一整體來說，點心味道普通，間唔中食一次就好😂

這家酒樓是彩德邨唯一的茶樓，所以是獨市經營唔憂做。但是正如其他食評提及，這家酒樓的員工態度惡劣，反客為主，喜歡呼呼喝喝，當作自己是皇帝。我同家人去飲茶，其中一個侍應叫我坐埋張台有寫住“X生留位”。我問，唔系比人留位嗎？個適應話：“叫你坐就坐啦咁多野講。”我當場呆曬！坐低無耐，有個適應過來上茶水，叫我們搬開兩張凳，話有人經過。我都唔知發生咩事，叫六人檯當然要六張凳，搬開兩張咁D人去坐邊？我媽媽話：有人來緊；個茶水適應又無好氣話：搬開張凳啦。我媽媽跟她來回爭持幾次，她才離開。我系幾年先來來這家茶樓吃野，態度惡劣度我反應唔過來。而體得出唔系一個兩個員工問題，而是成家茶樓的人都中意挑起事端穩野鬧客人。扮澳牛啊？貼錢買難受就是這個茶樓的正名。以！後！都！唔！去！

本人係呢間不知所謂既酒樓叫燒味飯 30蚊雙拼飯 我只要叉燒 在收銀處 收銀員也沒有說明 不能夠單樣雙拼 其實你收雙拼錢 要一盒雙拼叉燒飯 比得果6舊 真係不知所謂 好的 當我同個燒味師傅講 我個飯盒係雙拼叉燒飯 佢竟然第一句係話 我做左呢行30幾年 從未聽過有人雙拼只叫一樣野.好拉 你洗完手先整我個飯盒都唔緊要 你洗完手啲水飛哂去我個飯到 你想個客人點食？叫個經理過黎.佢竟然係同個師傅講 比多幾舊佢啦 然後就走左去招呼第二個人 完全冇負責事情 一啲責任心都冇 就算係做邨屋既經理 我都希望你做好自己既職責 唔係敷衍客人就算 呢間酒樓 無論 經理 員工 態度相當有問題

$138火鍋放題，相信此價格邊到都搵唔到。*在這我想重新一下我的飲食期望-以小博大，即以平價爭取最長用膳時間及最大食量。此店有段時間沒有火鍋，今天試試打電話一問，原來火鍋又回來了！火鍋選了淸湯/沙爹，點餸紙內食物都多，但有機會出現你有你點，佢有佢出食物情況。在平價冇要求的情況下，我接受。基本上大部分肉料冇肉味，唯一可選的是蝦，大隻有蝦味。今期豆腐都好食。而我最推介的是這𥚃的糖水，今日係紅豆沙，綠豆沙。平時茶樓的糖水，水汪汪，質素低劣，但此店的出品很有水準，起哂沙，豆又大，任添。說實話，我是衝著碗糖水而來！

依間龍順軒位於彩虹同牛頭角之間，可達商場嘅馬路只係通往彩德邨同彩福邨嘅一條掘頭路， 可以夠膽講呢間酒家就只係做呢兩個邨嘅生意。依間酒家响兩三年内已幫襯過好幾次。屋邨酒家自然都係大路燒味小菜。第一個菜就係特價菜清蒸龍躉仔$58，雖然今次條魚蒸老咗，不過骨唔多，啖啖肉，味道都唔差， 明顯係食價錢，海鮮喎！菜心炒牛肉，菜心還可以，牛肉就得鬆肉粉味，志在有蔬菜食吓咁啦。燒味雙拼，超好彩，廚房畀雞髀油雞味道就一股燒味店水準；叉燒就可以讚吓，幾年内響度食過咁多次都可以保持美味水準。肉質鬆軟，肥瘦適中，既有肉香又有脂肪香，鹹甜調味又剛剛好，是晚一路食一路眼見不時有邨民到燒味部外買，相信依個叉燒一定留咗唔少依兩個屋邨嘅街坊捧場客。是晚例湯，佛手瓜豬骨湯，粤式老火湯。除咗油多咗少少，無其他投訴。三餸一湯有海鮮埋單$359，份量其實夠三人食，所以大部分叉燒被打包，足夠一個人食多餐。

去過幾次，有一次去食燒鴨粉！碗有隻蚊第二次去服務人員態度惡劣，未食野坐係到叫男人開滾水！又唔開（似足唔係佢負責做野咁）第三次去漏山竹牛肉，ok！算到第四次去走漏左二份點心，叫碟腸粉！都未黎，之後差不多收先黎話改食其他腸粉

今日去飲茶，啲野食係唔錯既，除左碟豬肚好唔入味之外，其他係ok的。但個收銀員工既態度真係好有問題，自己一路同客人傾計一路收銀，卒之找錯錢俾我，叫我俾返錢俾佢果陣仲西我面，好寸咁講：你要俾返30蚊我。錢我就一定會返嫁啦，但洗唔洗咁寸呀，一句sorry，唔該都冇呀！個員工真係痴x線嫁！！！

食物 裝修 服務三方面均屬中上的屋村酒樓 5月時友人晚飯請客，本人試過此店的燒味併盤、蒸魚、龍蝦伊面及其他精美小菜，以屋村酒樓來講實屬不錯之選，並非彩德居民的我決定特意再到此晚膳。再訪當晚乃星期五晚八時左右，不算多人，有晚飯小菜或火鍋供應，因有意品嚐小菜所以沒選火鍋。裝修格局屬一般屋村酒樓，但座位寬敞舒服，佈置傳統但感覺環境氣氛很溫馨。餐具用料質感踏實不花巧，菜式餐牌清晰易明。當晚點了以下精選菜式：油鹽水伴吊桶仔：吊桶仔屬一般貨式，但神來之筆卻是油鹽水伴的粉絲及爽脆唐芹，令味道提升不少。清蒸沙巴細龍躉：肉質新鮮，蒸得剛剛好，不老不韌，蔥花豉油味道不搶魚肉鮮味，伴飯一流！肉鬆炒四季豆：肉鬆有少少豬油香味，四季豆炒得爽身不油膩，簡單卻是廚師功力之作。北菇扣鵝掌魚肚煲：北菇及魚肚貨式中上，選料不馬虎，鵝掌炆得入味易吃，味道不會過濃。該店部長及侍應們勤快健談，比起大集團食肆，這兒的屋村人情味較濃厚，但招呼不馬虎，當蒸魚上桌時還細心地為成品淋上豉油。絕不因獨市生意而得過且過，十分難得。